علي بويه
علي بويه
••••••••••
علي من اشتاگلك بالضيم جفوفي وحضني يردنك
يالمستطرق اعله الموت هو انه اشفت منك
عگلي يگلي خل ننساه وگلبي يغثني بالفنك
حتئ وگاعد اكبالي من اديرن وجهي افگدنك

هواك العامر ابريتي
مزاودني اعله عافيتي
رحت بس من رحت عني
يابيتي انهجم بيتي
•••••••••••••
علي بويه
علي بويه
••••••••••
شصيحلك بعد وتگوم فزت حتى موتانه
التسعمية وألف هينات اليعور جرح المتانه
علي خذني ارد اموت وياك اضل المن يبعد انه
بكثر ماطشرنك خيل اشوفك غاد واهنانه

بس خل الگه طولك عود
اركضلك ركض هادود
واشمك حد طلاع الروح
واخلص منك من تعود
•••••••••••••
علي بويه
علي بويه
••••••••••
علي مكبرني يزغيرون شده وعازتك شده
بنص ربعي وتگلي الناس ضل مدوهن لوحده
اريد اتخاير ويالروح بيه الميت شعنده
جاغير اليموت يموت مو كلساعه ونفگده

بيرد سكت الينشدون
مو هين واگول تهون
هل مره اعله ابن گلبي
يدور اعون اخوها ام عون
•••••••••••••
علي بويه
علي بويه
••••••••••
الهضيمه بالتزامط بي خلگ الله يعيرونك
ولو رايد تغث مهضوم غثة بجلمة شلونك
عمر خلصته مامعتاز هسه اتحسر عيونك
يماي لكل گلب مشلوع نعطش من يعطشونك

حزام عليه متحزمين
وتالي اتفقو الصوبين
السيف ارحمله موبالسيف
بل اكبر خل يموت حسين
••••••••••••••
علي بويه
علي بويه
••••••••••
بالصحره ونسيت الماي من سولفتك بدربي
من كونك درب للخيل جا لو ادري ماربي
من حضني الحوافر بوگ باگت راحتي وتعبي
يالمجملني ضيم فراگ فوگ الضيم البگلبي

شنهي البيك ماصاير
شخله بصدرك الحافر
البواچي الضلن من اليوم
الك زتيتها الباجر
•••••••••••••••••
الأقل :: علي الشامي ....

https://youtu.be/UieCIpiEIK8?si=_Zrzqlz-YO7vOJ8z

YouTube

خلصت الناس الحنينه | الرادود حسام الخفاجي | مجالس هيئة عشاق الحسين

قصيدة || خلصت الناس الحنينه  || • الرادود || حســـــــام الخفاجي • الذاكر || ســـــــجاد الـصريفي • المكساج | كرار الشاهري • المونتاج | سيف صباح البديري • التصوير • حسين علي الصريفي • باسـم حمـود الركابي • سـيف صبـاح البديري مجالس مشاية الكاظمية ١٤٤٥هـ…

خلصت الناس الحنينه
تفارگينه
تفارگينه
••••••••
اريد اوصيك بوصيه وافتهم من عندي زين
دير بالك عالتحبه الموت شامت والحسين
الحلوه من نلتم سويه الموش حلوه مفارگين
والحنين تكتله روحه شمايحط روحه بحنين

الغربه لاتعتب علينه
خلصت الناس الحنينه
تفارگينه
تفارگينه
••••••••
الدنيا مابيهه اليحبك لاتحب بمشتهاك
ضم شكو بروحك محنه وسولفلهم مستحاك
لاتخله يشوف گلبك من تباوع للوراك
خله بس لحسين خاطر محد يلوذ بسماك

غير خدمتنه شبدينه
خلصت الناس الحنينه
تفارگينه
تفارگينه
••••••••
انت بيه ومامطلعك ياعشگ هيمني بيك
وانه موش بكيفي اعيشن من اديك وهم لديك
ارد اصوغن روحي دمعه وعين گلبي يصب عليك
وگبل لا احبك احبك غيرهه شعندي من اجيك

بس الزياره اشتهينه
خلصت الناس الحنينه
تفارگينه
تفارگينه
••••••••
من عطر شباج گبرك صار بيهه الدنيا هيل
مبين ومحد يضمك ياضوه الله وكلشي ليل
وتمرض الوادم وتصحه شما تحلفك بالعليل
مبارح الناس لتحبني ومعتني لضيمك دخيل

مــايكفيـلك بجينــه
خلصت الناس الحنينه
تفارگينه
تفارگينه
••••••••
حبل حطني ومو بديهن ارد اجلب بالخيام
يا تعب شوگ الرسايل والعشگ والماينام
گالو يطردك واذمهم وابقه اسولفلك غرام
شلون تطردلك بنادم وانت متلگي السهام

من الله طلبه طالبينه
خلصت الناس الحنينه
تفارگينه
تفارگينه
••••••••
علي الشامي ....

جاهلبت نلاگيك ونروح
••••••••••••••••••••••••
تمنيتك تهد للنساوين
بگد ماصحتلك وين ماوين
يهواي واكثر من الهواي
بس راس منك ضال يحسين

تعبانه   يحسين گتلك ماگلت
            تردلهه زينب لومتت   تعبانه

عطشانه    واندارلك جربه ونهر
               وتلولح بجفك گمر   عطشانه

رگبتك عدله السيف مذبوح
جاهلبت نلاگيك ونروح
••••••••••••••••••••••••
حطني اعله راي حسين حطني
يابزر گلبي وشيب حضني
ماريد منك كلشي بس گوم
ركبني ولبيت اهلي ردني

بلارايه   يحجايتك رايه وستر
             للمثلك يموت الصبر   بلارايه

يهوايه   بس مالت الله من السحگ
              مطشر وهم تنعشگ   يهوايه

گمت افك ريجي عليك بالنوح
جاهلبت نلاگيك ونروح
••••••••••••••••••••••••
كاسر خواطرهه الخواطر            
تحنت بدم صدره الحوافر
گلت اعله باجر يجهب حسين
وهم مثل امس تگضي يباجر!

تانيتك   بطرگ العيون الذبلتهه
            زينب عزيزه وماخذتهه   تانيتك

تمنيتك   نلتم فرد لمه ونشبگك
             مو حافر ابن امي يسحگك  تمنيتك

كل هاذ وانت لهسه مطروح
جاهلبت نلاگيك ونروح
••••••••••••••••••••••••
مــربيته المــربيلي عله
ياگلبي نام ابن امي خله
موكله الحسين من احاجي
وينشد عله ابنه الموش كله

معقوله   ثاري الذبح نساا وليده
             مايدري گبله انحز وريده   معقوله

مشكوله    ذمته اليذبحه ومادرينه
                موجنه تونه مگابلينه   مشكوله

موعيشه هاي تخلص جروح
جاهلبت نلاگيك ونروح
••••••••••••••••••••••••
يحسين ياخلي وصديجي
ويانگلت جدامي وطريجي
ابيش ارتوي والماي مذبوح
عطشان گلبي وموش ريجي

شمتانيه   ولي هسه ماميته يروحي
                وثگال ماخفن جروحي    شمتانيه

شمتانيه    واتنطر بميت يجيني
               وتتلفت اعله حسين عيني  شمتانيه

هو اليتاني يعيش مفضوح
جاهلبت نلاگيك ونروح
••••••••••••••••••••••••
علي الشامي  .....

بس انت والكل مالهم داعي
"""""""""""""""""""""""""
ضميت شوگي سنين وسنين
وبدّيته يــــم بابك يالحسين
يل مـــا ترد اليچهب اعليك
ولاتنشد اليگـــصدلك منين

بس هـــــــاي چا جندوب اگلك
وبــــــــس ياگلـب مذبوح خلّك
شما حط جرح فوگ الگصن بيك
اتگلي فــــــــــــدوه وطايحتلك

ياخطوة الله ودرب بالمشايه
ويمطشر ويهوايه
وشوگ اليحب
مامش هلا تكفي لمضيف احزانك
ينبض نبض ديوانك
مثل الگلب
فرغته الك گلبي وحواسي وكلشي
وتاخذني الك من امشي
راحة التعب

انته الوحيد الحرك اشـراعي
بس انت والكل مالهم داعي
"""""""""""""""""""""""""
يقدس ذنــوبه المنك يتوب
يافــــرض من الله وللگلوب
سلطان للــــحب الله خلاك
وبلايه وجهك ضلمه الدروب

ياچلمه بلسان الينشدون
وياكحل ومجلب بالعيون
حتلو ادور مامش حسين
مابينه كلش عابس وجون

ماتلگه يحسين اليدگلك صدره
محد يقدر العشره
بهذه الوكت
البينه ياهو البله تارس عينك
مامش مثل سبعينك
من باوعت
بس عله الاقل خدام خلنه بموكب
وبالـ يعتنيك انجلب
فدوه شگلت

نحرك رساله وكل ذبح ساعي
بس انت والكل مالهم داعي
""""""""""""""""""""""""
وهواس راسي سوالفه بيك
يحـــرگني ويبردني طاريك
مـابين العيون التوج شوگ
كلساع ادور حـــته ابجيك

يا صـوره حلوه وشدهت البال
اخذتني كلي واخـــذت الضال
تايب اجيت اقبلني هــــم حر
وشدني بسناسل موش بحبال

ياريع گلبي وشلت كل همومه
روحي التحب مالومه
بيك احترگ
عقلي القفل كل امنياته عيونك
احسبني خادم جونك
خادم صدگ
افتح دليلي وترسه بس بجروحك
بالحب صرت مذبوحك
وبلوه العشگ

حبك صحيح لكل بشر واعي
بس انته والكل مالهم داعي
"""""""""""""""""""""""""
خليني بـــــس اتقرب احذاك
ماعندي صاحب وامشي وياك
دورة عيونك مـــوت احس بي
والموت اشــــوه ولا مجافاك

مو خوش بس سـويتني خوش
واسمـــك كتبته بأول الحوش
اتمنه اصـــــيرن ماي يحسين
وكـــــون بدرب زوار مرشوش

انسحگ لاجلك وانته تعرف نيتي
ياحرز انته ابيتي
شلتك وجع
ياريت اموت وانته تحضر موتي
وبالگبر تسمع صوتي
واهمل دمع
چا هـــاي اتمناها وانـه بگبري
هاي هيه ثمرة عمري
بيوم الفزع

وبالگبر لاجلك تطلع اوجاعي
بـس انته والكل مالهم داعي
""""""""""""""""""""""""
مشترك
عزيز المياحي.....
علي الشامي.....

مثل گلبك ما لگينه
گوه تنحب مو بدينه

من اشوف ضلوع تتلگه الحوافر
اكض احلامي واشمرهه عله باجر
انه الكلشي مايندل ويندل بيك
ما طالع الباب وبيك اسافر

ديرهه عيونك علينه
گوه تنحب مو بدينه

يبخت الله التجازه ومانجازيك
شمسنه تغص ضوه من تباوع عليك
جي نتلاگه بي گمت اعشگ الموت
واضيع الخلگ طيف من ارد الاگيك

بينه عنك دورينه
گوه تنحب مو بدينه

اطردني وتعال احسبهه بس كون
ابجيلك بجي بضهر اليموتون
لو مااعمي عيني التلهث عليك
شنهي الفايده من تضل العيون

بقبلت عيونك مشينه
گوه تنحب مو بدينه

اشمك وشهگ وهم ارد اشم بيك
وانزع ثوبي من كل عقلي اغطيك
اتمرض اذنوب من العطش للشام
وطواري العافيه تمرني ويطاريك

يالتارس الدنية بونينه
گوه تنحب مو بدينه

ضهرك والگمر يتگطرن حساس
مالن جي وگع عالنهر عباس
من عطرك استنكه الله العطر غاد
جازي عللورد والهيل والياس

وجازي خيرك يبوسكينه
گوه تنحب مو بدينه

عابس لاحكه عشگك رغم ماليل
گلبه أسود وعطره يسولف الهيل
وراسك باجر يشيل الرمح فوگ
ويركض ضلعك ويسحگلك الخيل

عليك عابس عاشگينه
گوه تنحب مو بدينه

علي الشامي ....... تمت ٢٠٢٠

زينب   من الفشل مادورتكم
زينب   مالهه احد رايدتكم
جندوب ادور بالصواوين
عدلين لو يحسين ميتين

مودع الله   رايحه ومو لوليه خلافك انه
مودع الله   يكسر الخاطر ضعنه التعبانه
مودع الله   ياجبير لمانحط شي بمجانه

عرضت الخوه وجيت يمك
جا عيني وخليني المك
من كثر مامطشر حسين
حتئ من اسدن نفسي اشمك

خويه  مشلوع گلبي عليك فضهه
خويه   لو موت لو مدري شيحلهه
ابين الزلم كومه النساوين
عدلين لو يحسين ميتين
***  
شلون حيره   ياوجه مومالت يلوحك گفانه
شلون حيره   موش جفك جف اليذبحك خذانه
شلون حيره   وياوكت الحسين ضل نايم ورانه

اندارك ويعتني شوگك
ياموت من عندي يبوگك
بس مااتحمل والله يحسين
ادوس الحوافر كلهه فوگك

جيتك   رت اميلهن واعوفك
جيتك   وانت بس عليه خوفك
شلونك يكلش ادري مو زين
عدلين لو يحسين ميتين

گلي خويه     ماي مادورنه وندور مروه
گلي خويه   عليك زينب لاتعز جلمة الخوه
گلي خويه   حتئ اگولن عاش هوه ومات هوه

يتعب الذبح يشبه طواريك
جا شرد اروف من ارد الاگيك
بسك تأشر موت ورتاح
من بعيد اشمك واركض عليك

دخيلك   زينب لماعدهه غيرك
دخيلك   ميت وينبض ضميرك
تهضمني جلمة زينب منين
عدلين لو يحسين ميتين

هاي هيه    نعطش عيونك يالمعطشنه موتك
هاي هيه    بس رمح وتباوع ومامرنه صوتك
هاي هيه    ياابوي وانه جنت اغله من اخوتك

يالكلشي عندي وكلشي مبيوگ
وحتئ المحنه مفارگه النوگ
بس الله شاف ام عون جاليش
كله عله شوفي محزم السوگ

وينك   فز يالمعدل السوالف
وينك   لتمت علينه الطوايف
وفتر ضعنه عله الدرابين
عدلين لو يحسين ميتين

عاذرينك   ياتعبنه لمايفض ياكلشي بينه
عاذرينك   مانعاتب غرب موش حسين اخينه
عاذرينك   ياحنين لهسه ومداري الحنينه

يحسين من گالولي مذبوح
منهه ومشت وياي الجروح
ولميتهن بالخيمه يحسين
وعليك ننعه بصوت مبحوح

حيره   وباجر يذبني عله باجر
حيره   وياك توجعني الحوافر
ياروحي موتي الميت حسين
عدلين لو يحسين ميتين

الأقل :: علي الشامي ......

انت مدري بيا مصيبه
وانه مدري بيا ذنب??

راح الولد راح
راح الولد راح

الموت غافلني وخذاك وعني يوليدي بطيت
علي بويه بعيد يومك يالخذت روحي ومشيت
عليك خطوه ادنه گلبي وريتني ولاگربيت
غير بس جلمة الحگني كلشي منك مالگيت

ياليله مارد النه ابنه
جا ياهو يسمع سالفتنه
مات النضمه من الضوه نغار
الكلش عيونه اموتتنه

راح الولد راح
راح الولد راح

شگدر اگدر بس اذكرك ومن اموت تموت بيه
اليفگد يعينونه وانه الضحك متخوصر عليه
موش بس من ايدي رايح ماتت عله وليدي اديه
گبل موتك جنت انه وهسه موش انه   الخطيه

فوگ التعب مشلوع گلبي
ومو حرب سيف فراگ حربي
وينك مبذر علدرب غاد
ومامش هذاك وطال دربي

راح الولد راح
راح الولد راح

اثگل من الذبح فگدك يامتن ماحضه بنعشي
برگبتك حط الله كلشي والذبح ماخله كلشي
ضهري ماينعدل صاير والعطش تزگام هرشي
ويركض عليك من اجهبك اكثر من اجدامي رمشي

انه الجبيره الهاضمتني
الكلش يوادم مرمرتني
وي عله الاكبر روحي بهداي
طلعت وزينب كاظتني

راح الولد راح
راح الولد راح

الذمه ماتت يارگبتي وكون طيف فراگ بزري
موش طيف ولااتوهم بس اقنع بروحي وادري
علي بالعباس احبك رد علي وعدلي ضهري
اطول من الرمح هجرك واگصر من السهم عمري

امشي وتتعب خطوة البر
ووصلك وجدمي يتعثر
مات منهد مارادني حذاه
ياخيل بهداي ويالأكبر

راح الولد راح
راح الولد راح

بعد شنهي اليسوه خاطر وخاطرك يوليدي مدمي
ضلوعك العبرن خيمنه بيهن مذكرني بمي
الوجع جازيك وجزاني وخطوه خطوه ومات جدمي
انت يمي وانه افگدك شلون لو ما انت يمي

حگي من اموت عليك يبني
روحي التحبني وفارگتني
ومتني العزيز الشايل عزاز
يستاحشك يربات متني

راح الولد راح
راح الولد راح

علي الشامي ......