نعي للاهل والاحباب

اريد امشي لهلي وانعه بنعاوي
مجروح الگلب منهو اليداوي
ينگع گبورهم والدمع هاوي

✧►◄❖♦️❁♦️◐❖►◄✧

ماردو عليه چا ليش اهلنه
مشتاگه اريد اهل المحنه
غفل بالليل شو حملو عنه
✧►◄❖♦️❁♦️◐❖►◄✧
ماشين مانشدو بحالي
رديت اصيح بصوت عالي
ضايع تره وياكم دلالي

✧►◄❖♦️❁♦️◐❖►◄✧
شعاجبهم هلي من نومت الگاع
اه يامگبره ضميتي السباع
طول البي حميه حمل وضاع

✧►◄❖♦️❁♦️◐❖►◄✧

يدنيه شبيچ ويانه على الهون
اخذتي اعزازنه والبعد ميهون
تراهي خلافهم عميانه العيون
✧►◄❖♦️❁♦️◐❖►◄✧

تراب المگبره شلون اديره
على احبابنه بذيچ الحفيره
ياحيرتي ياناس حيره

✧►◄❖♦️❁♦️◐❖►◄✧
*✍️ام عـــــــــراق الشمرية(( بغداد*♦️ )
نسألكم الدعاء بتعجيل الفرج لمولانا
صاحب العصر والزمان عجل
الله تعالى فرجه الشريف
وسهل مخرجه
الى ارواح امواتنا وامواتكم
وبالاخص الى روح والدتي
ام مصطفى
واخي الشهيد مصطفى جمال الشمري 🤲 💔https://t.me/omiraqalshamary

نعي للاب

حنين شگد حنين وراح مني
عگب وجهك يبونه النوح فني
شماغك والصور كلش عمني

✧►◄❖♦️❁♦️◐❖►◄✧

اه ياحجرتك بويه من اصد ليها
چنها تگلي ايس مايرد ليها
ويردلي الصدى كل ما احاچيها
✧►◄❖♦️❁♦️◐❖►◄✧

وحشه نزولنه ونريد اهلنه
يمته انشوفكم يا اهل المحنه
نمتو بالنجف نگطع الضنه
✧►◄❖♦️❁♦️◐❖►◄✧

ياگاع النجف ردي النودهم
اخذتي الي نزيل الضيم عدهم
مر فراگهم يصعب فگدهم
✧►◄❖♦️❁♦️◐❖►◄✧

نزل بيچ الابو ورايح دلالي
تعمه فصوص عينه الفگد غالي
يالمدللني امس دلل جهالي
✧►◄❖♦️❁♦️◐❖►◄✧

يدنيه شبيچ بالزينين مياله
اخذتي الحيد منه وتاهت عياله
والرايح عزيزه النوح يحلاله
✧►◄❖♦️❁♦️◐❖►◄✧

تفيض العين بويه بوكت الغروب
نذكر گعدتك وگلوبنه تلوب
انه گلبي على الزينين متعوب

✧►◄❖♦️❁♦️◐❖►◄✧

*✍️ام عـــــــــراق الشمرية(( بغداد*♦️ )
نسألكم الدعاء بتعجيل الفرج لمولانا
صاحب العصر والزمان عجل
الله تعالى فرجه الشريف
وسهل مخرجه
الى ارواح امواتنا وامواتكم
وبالاخص الى روح والدتي
ام مصطفى
واخي الشهيد مصطفى جمال الشمري 🤲 💔https://t.me/omiraqalshamary

قصيده الامام موسى ابن جعفر ع

جديد
🔥🔥🔥

لاسد بغداد لطمتنه يشيعه
لزهراء بالعزه وتگول مابيه

✧►◄❖♦️❁♦️◐❖►◄✧

على المسموم سوي الطمه حديه
يلوج الوحده والروح مگضيه
غريب المات ماحضروه اهاليه

(يريد احباب يشيعونه )

✧►◄❖♦️❁♦️◐❖►◄✧
ما يمه هله ليه ويشيعونه
ساعات المنيه يدير بعيونه
امام الجعفريه وزين يدرونه

(ابنچ يالزهره نون اعليه )
✧►◄❖♦️❁♦️◐❖►◄✧
كلنه وياچ هالليله تعنينه
ننصبله العزاء وحيل ونينه
يالضايع دواچ هنا تلكينه

(يدگونه بابك بالضيج)
✧►◄❖♦️❁♦️◐❖►◄✧
ياابو طلبه عليك العين معميه
اعازي المنتضر بخالص النيه
حاضر مجلسك ويعاين اعليه

( نبچي عليه وياك الليله)
✧►◄❖♦️❁♦️◐❖►◄✧
ياليوم الغريب لخلصت سنينه
بزلزلت الظالم محد يعينه
يومك على الشيعه حيل ماذينه

(ييسمونه ياحيف اعداه )
✧►◄❖♦️❁♦️◐❖►◄✧

*✍️ام عـــــــــراق الشمرية(( بغداد*♦️ )
نسألكم الدعاء بتعجيل الفرج لمولانا
صاحب العصر والزمان عجل
الله تعالى فرجه الشريف
وسهل مخرجه
الى ارواح امواتنا وامواتكم
وبالاخص الى روح والدتي
ام مصطفى
واخي الشهيد مصطفى جمال الشمري 🤲 💔https://t.me/omiraqalshamary

نعي لسان حال الاخو والصديق

طفت شمعة الخوة واظلم الدار
تمر مرة بحلم لو ساعة خطار
انه گلبي على الخوان شب نار

وحشة دروبنه تدري بلياك
گلي يا الحنين شلون ننساك
ينعاب الگلب لو جبت طرواك

فگدنه الهيبة ذاك اليعدل الميل
ويگص لسن الزلم والبيهم يعيل
يا الكلك شهامة معطر بهيل

شلت زعلان خوية علينه راضي؟
ياجرح الاخو يا ناس ماضي
ترة من يومهم والحيل گاضي

اريد امشي لگبره هناك احاچيه
يضل تذكار منك وين اوديه؟
سلاحك والدرع بالدار اخليه

ولچ ياگاع طلعي البيچ مدفون
ترة الفرگة ثگيلة وموش بالهون
على الطيبين هلت دمع العيون

شهيد الموت يالكلك شجاعة
يالمضحي لدينه وموش باعة
ياحيد وكلف حلوة اطباعه

ترة اختارك الباري وانت هيبة
يالملاوي العدة وحگك تجيبه
ذكرة موتتك كلش مهيبة

شلون العيد اعيد وتفرح الروح
انه گلبي على ابن امي صبح مجروح
يحزام الظهر والحمل مطروح

اجو ربعك يخوية وانت وينك
ياابو طول الحلو مضيعينك
اسم الله على طولك فاگدينك

ام عـــــــــراق الشمرية(( بغداد♦️ )
نسألكم الدعاء بتعجيل الفرج لمولانا
صاحب العصر والزمان عجل
الله تعالى فرجه الشريف
وسهل مخرجه
الى ارواح امواتنا وامواتكم
وبالاخص الى روح والدتي
ام مصطفى
واخي الشهيد مصطفى جمال الشمري ? ?https://t.me/omiraqalshamary