أُشهدُ الله أني راضية تمام الرِضى بكل قضَاءه و قدره .. فقط أنزل علي معه لطفك ورحمتك وبركتك .. لا حول ولا قوة الا بالله ❤️

.
**أموال أكثر فى الخليج، لكن الحياة أفضل فى أوروبا، والعلم والتقدم أكثر فى امريكا، والأهل والأصدقاء والأحباب فى وطن مُتهالِك لا نرضى عن حاله.

هكذا نصارع الحياة، فنترك أشياء من أجل أشياء، لا نعلم أيهم أهم ما نترك أم ما نحاول أن نُدرك.
ثم بمرور العمر نكتشف أننا نريد أن نُدرك ما تركنا أو نترُك ما أدركنا.
قد يكون بعضًا من كل شيء أفضل من إدراك البعض وترك البعض. و لكن علي أي حال، نحتاج إلى الرضا أكثر بكثير من إحتياجنا للأشياء التى حولنا.

-‌ د.أحمد خالد توفيق**#الاسكندر

.
*🚫زهايمرات🚫*

من علامات (الزهمره) أن جاز التعريف :
تكون شايل موبايلك فى ايدك وتقلب البيت فوق تحت تكوس ليهو!!!

ومن علامات التعمق فى الزهمره. ...تتصل منو على مرتك العند ناس أبوها:
..الو.. ضحى...ياخى انا مليون مره كلمتك. .قلت ليكى لما تجى تضايرى البيت دا. ...حاجاتى ما تهبشيها. ......ساعه كامله كايس لى موبايلى وما لاقيهو! !!! هسه طفشتى لى وين؟ ؟؟؟

واحد ذكر انو فى لحظات زهمره عابره:(دخل السندوتش فى جيبو. ..وقرم الموبايل😃😃)

وواحد تانى يحكى عن زهمره جماعيه. ..
ابوهم لابس النضارة وبفتش عليها والبيت كلو يفتش معاهو! !!!

وواحد مزهمر قاعد فى البيت متابع برنامج فى التليفزيون. . والوقت ضايق.. ماشى لى رفع عزا..قال: شلت الريموت قايلو تلفونى ووصلت بيت العزا. ..بعد صلاة المغرب قلت اضرب لناس البيت اقول ليهم حاتاخر شويه. ...دخلت ايدى فى جيبى....أفو!!!

😩😩 ..

واحد مزهمر....شرب من سبيل وشال غطاية السبيل ومشى ركب حافلة المواصلات. .والركاب يعاينو ليهو...زول نضم معاهو مافى. الكمسارى جا داير حقو. .زولك لقى نفسه شايل ليهو صينيه مصقره وحاضنه. ..فكاها ضحكه عاليه. ....الركاب ما استغربو لانو صنفوهو مجنون من ما ركب الحافله😃😃

وهاك بعض حكاوى عن (مزهمرات):

واحده لابسه فردة شبشبه فى كراعا والتانيه شايلاها فى أيده وبتضرب بيها ولده وتقول ليهو:وديت فردة الشبشب وين؟ ما تقول لى ما عارف. ..هسه دى كنت عامله عربيه وسايقه! !!!!

كنت أتوقع الولد يقول ليها يا امى...حجزوها ناس المرور عشان ما مرخصه😂😂😂😂

واحده مزهمره قالت:
(مره بعمل فى الفطور.. كسرت البيض فى سلة القمامة وختيت القشر فى الطوه)!!!!!!!!!

وواصلت:... (عادى بشيل الحله أكون عاوزه أدخله التلاجه، أدخل بيها الاوضه وألقى نفسي بكابس فى باب الدولاب)!!!!!

المشكلة تفتح الدولاب تلقاهو مسخن تقول:..يا ساتر. ..التلاجه باظت كمان! !!!!!!!!**#مساء_الخير#الاسكندر

.

إنسان اليوم المادي يتصور أن "الرزق" الذي تتكلم عنه الكتب السماوية هو المال، وينسى أن العقل والحكمة والصحة واستقامة الضمير والصبر على المكاره هي أرزاق أعظم وأكبر في قيمتها من المال الذي ينفد ومن العملة التي تفقد قيمتها والمتاع الذي يبلى.
وهو ينظر بنظرة مادية تشريحية إلى كل شيء ويفقد القدرة على الرؤية الكلية والنظرة الشمولية التي تهدي صاحبها إلى الحكمة والاستنارة...#الاسكندر

بخاف جدًا من المشاعر وعارفة انها الشي الوحيد الممكن يهزم أقوى وأعتى بني ادم ..
لأن الانسان ممكن يتحكم في كل شيء إلا عواطفه! دي الحاجة الوحيدة الممكن يفقد السيطرة عليها مهما إدعى العكس ..

ما بالك لما يكون الزول دا حساس و مرهف الأحاسيس زيي و دون مبالغة ..
رحم الله امرء عرف قدر نفسه ،
ولهذا السبب أنا طوال السنوات الفاتت ومن اللحظة الأولى السمعت فيها عن الحب لما كنت في المرحلة الثانوية ..
شفتو عند صحباتي و شفت قدر كيف الحب بخلي الواحد ضعيف..
ولما كنت بطبطب عليهم و بمسح دموعهم من اللحظة ديك أنا قررت إني حااحفظ نفسي من هذا الفخ اللذيذ 😂
وأجاهد نفسي نعم أجاهد نفسي لأنو الموضوع أبدا ما كان ساهل ! وكل يوم المهمة بتصعب علي جدا ..

وطبعا وبدوام الحال كل مالانسان يقرر يهرب من حاجة حتتحداه زيادة وتبقى ليه زي الكابوس يلاحقو في اي مكان يمشيه .. ودا الحصل والحاصل معاي ..

ولهذا السبب تحديدا انا بكتب في الكلام دا عشان اختو قدامي و اقول لزبيدة ولاي بت قررت قرارها انها ما تضعف وما ترضخ .. وانو ايوة الموضوع ممكن يكون صعب .. بس ابدا ما مستحيل ..

واقول الجملة الدايما بقولها و مقتنعه بيها جدا انو "من تعجل بشيء قبل اوانه عوقب بحرمانه" ونعوذك ياالله ان نحرم بسبب استعجالنا من لذة الحب الحلال..

لذلك ضعي يدك في قلبك الان ورددي "هذا القلب مغلق بالكامل و لا يفتح الا بالحلال" .
#زُبيديات

.

**يومًا ما.. ستخذل من الذين جعلتهم الخيار الأول بحياتك ، وستتيقن بأن الحياة لن تعطيك كل ما تحب ، وأن الأحلام ببساطة قد تُخالف خطوات سيرك ، وأن الأيام ستمضي لتجعل منك شخصًا جديدًا أقصى أمانيه أن يجد سلامًا داخليًا وحسب ... يومًا ما ستتغير أولوياتك ، رغباتك ، ومجرى تفكيرك ، إثر موقف واحد فقط ..! وهذه حقيقة لن يفهمها إلا من مرت به التجارب وصفعته الحياة!!

مساء الخير ✋**#الاسكندر

#البينك_وبين_ربنا_لم_يتصلح_أمور_دنيتك_كلها_بتظبط ، ويلا مع بعض نشوف التظبيطة دي تكون كيف ?*?*

أوول شي لو كنت ما بتصلي»» ⬇️
تخلي أاااي شي وتبدي تضبطي الفروض الخمسة ، اقري عن الوضوء والصلاة والطهارة والخشوع ، أعملي منبهات فـِ التلفون ، واتفقي مع صحبة تصحو مع بعض وتذكرو بعض?.

ولو بتصلي الفروض?⬇️
» راجعي طريقة صحة الصلاة.
» ودخلي النوافل فـِ يومك بالطريقة دي
• أول تلاتة أيام نوافل الفجر والمغرب
• تاني تلاتة أيام زيدي نوافل العشاء
• تالت تلاتة يوم ضيفي ليهم نافلة الظهر
• رابع تلاتة يوم زيديهم الشفع والوتر
• خامس تلاتة يوم دخلي قيام الليل.
بكدا خلال 15يوم حتلقي نفسك إلتزمتي بالنوافل??.

نجي للأذكار?
لو ما بتقوليها خااالص أبدي بآية الكرسي والإخلاص والمعوذتين.
ولو بتقوليها ضيفي بقية الأذكار.
ولو بتقوليهم كلهم ركزي مع معاني الأذكار والتدبر.

القرآن❤‍?
لو ما عندك ورد و ما قعد تحفظي أبدي أسمعي.
بعدين خلي ليك ورد "تلاوة من المصحف" ولو كانت صفحة فـِ اليوم يكون حلو♡
بعد تواظبي على قراية الورد مع الاستماع أبدي احفظي??.

ما تستني ظروف معينة "الظروف المثالية" لأ ع طول #اتوكلي على ربنا من نفس الدقيقة الانت قريتي فيها البوست د وأبدي??.#وخلي_فـِ_بالك (فمن زحزح عن النار وأدخل الجنة فقد فاز) يارب كلنا نفوز بالفوز د قولو آمين??.#ودي_لكُن#مع_شوية_تعديلات_مني??#تسنيم_النور "أم أحمد"♡**

____
• السّـــلام عَـليڪُـم ورحمــةُ الله وبركاته ..""))?*?
م فقدتو تسنيم "أم أحمد" فـِ الفترة دي *?? كالعادة ح أخلي ليكم كومنت تحت تعالن طمنني عليكن"البنوتات وكدا??...

تعالوا اكلمكم عن فضل الصلاة على النبي محمد صلى الله عليه وسلم ?⬇️:

• يلا صلو عليه كدا وكملي قرايه للأخير ⬇️??""))
___
1- يؤجــر الــمــصــلــي عــلــى الــنــبــي ﷺ بــعــشــر حــســنــات قال رسول الله ﷺ: (إذا سمعتم المؤذن فقولوا مثل ما يقول، ثم صلوا علي، فإنه من صلى علي صلاة صلى الله عليه بها عشرا.... الحديث رواه مسلم ..""))?

عارفين كيف يُصلى الله على العبد؟
صلاة الله تكون بالثناء على العبد بالملأ الأعلى?
يالله??.. اتخيلي بسبب صلاتك على رسول الله حتنذكري في الملأ الأعلى?
_____
2- يُرفــع الــمــصــلــي عــلــى الــنــبــي ﷺ عــشــر درجــات فــي الــجــنــة، قال رسول الله ﷺ :(من صلى عليَّ صلاة واحدة، صلى اللَّه عليه عشر صلوات، وحُطت عنه عشر خطيئات، ورُفعت له عشر درجات.)صحيح سنن النسائي? ..""))
___
3- يُغــفــر لــلــمــصــلــي عــلــى الــنــبــي ﷺ عــشــر ســيئات ، قال رسول الله ﷺ :(من صلى عليَّ صلاة واحدة، صلى اللَّه عليه عشر صلوات، وحُطت عنه عشر خطيئات، ورُفعت له عشر درجات.) صحيح سنن النسائي? .."")
______
4- ســبــب فــي شــفــاعــة الــنــبــي ﷺ لــه يوم الــقــيامــة??
قال النبي ﷺ( من صلى علي حين يصبح عشرا وحين يمسي عشرا أدركته شفاعتي يوم القيامة. رواه الطبراني ..""))??
____
5- الــصــلاة عــلــى الــنــبــيﷺ تــرفــع الــهم والــحــزن?
عن أبي بن كعب أنه قال للنبي صلى الله عليه وسلم: يا رسول الله إني أكثر الصلاة عليك، فكم أجعل لك من صلاتي؟ فقال: ما شئت، قال: قلت: الربع؟ قال: ما شئت، فإن زدت فهو خير لك، قلت: النصف؟ قال: ما شئت، فإن زدت فهو خير لك، قال: قلت: فالثلثان؟ قال: ما شئت، فإن زدت فهو خير لك، قلت: أجعل لك صلاتي كلها؟ قال: إذاً تكفى همك ويغفر لك ذنبك. رواه الترمذي وقال: حسن صحيح ـ وأحمد، ..""))?

يا جميلة?

الصلاة على النبي سبب من اسباب مُرافقته والقرب منه يوم القيامة.?
الصلاة على النبي سبب لغفران الذنوب?
الصلاة على النبي سبب لقضاء الحوائج?
الصلاة على النبي سبب من اسباب استجابة الدعاء?
الصلاة على النبي سبب من اسباب تثبيت الأقدام على الصراط?
الصلاة على النبي فيها أداء للقليل من حقة فكم اجتهد وصبر وعانى الكثير لأجل الرسالة ?
يكفي ان صلاتنا عليه تصل لروحه صلى الله عليه وسلم?
?ياخي الصلاة على النبي سبب من اسباب تبشير العبد بالجنة قبل موته!! ??

في أجمل من كدا؟؟?

مستنين شنو خلاص نتفق انو حنداوم عليها دائمًا وأبدا سمح؟؟

السلام عليكم ورحمة الله وبركاته?

صلى الله عليك وسلم يا خير الورى?#خاالص_الود♡**

شباااببب السلام عليكم
عاوزة مساعدتكم
عندي اختي كانت مسافرة والدعامة شالو منهم تلفوناتهم
حاليا الدعامي قاعد ينشر بصفحتها وبإسمها
ف عاوزين نقفل ليها حسابها
بس المشكلة هم م عندهم شبكة مكالمات و قالت هي عاملة الصفحة برقمها
ف اللي بيقدر يساعدنا يتواصل معي
t.me/Loooya

.

*?ما تفتشو تلفوناتنا....?*????

?ما تهبشو ورانا....

?ما تراقبونا.....

?ما تقعدو لينا على الهبشه....

?ما تاخدو موقف من راسكم مالم تجو تسالونا...وتسمعو مننا...

?نحن واضحين في محبتنا ليكم..انتو بس تعالو اسالو..

?لقيتونا اون لاين...وما ردينا... امكن (متنا)...(نمنا)..(انشغلنا)....

?تعالو اسمعو مننا...ف اكيد ما حنكون امس معاكم كويسين..ونججي تاني يوم نقلب ...ختو لينا العُذر....ارجوكم...

?ماتدقو لينا بي تلفونات غريبة..لو ما ردينا ليكم....واياكم تقولو لي غيركم...دق ليهو انت امكن يرد عليك...

?الخساسة خلوها.... خلوها الخساسة....

?الكلام الحلو اللي بتقولوهو في وشنا ..وبعد نمشي تقولو غيرو..ده خلوهو..اخير عدمو...

?النفاق ما حبابو....

ا?لابتسامة لو ما حقيقية..بتعمل شلل في الشلاليف والكضيمات...والنخرين... احسن عدمها....

?نحن ما كاملين...ولا روبوتات....

?مجبورين نبرر ليكم...بس مرررة واحدة....

?دقيتو مرة..... ومرتين..وتلات.. ما ردينا عليكم....

?ختو لينا عذر اننا متنا عديل...

لو لقيتونا حيين..ختو لينا عذر اننا رهاين..فتشو عذر...

?اتعلمو تفتشو اعذار....

?ما تحكمو من راسكم ساي...مالم تسمعو عديل....مننا نحن...

?عشان والله الدنيا ما بتستاهل...

?اما بالنسبة لي فهمكم اللي بتتخطو بيهو التبرير لي زاوية نظركم وبس..ده فهم بجيب مشاكل....

النية السليمة زاملة سيدها...

?اريتكم تفهمو واريتو يطمر فيكم... وتفهمو انو الحاجات دي ككل بتندرج تحت مسمى العنف الرقمي....

البنريدو بنقولها ليهو عديل...وواضحين في ده...

?والما بندورو..برضو بنقولها ليهو... فما تخلو ظنونكم تسوقكم لي فهمكم انتو وبس....

?اسمعو مننا..ووقفو ظنون الله يهدينا ويهديكم...

بسسسسسسسسسس عليكم....

?ده كلو شان صحتكم النفسية....

وشان ما تجيبو لينا نفسيات...وتهيجو علينا الفشفاش???**#الاسكندر