#هام
انتشر مؤخرا من منصة تقوم بتأمين فرص عمل للسوريين مع المنظمات الدولية والشركات المحلية وهي معروفه في هذا المجال طلب عبر البريد الإلكتروني لتحميل تطبيق خطر يقوم بسرقة جميع بياناتكم وابتزاز المستخدمين

يرجى عدم تثبيت التطبيق والي ثبته يحذفه فورا
بالتواصل مع احد مسؤولي المنصه اكد انه حصل هجوم سيبراني على الموقع
يرجى عدم تثبيت اي تطبيق من مصدر غير موثوق وخاصة التطبيقات السوريه
بفحص التطبيق تبين ان له وصول لجميع البيانات في الجهاز من صور وجهات اتصال وملفات ومستندات والكاميرا والمكايك وغيره
#انتبهوا
#جعفر_بدران

ميزة الرقم الخاص الي اغلب الناس بتنزعج منها تم الغائها بشكل رسمي
ممكن يكون الغاء مؤقت لان باغلب دول العالم هي الخدمة موجوده
هي الخدمة بتخليك تتصل على طرف بدون ما يظهر رقمك عنده وهي الخدمة بتم استخدامها بشكل كبير للاسائه للبعض سابقا كنت بحاجة للادعاء بالنيابة العامة للكشف عن هوية الشخص المسيء
ما في اي جهة رسمية نشرت حول الموضوع لكن المستخدمين من خلال تفعيل الخدمه كانت النتيجه عدم تفعيلها
تاغ لصاحب الرقم الي دايما خاص مفكر حاله شغله كبيره ?
#جعفر_بدران

انقطاع خدمات الاتصالات بشكل شبه كامل في مدينة جبلة
شبكة اتصالات وشبكة adsl
وقت قصير ورح تنحل المشكله بإذن الله
بسبب قلة الوقود
ما في شي بخوف يا جماعه
عيب اخافة الناس

من عدة ايام بوابات الانترنت عم تعاني من ضعف وفصل كامل للشبكة
هي مشكله من المقاسم بسبب عدم تزويدها بالوقود بشكل دائم
ان شاء الله ايام وبتنحل المشكله
#جعفر_بدران

#نصيحة_تقنيه
اغلب المستخدمين بعانو من ظهور الاشعارات الي فيها محتوى غير اخلاقي او اشعارات مستفزه بتفتح جوالك الصبح بتلاقي الف اشعار من تطبيقات واحيانا بسببوا الاحراج بظهورن ببعض الاماكن العامه

• اي تطبيقات غير مهمين إشعاراته متل ( #شير_ات تطبيق نقل المحتوى بين الأجهزة - او سناب تيوب او اي من تطبيقات تحميل الفديوهات - لعبة ) هي الاشعارات هيي اعلانات وبتستهلك باقة النت وشحن جوالك
اول ما تنزلهم الغي صلاحية الاشعارات من هي التطبيقات من اعدادات التطبيق - الاشعارات - عدم ارسال اشعارات
بتبقى اشعارات التطبيقات المهمة
• اهم هي التطبيقات (اشعارات جوجل كروم ) لان جوجل كروم كتير منا بلا شعور بيعطي صلاحيات لمواقع بإرسال الاشعارات للهاتف
• اما بالنسبة لبحث جوجل (وقت تفتح موقع ويعرض اعلانات غير أخلاقية) حل هي المشكله بتشغيل البحث الامن من اعدادات #جوجل
#جعفر_بدران

#يسعد_اوقاتكم
بعتولي كتير ناس حول موضوع ستارلينك (الانترنت الفضائي) هل بنصح تجيبه ام عم تكب فلوسك
هلق حاليا الخدمه شاغله بسوريا من خلال خدمة التجوال (يعني نحن عم ناخد مو بشكل رسمي ) ولا يوجد تحديث لخريطة التوفر وشمول سوريا حتى اللحظة
ووفق اشعار الجهاز ممكن ينلغى بعد شهرين اذا ما هدأت وبلشت تتحسن بشكل متسارع المنطقه (يعني تشغيل الانظمة البنكية والرواتب ....الخ)
لهك كونو الجهاز مو رخيص اذا ما كان شاغل بالبلد بشكل رسمي ما بنصح بشرائه على الرغم انو شاغل حاليا من الاقمار التركية و القبرصية
بس ان شاء الله رح يشتغل بشكل رسمي بنهاية العام وبسعر ارخص من هلق
#جعفر_بدران

#هام
يواجه قمر نايل سات بعض المشاكل على ما يبدو
حيث تم حذف قنوات art و القنوات السورية وعدد كبير من القنوات العربية من القمر
بدون اي اشعار مسبق
#جعفر_بدران

بدأت شركة ميتا بالعمل وفق المعايير والأحكام والشروط الجديدة على جميع منصاتها
كنت قبل اشهر وضحت الأحكام والشروط الجديدة الي بتزيد مستوى الحماية ومحاربة المحتوى الضار وتغيير سياسة الإعلانات
ان شاء الله تطبق بما يخدم المستخدمين ونخلص او تخفف من مشكلة الانتحال وخطاب الكراهية والابتزاز وغيرها من مشاكل متل خسارة الصفحات والحسابات والمجموعات دون مبرر واضح

#جعفر_بدران

مستغرب كيف بعض الصفحات ومؤثرين مختصين بينطقو او بينشرو خبر بانو رح تفتح خلال ايام مواضيع الربح من يوتيوب وفيسبوك وغيرهم
يا عيني الموضوع ابدا مو كبسة زر واذا صار الموضوع باشهر وعلى الاقل ٦ أشهر بكون الوضع كتير ممتاز
بتمنى من كل من يتدعي انه مؤثر تقني او خبير او صاحب صفحة بتنقل اخبار لا تنقلو هاد الخبر عم نسعى ليل نهار مع الشركات لتفتح لكن الشركات واضحه بقراراتها والموضوع ابدا ما رح يكون سريع
بصعوبة لقدرنا حصلنا منهم شوية امتيازات للحكومة
وطول ما في رصاصة عم تطلع بالبلد رح يضلو خانقين الشعب لهك منتمنى من الجميع الوعي والصبر والهدوء

واذا بدكم الكبيره حتى لو وافقت الشركات، البنوك عنا والانظمه البنكيه حاليا غير مؤهله لتفعل هيك خدمات
ومن المستحيل الشركات متل جوجل وميتا واكس وتيك توك تصدر قرار مو قادرين يطبقو فورا
هاد لان خبر حقيقي ومو واهم الناس وضاحك عليهم ما بيتاخد من الادمنز ولا بوضحوه المؤثرين التقنيين
بتمنى من كل واحد يشارك هاد المنشور ولا تكونو مضحكة لبعض الناس
#جعفر_بدران