السلام عليكم ورحمت الله وبركاته !
خوشحاله يم چي يو وار بيا د  ستر او مهربانه الله ج په ځانگري فضل سره د نيكمرغه کمکي اختر د مباركو ورځو لمانځنه د پوره امن اوصلحي په فضا کي كوو .زه په خپل وار سره تاسي ته او  ستاسي له طريقه ستاسي درني او پتمني  كورنى ،ملگرو،هيوادوالو او په عموم كي د نړى تولو مسلمانانو ته د کوچنی اختر مباركي وايم .خداى ج دي ستاسي روژی تراویح دوعاوي او نور فرضی اونفلی عبادتونه په خپل عظیم دربار کي قبول او منظور وګرځوي الله ج تاسي  په حاجیانو او غازیانو کی حساب کړي، د خوښیو ډک اختر ولری  او خداى ج دي دا صلح دهیواد تل پاتي صلح کړي. امین 
په درنښت. ستاسوکشر ورور قاری شاکراغا

‏فایل صوتی از طرف شاکراغا

ډیکلومه کونکی قاری شاکراغا

د نـورانیـت شغلی یه رسي تراسمــانه
په څومره مینه نن پاریـغیږی فاضلانه

غافله ځیرشه ورته راسه حاضرشه ورته
دلـــــته حاضـري دي مــلکي دسبـحـــانه

دا نوراني محفل دی دا جنتي محفل دي
وربانــدي فــخرکـــوي خــپله رب مــنانه

د خوشحالی ځای ده دنیکبختی ځای ده
چی حاصل علم کړي وارث سی دجانانه

داجـنتي ګلان دي داغـیرتي ګــلان دي
قران یه زده کړو پری راټول دي قریبانه

دخـدایه دا غـواړمـه شاکـراغا غــواړمـه
چي په قطار کي ستاسو زهم سم روانه

فاضلانوته

دا پـرسرچــي دي دستار دفــضیلت سو
خیال یه ساته در په غاړه مسؤلیت سو

تــه دخــوږ نبـي ګلـبڼ نـه یـو ګـلاب سوی
ښــه ځــیر وســه دا وتـا تـه امانـت سو

پام کــــوه چي درنـه ونــه سي غـفـلتـه
پــــرتـایاد نــوم دحبـیـب د وارثــت سو

و حــق لاري تـه پـه ناز خـلــــګ رابـــوله
بختور یه چي قسمت کي دي دعوت سو

د شـاکــــراغـــا دزړه سر ګــــران فاضـلـه
ډیر سرلړی یه نصیب دي داسعــادت سو

اسلام علیکم ورحمت الله ګلنو ملګرو الله موراته اباد لره. بخښنه غواړم څه موده مصروف وم نو نشریات ندی سوی انشاالله چی نور به فعلیت کوم

(((جـنګ اقتصادې)))

دا جنګ اقتصادې دی د نړۍ کړه رقابت
تاجره وروره راشه خپل وطن کې کړه صنعت

راځه راځه وطن ته آبادې در سره راوړه
یاست تاسو خو لښکر اقتـصادې د امارت

لږ وګوره غریب کلیوال څنګ کې درسره کړه
چې دواړه شئ ښېرازه سکه وړونه د ملت

په خپلو کې یو موټۍ شئ دا ورانه وداني کړئ
د وعتصمــوا حکــم د الله دی هدایت

کانونه استخراج کړئ زمرود یاقوت د غرونو
د نفتو ګازو ورته توکو سم وکړئ خدمت

دا ستا قهرمان ورور طالب ګټلې ناټوګۍ ده
دا ته خو هم افغان یې راسه نور وکړه همت

هاغه کرونده ګرو چې نیالګې اېښي فصلونه
ښه کلک یې حمایه کړئ دهر فصل زراعت

دا وخت دی دا فرصت دی ګران نذیره صنعت کړه
پوره دی ګام په ګامه هر تړون د دې امنیت

م بازمحمد: ""نــذیر ""

!!! ما به باب سپړۍ!!!

هغه زړه چې ستا په مینه کې حصار شي
ړونــد او کــوړ شــي بالا هسي ناقـرارشي

کلــه داســـي کلــه هاســـي درتــه وایـــې
شي ناپوهه د ژوند په چاروکې بیمار شي

روغ په تن زخمي سینه به درته سپارې
رنځ وهلی شي بېـلتون سره یـې کار شي

بس په لږ څه وي خوشحاله یا خوا بدی
چــې تماس د ټلیفـــون یې بـر قرار شي

ته به ښه ورســره خانــدې دی وی ندی
بیانــو خیال که دا سړۍ دي طلبګار شي

وخت ناوخته بیا غوصه کړي هم له ګرمه
تبې تبې د ماشوم په څیر هوښیار شي

ته بـه وایـې ملامــت نه یــم پـوهیــږم
دی به وایـې د نادانـو پــه ګفـــتارشــــي

که یو څه خجالت نوای له دې خلګــو
مابه باب سپړی د میني چې ګلزار شي

یامي سم لیکی کتاب سر کې یې توري
د نـــذیــر د زړګــې سر طالب چـنارشي

شاعــر:  بازمحمد نـذیر

♥ معشوقه که دي دنیا وي ♥

د ړندو سترګو آګاه کله بینا وي
د جاهل سړي به څرنګه تقوا وي

چې نه پوهه وي نه ارزښت کاندې د پوهې
بې مــشاله لاروی کلــه بــریا وي

چې د ستورو په رڼا روان د شپې وي
صحرایې قافله ستانه تر صحرا وي

افلاطون د وخت آسمان ته په ختو ده
عقل نلري لاهم په ځان بسیا وي

تا د خدای کتاب ته سرکړه کله کښته
چې ترعرشه دي د روح د ژوند لقا وي

تباهې ده! یا یو بل رنګ باچې ده
ملنګې اصل د پیر مرید قضا وي

چې تر اوسه پسې ګرځې بالابستي
ځوان نذیره معشوقه که دي دنیا وي

م بازمحمد: ""نـــذیر ""

چی په یوه لوټه خـړکیږی دا دریاب به څـه وي
چی و پردي ډُول ته نڅیږی دا جِناب به څه وي

چي دا شل کاله دحُریت اوازادي لپاره نه ږغیدی 
اوس یی هــم نه غواړو ملګرودا رباب به څه وي

چی ده دولـت او د مِلت واګي یه لاس کي نــوي
خپلواک یه مه بولې غلام ده دا ارباب به څه وي

چی دحــق لاري اواسلام لپاره لوست نـوی کی
چی څوني لولی پایده نکړی داکتاب به څه وي

شاکراغاکه دنامه لپاری کړی بـدیل بی ونه مومی
در نه راضی چی سبحان نسي داثواب به څه وي