#nazm

Ajoyib kunlarning birida
uyg‘onib ketaman uyqudan,
yurakning eng chuqur yerida
og‘riqqa aylangan tuyg‘udan.
Bir qo‘shiq bo‘laman daryoday
yurakning eng chuqur yerida,
boqaman dunyoga dunyoday
ajoyib kunlarning birida...

©Shavkat Rahmon

@birgalikdakitoboqiymiz

#iqtibos

Kitobsiz uy, chiroqsiz tun. Har uyga bir emas, bir necha chiroq kerak, chiroqqa chirog‘bon kerak. Hali yoritilishi lozim bo‘lgan talay uylar bor.

©''Oltin zanglamas'' Shuhrat

@birgalikdakitoboqiymiz

#nazm

Qalbdan ótgan har narsani
Aytib bo'lmaydi,
Shuning uchun ham Xudo
Ohni,  ko'z yoshini,
Uzun uyquni,
Sovuq tabassum va
Qo'l titroģini
Yaratdi...

©Nizor Qabboniy

@birgalikdakitoboqiymiz

#nazm #musiqa

Xayolga erk bersam, -
Ko‘rishsak...
Va bog‘lar sollansa turfa rang.
So‘rmasang dardimni,
Bo‘lishsak,
Yig‘lasam...
Yig‘lasang...

Mayli shu xayolga ko‘nsamu,
Ko‘zingni ko‘zimga ko‘msamu,
Ochmasam, ko‘zimni yumsamu,
Yig‘lasam...

Ne zamon chekkayman firog‘ing,
Yaqining yomonmi, yirog‘ing...
Kel, desam, ko‘zimning qarog‘i,
Yig‘lasang...

Gʻunchalar og‘zi lang ochilgay,
Bulbulning tillari yechilgay,
Bu bog‘lar bir savdo kechirgay,
Yig‘lasak...
Yig‘lasak...

Qo‘llarni qo‘llarga bermayin,
Bir bo‘lsak - dunyoga sig‘masak,
Jilmayib-jilmayib bir mayin,
Yig‘lasak...

Va’dalar bermasak vafoga,
Na izhor aylasak, na qasam,
Hasratlar cho‘ksalar aroga,
Yig‘lasak...

Ne zamon chekkayman firog‘ing,
Yaqining yomonmi, yirog‘ing...
Kel, desam, ko‘zimning qarog‘i,
Yig‘lasang...

Gʻunchalar og‘zi lang ochilgay,
Bulbulning tillari yechilgay,
Bu bog‘lar bir savdo kechirgay,
Yig‘lasak...
Yig‘lasak...

©Dilorom Ergasheva

@birgalikdakitoboqiymiz

#sarhisob_aprel_may

✔️Aprel

Kitoblar:
1.''12 stul'' Ilya Ilf, Yevgeniy Petrov;
2.''Dasht-u dalalarda'' Normurod Norqobilov;

Filmlar:
1.''Tyorner va Xush'' (AQSH);
2.''Prometey'' (O‘zbekfilm);
3.''Beg‘ubor orzular'' (Koreya);
4.''Yolg‘iz qolganlar''
(Islandiya,AQSH);
5.''Super 30'' (Hind filmi);
6.''Velosipedchi'' (Eron);
7.''Sinovdagi muallima'' (Hind filmi);
8.''Vaqt haqida'' (Angliya);
9.''Yashil maskan'' (AQSH);

Hikoyalar:
1.''Tuxum'' Endi Veyr;
2.''Shamol'' Rey Bredberi;
3.''Uh'' Shukur Xolmirzayev;
4.''Yurak'' Edgar Allan Po;

?????????

✔️May

Kitoblar:
1.''Gulliverning sayohatlari'' Jonatan Svift;
2.''Yolg‘izlikning yuz yili'' Gabriel Garsia Markes;

Hikoyalar:
1.''Qaytish'' Nurali Qobul;
2.''Vanka'' A.P.Chexov;
3.''Tilla baliqchalar'' Xulio Kartasar;
4.''Sharpa'' Nazar Eshonqul;
5.''Keksa muallim yoki Napoleon haykali'' Omon Muxtor;
6.''Spagetti yili'' Haruki Murakami;
7.''Mavhum tasavvur'' Karel Chapek;
8.''Uyqu istagi'' Tohir Kamol;

Filmlar:
1.''Afg‘on'' (O‘zbekfilm);
2.''XX asr qizi'' (Koreya);
3.''Bir kun'' (Koreya);
4.''Forresterni izlab'' (AQSH);
5.''Finch'' (AQSH);
6.''Yetti'' (AQSH);
7.''Shunchaki sevaman'' (Yaponiya);
8.''Venerada uchrashguncha'' (AQSH);

Qisqa metrajli filmlar:
1.''Oq bulut'' (O‘tkir Hoshimov hikoyasi asosida);
2.''Asar...'' (O‘zbekfilm);

Hujjatli filmlar:
1.''Orol dengizi'' (''Ular'' loyihasi);
2.''Qo‘rqma'' (''Mutolaa'' loyihasi);

Podkast:
1.''Kitoblar haqida Sanjar Nazar bilan suhbat'' (''Sigma'' podkast);
2.''Sanjar Nazar bilan suhbat'' (''Online King'');
3.''Rahmon Qo‘chqor bilan suhbat''( ''Lolazor'' podkast);
4.''Rahmon Qo‘chqor bilan suhbat'' (Yetuk TV);
5.''Ulug‘bek Hamdam bilan suhbat'' (Boricha podkast);

P.s.Iloji boricha o‘qigan va ko‘rgalarimga havola qoldirib ketishga harakat qildim. Qidirib qiynalmasliklaring uchun)

@birgalikdakitoboqiymiz

#nazm

Ne qismat - chanqasang daryo
labida,

Bir umr bir qultum suvga zor boʻlsang.

Toʻrt fasl aylansa ishq matlabida,

Sen beshinchi faslga - intizor boʻlsang.

©Vohid Luqmon

@birgalikdakitoboqiymiz

#uyqu_qochganda

Hozirda shu kitobni o‘qiyapman. 2 kun bo‘ldi boshlaganimga.
  Shunaqa, bir kitobni tugatmay boshqasiga o‘tib ketadigan odat chiqarganman. Ancha bo‘ldi. Lekin bu yaxshi emas ekan. Qolib ketgan kitob yurakni g‘ash qilib turaverarkan. Maslahatim bunday qilmanglar.

Xo‘sh, kitobga qaytsak, bu asar haqida ancha ta'rif-u tavsiflar eshitganman: qiyin o‘qilishi, tushunish mushkulligi haqida... Lekin hozircha tushunyapman.(80 sahifaga yetdim) Voqealar o‘ta zich va ismlar bir xilligi biroz chalkashtiryapti.Nima bo‘lganda ham tugatishga harakat qilaman. Tashlab qo‘ysam shu bilan qolib ketishi mumkin tepadagi yangi odatim tufayli.

Yakshanba kuni muhokama.Borish niyatidaman.Hozircha 2 kun muhlat bor.Muhokamagacha tugatishga ko‘zim yetmaydi-yu, mayli, o‘qiyveraychi) Shu o‘rinda Farg‘onalik kitobxonlarni  ''Kitobxonlar uchrashuvi''ga taklif qilaman. Kitob muhokamasi va qiziqarli o‘yinlar sizni zeriktirmaydi. Yangi do‘stlar, kitobiy muhit sizga yoqishi aniq. ??

P.s. Kanalga anchadan beri e'tibor qarata olmayapman, sababi kitob o‘qimayotganimda edi. Shunday bo‘lsada, qo‘shilayotgan yangi obunchilar hayratlatirdi.?

P.s.s. Yarim tudagi chalkash fikrlar uchun uzr.

@birgalikdakitoboqiymiz