Ustoz Ikrom Sharif shunday yozadilar:
“Kecha Makkayi mukarramada ustoz Abdulhakim qori domlani ziyorat qilgan edik, suhbat asnosida bir gap aytdilar:
— Shayx hazratlari ko‘p shunday der edilar, “onasi ilm uchun yetaklab kelgan bolalar odatda, olim bo‘lib yetishadi, eng ozida, qori bo‘lmay qolmaydi”.
Bunga misol qilib, o‘zlariga onasi yetaklab kelgan, o‘zlari o‘qitgan kishilarni va buning isboti aslida tarixda imom Buxoriy, imom Molik, imom Ahmadlarning misolida o‘z tasdig‘ini topganini esladilar.

Ha, bu gapni ko‘p eshitganmiz. Ammo bu gapni takaror va takror eshitib turaverish kerak ekan. Ayniqsa, hayotda o‘zlari bunga guvoh bo‘lgan ulug‘ ustozlardan eshitib, sir-sinoatini so‘rab turish kerak. O‘zim ham oldindan onasi ilmga ixlos qilgan, bolasining odobi, ilmi uchun kuyinib yurgan onalarni ko‘rsam, o‘sha bolalardan katta yaxshiliklar umid qilaman.

Aziz onalar — opa-singillar, sizlarda gap ko‘p. Bugungi fitnalarga, turli makr-hiylalarga chalg‘imang, aldanmang.
Sizlar tepratayotgan beshikda, sizlar yuvib-tarayotgan o‘sha kir ustiboshning ichida buyuk insonlar o‘sayapti aslida. Ularning buyukligi siz bilan! Sizning ixlosingiz, iffatingiz, sabr-matonatingiz, qanoatingiz va g‘ayratingiz bilan!”

P.s. meni ham har doim hayotimni burib yuborgan ustozlarimga onam yetaklab borganlar , olim bòlib kettimi-bilmayman, lekin doim eng kamida onam xafa bòlib qoladilar, yuraklari oğriydi, yoki hafsalalari pir bòladi degan qòrquv òqishni xoxlamagan paytlarimda , oldinga sudrab turgan

?Yangi yildan boshlash

Kalendar har qanday ramziy sanaga yaqinlashganida inson o‘zgarishlar haqida o‘ylab qoladi. Buning asosiy sababi biz inson sifatida bir xillikdan zerikib qolamiz, shu sababdan ramziy sanalarda psixologik yangi davrga o‘tganligimizni sezgimiz keladi. Bu tug‘ilgan kun, oyni boshi, yangi yil yoki kalendar yozni boshlanishi bo‘lsin.

Va eng qiziq tarafi shundaki, ramziy sanalardan boshlash haqiqatdan ham ishlaydi. Bu mavzuda bir nechta tadqiqot ham bor, ilmiy tilda bu hodisani “Yangi boshlanishlar effekti” deydi va bu effektning kuchi aynan ramziy sanalar yangi boshlanishlar uchun psixologik yengillik berishida. Masalan, fitnes ilovalarning statistikasiga ko‘ra odamlar jismoniy mashg‘ulotlarni va to‘g‘ri ovqatlanishni aynan shunday ramziy sanalarda boshlashgan. Va bu kabi misollar juda ham ko‘p.

Faqat bu yerda aynan boshlash haqida gap ketyapti, natija haqida emas. Natija uchun esa sizga to‘g‘ri reja va ma’lum bir shaxsiy tizim kerak bo‘ladi.

@abdusattor

Bu narsalarni unut. Afsus-nadomat qilish dunyodagi eng befoyda narsa. Hech narsani ortiga qaytarib bo‘lmaydi. Hech narsani o‘zgartirib bo‘lmaydi. Shunday bo‘lmaganda, hammamiz avliyo bo‘lardik. Hayot bizni mukammal qilishni maqsad qilmagan. Mukammal bo‘lganlarning o‘rni muzeyda.

@remarkdanqaydlar