🔥🔥🔥 Бүгінгі күннің керемет жаңалығы

ChatGPT өзінің көп күткізген тікелей режимде камера арқылы сөйлесу функциясын жарыққа шығарды.

Бұл енді келесі деңгей.

Қолданып көріңіздер ме? Таң қалдыңыздар ма?

🎥 Northern Eurasia Finals 2024 тікелей эфирі қазақ тілінде!
⠀
14–15 желтоқсан күндері сіздерді ICPC жартылай финалын тікелей эфирде тамашалауға шақырамыз! Бұл контестте Қазақстан, Қырғызстан, Өзбекстан және Тәжікстанның үздік командалары финалға өту үшін күш сынасады.
⠀
💡 Эфирде не болады?
• Контесттің өту барысын тікелей эфирде бақылау мүмкіндігі.
• Трансляция кезінде сүйікті командаңыздың кодын көру мүмкіндігі.
• Трансляцияны сіздің қалауыңызға сай ету мүмкіндігі — қай команданы көргіңіз келетінін комментарийлерде жазыңыз, біз оны міндетті түрде көрсетеміз!
• Спорттық бағдарламалау әлемінің беделді сарапшы спикерлері.
⠀
📌 ICPC World Finals 2024 кезінде қазақ тіліндегі трансляция көрілім саны бойынша үздік 2 қатарына кірген болатын. Бұл жолы да қазақ тіліндегі контенттің дамуына бірге үлес қосайық!
⠀
📍 Трансляция сілтемесі: https://youtube.com/live/cGH7kNebSL8?feature=share
🚀 Қосылыңыз және сүйікті командаларыңызды қолдаңыз!

ChatGPT- осы заманның айфоны.

Ал OpenAI компаниясы - Apple секілді.

Неліктен?

Өйткені, техно-әлемде 1-ші болу - өте маңызды. Ең қызығы - бұл компаниялар сол біріншілікті ұстап келе жатқанында.

Қазір енді нарықтағы ірі екі өзге ойыншы - Meta мен Google - қуғыншы рөлін атқарып келеді.

Мәселен, Apple компаниясы жаңалығын жарияласа, артынан Samsung жариялайды. Бірақ, оны ешкім елемейді (әдетте).

Қазір OpenAI компаниясы 12 күн қатарынан 12 жаңалық жариялаймыз деді. Бұған дейін ондай тарихта болмаған. Ойлап қараңызшы, 12 күн бойы 12 жаңалық. Әдетте, OpenAI ChatGPT-ге қатысты бір жаңалық жарияласа, артынша не Google, не Мета компаниясы іле-шала өздерінің қалтасында бар бір дүниені жариялайтын. “Біз де құр жатқан жоқпыз” дегендей.

12 күндік жаңалықтың алғашқы күні OpenAI компаниясы ChatGPT-дің о1 деген моделін preview деңгейінен шығарды да соған арнап ChatGPT Pro деген айына …$200 АҚШ теңгесі тұратын тарифін ұсынды. Әрине, эксперимент жасап көрмекке далада жатқан $200 жоқ (Ұлттық банкімізге мың алғыс!), жұрттың көкезу боп мақтап жатқанына ғана сенуге тура келеді. Айтуларынша, әлемде бұрын-соңды болмаған, ғаламдық деңгейдегі ЖИ боп шыққан.

Бүгін 2-ші күні олар мына суретте көрсетілгендей, “Өлеңге әркімнің-ақ бар таласы” демекші, әркімнің файнтьюниңге таласы барын бақылап, программист емес қаражаяу кез-келген адам файнтьюниң жасай алатындай функцияны іске қосқанын айтты. Яғни, білімі мен білігіне, тәжірибесі мен резюмесіне қарамай, енді әрбір пенде тек өзінің бір қажеттілігіне бағытталған модельге қойны-қонышында бар мәліметті енгізіп жіберіп, өзінің төл моделін оқытып-тоқыта алады.

Басында айтқанымдай, OpenAI компаниясының әр қадамын қарап отыратын Мета компаниясы алғашқы күнгі жаңалыққа орай өздерінің Llama 3.3 70B деп аталатын жаңа моделін таныстырды. Айтуларынша, бұл - Llama 3.1 405B моделімен парапар деңгейде қуатты.

Қызықтың көкесі енді басталды. Google мен Meta-ның 12 күндік жаңалығына басабас жариялайтын 12 жаңалығы қоржындарында бар ма екен? Болса, былтырлары “Хайп осымен аяқталды” деген әңгіменің шеті келесі жылы да тоқтамайтын сияқты…

А, иә, бір жарым ғасыр бұрын “Өнер-білім бар жұрттар…” деп тамсанғанымыз секілді, біздің халықтың маңдайына біткен дүние - елге тамсанумен ғана өтетін сияқты…

@timurdaninfo

Looking for a first class full-stack developer to become CTO. Entrepreneur mentality; opportunity to become a co-founder as well. Startup with 2 Million dollars in Sales outside the US. Massive opportunity to launch in the US. My LinkedIn: https://www.linkedin.com/in/nassar-odeh-45b8a02?utm_source=share&utm_campaign=share_via&utm_content=profile&utm_medium=android_app.
Drop me a message or email and i will get back to you.
Whatsapp: +972544877191
Email: [email protected]

Product/Data Analyst
Jusan (Marketplace)
500.000 to 700.000 KZT NET per month
Almaty / Office (Hybrid possible after probation)
Jusan is a Kazakhstani Bank. All projects of Jusan Marketplace: ranking, search, recommendation systems, push notifications, AI-bot for clients and others

Responsibilities:
• Identify growth points in the product based on data
• Propose and analyze new feature launches
• Work with large datasets
• Devise metrics for hypothesis validation or process/service/client scenario description
• Conduct A/B experiments with product teams (from hypothesis to results)

Requirements:
• Strong SQL knowledge (including cte, window functions, query optimization)
• Python (pandas, numpy, seaborn, etc.)
• Experience with A/B testing (design, acceleration, etc.)

Optional:
• Experience with DWH, ETL processes (Airflow)
• Experience with Amplitude or similar tools
• Experience with any data visualization tool

Contacts:
? [email protected]
? @hsjro568

???

Оқытқанда да, керісінше, одан сайын көбірек, тіпті программист емес адамдарға да оқыту керек.

Біз мектепте алгебра мен геометрияны оқимыз ғой? Өмірде тангенс пен котангенсті жиі қолданбасаңыз да, мал бағып кететін болсаңыз да оқисыз ғой? Онда неліктен оқиды адам? Өйткені, жалпы логиканы дамыту үшін. Мидағы нейрондарды бір-біріне байланыстырып, басымыздағы былшырақты өмірге икемдеу үшін оқимыз.

Дәл сол сияқты, ChatGPT дәуірінде адам оған сұрақ қойып, жауап алу үшін де бағдарлама жасақтаудан сауатты болғаны абзал. Яғни, ДҰРЫС сұрақ қойып, ДҰРЫС жауап алу үшін. Мейлі, бір программалау тілін білмесе де, жалпы мәліметтердің құрылымы деген не, алгоритмдер туралы түсінігі болғаны абзал.

Мәселен, қараңыздаршы.

Сіз sql мәліметтер қорымен жұмыс істеп білмейсіз. Түсінігіңіз жоқ. Сондықтан, өзіңізге қажет бір жоба үшін компьютеріңіздегі мыңдаған жаңа мәліметті сайттағы бұрыннан бар кестенің үстіне қосқыңыз келеді. Әрине, ChatGPT-ден сұрайсыз.

Ол, “Ок” дейді де өзіңіздегі sql жазбаны сайттағы sql жазбаға қосу үшін әрбір қатарға INSERT енгізіп береді. Сіз мәзсіз. “Кезінде уақыт құртып, SQL оқымағаным дұрыс болған екен” дейсіз. Шындығында солай. Барлығын ChatGPT сіз үшін жасап берді.

Алайда…

Алайда, сіз егер бағдарламалаудан көзі қарақты жан болсаңыз, мәліметтер қорына жаңа жазба енгізу кезінде топтап жүктеуді теориялық тұрғыдан түсінетін адам болсаңыз, онда сіз ChatGPT-ге жай ғана “Менің мәліметімді біртіндеп енгізу қажет емес. Маған барлығын дереу топтап жүктеп беруге көмектесші” деп айтар едіңіз. Сонда ол bulk import statement жасар еді.

Айырмашылығы қандай?

Теориялық тұрғыдан айырмашылығы жоқ. Екеуі де бір жұмыс.

Ал практикалық жағынан, білмейтін адам мыңдаған жаңа жазбалар қатарын бір-бірден түйірлеп INSERT жасап отырады. Ол уақыт алуы мүмкін, сеанс кезінде интернет үзіліп, байланыс жоғалып кетсе, деректер қорында ақау шығуы мүмкін, тағы сол сияқты.

Білетін адамның сценариінде ол мыңдаған, он мыңдаған, жүз мыңдаған жазбаны дереу жүктей алады.

Өйткені, менің байқағаным, ChatGPT сияқты жасанды интеллект чатботтары стандарт жауаппен шектеледі. Көптеген жоғары деңгейдегі үздік әдістерді ескере бермейді. Оған себеп, сұрақ қоюшының талабын дұрыс жазбауы тікелей әсер етеді.

Осындай мысалдар өте көп. Сондықтан да, программалау негіздерін үйреніңіздер. Ол қабілет сізді әлі талай тығырықтан аман-есен алып шығады һәм басқа адамдар миллион жерден ChatGPT қолданса да сізді олардың қасында ерекшелендіріп тұрады. Өйткені, сіз де ChatGPT қолданасыз. Бірақ, дұрыс қолданасыз.

Жасанды интеллект дәуіріндегі бағдарламашының бағдарламашыдан артықшылығы осыдан байқалады.

Қанды қырғынды ұмытпайтын, соған сай әрекет ететін шенеунік керек.

Қазақ халқына жанкештілікпен қызмет ететін шенеунік керек.

31 мамырда бір пост жазып құтылып кететін, басқа уақытта қазақ деген халықтың мұң-мұқтажын, діні мен ділін, тілі мен рухын ұмытып кететін шенеунік қажет емес.

Бүгін атаулы күн емес! Бүгін, әрбір қазақ үшін әрекет етіп жүрген шенеуніктің “Мен қазақ халқы үшін не істедім?” деп өзіне жауап беруді еске салатын күн.

Қазақтың потенциалын оятуға одан әрі әрекет ету үшін жігерді қайрайтын күн!