“2025-yil ham barchamiz uchun omadli boʻlsin!” — Dehqonobod tumani hokimi

Assalomu alaykum, hurmatli yurtdoshlar, aziz dehqonobodliklar!

Sanoqli daqiqalar oldin kirib kelgan yangi — 2025-yil barchamiz uchun omadli, to‘kis va farovon bo‘lsin!

Bilasizmi? 2024-yilning yakuniy o‘tgan har bir daqiqasi yil davomida qilingan ishlarimizga ko‘z yugurtirishga undadi. O‘zimizga savol beramiz. Nimaga erishdik va yana nimalar qilishimiz kerak edi?

Albatta, 2024-yilda qilgan ishlarimizni 2025-yilda ham davom ettirib, xalqimiz uchun xizmat qilishda davom etamiz. Prezidentimiz boshlab bergan ishlarning joylardagi yechimi bilan shug‘ullanamiz. Bunda esa Siz azizlarning qo‘llab-quvvatlovingiz judayam muhim. 2024-yilda yonimizda turib, qo‘llab-quvvatlaganingiz uchun rahmat. Sizdan minnatdorman.

Barchangizga sihat-salomatlik, tinchlik-xotirjamlik, baxtu saodat va farovonlik tilayman. Yangi yilda barcha xayrli ishlaringizda omad yor boʻlsin!

Yangi 2025-yilda xalqimizning barcha orzu-niyatlari ushalsin!
Kelajagimiz vorislari sanalmish farzandlarimiz, nabiralarimizning baxtu kamolini koʻraylik!

Qalbingizga quvonch, dasturxoningizga qut-baraka, oilangizdan shodu-xurramlik arimasin!

Goʻzal va betakror yurtimiz tinch-osoyishta, olijanob, bagʻrikeng xalqimiz hamisha omon boʻlsin!

**Kirib kelgan yangi 2025-yil muborak azizlar!

Hurmat bilan, Dehqonobod tumani hokimi Sherzod Shokirov!

Kanalimiz:** Dehqonobod 24✔️

Video: ”Kambagʻallikdan farovonlik sari” ildam qadam tashlanmoqda

Qashqadaryo viloyati prokuraturasi ishchi guruhi a’zolari va tuman mutasaddilari tomonidan O'zbеkiston Rеspublikasi Prеzidеntning 11.09.2024-yildagi "Kambag'allikni qisqartirish va aholini ijtimoiy himoya qilish sohasidagi qonunchilikka rioya etilishi va uning ijrosi ustidan nazoratni kuchaytirish chora-tadbirlari to'g'risida" gi PF-136-sonli Farmoni va 2024-yilning 23-sеntyabrdagi PQ 330-sonli “Kambagʻallikdan farovonlik sari” dasturi ijrosi yuzasidan tumandagi “Beshbuloq” va “Paxtachi” mahallasida istiqomat qiluvchi, dasturga kiritilgan ehtiyojmand oila vakillariga oʻzini-o’zi band qilib, oilasiga qoʻshimcha daromad keltirishlari uchun subsidiya asosida tikuv mashinasi topshirildi.

Xususan, Kambag'allikdan farovonlik sari dadil qadam qo'yayotgan oilalar safi tuman hududida ko'payib borayotganligi ham bularning barchasi davlatimiz tomonidan qabul qilingan qaror va farmonlar ijrosiga bo'lgan talab hamda e'tiborning yorqin namunasidir.

Kanalimiz: Dehqonobod 24✔️