Франция президенти Эммануэль Макрон Германия канцлери Олаф Шольц билан мулоқот қилиб, янги шарт-шароитларда “янада якдил, кучли ва суверен Европа…” йўлида бирга иш олиб борамиз, деяпти Трампнинг ғалабасига ишора қилиб. У аллақачон Трампни ғалаба билан қутлади.

Дональд Трамп ўтган галги муддатида Европа лидерлари учун анчагина ташвиш туғдирган эди.

АҚШ сайлови натижалари глобал миқёсда воқеалар ривожини ўзгартириши турган гап.

Biznes lugʻatni oʻrganishda davom etamiz.

Benchmarking

Benchmarking - kompaniyaning ko‘rsatkichlarini sohaning o‘rtacha statistik ko‘rsatkichlari, raqobatdosh kompaniyalar va zamonaviy tendentsiyalar bilan taqqoslashdir.
Ushbu tahlil asosida kompaniyaning raqobatbardoshligi aniqlanadi.

#biznes
@allaevuzb

Biror sohada o'yin qoidalarini o'zgartiradigan, keyingi katta qadamni tashlaydigan har qanday katta biznes boshqa bizneslar uchun ham ulkan qiymat yaratadi, bu yangi ish o'rinlari yangi qiymat bilan butun iqtisodiyotni boy qiladi.

Bu qanday qilib yakunda xalqlarni farovonlikka olib kelishini Kleyten M. Kristensonning biz yaqinda chop etgan "Farovonlik paradoksi. Qanday qilib innovatsiyalar xalqlarni qashshoqlikdan qutqaradi" kitobi yaxshi tahlil qilgan.

Hozir OpenAI ChatGPTni ishga tushirgach sun'iy intellekt texnologik taraqqiyotda keyingi qadam bo'ldi deb qo'rqmasdan aytamiz. Biz sun'iy intellekt orqali biznes sifatida OpenAI, Amazon, Google va yirik IT gigantlar ishlab topayotgan pullarni ko'ramiz. Amalda bundan yanada kengroq sektorlar yutmoqda. Deylik, keyingi yilda sun'iy intellekt uchun zarur bo'lgan HBM chiplari yetishmovchiligi katta muammoga aylanar ekan. Ishlab chiqaruvchilar soha rivojlangan sari yetarli tarzda kengayib, ishlab chiqarishni ko'paytirib ulgurishmayapti. Na Samsung, na boshqasi talabni to'liq qoplay olmaydi deyilmoqda. Sun'iy intellekt rivojlanishi uchun chiplar zarur. Ko'proq chip ishlab chiqarish uchun yana yuzlab, minglab sohalarda bizneslar ishlaydi, ularning biznesiga ham talab oshadi.
Sun'iy intellekt sabab dasturiy ta'minotga talab va u yaratayotgan ish o'rinlari va qiymat yana boshqa masala.

Innovatsiyalarning zo'r tomoni, ular ommalashganda (masshtablashganda) faqat ularni chiqargan biznes emas, ular atrofida butun boshli tizim rivojlanadi, qiymat yaratadi.

#iqtisodiyot
@allaevuzb

Maʼlumotlar oydinlashdi.

YaTT uchun keyingi yilga soliqlar:

1. Yillik aylanma 100 millionga yetguncha qismidan oylik belgilangan soliq, oʻtgan yilgiga nisbatan 10 foiz oshadi. Deylik, 400 000 boʻlgan hududda 440 000ga chiqadi.

2. Belgilangan oyma oy toʻlaydiganlar. Bu qism koʻp oshadi, aylanma 500 millionga yetguncha 30 mln, undan oshsa yillik 40 million. Bir milliard oborot qilsa, 4 foizga toʻgʻri keladi.

3. Aylanmadan 4 foiz. Bu oʻzgarishsiz qolgan.

Ikkinchi variantni yagona qulayligi, soliq hisobotidan ozod qilinganligida.

Bir milliardlik limitni ham parallel 10 foizga oshirish kiritilmagan.

@allaevuzb

Davletov uz yozmoqda, hamma YATTlar uchun keyingi yildan soliq 10 foizga chiqarkan.
Bu kichik biznes uchun yaxshi qaror deb o'ylamayman. Hozirda yillik 1 milliard so'm aylanma uchun soliq 4 foiz hisoblanadi. Mana shu 1 milliardlik limit ham 2018-yildan beri inflatsiya va kurs o'zgarishlariga qaramasdan oshirilmasdan, o'zgarishsiz qolgan edi.

@allaevuzb

Marketingda ajoyib yoʻnalish bor, biznesga qisqa muddatda sotuv & marketing boʻyicha yechimlar beradi.
Aniq raqamlarga asoslangan holda olib boriladi.
Masalan reklamaga tikilgan $1000 budjetni qancha foyda olib kelayotganini aniqlash mumkin. Bu yoʻnalish “Performance Marketing” deb nomlanadi

Koʻzim bir muallifning postlariga tushib qoldi.
Blogida Xususuy maktab, tovar sotadigan biznes, servis va shu kabi sohalarda qanday qilib marketing yechimlar qilgani yoritilgan. Sotuv boʻlimi qurish va u bilan ishlash haqida ham yozgan ekan.

Aniq sonlarga asoslangan tahlillar.
Kanalni nomi ham ajoyib, “Cashvertising” 😅

Ushbu havola bilan oʻtishingiz mumkin: @cashvertising_abdulhamid

#tavsiya
#biznes
@allaevuzb

Yoz, qisqartir

Salom, ismim Oʻlmasbek. 2022-yildan boshlab kopiraytingni oʻrganib kelaman va faqat Telegram kanallar uchun natijali postlar yozaman.

Yaqindagina oʻzimning "Telegram Post" nomli Telegram kanalimni tashkil qildim.

Bu kanalga Kopirayting haqida va kitoblardan olingan xulosalar hamda Telegram kanallarning tahlillari haqidagi foydali postlarni joylab boraman.

Sizga ham yozish, oʻqish va yana Telegram kanallar haqidagi maʼlumotlar qiziq boʻlsa, hech tortinmasdan obuna boʻlavering!

⛳️ Obuna boʻlish: @telegrapost

PS: Tavsiya qilamiz

Bookmate xizmati Yandex Knigi ga oʻzgarganini bilsangiz kerak. Oxirgi maʼlumotlarga koʻra loyiha oʻzbek bozorida faol ishlab boshlabdi. Oʻzbek nashriyotlari bilan oʻzbek tilidagi kitoblar uchun muzokaralar boshlangan.

Xizmatning tajribasidan kelib chiqsa, elektron va audio kitoblar bozorida katta yangilik boʻladi.

@allaevuzb

Misrda arab tili rasmiy til hisoblanadi. Musulmon dunyosining eng katta mamlakatlaridan birida arab tili davlat tili ekanligi oddiydek ko‘rinadi. Lekin, ichkaridan yagona davlat tili bo‘lgan arab tili bilan vaziyat ancha murakkab. Amalda ikki xil, bir-biridan keskin farq qiladigan arab tillari ishlatiladi. 

Fusxa — klassik arab tili bo‘lib, yozuv tili hisoblanadi, lekin nutqda ishlatilmaydi. Uni o‘lik til desa ham bo‘ladi. Uni grammatik strukturasi juda murakkab, xato va so‘z o‘yinlariga imkon qoldirmaydi. Fusxa arab tilining barcha dialektlari otasi yoki onasi hisoblanadi. Xullas, dialektlar Fusxadan tarqagan. Dialektlar bir-biridan shunchalik farq qiladiki, bir arab mamlakatdagi arab dialektida gapiradiganlar boshqa arab dialektida hech narsani tushunmasligi mumkin. 

Ammiyya— fusxaning norasmiy bolasi, og‘zaki yoki ko‘cha arab tilisi, tarixi fusxaga taqaladi. Bu bugungi Misrdagi zamonaviy arab tili deyish mumkin. Bu Misrda kino sanoati tili ham. Regionda eng kuchli kinosanoat Mist va Livanga tegishli uchun, ammiyya kino orqali ham arab mamlakatlarida keng tarqaladi. 

Ammiyyaning san’atda va hayotda keng qo‘llanishiga qaramasdan, Misrda aksar kitoblar, darsliklar va matbuot fusxada chop etiladi. Misr to‘g‘ri ma’noda ikkita til orasida bo‘linadi. Bu butun boshli millat savodiga ta’sir qilmasdan qolmaydi. 

Bolalar ammiyyada til chiqarishadi, lekin o‘qish uchun fusxani o‘rganishga majbur. Bu xuddi kitob o‘qish, ta’lim olish uchun italyanni lotin tilini o‘rganishga majburlashga o‘xshaydi.  Tez-tez akademik doiralarda, bahslarda ammiyyaga o‘tish, uni adabiy til sifatida tan olish masalasi ko‘tariladi.

Lekin, jamiyat bu masalada ikkiga bo‘linadi. Bir qism klassik arab tilini saqlashni talab qilsa, boshqa qism yozma manbalar ammiyyaga o‘tishi kerakligini aytadi. Qaysidir manbalar ammiyyada kitob ham chiqarishadi. Fusxaning eng asosiy himoyachisi, umuman fusxada dunyoda eng kuchli bo‘lgan ta’lim dargohi, Islom olamining eng eski Universiteti Al-Azhar hisoblanadi. Ammiyya foydasiga Qohira universiteti kabi asosan zamonaviy ta’lim dargohlari fikr bildirishadi. 

Lekin, amalda Misrliklarning katta qismi fusxani bilmasligi uchun mutolaada va tushinishda qiynaladi. Fusxani bilmasdan ijod kilish xam muammo. Bu millatning savod darajasiga ta’sir qilmasdan qolmaydi. 

Bu post til bayrami kuni yozilgan, lekin chiqarish ortga qolgan edi. Post nima uchun yozilmoqda, lotin va kirill muammosi bilan, shuningdek yangi so‘zlarga yopiqlik bilan biz ham yozma tilni real tildan uzib qo‘ymasligimiz kerak. Lotin yozuvi masalasini imkon boricha tezroq yopib, qanaqa bo‘lsada variant qabul qilib yoki borini qoldirib, qonun bilan lotinga o‘tishni va bu lotin yaqin kelajakda, masalan yaqin 50-yilda o‘zgarishi mumkinmasligini qabul qilishimiz kerak. Millat yagona yozuvga, yagona standartga o‘tishi kerak. O‘zbek tili jonli til, u jonli til sifatida o‘sishi, yangiliklarga ochiq bo‘lishi, qanaqadir kichik akademik guruhga emas, xalqqa, u o‘qishi va tushunishiga oson bo‘lib rivojlanib borishi kerak. Turk tili yoki hatto shovinist bo‘lgan fransuzlar o‘z tiliga xalqaro so‘zlarni qabul qilishga ikkilanmayotgan ekan, nima uchun biz chet tilidan so‘zlarni qabul qilishga qiynalishimiz kerak?! O‘zi shundoq ham tilimizda katta qism so‘zlar fors va arab tilidan, XX asrda rus tilidan kelgan. Bugun ingliz yoki rus tilidan keladigan yangi so‘zlarga nima uchun yopiq bo‘lishimiz kerak? 

Tilimiz sofligi degan hissiyotni tushunaman, lekin bu tilni bir joyda qotib qolib noqulay bo‘lishiga, avlodlarning ta’lim sifatiga ta’sir qiladigan muammoga aylanishiga qarshiman. Bular hammasi vaziyatga o‘ta shaxsiy qarash va fikrlardir. 

O‘zbek tilini sevadigan, shu til haqida qayg‘uradigan noshir
Firuz Allayev

23.10.2023

#til
@allaevuzb

Agar xavfsizlik qismi raqamlarga asoslangan bo'lsa ham, buni tartib bilan aholiga qulay qilib amalga oshirsa bo'ladi.

Avvalo, raqamlarni aniq chiqarish kerak, yuz ming mashinaga sodir bo'ladigan avariya soni yuz ming moped yoki skuterga sodir bo'ladigan avariya sonidan kammi? Raqamlar shuni ko'rsatsa, demakki tartibga solish zarur. Lekin, aholining eng kambag'al qatlami moped va skuterlar sabab kun ko'rishini hisobga olib, ularga moliyaviy qiyinchilik tug'dirmasdan buni amalga oshirish kerak.

Raqam olishdan maqsad qoida buzilgan holatda qoidabuzarni identifikatsiya qilishdir. Shu sabab moped va skuterlar uchun raqam olishni elektron qilib, minimal summa bilan joriy qilsa bo'ladi. Bunda raqam olish muhlati bir kundan oshmasa, summa ham 200 000dan oshmasa, katta to'siq yaratmaydi.
Haydovchilik guvohnomasi bo'lsa ancha qiyin jarayon. Shu uchun qaror bilan bemalol raqam identifikatsiyasi orqali qoida buzgan fuqaroga haydovchilik guvohnomasiz ham jarima yozish imkonini yaratsa bo'ladi. Shunda moped yoki skuter raqami bilan qoida buzgan shaxs aniqlanadi va unga xabarnoma jo'natiladi.
Minimal byurokratiya, hammasi oson va arzon, muhimi xavfsizlik uchun ma'lum bir tartib yo'lga qo'yiladi. Va bu o'n minglab insonning hayotini qattiq qiyinlashtirmasdan, bir sohada narxlar keskin oshishiga sabab bo'lmasdan bo'ladi.

Har holda vaziyatni man shunday ko'raman.

@allaevuzb