​​ЭҲСОННИНГ ҚАДРИ

Ўсмирлик кезларим эди. Отам билан цирк томошасига чипта олиш учун навбатда турдик. Чипта сотадиган касса билан бизнинг ўртамизда бир оила ҳам навбат кутарди. Бу оилага қизиқишим жуда ортди. Оиланинг саф тортиб турган болакайлари барчаси чамамда 12 ёшдан кичик эди. Кийим-кечагидан уларнинг пули етар-етмас эканлиги шундоқ сезилиб турарди. Аммо болаларнинг кийимлари тоза-озода ва саранжом-саришта эди. 
Болалар ота-онасининг ортида жуфт-жуфт бўлиб қўл ушлашиб турар ва ўзларини жуда яхши тутарди. Улар ўзлари кўришга муштоқ масхарабозлар, ҳайвонлар, умуман ўша кечқурунги бўлажак томоша ҳақида ўзаро хурсанд бўлиб чуғурлашарди. Ҳаяжони кучли эканидан болалар аввал ҳеч қачон циркка тушмаганлари билинарди. Бу уларнинг ҳаётидаги энг қизиқарли воқеа эди. Ота ва она сафнинг бошида ғурур билан туришарди. Она эрининг қўлини маҳкам тутиб: “Сен менинг кийимлари ярақлаган рицаримсан!” – деяётгандек эди гўё. Ота ҳам оиласи бахтидан шодон ва масрур эди. 
Кассир отадан уларга нечта чипта кераклигини сўради. У ишонч билан:
– Мен болаларга саккизта ва катталарга иккита чипта олмоқчиман, – деди. 
Сотувчи чипта нархини айтди.   
Хотини эрининг қўлини қўйиб юбориб, боши ғамгин эгилди, эрнинг эса лаблари титрарди. Кейин бироз эгилди ва касса ёнига яқинроқ келиб:
– Чипта нархини қанча дедингиз? – деб сўради. 
Кассир нархни яна такрорлади. Бу одамнинг бунча пули йўқ эди. Ҳаётида илк бора циркка кириш хурсандчилигидан еру кўкка сиғмаётган болалари томон бурилиб, томошага кириш учун пулим етмайди, деб қандай айтади? 
Воқеани кўриб, ҳис этган отам чўнтагига қўл тиқиб, 20 долларлик пулни ерга ташлаб юборди (Ҳолбуки, биз ҳам бой яшамасдик, тирикчилигимиз зўрға ўтарди). Отам 20 долларлик купюрани ердан олди ва ночор қолган отанинг елкасига секин қоқиб:
Кечирасиз, сэр, мана бу пул чўнтагингиздан тушиб қолди... – деди.
Кичкинтойларнинг отаси гап нимадалигини тушунди. У ҳеч кимдан садақа сўрамоқчи эмасди. Аммо инсон қалбини ўртаб юборадиган, ноиложлик ва ноқулай вазиятдаги ёрдамнинг қадрини юрак-юракдан ҳис қилган эди. У отамнинг кўзига тик қараб, икки қўли билан унинг қўлларини маҳкам сиқиб, лаблари титраб, кўзида ёш билан: 
– Раҳмат, раҳмат, сэр. Бу ишингиз мен ва оилам учун жуда катта аҳамиятга эга, – деди...    
Биз отам билан уйга қайтдик. Ўша 20 долларга биз ҳам билет сотиб олмоқчи эдик. Ўша оқшом цирк кўрмаган бўлсак ҳам, ичимиздаги қувончимиз цирк томошасининг хурсандчилигидан кучлироқ эди. Бу шодликни бирор бир томоша ҳеч қачон бера олмасди... Мен ўша куни иложсиз, ночор аҳволда қолган инсоннинг мушкулини осон қилиш қанчалик қадрли эканини англаб етдим. “Бериш” қадриятини ҳис этдим! Ва яна бир нарсани даъфатан англаб олдим: “Берган қўл олган қўлдан улуғворлигини”. 
Мабодо сиз ўзлигингиздан ҳам улуғроқ инсон бўлишни истасангиз, "бериш"ни ўрганинг. 
Хайр-эҳсон ва кўнгли синиқлар дуосининг аҳамиятини баҳолаш имконсиздир. Ҳамиша эҳсонларингиз билан кўнгилларни обод этишни канда қилманг... 

Одри Хепберн, киноактриса
(Жалолиддин Сафоев таржимаси)

Манба

Ассалому алайкум!

Қадрдонларим, соғ-омон бормисизлар? Умрингизнинг ҳар бир лаҳзаси файзу баракага тўлиқ бўлсин!
2020 йил февралида мамлакатимиз зиёлиларидан иборат делегация Озарбайжон Республикаси пойтахти Боку шаҳрида буюк бобокалонимиз ҳазрат Алишер Навоий ижодигабағишланган халқаро анжуманда иштирок этганмиз. Анжуманни Озарбайжон Миллий Илмлар академияси президенти, илм-фан соҳасида туркий дунёнинг эътироф этилган арбобларидан академик Исо Ҳабиббейли бошқарган. Ўша анжуманда Озарбайжон Республикасининг ўзбек-озарбайжон адабий алоқалари ривожига катта ҳисса қўшиб келаётган икки атоқли намояндаси – машҳур адабиётшунос олима, филология фанлари доктори, профессор Алмаз Улвий ҳамда атоқли шоир ва олим Акиф Азалпга Ўзбекистон Ёзувчилар уюшмаси фахрий аъзолиги гувоҳномалари топширилган.
Акиф Азалпга аъзолик гувоҳномаси топширилиб, зартўн кийдирилгач, “Ўзбек келаётир...” деган машҳур шеърини ўқиб берган. Шеър тинглангач, ўша кезлари Ўзбекистон Ёзувчилар уюшмаси раисининг ўринбосари бўлган атоқли шоир Нодир Жонузоқ Акиф оғага уюшмамиз раиси Ўзбекистон Халқ шоири Сирожиддин Саййид асарларининг тўрт жилдлигини ҳам совға сифатида топширган.
Сиз азизларнинг эътиборингизга мазкур тарихий лаҳзалар акс этган видеолавҳани ҳавола этмоқни зарур, деб билдик.

Нурбой Жабборов

Assalomu alaykum!

Qadrdonlarim, sog‘-omon bormisizlar? Umringizning har bir lahzasi fayzu barakaga to‘liq bo‘lsin!
2020-yil fevralida mamlakatimiz ziyolilaridan iborat delegatsiya Ozarbayjon Respublikasi poytaxti Boku shahrida buyuk bobokalonimiz hazrat Alisher Navoiy ijodiga bag‘ishlangan xalqaro anjumanda ishtirok etganmiz. Anjumanni Ozarbayjon Milliy Ilmlar akademiyasi prezidenti, ilm-fan sohasida turkiy dunyoning e’tirof etilgan arboblaridan akademik Iso Habibbeyli boshqargan. O‘sha anjumanda Ozarbayjon Respublikasining o‘zbek-ozarbayjon adabiy aloqalari rivojiga katta hissa qo‘shib kelayotgan ikki atoqli namoyandasi – mashhur adabiyotshunos olima, filologiya fanlari doktori, professor Almaz Ulviy hamda atoqli shoir va olim Akif Azalpga O‘zbekiston Yozuvchilar uyushmasi faxriy a’zoligi guvohnomalari topshirilgan.
Akif Azalpga a’zolik guvohnomasi topshirilib, zarto‘n kiydirilgach, “O‘zbek kelayotir...” degan mashhur she’rini o‘qib bergan. She’r tinglangach, o‘sha kezlari O‘zbekiston Yozuvchilar uyushmasi raisining o‘rinbosari bo‘lgan atoqli shoir Nodir Jonuzoq Akif og‘aga uyushmamiz raisi O‘zbekiston Xalq shoiri Sirojiddin Sayyid asarlarining to‘rt jildligini ham sovg‘a sifatida topshirgan.
Siz azizlarning e’tiboringizga mazkur tarixiy lahzalar aks etgan videolavhani havola etmoqni zarur, deb bildik.

Nurboy Jabborov

Ассалому алайкум!

Қадрдонларим, Тангрининг паноҳида омонмисизлар? Бугунги ва барча кунлар сиз учун хайру баракага тўлиқ бўлсин!
Жадид боболаримизга осон бўлмаган. Чунки улар Ватан ва Миллат босқинчиларга тобе бўлган оғир замонларда яшаган. Шу боис кўнглидаги ўй-фикрларни очиқ ёза олмаган. “Янги Ўзбекистон” газетасида чоп этилган “Мен юртимнинг пок истакли кучимен...” сарлавҳали мақоламда Абдулҳамид Чўлпон шеъриятидаги ана шундай рамзлар ҳақида фикр юритганман. Ушбу мақола Сизга маъқул келишидан умидворман.

Ҳурмат ила Нурбой Жабборов

Telegram / Facebook

Assalomu alaykum!

Qadrdonlarim, Tangrining panohida omonmisizlar? Bugungi va barcha kunlar siz uchun xayru barakaga to‘liq bo‘lsin!
Jadid bobolarimizga oson bo‘lmagan. Chunki ular Vatan va Millat bosqinchilarga tobe bo‘lgan og‘ir zamonlarda yashagan. Shu bois ko‘nglidagi o‘y-fikrlarni ochiq yoza olmagan. “Yangi O‘zbekiston” gazetasida chop etilgan “Men yurtimning pok istakli kuchimen...” sarlavhali maqolamda Abdulhamid Cho‘lpon she’riyatidagi ana shunday ramzlar haqida fikr yuritganman. Ushbu maqola Sizga ma’qul kelishidan umidvorman.

Hurmat ila Nurboy JabborovTelegram / Facebook

Ассалому алайкум!
Азизларим, саломат бормисизлар?
Озарбайжон Республикасига илмий сафаримиз асносида жорий йилнинг 17 апрелида Боку Овросиё университетида бўлдик. Бу даргоҳда тилшунослик ва адабиётшунослик, матншунослик ва туркология бўйича салоҳиятли олимлар фаолият кўрсатар экан. Университет олимлари билан ўзаро ҳамкорлик истиқболлари бўйича мулоқот қилдик, адабий алоқаларни такомиллаштириш юзасидан фикр алмашдик.
Ушбу университетдаги нутқимни сиз азизларнинг эътиборингизга ҳавола этмоқни зарур, деб билдим.

Нурбой ЖабборовTelegram / Facebook

Telegram

Nurboy Jabborov saboqlari

Алишер Навоий номидаги Тошкент давлат ўзбек тили ва адабиёти университети Ўзбек адабиёти тарихи кафедраси мудири, филология фанлари доктори, профессор Нурбой Жабборовнинг илмий-ижодий ўзани ЎЗАНДАН МАЪЛУМОТЛАР ОЛИНГАНДА, МАНБА КЎРСАТИЛИШИ ЗАРУР!

Assalomu alaykum!
Azizlarim, salomat bormisizlar?
Ozarbayjon Respublikasiga ilmiy safarimiz asnosida joriy yilning 17-aprelida Boku Ovrosiyo universitetida bo‘ldik. Bu dargohda tilshunoslik va adabiyotshunoslik, matnshunoslik va turkologiya bo‘yicha salohiyatli olimlar faoliyat ko‘rsatar ekan. Universitet olimlari bilan o‘zaro hamkorlik istiqbollari bo‘yicha muloqot qildik, adabiy aloqalarni takomillashtirish yuzasidan fikr almashdik.
Ushbu universitetdagi nutqimni siz azizlarning e’tiboringizga havola etmoqni zarur, deb bildim.

Nurboy JabborovTelegram / Facebook

Ассалому алайкум! Азизларим, саломат бормисизлар? Ғойибона дийдор кўришаётганимиздан беҳад мамнунман!
Жорий йил 10 апрелда буюк адиб ва шоир, адабиётшунос ва публицист Абдулла Қодирий таваллудига 130 йил тўлди. Шу муносабат билан “Ўзбекистон тарихи” телеканали “Ўзликка йўл” туркум кўрсатувларини эфирга узатди. Биз – камина ходимингиз ва “Муштум” журнали бош муҳаррири Носиржон Тошматов бошловчи Октябр Мансуров билан биргаликда Абдулла Қодирий публицистикаси бўйича фикрларимизни билдирдик.
Ушбу кўрсатув сизга маъқул келади, деган умиддаман.

Нурбой Жабборов