نعي للأمام علي ع ( بعد فقد الاب والدار خاليه)
كأني بأحبابه وأولاده تبكي وتقول

ننعه اعليك كلنه وحتـــى قرآنك
ياكلب الرحيم المعظــم احسانك
يلي ماتســــــــــد فد يوم بيبانك
ياشيخ الهواشــــم خالي ديوانك

ياشيخ الهواشـــــــم ماتجي الدارك
تنشد وين راعــــي البيت خطارك
مافاتح مضيفك لا تشـــــــب نارك
وسفه الناس كلهه امضيعه اخبارك

يلي ماتسد للمعتنـــــــــــــي بابك
الدنيه موحشه والكــــون بغيابك
مانشفت دموع العيلــــه واحبابك
ذابحهه الهجر يالوالي وامصابك

شيعوض حنانك تنحــب ايتامك
ينوح حسين والله و يذكر ايامك
يتصور باله وينظـــــر الهامك
من اتلوج يمه وتســـعر آلامك

واللي تكســـــــــر الدلال وتهدمه
زينب من تطلــــع الثوب وتشمه
تصيح وتنعه آخ وتحضن بهدمه
مات الأبو هســـه واعرفت يتمه

زينب تبكي وتقول في العيد
ياراعي المحنه أجانه العــــيد ياراعي المحنه
يابعـــــــد اهلنه مشتاكين ألك يابعــــــــد أهلنه
ماترجــــع النه اسويعه ياالأبو ماترجــــع ألنه
وانشوفك احنه تسير لينه بويه انشــوفك احنه

مـــر البناتك عيد الله اجـــــــــه ومر البناتك
بويه وغلاتك مشتاكين الك بويــــه وغلاتك
جبنه عباتك بويه امن الصبح جبنـــه عباتك
ماناســـياتك نشــــــم ابريحتك ماناســـــياتك

واتعايـــــد الناس فرحانه البشـــــــــــر واتعايد الناس
وآنه الطم الراس عليك امن الحـــزن آنه اللطم الراس
ما اكطــع الياس بلكـــــت ترد ما اكطـــــــــــع الياس
نص الكلب جاس ثلم هرشي الهجر نص الكلب جاس

كأني زينب والحسن والحسين يزورون قبر ابوهم
اشحلات المكبره البيه ســـكنتو
عفتو ادياركم واهنـــا كـــعدتو
يالبأرض النجف هسه نـــزلتو
اكلوب احبابكــــم والله شلعتو

نشتم من بعد ريحــــــة اهـــلنه
كصدنه المكبره وراعي المحنه
جنك بويه واجــــف تومي إلنه
نمشي ونعــثر الكبرك وصلنه

ليكم جينـــــه بويه و سيرينه
وللمكبره بالعيــــــــــد اجينه
نتبجاجه ونون ننحـــب لفينه
فدوه ارجوك فك بابك علينه

كأني بزينب حضنت القبر الشريف
لفيتك للكبـــــر بويه اشلونك
خو غيـــــــر التربان لونك
خو ماذبلت وراحن اعيونك
ماتكعد وتفتحلــــي اجفونك

ابو علي الركابي

نعي

نعي أم البنين والامام علي عليهم السلام
كأني بأم البنين عندما رأت الامام علي مطبور الراس

سلامات اعله عمرك كون روحي اتروحلك فدوه
ياهيبة البيت اشـــــــــــــــلون تجذب بالنفس كوه
موش انته التطيح وحـــــــــيف من الجرح تتلوه
ياشيخ العــــــــــرب والناس يابو رفجت الحلوه

عسنه الصابك بهاليوم كون ايده الدعي انشلت
عليك الدنيه والاكــــــــوان يابو زينب ارتجت
جبريل وسمه الجبار من فوك العــرش ضجت
الفقره ابابنه تتنـــــــــــــــاك يابالحسن هالونت

وكأني بأم البنين تكلم الامام علي وهو على فراش الموت
حاجيني يروحـــــي وبعد بيتي
احس امن الهوه مختنكه ريتي
أم عباس انه وكـــربت منيتي
لاتمشيش يابختـــــي وصيتي

وين امغرب وشــــــــايل يوالي
يبو عباس ياحــــــــــيدر الغالي
يمشي اوياك من تمشــي دلالي
وحشه الدار من عكبك وخالي

امشي اعليك فاطمة الزجيه
ريض لاتحــــــــمل للمنيه
بعدنه ابعازتك يابو الحميه
باجر زينبك تمشــي سبيه

وكأني بالامام علي يكلم ام البنين ع
ها يم الأبنـــــــين يم الوفـــــــــه وها يم الابنين
عينج على حسين من ارتحل عينج على حسين
خليــــــــه بالعين داريه الــــــــي وخليه بالعين
هذا ابني الاحنين روح الكلب هذا ابني الاحنين

داريــــــه اليه حسين انكســـــر داريه اليه
يبجــــي عليه سكتيه لون يبجــــــي عليه
عكب الزجيه مات الابو عكـــب الزجيه
وآنه اشــبديه موتي كرب وآنه اشبديه

وكأني بجواب ام البنين ع
ابشـــــــــر يحيدر عد ضنتك وابشـــــــــر يحيدر
بعز روحي واكثر حسين الهوه بعز روحي واكثر
اندار وافـــــــــتر فدوه الــــــــــــــــه اندار وافتر
عبـــــاس الازهر ولدي فـــــــــده وعباس الازهر

وكأني بأم البنين عليها السلام تودع جنازة امير المؤمنين بعد استشهاده ع

ريض يجـــــــناز اودعنـــــــه الولــــي ريض يجناز
هوه اغله الاعزاز ابو زينب علي هوه اغله الاعزاز
والجيتــــه اعـــتاز بيتي انهدم والجيتــــــــــه اعتاز
من النـــــعش فاز بلكي امن اون من النـــــــعش فاز

ماكو بغلاته ابو ملكه الحلو ماكو بغلاته
ظـلت عباته ظل الدرع ظـــــلت عباته
ينعـــن بناته شال الابو وينعـــــن بناته
صارت وفاته بساع وغفل صارت وفاته

مشبعنه منه راح الابو ومشــبعنه منه
نكطع الضنه نيس بعد نكطــــع الضنه
مايرجع النه ميت علي ومايرجع النه
زيد حملنه عكبه بحــزن زيد حملنه

الفيـــــــــه علينه راح الدفو والفيـــــــه علينه
راح امــن ادينه حدر التراب راح امن ادينه
لاما يجــــــــينه الصار ابكـــــبر لا مايجينه
يســــــمع بجينه كون الابو يســـــمع بجينه

وكأني بأم البنين ع والدار خاليه من علي ع
وحشه وخليه داره المسه وحشه وخليه
كل مغـــربيه ايموت الكلب كل مغربيه
شـــيرده اليه ماضن بعد شـــيرده اليه
ريت المــنيه تلفي وتجي ريت المنيه

وبروحي عله جرحي انلجم وبروحي عله
لاهيه عــــدله لاميته ومشت لاهــيه عدله
لاموش سهله شيلة علــــي لاموش سهله
هالخالي نزله ظلمه وكدر هالخالي نزله

وكأني بأم البنين تخرج ملابس وعبائة وسيف الامام علي ع وتتكلمها
مشــــــتاكه اشمه عطرك علــي مشتاكه اشمه
وبصدري اضمه ثوبك شفه وبصدري اضمه
يابو الايمــــــه ليش ارحلــــــت يا بو الايمه
لونــــزف دمه حسين بعازتك لو نزف دمه

تحضر لباجر كونك عدل تحضـــــر لباجر
وبيوم عاشر حين العطــــــش وبيوم عاشر
وكت الحوافر تشوف السحك وكت الحوافر
تكسر الخاطر وزينب تظل تكسر الخاطر

ابو علي الركابي

نخيت الليله أبو طلبه نخيت الليله ابو طلبه
دعيت ورايد امراده واحلفه بعمة الساده
نخيت الليله ابو طلبه

سمعت بمجلس الكاظم حضرت واني بالخدمه
كصدت الماتمه ودمعي صب الصاحب النعمه
اعرفه صاحب امروه كريم ويوفي بالجلمه
جبير ومانشف جـوده يوزع للخـــــلك رحمه

طلبته الليله ابو طلبه طلبته الليله ابو طلبه
اروح وامشي كالعاده واحلفه بعمة الساده
نخيت الليله ابو طلبه

اجيت بعـــبرة اهـــمومي ودمعتي بجمرتي اجريهه
حضرت وحاجتـي بكلبي نويت ابمجلســه احجيهه
ابو طلبه دعيــــــته اليوم وادري الحاجه يكضيهه
لون صعبت عليه اهواي زينــب عمتــــه امشيهه

دعيته الليله ابو طلبه دعيته الليله ابو طلبه
كلبي الملتهب ناده واحلفه بعمة الساده
نخيت الليله ابو طلبه

اريد امرادي من عنده ويقني الحاجه مكضيه
لون ذكرته بالراحـــت حزينه وتبجي مسبيه
خذوهه ام عون عالناكه نحيله وتمشي محنيه
تشوف اكبالهه ايدفعون عليويه اعلــه علويه

فزعتي الليله ابو طلبه فزعتي الليله ابو طلبه
دعيت الوارث القاده واحلفه بعمة الساده
نخيت الليله ابو طلبه

احسن حاضر الكاظم شعوري ايباوع الناسه
تباوع روحي لألطافه واشمن عطـره وانفاسه
يشوف اكلوب اليعزوه يدري ايراقب احساسه
فاتح كلبه للخطــــــار مثل بيبـــــــــان عباسه

نحرته الليله ابو طلبه نحرته الليله ابو طلبه
نخيته ابغربة اجداده واحلفه بعمة الساده
نخيت الليله ابو طلبه

احجـي اوياه بدموعـــي يوفقنــــي ويباريني
ومن حقد وشرور الناس والحســــــاد يكفيني
ويداوي علتـــــي بجاهه طبيبي وهوه يشفيني
واريده بدفتره الكاظــم بالخدمـــــه يسـجلني

بجاهه الليله ابو طلبه بجاهه الليله ابو طلبه
امشي اولاده واحفاده واحلفه بعمة الساده
نخيت الليله ابو طلبه

ابو علي الركابي

السيدة معصومه والامام الكاظم (ناطرتك ياكحل اعيوني)

ماتطبك للنوم اجفوني ناطرتك ياكحل اعيوني
بويه الكاظم ترجع سالم
ناطرتك ياكحل اعيوني

ماعشت الهنـــــه يابويه والراحه
يـاهرش الكلب واعروك سباحه
وكتي بنص دليلي شجني برماحه
وتدي ابكل مسيه وتنزف اجراحه
تترجه وتنطر معصومه يابويه ابنيتك مهظومه
بكلبي الهايم ترجع سالم
ناطرتك ياكحل اعيوني

ياصبح الســــــــعد ياريحة الجنه
مشتاكه اشــــــكثر عطرك اشمنه
عطشانه ارد اشوفك بويه واتمنه
ليمت ترجـــع اوجـــــهك اشوفنه
مكطوعه اخبارك من عندي ترجع للبيت ادعي اودي
ياسر فاطم ترجع سالم
ناطرتك ياكحل اعيوني

ياشمس وضواهه اتغطه عن ناسك
ياكطرة ندى واتوضــــه بأحساسك
ضايك صدري بويه الشمة انفاسك
وهنياله اليقبــــلك هســـــه والباسك
بخلافك مثل المذبوحه والفاكَد مايخلص نوحه
مدمع دايم ترجع سالم
ناطرتك ياكحل اعيوني

ياكوسر ســــتر ياخــــــبزة الفقره
يارحمه وأمـــان وفزعــة العسره
يالفيـــك عليه اهـــــواي واشكبره
يابخت العشيره وبيـــــرغ الزهره
ياشيلة راسي وستر الله لأسمك بعروكي الدم صله
يابن هاشم ترجع سالم
ناطرتك ياكحل اعيوني

وحشه الدنيـــــه صارت مظلمه ابعيني
وماتت روحي بويه و ذبلـــــت اسنيني
نار الفركه تلهب جمــــــــــــره تجويني
شيصبر دليلــــــــــــــــي وحــيل ياذيني
اندار الروحك مر بيه يتواكد كلب العلويه
ادعي العالِم ترجع سالم
ناطرتك ياكحل اعيوني

ابو علي الركابي

ماينكطـــع نوح الدمــع من محجــــره اتــبده
ينعه الفضا والرافضـه ياصـــاحب الســـجده
ماينتهــــــــي ونك يابو الرضا بسجنك

يابو العلم والطــيب والكاصدك ميخيب صاحب هله وترحيب وامعزب اضيوفك
يالخيرك اعله الناس اترابك شفه و ينباس اشلون ابشـــر تنقاس وامجتفــه اجفوفك
شمس الله اليضوي اعله الخلك نوره اشلون ابلا ضوه وحبسوه بطاموره
هالناصبـــي يبن النبــي لاماعــرف كدرك
حيف بحبس يم الرجس راح وكضه عمرك
ميت تحس جنك يابو الرضا بسجنك

نبجي ودمعنه اعيون مثلك وسف مسجون امن الطاغي لاهارون ياوارث القاده
عايش حياة المـــوت ســـجنك مثل تابوت ماينســــــمعلك صوت يابيــرغ الساده
ماتعرف نهـــــار وعايش بظلمه ياوحي الكمـــــــــال وآية العصمه
سر فاطمه وحامي الحمه يابو الرضا بنورك
جارو حقـد ناس التضد عرفـــو اثر دورك
ناس ابعدو منك يابو الرضا بسجنك

عشت الالم والنوح وامنازع اوي الروح من الثكـل مجـروح ساكك نزف دامي
ثكل الحـديد اهواي واليكرهــــــك سكاي امشحح عليك الماي يالجــدك الضامي
نفس الكوم همه الذبحو احسينك والجتفو عمامك جتفو ايدينك
عاد الزمن جور ومحن وازدات اهمومك
نفس الالــم سم وسهم وانعـــادت بيومك
وأحبالــــــه أذنك يابو الرضا بسجنك

طول الهجر مآساة ون وبجي وحسرات تحسبلك الساعات للمـوعد احبابك
ماينحــــمل فركاك يالغالــــــــي تترجاك والشــــيعه تتلكاك ماتحمل اغيابك
ذابحه الهجر واتناطر الطلعه ضاكت بالتحبك سيدي الوسعه
نار الحزن تجوي الجفن يجري الدمع جمره
ليمت تجي مل البـــجي يامهجـــــة الزهره
محد عرف عنك يابو الرضا بسجنك

حان الاجل هاليوم تمشي بكلب مهموم تتلوع ومســــــموم يتكطـــــع بجبدك
منهو اليغمض العين اهلك يجـوك امنين وصلت علوم البين واتنازع الوحدك
متمني الكلب ويناطـــــر اعزازه يودعونه الاهل ويشيلو الاجنازه
يوم الاجل كون الاهل تحضرله واحبابه
كلهه بدمع من تنجمع ملتمـــــه بمصابه
منهه انكطع ضنك يابو الرضا بسجنك

ابو علي الركابي

وكان ذالك السجان يمنع الامام من ان يقترب من النافذه ليشم الهواء ويضربه على وجهه وانفه

ماعرف حكَه جهل قدر الولي وماعرف حكَه
متروس حركَه مبغض اله ومتروس حركَه
والسجن خنكَه ممنوع الهوى والسجن خنكَه
بالســـوط طكَه فوك الخشـــــم بالسوط طكَه

بالجف يصفعه لوراد الهوى بالجف يصفعه
عمـــــداَ يدفعه ايطيح الولي و عـــمدا يدفعه
ضاكت الوسعه بعين اشكثر ضاكت الوسعه
هلت الدمـــــعه راد الأهــــــل هلت الدمعه

وقد روي انه جاء الى الامام احد اصحابه وهو علي ابن سويد وسأله سيدي متى الفرج قال الفرج قريب يوم الجمعه على جسر بغداد فذهب وبداء يبشر بالشيعه ـ
وما مر إلا وقت قليل و دسو الى الامام سلام الله عليه السم وتقطعت كبده وهو في السجن مقيد بتلك السلاسل و القيود والاغلال

ســــبلهه ادينه طاح وبجـــه وسبلهه ادينه
ســـــكن ونينه جاه الأجــل ســــكن ونينه
خلصت سنينه يدري المسه خلصت سنينه
صوب المدينه دار النظر صوب المدينه

وايلوج وحده فوك الارض ويلوج وحده
ممرود جبده من الألم ممـــــــــرود جبده
طايح ابشــده وسط الحبس طايـــح ابشده
ياهو اليسنده وحده الولــــي ياهو اليسنده

مكســـور كلبه من الحـــــزن مكسور كلبه
والعــــين تربه صوب الاهـــل والعين تربه
أي والله صعبه ايموت بغرب أي والله صعبه
ويمــــــه كربه لامن عمـــــــام ويمه كربه

وين الهواشم يهل الشــــــــيم وين الهواشم
ميت الكاظم وحده بغـــــرب ميت الكاظم
عالغبره نايم سم وجتـــــــــل عالغبره نايم
وين الفاطــم تنعــــــــه وتون وين الفواطم

وقضى نحبه بالسجن وحيدا غريبا وقد حمل نعشه اربع حمالين ووضع على جسر الرصافه ببغداد في يوم الجمعه

ياجســــــر بغداد ابجي ابحـــزن ياجسر بغداد
عطاي المــــراد هذا نعــــــــش عطاي المراد
هذا ابن الأجواد وسفه انجتل هذا ابن الاجواد
والراح والـــراد ينعــــه علــــــيه الراح والراد

فتجمعت عليه الشيعه وكشفو عنه واذا هو الامام الكاظم عليه السلام
آه الولينه هذا النعش آه الولينه
ومسممينه ميت غدر ومسممينه
هالجاتلينه زمرة كفر هالجاتلينه
وامعذبينه واويلـــي آخ امعذبينه

خلو نشيعه نعش الولــــــي خلو نشيعه
نعشه نرفعه فوك المــــتن نعشه نرفعه
وانهل دمعه نبجي اشـــكثر وانهله دمعه
كل احنه ننعه يابو الرضا كل احنه ننعه

آه المصابه ياذي الكَــــلب آه المصابه
يذبح عذابه خلف جرح يذبح عذابه
شبل النجابه وسفه انجتل شبل النجابه
يكتل غيابه ماينحمـــــل يكتل غيابه

ابو علي الركابي

نعي مقتل الإمام الكاظم عليه السلام

يابيت آل محمد شـــرف العلى والعلم والتمجيد والتبجيلا
الجن والأملاك فيك مزارهـــا يامهبط القرآن والتنزيلا
يامن كسى الإيمان كل جداره ومسبحا بالحمد والترتيلا
شنت عليك النائبات حروبــها بالجور والتعذيب والتنكيلا
من يوم إن قال الزنيم لفاطــمٍ بغضاً لآل البيت والتؤيلا
بدأ المصاب يتـــــرى أنفســاً في كل عصرٍ ناعياً وقتيلا
وفواطمٌ بالوجد تنعى انجمـــاً لأخـــاً وإبنـــاً تارةً وخليلا

شنهو يادار النبــــــي ذنب العليك
حتى يوميه بعزى نســــمع صياح
ليش يامهبط السكان الســــــــماء
ونور للراد الهـــــــدى ويطلب فلاح
ليش كل ساعه بأهل بيتك مصاب
ليش يومه حــــــــــزن ونه ونياح
ليش ماتت بالغدر ذيج الحيــــــود
وهمه راعين البخت واهل الصلاح
شي اباب الدارشي بالسم تروح
وذاك مسجون بظلــم كل عمــره راح
والي بالسيف انذبح فوك التراب
لانصير ولا اخـــــــو عالغــبره طاح
داست الخياله جســمه ومنه سال
فيض دمه اعله الارض من عنده ساح
وراحت اخته اعله الهزل مجتوفه حيف
وراس اخيــــــهه اتعاينه فوك الرماح

لما أمر الارشيد العباسي جنده بألقاء القبض على الامام الكاظم عليه السلام كان الإمام الكاظم يصلي فقطع الجنود صلاة الامام وهو عند قبر جده وجئ به الى الخليفة وسجنوه وعذبوه وشتموه وسجن في البصره

كطعو صلاته ياحيف الولـــــي كطعو صلاته
جــــرو عباته طاح اعله الارض جرو عباته
تبجـــــي بناته ظلت بالحــــــــزن تبجي بناته
ظلـــت خواته وتنعه وتنتحــــــب ظلت خواته

كوه جابـــــوه ياويلي الجلاوز كـــــوه جابوه
حيل جــــروه من متنه يحيف وحـــيل جروه
حيف خلـــوه وبسجن الرشيد وحيــــف خلوه
وسفه شتموه موسى ابن جعفر وسفه شتموه

فاركهه الاحباب غصبن عليه فاركهه الاحباب
والدمع ســجاب ظل ينتـــــحب والدمع سجاب
يتراوه المصاب بعيونه ظــل يتراوه المصاب
طايح عالتراب بسجن الظلـــم طايح عالتراب

داره خلــــيه من البخــــــــت داره خليه
يا هالمســـيه وحشه اشــــكثر ياهالمسيه
نوح وعــزيه اهله بكــــــدر نوح وعزيه
شنهي هالبليه نزلت حزن شنهي هالبيليه

كأني بلسان حال اهله وبناته وأولاده
جانـــــو يكعدون اهل البخت جــــــانو يكعدون
واشلون واشلون نبجي وانون واشلون واشلون
هم بينـه يدرون بالله المشـــــو هم بينه يدرون
جا ماينشـــدون راحو بعـــــــد جا ماينشدون
جاليش يمشون عن الأهـــــل جا ليش يمشون
خافن يبعــدون مر اشـــــــكثر خافن يبعدون
وسفه يشـيلون اهل الوفــــــــه وسفه يشيلون
ابجن يالعيون راح الأبو ابجـــــــــن يالعيون

وقد كان الامام يسجن عدة مرات ويطلق صراحه ويسجن مره أخرى
وبعد ذلك نقل الامام الكاظم عليه السلام الى بغداد مكبلا بالحبال والحديد ال سجن الفضل ابن الربيع

من سجن السجن يفتر الكاظم
جار اعليــــــه ياويلي الظالم
مايدرون بــيه من آل هاشم
محبوس وعلى التربان نايم

من البصره مجتوف ابن جعفر
جابه الطاغيــــــــه ابغداد يفتر
ينبجي الكاظـــــــم وكلبه تفطر
محد من عمامـــــــه اليوم ينغر

خلوهه ابحبس اظلــم نهاره
لامن يوصلـه ولامن زياره
يون الكاظم ودمعه ايتجاره
بعيد اهواي عن اهله وداره

تعذب بالحبس من كـــــثر الهموم
ومن ثكل الكيــــــود البيده ميكوم
طول الوكت كلبه وفكـره مهموم
عيونه امساهره وماتعرف النوم

وبعد ذلك أمر الطاغيه بنقله الى سجن السندي ابن شاهك فضيق على الامام وكان السجن في طاموره ظلماء
مشتد ظـــــلامه خلوه ابســـــــــجن مشتد ظلامه
وابلا عمـــــــامه امفرع راسه ويلي ابلا عمـــامه
ماتحصل سلامه يمكن بعــــــد ماتحصل سلامه
بيده وجــــــدامه مجتوف ابحبل بيده وجـــــــدامه

سجانه مــاذيه حيل بحـــــــــقد سجانه ماذيه
لاما يخلـــــيه يشــــــــــتم الهوى لاما يخليه
مغلكهن اعليه بيبان الســــجن مغلكهن اعليه
كلسا يسب بيه ينادي الكاظم وكلسا يسب بيه

لاما يحــــبه هاكـــــــــــــد نذل لاما يحبه
كل سا يسبه بغضــــــــــــا اله كلسا يسبه
عمدا يـــذبه فــــــــوك الأرض عمدا يذبه
واجف يعذبه وسط السجن واجف يعذبه

ميمر (الله يعين اخت حسين)

الله يعين اخت حســين ماتت غريبه الحره

الله يعين الفاركت خــــــــوتهه
بمنازع الموت اصعب حالتهه
اتهدم الرواسي بالحزن ونتهه
دمعتهه من دم اتسيل لمن تـــهل العبره

دمعتهه من تنزل تجوي بخدهه
زينب تنازع بالأجــــل وحـدهه
لا أخو اليمهه ولا بنين العـدهه
حدر التراب الزينـــين واتوســـدوهه الغبره

حدر التراب اتوســــدت ولياهه
واعليهم اتنون وجمـــر مبجاهه
رادت اهلهه حاضـــرهه وياهه
يوم التموت يحضرون بآخر وداع ونظره

يوم التموت ام عون ويودعوهه
بجفوفهم رادتهـــــــــم ايشيلوهه
واهل الجنازه همه اليشـــيعوهه
ويم الكبر يبجي حسين وبجفه يلطم صدره

يم الكَبر يبجي ويهل الدمــــعه
وبصوته عباس اليصيح وينعه
وكل الهواشم عاللحد مجــمعه
وعون واخوته ينوحون والناعـــي لمن يقره

عون وخواله ينصبون اعلـيهه
مجلس عزائي والكَمـر يرثيهه
والفاتحه طول الســـنه ايخليهه
ياوسفه ماتت بالشام ومحد نعشهه ايحضره

ابو علي الركابي

يازهرة البيت يايمـــه ونيت
يابعد العــيون بعــــدج تاذيت

زينب وجمرة حركتي بالهــــــــوه الاتنفسه
آخ يازهرة حياتــــــي وآه ياخيـــــــر النسه
عيني متعوده تشــوفج كل صباح وكل مسه
الموت من بعدج اريده بلكت ايمرنــي عسه
عيني على الباب متنطره الاحباب
لو مايـــــــردون يكتلنــــي الغياب

وين ما باوع اشوفج انتي للدنيـــــه ضوه
ترفه بعدج يالحنينه مثل نســـــمات الهوه
يانهر ماي العطاشه الأخذ من عنده اتروه
يابخت ابيض دليلج حيف بالجمره انجوه
بضلوعــج النار كاسره بسمار
مذبوحه الاحلام يم عتبت الدار

هذا دمــــج يالزجيــــــــــــه باقي عالحايـــــــط اثر
ابالـــــــي تنعاد الجريمــــه بعيني تنعـــاد الصـور
دفعتج عالكَــــاع صعــــــبه واصعب الجف السطر
اجذوع واثجيله اعه صدرج طاحــــت ومنه انكسر
ماعندج امعـــــين ياهـــو التحشــمين
جدامج اخــــــذوه مجتوف ابو حسين

انه من عينــــه عرفته الثاني ناوي اعله الجتل
يالحنينه وشفته عمــداً يرفس برجلــــه هانذل
بالسياط اهواي طكــج وآنه دمعاتــــــــي تهل
امنين اطلعنه واجيبــه هسه عبــــــــاس النفل
ماعدنـــــــه وليان واليمنـــــه عدوان
حاطتنه الارجاس وبعازة اخــــــوان

وحشه بيتج يالعزيزه اظلم ابدونـــج صــــفه
اشحالنه صرنه يتامه والحــــزن شــنوصفه
حسن يايمه احســـــه الكون بعيونه انطــــفه
والحنين حسين يبجي حاضن الشـــيله وغفه
واليهــــــدم الحـيل حماي الدخـــــيل
محني الظهر صار وامساهــــر الليل

ابو علي الركابي