نور السـياده والأمـامه انولدن بشـهر الفرح
شـهر المحبه والمــوده كل كلب بيـه انشرح
نقره بترانيم العشك هالليله نعزف لحنه وبالفرح ترتيله

شعبان من هــــــل وبزغ نوره
اعيون التحب هالليله مسروره
شفنه الســــعاده اعلينه منثوره
بخير وبشاره وفرحه مغموره
نشـــتم نسيمه هل علينه فايح بعطــــر الورد
اقمار الولايه والشهامه امنوره بتـــاج المجد
جينه بمشاعرنه الحفل نسعيله نعزف لحنه وبالفرح ترتيله

أول وليــــــــد بثالــــث ايامه
محي الشريعه ومنقذ اسلامه
تنشدله ظلت بهجـــــه خدامه
هذا الحسين اليرفــــع الهامه
اهلاً وســـهلاً بالمحـــنه والــذي يعــزه الكَلب
نغمة عشكنه سر هوانه ينوصف كلش صعب
شوك الموالي بالكَلب تأوليه نعزف لحنــــه وبالفرح ترتيله

رابع كَــــمر وجه يشـــع هيبه
بعد الســـبط هنيالـــــه ترتيبه
ساقي العطاشـه بجفه والطيبه
ملح الشجاعه بصولـــة النيبه
راعي الكلافه والمقاتل رافـــــع بجفه العلم
معنى الاخوه والبساله كافل وحامي الخيم
نكتب قصايدنه بنده و نلقيله نعزف لحنــــه وبالفرح ترتيله

ساطع سراج وشمسه وقاده
اتخلد ثباته وعلمــه وامجاده
زين العباد واشـــرف الساده
ابن الحســــين اوارث القاده
بشرى الولاده غامرتنه بخامس انــوار الشهر
فرحة حفلنــه والمسره بمولد اشموس و كمر
بنسمة مودتنه الشعر نحجيله نعزف لحنــــه وبالفرح ترتيله

معنى الجمال وروحه والطافه
واللي يريد الهــادي واوصافه
شاف الرسول الأكــبر الشافه
وجه وخدوده وعينـه واشفافه
آية جمالــــه اليوسفيه بهدعش شــــع وضوه
يتلاله نوره بهالجلاله وكل صفة خير احتوه
دكَت كَلبنه بعاطفه توحيله نعزف لحنــــه وبالفرح ترتيله

ابو علي الركابي

اكاليل الورد نثرت سمانه ابمـــولده اتغنت
علي الاكبر اجانه
نسايم خيره وألطافه نبي ومرسومه باوصافه
شـبيه المصطفانه

ولاده وسعاده فرح كلب الموالي
تهانــي واماني بموالــــيد الغوالي
كمرنه بسعدنه يغازلنــــه ويلالي
بالاكبر تنــــور بزغ نور المعالي
ريحاين الارض فاحت تهني ابمولــــده ونادت
هلا وفرحت معانه
نسايم خيـــــره والطافه نبي ومرسومه باوصافه
شبيه المصطفانه

جمالــه وجلاله وتراتــــيل الوجاهه
السـياده القيــاده علي بمهده اعتلاهه
المهابه الصلابه تورثـــــهه وخذاهه
الشجاعه بطباعه وجلابيب النبـــاهه
همام وفارس الهــــــمه شجاع وشبل ابو اليمه
حيا الله اللفـــانه
نسايم خيـــــره والطافه نبي ومرسومه باوصافه
شبيه المصطفانه

يحــياه هلا باه اللفــه اديار المدينه
نحسهه ترسهه بترانيمــــه الحنينه
شملنه وغمرنه بفرح يمطــر علينه
نهـــلل نبجل ذكرنــاه وقــــــرينه
شملنه بخيـــره وافيايه جواد ونعمــــته اهوايه
نشم عطره بهوانه
نسايم خيـــــره والطافه نبي ومرسومه باوصافه
شـــبيه المصطفانه

علكنه شمعنه وحييناهـــه المحافل
نحـــبه ونندبه ويجيب ألنه المسائل
نحسـه ونلمسـه نهر جود و فضائل
صفاته وفراتــه مثل عمه ابوفاضل
كريـــــم اتوزع اجفوفه بحر تتلاطـــم اجروفه
عذب كـــوثر روانه
نسايم خيـــــره والطافه نبي ومرسومه باوصافه
شـــبيه المصطفانه

ابو علي الركابي

صوت البشاير صدح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه

صوت البشاير على يامرحبا وياهــــلا كل اليسمعه امتلى بأفــــراح بأفـــراح
هنو الزجيـــه وعلي بمولد ابنهه الولي نور الالــــه العلي من صاح من صاح
نجم العدالـــــه اتضح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه

كل الاجانه وحضر كلبه بسعاده ابتشر مولد شــــــبيه الكمر عباس عباس
المهدي اسمه انولد نعمه وبشاير سعد للشيعه رحمه وسند ياناس ياناس
والولاه نهجـــــه ربح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه

كوكب جمال السمه من طه من فاطمه وارث صفات الحمه كرار كرار
هوه النفس والهـــوه عطــر النبوه احتوه يتللاله وجه وضوه بأنوار بأنوار
باب الســـــعاده انفتح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه

بسحره الضماير تجن يجذبه عشكه وتحن والشيعي بي مفتتن والله والله
والله نحبــــــــــه اشكثر هوه اغلى من العمر نتأمل وننتظـــــــر وياه وياه
اصبح قريب الصبح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه

هالليله باسمه انتخي بجاه الولي والنبي يلي تحبــــــه اندعي هالعام هالعام
ايخلينه من شــــيعته ينطينه من نعــمته ايسجلنه وي صحبته خـدام خـدام
افرح يشــيعي انشرح هني الزجيه وعلي
هني الزجيه
المهدي عــــيد وفرح هني الزجيه وعلي
هني الزجيه

ابو علي الركابي

ياكشـــخة النوماس ياهيـــــــــبة العبـــاس
القاســم فتح ديوانه وكل الهلا اعله السانه
ياهيبة العباس

حلو اشحلاة العـــين جامع جمــــال اثنين
من الحسـن وحسين ومن يوسف ارسومه
كل اليصد مســحور بممشاته هيبــه ونور
اينثر مسج واعطور وامهنــــدمه اهدومه
وارثهــــن العادات من صاحـب الكلفات
هم قاضي الحاجات ماتنخفـــــي اعلومه
شيخ وجيـــــه بخيت ســــيد وريث الصيت
انحسه وكــــف نادانه وكل الهلا اعله ألسانه
ياهيبة العباس

شايل كمال وجــود ديوانه ماله احدود
وبالدنيــه ماموجود ماينتهـــــــي خيره
طيب حنون اهواي وبجفه يسكي الماي
واليعتنيـــــه عناي مايوكــــــع بحيره
كل الذي اتعـــــــناه ميعوفـــه من ينخاه
لاوالله ماينســــــاه ماعدنه ابــد غيره
دكينه بابـــــه اليوم وامحمـــــــلين اهموم
ندريبه ماينســــــانه وكل الهلا اعله ألسانه

وكفت تزوره الناس اباب الشــــبه عباس
شايل وفــه ونوماس جن واكـــــــف ابابه
اتسلم عليه اصفوف واعله المزار اتطوف
وشخصيته جنه اتشوف ايسلم على احبابه
كلبه بجمر محروك ايرد الســـلام بشوك
العاشك على المعشوك واترحـــب اعتابه
وطبينه كلنــه انريد خـــيره علينـــه ايزيد
وامفتحـــــــه بيبانه وكل الهلا اعله ألسانه

محنيه يمــــه الروس ارواح الصحن متروس
يشبه زيـــارة طوس والزاره هنيــــــــــــاله
محتشـــــده يم ارواح وهنياله كلــــــمن راح
الطب حضرته يرتاح وكــــــل التعنـــــــــاله
الكلبه بحــزن مخنوك بشباجه شـــــد اعلوك
طعم السعاده اضوك وتتعـــدل احــــــــواله
كل خادم ومحبوب زار الرضا محسوب
وابصحنـــه يتلكَـانه وكل الهلا اعله ألسانه

نتأمـــــــــل المأمول وندعي بعزانه انكول
كون العــــمل مقبول هالليلــــــه هالليلـــه
يكتبنـــــــه أله خدام خـــدام اله ابكل عام
ابجاه المشـت للشام بحــرمتها ندعــــيله
يشملنه نعمه وطيب وعالخدمه كلنه انشيب
اليتوســـــله ميخيب كل نعــــمه يوفـــــيله
باب الحوائج صار وامعـــــــزب الزوار
خير ونعــم غطانه وكل الهلا اعله ألسانه

ابو علي الركابي

يمه اشكثر مشتاكه والولد ياذي افراكه
يبني القاسم ترجع سالم
يمه اشكثر مشتاكه

يمه الولـــد يمه الولـــد والله اشـكثر مشتاكَه
طك كلبي يالقاسم متت نار الهجــر حراكَه
شيبت وامك حـــــدبت وحنت عليه الناكَه
هم يصح يايوم اشـبعد وجه بوجـه نتلاكه
هم ترجع الحضن امك وابين اديـــــه اضمك
كلبي اتوجر بالي اتحير
يمه اشكثر مشتاكَه

ماطبكت اجفون النظر وينك يبعــــــــد اعيوني
ماسكتن ادمـــوع البجي وجرحن حــتى اجفوني
شنهو السبب ياضنوتي من شــــوفتك حرموني
ياسلوة انفاس العمـــــر خابت احسهه اضنوني
يالعايش بأنفـــاسي يوليدي شيب راسي
دايــــم نوحي خلصت روحي
يمه اشكثر مشتاكَه

راح اعمه يمــــه الغيبتك من مـــــــاترد اعليه
ما احمل افراكك بعـــــد يالغالي لحـــــــك ليه
جرحك جبـــــير ومابره خلف مواجــــــع بيه
بالنازل ايامـــــي احس وللموت ظـــل اشويه
وينك يبعد ايامي هجمت عليه آلامي
يبني الغالي ارحم حالي
يمه اشكثر مشتاكَه

ارجع الدارك موطفت رد يالولـــد ضويهه
ماتنطب وحشه صفت شايل وسف راعيهه
فك باب ديوان الكــرم ودخل ظـــيوفك بيهه
مايصلح ابلايا اهـــــل بيت النبـي وهاديهه
رد ليه وافتح دارك منتظرتك خطارك
مشتاكتلك ناسي واهلك
يمه اشكثر مشتاكه

شليت حالــــــي من رحت واتمرمــــت احوالي
مشتوله عيني اعله الدرب بلكــــــت يرد الغالي
مطحون كلبي امن الحزن ماعندي راحه ابالي
يايوسفي لميت تجــــــــي واكف ييمــه اكبالي
ذبلت حياتي ابدونك عميه بلايه اعيونك
يعلم ربي يطحن كلبي
يمه اشكثر مشتاكَه

ابو علي الركابي

كوكب النور القاسم انزور
انشارك احنه الحاضرين ويه هـــــاي المؤمنين
القاسم انزور

هذا سلسلة الذهـــــــب كلهم جدوده
هذا ابن اللي الشرف الدنيا بوجوده
هذا ابن الكاظــــــــم الحابس قيوده
هذا ابن العلمــــــــه ماتنحد حدوده
ابن الاجواد وباب المراد
جينه كلنه كاصدين ويه هـــــاي المؤمنين
القاسم انزور

بارك الله بحضرته وصارت مناره
اليكصدلهه بحاجتــــــه ياخذ بشاره
رابح اوياه الذي ايخلــــــي التجاره
خير كلهه ومايشـــوف ابداً خساره
نعمته اهواي صاحب الماي
اليوم ندعو وطالبين ويه هـــــاي المؤمنين
القاسم انزور

اليدخل بصحنه يحس والله بأمانه
جن يحس بهيبته وعطفه وحنانه
واكف ابهيأت نبي ونسـمع لسانه
اهلا وحيا الله بالظيــــــف الاجانه
بصحنه و اطوف هاي الظيوف
نحضى اجر الزائرين ويه هاي المؤمنين
القاسم انزور

عطر جنات الخلد فــــــــاح بحضـرته
الباشدد معروفـــــــــه للوادم فزعــــته
الوارث الكافل ســجاياه وشــــــــمرته
يروي كلب الضامي من جوده وجربته
منجم الجــــود نعمته اتزود
نرجو مدينه الأدين ويه هاي المؤمنين
القاسم انزور

ثلث تنعـــــــام امن ابو النفس الابيه
امشيم وعنده الكـــــرم عاده وسجيه
يسند اظهور التعنولـــــــــــه بقضيه
ومايرد الحلفه بأمـــــــــــــه الزجيه
جينه هاليوم نشكي الهموم
نلتمس متأملـــــــــين ويه هاي المؤمنين
القاسم انزور

ابو علي الركابي

نعي للخدمة المواكب والزوار المشايه
كأني بمولاتنا الزهراء عليها السلام تجلس تننتظر خدمة المواكب والحسينيات وتشارك في هذه الخدمة وتشكر من حضر وتعب ......

داير حول يمه واكعـــــد اتناكم
ولو فتح الموكب اخـــدم وياكم
تلتمون كلكــــــــم والله محلاكم
علي وياكم اصيح والف حياكم

الخدمتو هالســـنه كل الهلا بيكم
ماضاع التعــــب آنه الاجازيكم
وعندي بالسجل مكتوبه اساميكم
وبيوم الحشــــــر آنه الاحاميكم

تجبرون الخواطــر لو خدمتـــــونه
وعلى امصاب الحسين انتم تعينونه
الف هنيالكـــــــم جـــــي مانسيتونه
واوليدي الذبيـــــــح اهـواي تنعونه

لو خلصت الخدمه احزن اهوايه
وابجي وحــــدي لو نزلت الرايه
افتر بالمواكــــــب ما كو مشايه
وينه اللي يعين اجروحي وابجايه

اويلي احاه والله انكســـــــر دلالي
اعاين للدرب وحشه الدرب خالي
اغصن بالبواجي والدمــــع هالي
وين الجان غالي ايرحــب بغالي

والخـــدام كفت خلصت الخـــدمه
راح اتروح وسفه وتنكضي اللمه
مشكورين ياخـــــــــدام ابو اليمه
الله ايعودكم واتديــــــــم هالنعمه

وكأني بالزهراء بعد انتهاء الخدمه في المواكب تبكي وتقول ....

اكنس بالمواكـــب والحســـينيات
وألمن وين الكَه انياح لو دمعات
من تبجون يمــه على العلـويات
واتذكرون لمن مشــــن مسبيات

كأني بالزهراء تقول لقد ذكرتم بخدمتكم وواسيتم زينب واخواتها عليهم السلام

بأربعينـــــه ومن ردت الحــــــره بأربعينه
والله وحزينه تبجي اعله الاهل والله وحزينه
الحنيـــــنه تريد اتلاكي الحســـين الحنينه
اوبنينــــــه جابتهن ابنيــــــــــــــاته وبنينه

اعله تراب الكبور ذبت روحه اعلــــه اتراب الكبور
والكلب مكســــور تبجي اهواي حيل الكلب مكسور
واتكـــــوم واتدور كلساعه العزيز اتكَـــــوم واتدور
وبجمرتــــه ايفور دمعهه اعله الحنين بجمرته ايفور

راحت للحسين تشبك عالكبر راحت للحسين
ياخويه الحنين وصلنه اتكله ياخويه يالحنين
عميانــه العين تريد اتشوفكم عميانــه العين
هاي النساوين ردت بالضعن هاي النساوين

وين اهلي الاحـنان ردينه بضعن وين اهلي الاحنان
جاو وين الاخوان شو محد كعــــد جاوين الاخوان
واتريــــــد وليان تره الحرمه يخوتي اتريد وليان
وامحمله احزان تره عندي عتب وامحمله احزان

واتناشــــدوني عن اليســـــــــــــر واتناشدوني
واتســـــايلوني شنهو الجــــــــره واتسايلوني
يبجن اعيوني مابطلن يبجــــــــــــن اعيوني
يجرن امتوني زركه ودمه يجــرن امتنوني

ابو علي الركابي

شبساع الايام خلصت يخدام
عين المفارك دمعـــــــت خدمتنه ياحيف انكضت
خلصت يخدام

هذا طبـــــع كل الخدم تسابك اعله الخدمه
ندريهه بس هيه التظل وادوم هــاي النعمه
نشعر امقصرين اشكثر كلشــي قليل انقدمه
حسين منطينه طـــــفل حنه الســـماء بدمه
شنقدم ازغير لحسين الأجبير
هاي النفـــــــوس اتأثرت خدمتنه ياحيف انكضت
خلص يخدام

خلصت وسافات انكضت شبساع شـــــو خدمتنه
محلاهه جانت يالخـــــدم من الصـــــــــبح لمتنه
بحب الحسين وخدمتــــه هيه الــذي جمـــــعتنه
وهاي المواكب كل سنه صارت صدك خيمتنه
نســــتنه الهموم لمتنه كل يوم
كل المواكب حملت خدمتنه ياحيف انكضت
خلص يخدام

متعودين ابكل وكـــــــت بهــاي الايام الحلــوه
نتلكه كل زاير يجــــــي وانكلــه زاير تكَـــوه
انخدمه وانــقدم الهــــــه نطيهه كل مايــــهوه
وانكَله من تمشي اندعي واهدي للخادم خطوه
شالتهم العــــين زوار الحسين
حتى الكلوب استقبلت خدمتنه ياحيف انكضت
خلص يخدام

كل يوم حيا الله وهـــــلا صوت المواكب عالي
هسه صبح درب العشك ياحيف وحشه وخالي
ضايك نفسنه امن الصدر امضيعين واحد غالي
زوار ماكـو ولا اجــــت دمـع الخـدمــهم هالي
نتباجه وانوح شيقنع الروح
روح الموالي اتمرمرت خدمتنه ياحيف انكضت
خلص يخدام

العوده ندعي كل ســنه وي الخـــدم نتسجل
وحســـين كون بدفتـره منه التعـــــب يتقبل
نطلب رضاه امسامحه مريد عنــــه يزعل
انمشي عليه ام الحزن يوم المشت عالهزل
يسجلنه خــــــدام وانخدمه كل عام
كل الحضور اتألمت خدمتنه ياحيف انكضت
خلصت يخدام

ابو علي الركابي

مشايه اتعنــــينه زوارك والــينه خدامــــــك تدرينه
يا ابا عبدالله
ياعشك المشايه ومدرسة الوفايه خطينه اعله الرايه
يا ابا عبدالله

روح العشك للنحـــر مانامت امن الســــــهر شدت رحال الســفر والموعد بكربله
عطشانه اهل الهــوه كصدت سراج الضوه والساكن ابنــــينوى والموعد بكربله
طلعت حشود العشك كلهـــــه بدرب تنطبك عنك ولا تفـــــــترك والموعد بكربله
عين الشمس غطتهه هالمواكب
هالمعجزه من ثامـــن العجايب
الله اشكثر منطــــي الك مناقب
ياسلطان الرحمه الله ايديم النعمه ومايحرمنه الخدمه
يا ابا عبدالله

سارت جمـــيع المله وصار الدرب كربله كلهه تنادي هلــــه يالزاير بخدمتك
والزاير ابكل شرف هالنعمه بيهه انعرف كل التلكـــاه هــتف يالزاير بخدمتك
وي المواكــب سهم هاذي الملائك خــدم اتشارك تقدم النعم يالزاير بخدمتك
فرشت جنحهه وشالتـه الملائك
من يستراح اليمشــي عالأرائك
تفرشله دربه من ذهـــب سبائك
دربك درب الجنه وهنياله اليتعــــــنه وياهم تقبلنه
يا ابا عبدالله

تمشي بوعي ومعرفه هاي الاجـــت زاحفه علمهه راعي الوفه نهج الستر والادب
شيب وشباب اطلعت بكل عاطفه اتوحدت شالت علم وارفعت نهج الستر والادب
اتشوف المحبه درس وانغرست ابكل نفس مشاهه وحيك تحس نهج الستر والادب
الله ينزل رحمـــــــــــته علينه
خير ومحبه وعاطفــه ابمشينه
جيفن ركبنه وحـــــبك السفينه
كل عام انجددهه والطف انخلدهه وهالصرخه انرددهه
يا ابا عبدالله

انواسي بمشينه الحرم حركوهه كل الخــيم من ظلت ابلا رحم مسبيه فوك الهزل
وزينب مشت لليســـر يجوي كلبهه الجمـــر ساندهه بس الصبر مسبيه فوك الهزل
شافت قصص بالغرب كطعت هذاك الدرب ديره لديــره تطب مسبيه فوك الهزل
شبعت قهر زينب وسف حزينه
دمعتهه سكته تســــجب الحنينه
وحدهه متكفله اصبحت ضعينه
بمشيتنه انواسيهه بدمعتنه انعزيهه ولطمتنه انعليهه
يا ابا عبدالله

من رد هذاك الزمن والكربلــــه اتوجهن الله يعـــــين الضعن يوم اربعينك وصل
وي زينب ام الحزن مشايه نبجي ونحن كل اليحـــــــبك يون يوم اربعينك وصل
اقبلنه ويه الكصــــد سجلنه ويه الوفــــد وابنص ضريحك كعد يوم اربعينك وصل
اتوجهنه نبجي والدمع تجاره
اقبل مشينه واقـــــبل الزياره
التعبت جدامه بليلــه وبنهاره
يحسين اتقبلنه زوارك سجلنه والكبرك وصلنه
يا ابا عبدالله

ابو علي الركابي

ياعطر انفاسي وعايش باحساسي
ياعلي ياعلي
عطر ورود كوثر جود يالحـــــبك غذاني
ضامي اهواي حبك ماي يالعشـكك رواني
ياعلي ياعلي

نسمة فرحه وخير وبهجه ياعـــيد الاعياد الله اختــــار وراد
انته الاول يابو الغيره وتاريـــخ الامــجاد رغمــــاً عالحساد
باب الحكمه وباب الرحمه وتزوره الوفاد جفك ينطي امراد
ياولـــــي ياولـــــي ياولينه
ياعلـــــي ياعلــــي ياعلينه
نحتفل نبتهل هالليله اجينه
فرحانه احبابك هالدكت بابك
ياعلي ياعلي
ياتســـــــبيح لاميــــطيح اسمك فوك الساني
ضامي اهواي حبك ماي يالعشـــكك رواني
ياعلي ياعلي

ياتسبيحي وذكر انفاسي يانهـــــــر الالطاف كلبي الجودك شاف
عيدك عيدي وفرحة عمري جنه وماتنعاف من كل الاوصاف
كهفك واسع حصنك عالي يامن كلمن خاف ياتــــــاج الاشراف
نعمتك رحمتتك واسع مداهه
ولايتك كالحصن للي ابتغاهه
شارتك عالبشر واضح سناهه
ياجف الغيره للطاح بحيره
ياعلي ياعلي
يابو حسين نور العين يانعمــــــــة ايماني
ضامي اهواي حبك ماي يالعشـــكك رواني
ياعلي ياعلي

نجمك ضاوي ايدلي التايه شمعه بكل ازمان نعمــــــه بكل لسان
نفس الهادي وروحه وكلبه يالكـــلك احسان ياوحـــــي العرفان
هيل وعنبر عطرك فايح يامســـج وريحان لأهل الحـب عنوان
ياعلي وهالاسم حل المعاضل
للذي ويشــــتكي كثر المشاكل
يبتدي بياعلي ايتنول الفضائل
يانسمة روحي وبلسم لجروحي
ياعلي ياعلي
اســـمك نور مامستور يالنــــورك نجاني
ضامي اهواي حبك ماي يالعشـــكك رواني
ياعلي ياعلي

الله اختارك شافك هيبه وماتشبه هالناس ميــــزان ومقياس
انته القائد بعد الهـــــادي يالكلك نوماس زودك رفعة راس
صاحب غيره وتمطرشميه ياوالد عباس حـــدك ماينجاس
ياسند يامـــدد صاحــب شهامه
ياولي ياوصي وراعي الكرامه
بس الك ياعلي اتــلوك الامامه
ياعلي ياعلي
بأسمك نبضاتي وانشد جلماتي
ابقــــى وياك حيل اهواك يالســاكن وجداني
ضامي اهواي حبك ماي يالعشـــكك رواني
ياعلي ياعلي

ابو علي الركابي