https://t.me/aliQ0Q
نعي

راحت فاطمة يم گبر ابـــــوها
تگـــــله بضــــعتك وليه ولـوها
ضلوعي طبگت اكتاب اطبگوها
سياط الحقد بمتوني اطبعــوها

رفسـآني  النذل ونــگطع نفـــــسي
على اعيوني سطرني وطفت شمسي
باسمك حشــميت وغاب حـــــسي
وكلما صيح بويه وياي يقـــــــــسي

لا عنده حميّه لهزّت احـــساسه
احرگوو دارها يأمر على ارجاسه
عصرني اباب داري ولخدر داسه
ولمحسن وگع  ونخمت انــفاسه

اگعد يبو القاسم شوف حالي
وشوف الصار يا بويه وجرالي
انهضمة وراح كل عزّي ودلالي
عگب عينك غدت سود اليالي

✍️علي كاظم المنصوري

نعي للزهراء
كأني بمولاتي زينب ع بعد استشهاد الزهراء ع

الزمان الجانت امي وياي بسمار
حلو ما ظگت بعده وظگت بسمار
النسميهم صحابه انبتـــو بسمار
بصدر امي وكسر ظلع الزجيه

عگب عينج عليّ دنـــــياي ياريت
وعلى الحره العقيله اسيوف ياريت
ميته ويـــــاج يمّ الحــسن يا ريت
ولا ظلن واشوفن هالرزيه

يريت الصار بيه ايصير بعداج
اون وما انام اللـــــــيل بعداج
مــا ينحمل يم الحسن بُعـداج
هدم حيلي وترك لجمات بيه

گلبي اعليج ظل مكسور ونهار
وأظل ابجي ونوحن ليل ونهار
واصب ابحور منّ الدمع ونهار
لحد ما اندفن حدر الوطيه

علي كاظم المنصوري

قصيده بحق الزهراء ع
كأني بلسان الامامين الحسن وحسين ع
وهم يقصّون للامام علي ع ما جرى على الزهراء ع

يحيدر دفعو امُنّه فاطمه
يحيدر والظلع ينــزف دمه
ــــــــــــــــــــــــــــــــــــــــــــــــــ
بويه يا حيدر نخبرك فاطمه هضمــــوها
ما رعو بنت النبوّه وعالوجه صطــــروها
كسرو ضلوع الزجيه يا علي وشتمــــوها
تبجي مألمومه وطريحه عالارض خلوها

مصيبه بجِت املاك السمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
منزلت أمُنه عظيمه طه حدّث بـــــــــــيها
يغضب الباري الغضبها ويرضه عاليرضيها
الله نزّلها هديه وللنبي مـنــطـــــــــــــــيها
ابلا رحم هجمو علــيها يا علي تالـــــيها

يكرار والضلوع امـــهشمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
وگعت المحسن يبويه زيّدت بّونـــــــــــينها
طاح ميت بين ايديها فاطمه الله ايــعينها
شبگت اعليه وتناغي والدموع ابـــــــعينها
ناحت اعله المحسن أمُنه ولطمت ابجفينها

عالـراس بويه وعليها انغـــمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
ويلي من هجمو عليها ويلي لمن طـاحت
ونت الزهره الزجيه والمدامـــــــــع لاحت
ناحت السبع الشدائد والملائك نـــــــاحت
فاطمه عرش الله هزت بويه لمن صاحت

محمد بويه روحي مألمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
انه بت احمد نبيكم حشمت و تـــــــــــنادي
لا تبغضون الزجيه البيها وصّه الـــــــــهادي
حجّه منّ الله عليكم تعرفون امــــــــجادي
بيا ذنب وبيا شريعه اتيتمون اولــــــــادي

عليمن هالحشود الظالمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
صاحت الزهره يفضّه بلعجل سنـــديني
حيل ما بيه اگومن ولضلع ماذيـــــــنـي
بله وديني لحجرتي وعالدرب دليـــــني
سطرت الظالم يفضه جنها طفّت عيني

تنـادي عينــي ذبّلها العمه
يحيدر دفعو امُنّه فاطمه

علي كاظم المنصوري

بذيات نعي للزهراء ع
كأني بفاطمه عليها السلام
مخاطبتاً ابيها رسول الله ص

ابوي وصعب عــــالدلال بعُداه
عگب عينـه اوننــن اه بعد اه
شفت ظيم ومأسي شكثر بعداه
وشفت محسن سگط فوگ الوطيه

على بنتك يبويه الـگوم يا رت
وسيوف الغدر عالزهراء يا رت
تجي وتشوف حالي اليوم ياريت
واخبرك بالجره والصار بيه

علي كاظم المنصوري

يا ويلي على المختار
يا ويلي على المختار
ــــــــــــــــــــــــــــــــــــــــــــــــــ
شايل يا عمـود الـدين
حگ تهمل عليك العين
ونخلّص عمرنه اونين

وتفيض الــــدموع انهار
يا ويلي على المختار
ـــــــــــــــــــــــــــــــــــــــــــــــــ
تبجِيله الانس والجان
نصبتله الملاك احزان
وهتزت عليه الاْركان

بانــــت بالــسمه الاثار
يا ويلي على المختار
ــــــــــــــــــــــــــــــــــــــــــــــــــ
اليوم مكدّر القــران
ناحت نـــبرة الاذان
ميت سيد الاكــوان

نالت منّــــه الاقـــــدار
يا ويلي على المختار
ــــــــــــــــــــــــــــــــــــــــــــــــــ
باهات والــــم وعــويل
ضل ينعى عليه جبريل
ودموع الملاك تســـيل

الكـــون بأكملــه محتار
يا ويلي على المختار
ــــــــــــــــــــــــــــــــــــــــــــــــــ
مفجوعه الزجيه اليوم
تنحب والدموع ادموم
گلب ام الحسن مصدوم

شبـــت بالدليل الـــــــنار
يا ويلي على المختار
ــــــــــــــــــــــــــــــــــــــــــــــــــ
يا حال الحـــسن وحسـين
ضـــــلو بعده مكـــسورين
بفگده شحال ابو الحسنين

الله ايعينه حامي الجار
يا ويلي على المختار

✍️ علي كاظم المنصوري

https://t.me/aliQ0Q

اقرأ عالدنيا السلام /من بعد سيد الانام

ردو اشباه الزلم للــــجاهليه
بالسقيفه اتأمرو رغم الوصيه
وسفه وسفه / وسفه وسفه
ــــــــــــــــــــــــــــــــــــــــــــــــــ
بعده ما غمض محمد ولدجل صار
عالخلافه اتسابگت خطوات الاشرار
بالسقيفه اتأمرو ضد حـامي الـــجار
اتناسو اوصيت الرسول ابآله الاطهار

اتجاهلو حجِي النبي / ما رضو حيدر وصي

نكرو اوصيت الغدير اهل الدعيه
وسفه وسفه / وسفه وسفه
ــــــــــــــــــــــــــــــــــــــــــــــــــ
بغضن ابحيدر علي حقد الصحابه
كفــرو بدين الـنبي طه وكتــــــابه
اية التطهيّر نكروها العصــــــــابه
ما رعو حق عترة الهادي النجابه

واستمر هذا الحقد / كل وكت ضل
يستجد

بيّنت بعد النبي ايد الخفيه
وسفه وسفه / وسفه وسفه
ــــــــــــــــــــــــــــــــــــــــــــــــــ
اتمادو اعله الزهره واتفقو عليها
ما تورّث فاطمه من ارث ابـيها
فدك ما ننـــطيها الها ولا ذويـها
وما نريد اعله النبي نسمع بجِيها

صدّرو بالزهره امر / تبجِي بس يم القبر

خاف ممبجاها يأذّي الناصبيه
وسفه وسفه / وسفه وسفه
ــــــــــــــــــــــــــــــــــــــــــــــــــ
عادو الزهره الزجيه وحــاربــوها
ابلا سبب هجمو عليها وما رعوها
بت محمد ليش بالباب اعصـروها
ونبــــــــتو بسمار بيها وألمـــوها

بيا شريعه ويا حكم / بت محمد تنهضم

دمعت ام حسين سجِابه وجريه
وسف وسفه / وسفه وسفه
ــــــــــــــــــــــــــــــــــــــــــــــــــ
ثمنطعش عام الزجيه ومـــوتوها
امن الحسن وحسين يا وسفه احرموها
ابعمر خمس اسنين زينب يتموها
ومن بعدها انفجعت ابطبرت ابوها

رافگ الحره الحزن/ شابت بفگد الحسن

والمصيبه الكبرى برض الغاضريه
وسفه وسفه / وسفه وسفه
ــــــــــــــــــــــــــــــــــــــــــــــــــ
علي كاظم المنصوري

هوسات للمشايه
ــــــــــــــــــــــــــــــــــــــــــــــــــ
البصره

البصره اجت لحسين ولمدمع يصب
وعتنت مشايه مـا هــــــمها الــدرب
اليمشي للمحبوب ما يعرف صعب

يسّابگ دمعه وخطواته
ــــــــــــــــــــــــــــــــــــــــــــــــــ
العماره

والعماره اتعنت ابلهفه وهـــمم
لبو سكينه وللگمر راعي الشيم
زحف تزحف ما تسير عالجدم

ولدمعه لزينب هلوها
ــــــــــــــــــــــــــــــــــــــــــــــــــ
الناصريه

كل اهل ذي قار اجو متحزمين
شالو الرايه وتــعنو زائــــــراين
عالعهد باقين صاحو يا حُسين

ونجدد وياك البعيه
ــــــــــــــــــــــــــــــــــــــــــــــــــ
الديوانيه

الـــديوانيه تضل وفــــــــايه
تصيح كل الهلا بهالمـــــشايه
وعالدرب نصبت لـطم وقرايه

وتقبل اجفوف المشايه
ــــــــــــــــــــــــــــــــــــــــــــــــــ
السماوه

السماوه اعله الخدامه اتحزمت
اتلگــــت الزوار بيـهم رحـــــبت
والمواكب بــــــالشوارع عزبت

كل خادم فتّح بيبانه
ــــــــــــــــــــــــــــــــــــــــــــــــــ
النجف

النجف نادت عــليهم يــــــاهلا
يله حيهم صاحت ابصوت اعتلا
هلا بالزايـــــر الــــگاصد كــــربلا

يالماشي بدربك مر بينه
ــــــــــــــــــــــــــــــــــــــــــــــــــ
ديالى ولموصل

ديالى ولموصل اجو نوح وبــــجي
اتحزمو شيب وشباب اعله المشي
وسدو البيبان ما همـــــهم حــجي

كل همهم بحسين لهيبه
ــــــــــــــــــــــــــــــــــــــــــــــــــ
سامراء

اجت سامره ابألــــم مــــفجوعه
امن الحسن والهادي جابت لوعه
اعله الذبيح الكاسرين اضلــوعه

ناحت لحسين ولعياله
ــــــــــــــــــــــــــــــــــــــــــــــــــ
بغداد

وعتنت بغداد غاطيها السواد
وجابت وياها علگ من الجواد
ورايه من الكاظم وباب المراد

لحسين تعنة مشايه
ــــــــــــــــــــــــــــــــــــــــــــــــــ
الكوت والحله

الكوت ولــــحله اجت ملهوفه
تريد تشـــتم الــــگبر وطــوفـه
وتبجي يم راس لگمر وجفوفه

وتهل الدمعه اعله امصابه
ــــــــــــــــــــــــــــــــــــــــــــــــــ
كربلاء

وكربلاء اتنوح وجريحه بلا ضماد
واعلنت لحسين وعـــــياله لحداد
ونت وياها وبجت ســـبع الشداد

ونّت لحسين ولمصـــابه
ــــــــــــــــــــــــــــــــــــــــــــــــــ
علي كاظم المنصوري

كعبة الاحرار يالمالج مـــــــثيل
بحقج شما گول ما يوصل قليل

انتي جنه وتطمئن بيج النفوس
وعطرج يشافي ويطيب كل غليل

بيج كل شيّ مختلف يا كربلاء
وانه عندي بهاي برهان ودليل

تربتج سالت عليها اطــــهر دماء
وماي نهرج لامس اجفوف الكفيل

✍️ خادمكم

الان متجهين الى كربلاء العشق
لن ننساكم من الدعاء والزيارة

https://t.me/aliQ0Q

الى مولاي الامام الحسن المجتبى ع

يا رابع اصحاب الكساء
يمته يم قبرك نقيم العزاء
يمته وبحضرتك نقرأ الرثاء
يمته يمته
ــــــــــــــــــــــــــــــــــــــــــــــــــ
ويـالهوه يا سيدي ابعث ســـلامي
يمته اشوف بعيني قبرك يا امامي
لحظرتك عطشانه روحي وگلبي ظامي
من كثر نوحي وانيني جفني دامي

دمعي جارييّه جِن جاري النهر
دمعي بعيوني خله اجگد اثر دمعي

اْنزورك يبن سيد الوراء يمته
ــــــــــــــــــــــــــــــــــــــــــــــــــ
يمته اسمع سيدي هاي البشاره
للحسن كل شيعي يگصد للزياره
ممشى تتعنه الحضرك هالـغياره
وانظر الگبرك واشوفنها المناره

قبتك اوصل واصدها بناظري
قبتك وجبرها كسّرة خاطري قبـتك

يمك اضجن بالبكاء يمته
ــــــــــــــــــــــــــــــــــــــــــــــــــ
انّه كل همي ازورك ونسى همي
وألــزم الشباج بيدي هذا حلمي
يكبر وينشد اريـدن بيــك عزمي
من ازورك ينكشف بالحضره غمي

همي الا بضريحك ينجلي
همي حب وسعاده ينملي همي

يالنورك يشع بالـسماء يمــته
ــــــــــــــــــــــــــــــــــــــــــــــــــ
شوگي تعّبني وحــناني عذباني
لشوكت ابقى انتظر حلمي واتاني
الّبعُد عنك يبو محمد عمـــــاني
والصبر مولاي مل مني وجفاني

صبري مل مني وبعيد ارتــحل
صبري خلاني احيّر ابلايه حـل صبري

يا حد يضل هذا العناء يمته
ــــــــــــــــــــــــــــــــــــــــــــــــــ
گـــبل لا موتن ازورك ادعي ربي
هايه امنيتي بحياتي وهذا طلبي
من عطر قبرك اريدن يروه گلبي
نور گبتك سيدي يضويلي دربي

يا رب خليني اشمن تربـــته
يا رب وأقره الزياره بحضرته
يا رب

ويم قـبّته انكثر الدعاء يمـته
ــــــــــــــــــــــــــــــــــــــــــــــــــ
علي كاظم المنصوري