الامام الحسين يخاطب الزهراء عليها السلام

يمه كعدي ومسحي دمعي يالزجيه
يمه كعدي. وخلي راسج بين اديه

يا يمه عيونج فتحيها وكعدي حجي وياي
ضلعج مكسور اخذي ضلوعي وتجوه اخذ كفاي
من هسه الطف مد اجفوفه وو لهن هاي
اعطش كل ماكولن يمه ويعرضلي الماي

يمه طفج اردكلج يبدي بيه
يمه كعدي وخلي راسج بين اديه

@@@@@@@@

انا حسين الكاطع كلبج كلبي تكطع
ماكو اترف من دمع عيوني وضل يتصدع
شله بعمره الصيح يمه وها ما يسمع
يا خنكت صدري ويا فكته الماضن ترجع
يمه رحتي بس خنكتي طف عليه
يمه كعدي وخلي راسج بين اديه

@@@@@@@@@

احجيلي اباجر يا يمه ياروح ابنج
لو فزت عيني بصبح الله وما شوفنج
لو كول ادعلي وماشوفن رفعت جفج
يمه انا دعي الله بكل ليله يطول عمرج

يمه ادعي لله وبجي بكل مسيه
يمه كعدي وخلي راسج بين اديه

@@@@@@@@@

بجفوفي ارفع جفج ومسح دمعت عيني
هاي اول مره ابجي بعمري ومتسكتيني
هسه الدنيه ندارت وانتي لتبجيني
يااول راحه بهال دنيه وتعذبيني

يمه انتي عفتي جرحي بلا شفيه
يمه كعدي وخلي راسج بين اديه

@@@@@@@@@@@@

انا المضلوم بهال دنيه ومدللته
انا اليوميه تبوسينا بنحره وكصته
انا المن هساعه نكتبت بدم قصته
اه ياروحي التدفن روحي بدمعه وسكته
يمه دفنج يهضم ابنج بالخفيه
يمه كعدي وخلي راسج بين اديه

الاخادم
حسين الساري

الامام الحسين يوصي السيدة زينب
لتوديع مابقي من النساء في المدينة

ودعيهن. بلا بواجي ولا دمع
ودعيهن. بصوتج الما ينسمع
ضمي لعيونج دمع
جايه أيام الضلع

يختي زينب للنوايب ضمي دمعج
ارد اكلج كلبي ما ينطيني اكلج
هناك باجر ما تسلمين ع وجهج
وبرجعتج مايعرفن حتى شكلج

بي ملامح ضيم وصياط وقصر
بي ملامح كربله وحر الضهر
وحتى اسمج ينكلب
زينب وام الغرب

@@@@@@@@@@

بضيم كلبي احجي لو خليها سكته
وجهي باجر زين لو شفته وعرفته
هاذه حيلي مايضل يختي عله حطته
خويه زينب شنهي حال التنسبي اخته

لو بديه الف مره ارضه نذبح
لو بديه ولا يطر ذاك الصبح
البي اديج مسلسله
وكلها تضحك كربله

@@@@@@@@@@

لا تنامي عله المحامل لو صعدتي
عودي عينج عالسهر من هسه يختي
وكضي ضهرج بالدرب لو تله شفتي
وحجي بسمي لون عطشانا وشربتي

عودي روحج عالمصيبه وعالحزن
عودي روحج من تغمضين الجفن
تصوري حرك الخيم
من تطفين الحرم

@@@@@@@@@@@

انا حاير ما اريد وياي احيرج
والله بلوه ماخذج ودري اليصيبج
وعالهزيله تاخذج غربا وتجيبج
من المصايب شيب يطلع فوك شيبج

ماكو هينه جرح اكبر من جرح
ماكو هينه لو سحك لو منذبح
زغيره ماكو وتنحجي
زغير اضن بس البجي

خادم الحسين
حسين الساري

انصار الحسين
انصار الحسين

حيهم. وين الغيرته براسه جفاها
حيهم. خنتيه صدرها من كفاها
حيهم. مابينا التشد ويضل وراها
حيهم. بضلمه نبين و بضواها

بأي مجان ولميدان منهو احنه يعرفنه
لو سبعين وي سبعين ما يلون جفنه
وشما زادت تجف
لومو سبيعن الف
مابينا اليرتجف

انصار الحسين
انصار الحسين

حيهم. ولما لطخ الدم عله سيفه
حيهم. عيب يصفط ادلال بمضيفه
حيهم. وتبين الثكيله من الخفيفه
حيهم. يغله الدم اذا يرخص نزيفه

ياهو. يريد. بخته يزيد خلي يطيح دمه
ولعنوان. بل ميدان راعيه يجدمه
ويبينون الزلم
من ينشد العزم
ولحومه تنثلم

انصار الحسين
انصار الحسين

حيهم. شك موسى البحر من طكها عصته
حيهم. ويشك كربله حسين بصحبته
حيهم هاذ الجيش ماتجبر كسرته
حيهم. ونجتفها يسرا بيمنته

خلها تميل خيل صهيل ونضيع دربها
هاي الكاع بيها سباع متكفله بحربها
بطف من حولت
ابدن ماهودت
بل ميدان اثبتت

انصار الحسين
انصار الحسين

حيهم شنهي جيوش من الكوفه وشام
حيهم لو عباس قائد صار جدام
حيهم يعني الكام يكعد ولكعد كام
حيهم حته الريح ما يوصل للخيام

كشي يموت حتى الصوت وجه الماي يذبل
مدري شصار ليل النهار محد كام يندل
تاهت وين الدرب
يفتر بيها الرعب
ياهو اليكدر يطب

انصار الحسين
انصار الحسين

حيهم خيل اسيوف وي رماح صفت
حيهم ولكاع بدمه عله سمه مطرت
حيهم ضكت كربله من الموت ضكت
حيهم مو لجساد روح بروح ردمت

شبت نار بيها شصار ولما خاف هم خاف
شافو زين شوف العين ضل الموت ينشاف
ماضل بيها مهيوب
رجفت كل الكلوب
موت بكل الدروب
انصار الحسين
انصار الحسين

حسين الساري

(مسير الضعن)

بضعنه حسين ياهو الجاي اويا
وين العاشك الله والله عشكا
وكلشي ترافك ويا
الحب ولموت ول اه
بضعنه حسين ياهو الجاي ويا
__________________
ضعن ولغيم ينزل لي يغطي
غير جفوف ابو فاضل تمشي
يخضر كل درب لمن يمر بي
ومن يمشي الحمام يجلجل علي
مشتاك ويمرهم
ويغازل طفلهم
يفرش جنحه جوا

__________________
يشتم الهوه من عنده لو ضاك
ضعن كل الوعاطف بي ولشواك
بي وين الحنين وكلبه يشتاك
وعلي يتسابكون الحب ولفراك
شما زاد بمشيته
تكبر بي منيته
وتسبكه عله ممشا

__________________
ضعن ولموت وصل وي وصلته
جايب كلشي من لله ورحمته
بس بيده البشر يدفع نعمته
رحمة الله هدرو دم ركبته
جه المن الله رحمه.
و يدورن عله دمه
وملكه الموت لاكا

__________________
وصلو ولمنيه بكل الدروب
صنطت وسوالف بس بلكلوب
كلمن بضعن عاشكله محبوب
ويستر الله من باجر ولغروب
باجر تبجي كل عين
من يودع حسين
باجر ياهو ينسا

___________________
اجو مارادو بخاطر يكسرون
تعب ضاع عله وادم ما يقدرون
عله حسين العذب باجر يكطعون
وشي ترجع سبايه وشي يموتون
وحسين بغربته.
شيجبر كسرته
لو عباس عافا

_____________________
وكف وحسين كال هنانه منوا
عرفها كربله من ذبلت شفا
رف نحره وحسرته طلعت با اه
بجه وكال الخدر يتفرهد هنا
هنا تكبر بلوتي.
من يموتون اخوتي
وخالي حسين مكفا

حسين الساري

لسان حال مولاتنا زينب عنده
مصاب أمير المؤمنين

(تقول)

انا اليله كمل يتمي
علي مات ولحك بمي
مرسال وديت الحجي البالي
للغاليه خليته بيد الغالي
--------------------------

شاوريته وهمس كتله بئذنه
اتيتمو يا بويه گل الامنه
و شما كبرنه تكبر مصايبنه
وكلهه اذكر كشي بي سولفنه

من عل مصايب كعدت اوصتني
وليله منهن هايه هل كسرتني
وانا زغيره ولحجي نكالالي
مرسال وديت الحجي البالي
-----------------------------

اليله جن ذيج اليالي الفاتت
اليله زينب ماتت وما ماتت
يمه بويه شتحجي روحي حتارت
ضلع جان وهسه طبره نزادت
ليش موتتهم تصير ابعيني

اطيب وحده الثانيه تجويني
هاذ حالي وراح اسولف حالي

مرسال وديت الحجي البالي
-----------------------------

الموت كضه عرفت من هداني
وجبت جفي بجفه ما كضاني
وثكلت البويه عله طرف الساني
يئذي ندها الميت واذاني

غير تقنع روحي ما ندهنه
عدل ما ميت يسولف جنه
وضن اسمع صوته جن صاحلي

مرسال وديت الحجي البالي
------------------------------

اعيونه فاتحها علي و ينضرلي
وعدل جنه شما بجيت ايصدلي
عينه تحجي وبدمع سولفلي
مات وبكلبه الحجي وما كلي

ياسوالف ضالات ابصدره
راد يحجي وسكتته العبره
بخده دمعه وفطرت دلالي

مرسال وديت الحجي البالي
------------------------------

صنطه صارت وخوتي يسمعوني
نبجي سكته وحتى ما حاجوني
شما اصد الهم انزل عيوني
كوه صبر كلبي وي بجوني

حسين يبجي شما يباوع حكه
مايطفي المحترك محتركه

وسلوتي بس الدمع ضلالي

حسين الساري

لسان حال مولاتي زينب /
عليها السلام عند الموت
———————-
ياروحي ياروحي ابدن ما الومنج
المن ضاله للموت الحكي اهلج
———-————

مالوم كلبي لموتاني بهمه
عفت انا اخوي بنحره يابس دمه
المايوكف كباله جبيل وزلمه
عريان ضل ومنه سلبو هدمه
————
وضل طايح ثلث تيام على غبره
وما مدفون محد نزله بكبره
————
ايدفنونه ماحصل ناس يدفنونه
————
ليش اخوتي ماحضرو يشيلوني
من زغار همه جكد غفو بمتوني
ارضيت مسبيه وغرب يسبوني
بس صعبه لو هم غربه اليدفنوني
————
شوعباس مت وبعد ماجاني
يرضها الغريب يصير دفاني
————
يدفنوني يرضاها الغربه
————
انا اليغطون الشمس خواني
وبموتتي محد جهبني وجاني
حرمه وحيده هل زمن خلاني
من الدلال عله الحزن ذباني
————
ماخله دلال ولا اخو ليه
انا ام الخدر سموني مسبيه
————
اعله خواني يفتر البين
————
ماايست ميته وباوع دربه
تدفني غربه شلون يطي كلبه
محتاجه متنه البي يشيل الجربه
تابوتي حدره متون وادم غربه
————
جاوينه اخوي بعازتً انه متونه
نعشي الهواشم خلتجي يشيلونه
————
يشيلونه نعش المسبيه
————
بس يشيعني اخوي اريدن منه
نعشي خفيف وما يتعب متنه
مثل الخيال اصفيت من كد حزنه
تطلع ابونه وترد روحي بونه
————
من ازمان كون الموت لافيني
ولاشفت العذاب الشافته عيني
————
ياروحي. الما شافت راحه
————
الاخادم
✍️حسين الساري

الاحن عند الخاص

(انتظار )
وخطاب السيدة زينب عليها سلام

يعني لا تانين بدرب ناسي
يعني بموتتي هم غربه تبرالي
اه اه محد اجاني
اه اه موته الاتاني

_____________________

الدرب مافاكدومابح لحد صوته
الدرب ينسى بثواني جدام التفوته
الدرب بس ياخذ وميرجع الموته
لعلي راحو والي ماجو غرب ماتو
يعين اهلج

غريبه وموتي ياخذني
مثلهم دهري غربني

تضل تبره الي الذكره
التذكرني
وحط روحي عله جروحي

وين وين جرحي خذاني
اه اه موته الااتاني

________________________
احطن كل حزن واسله ويحزني
احطن كل تعب بيهم يذكرني
احطن ياصبر من ذن يصبرني
شيصبرني الدهر ذبني وخذ مني
جميع اهلي

ذخر ما خله من اهلي
اليه بدنيتي شضلي
البقه عندي دمع خدي
اليصبرني
صورعيني التسليني

ليش ليش دهري نساني
اه اه موته الا اتاني

_______________________

اكولن ما اتاني الهم و اتانيهم
اكولن عيني ترسمهم وحاجيهم
اكولن همه كلبهم ما يخليهم
كلب عدهم يذكرهم غريبه الهم
تتنانيهم

تحط بكل درب نجده
وتحاجي الريح التعده

ارد بيهم تشوفيهم
منو يكلي
وفض حزني ودمع وني

كون كون يرجع زماني
اه اه موته الااتاني

______________________
شفت انا بحياتي من الحزن ولهم
شفت جرحي ويمد بطوله ما يلتم
شفت موت الذبح موت العصر وسم
لعلي مرن كلب شلعن اثر خلن
على عيوني

غريبه وحشه بعيوني
غريبه بكشي خلوني

تره بموتي يتابوتي الغرب
تمشي
تضل وحدك بعيده اهلك

موت موت بل غربه جاني
اه اه موته الاتاني

الخادم ✍️
حسين الساري