جيبولي عباس      جيبولي عباس
خل يحضر أيشيل النعش
جيبولي عباس
..................................................
زينب يخــو زينب تره ضلت غريبة
حرمة او وحيده بلا أهل والله مصيبة
تنعى وتون عباس أخوي أمنين أجيبه
صبح ومسه تهل الدمــع حالة رهيبة
موتها الفراك     لخوتها تشتاك
خل يحضر أيشيل النعش
جيبولي عباس    
.....................................................
ألــــــــــف هنيال التموت أبين أهلها
تحضر أخوتها الجنـــــازة وتفزعلها
هذا ينعاها اللـــــــــــي يتولى غسلها
لجن زينب لمن ماتت ياهــــــــو ألها
أخوتها يا ويل     كلهم مجاتيل
خل يحضر أيشيل النعش
جيبولي عباس     
.................................................
عدله زينب يا خلك هــا مدري ميته
رادت يجــــــي كافلها وتلوذ بحميته
لآخر نفس ويلي بقت منتضره جيته
ريته يجيها لـــــــو حلم عباس ريته
آخر حلم جان    أيصيرلها دفان
خل يحضر أيشيل النعش
جيبولي عباس
...............................................
صورة خيم محتركه شابت وي عمرها
ميته وآثار اليــــــــسر كسرت ضهرها
ماتت غريبه والغرب حفروا كبرهــــــا
بديرة غرب يا ناس مـــا واحد حضرها
أمن الشام للشام     ضلمتها الايــــــام
خل يحضر أيشيل النعش
جيبولي عباس
..............................................
ماتت ولا واحد حضر شيل الجنازة
ثاري التموت بلا أهل عازتها عازة
وادم غريبة يا خلــــــك بيمن تجازه
أيبين الدافن هلـــــــه ودافن أعزازه
من يشتري الموت     بلا نايحه وصوت
خل يحضر أيشيل النعش
جيبولي عباس
..................................................
خادم خدمة الحسين
الشاعر
محمد الموالي

تمنيتك عدل عباس تحضرني
تشيل أجنازتـي وبيدك تنزلني
غريبة     غريبة
زينب عاشت وماتت غريبة
.................................................
شح حتــــــى الهوى من شحت أخبارك
ويبس غصن الوفه وموحش صفه دارك
لا أب لا أخـــــــــــــــو جا بيمن أتبارك
خلص عمري نواعــــــي وشوك ذابحني
تمنيتك عـــــــــــــــــدل عباس تحضرني
غريبة     غريبة
زينب عاشت وماتت غريبة
.....................................................
حفر خدي الدمـــــــــــــــع يا نبعة الخوة
وحنى ضهري الحزن كمت أمشي بالكوه
ويلي لــــــــــــــــو دريت أفاراكك شسوه
الما يعرفني زينب عنـــــــــــــــي يسألني
تمنيتك عــــــــــــــــــدل عباس تحضرني
غريبة     غريبة
زينب عاشت وماتت غريبة
.....................................................
من أيبان ليلــــــــــي وتنذبح شمسي
أوي الحيطان أسولف واكعد وأمسي
أرسم صورتك يا عزوتـــــي ونفسي
وأثوبلك دمـــــــــــع هلبت تصبحني
تمنيتك عــــــــــدل عباس تحضرني
غريبة     غريبة
زينب عاشت وماتت غريبة
.....................................................
وصل حـده النفس والموت شاريته
واحســـــب ليلة ليلة وأنتضر جيته
عشت مدري بغيابــك عدله لو ميته
غريبة بديرة غربة ودهري دولبنـي
تمنيتك عــــــــدل عباس تحضرني
غريبة     غريبة
زينب عاشت وماتت غريبة
.......................................................
بين الها أجه لا مـــــــا أجه وينه
يحضر كون عباس ويجي حسينه
سوالف طيـــف فاكد دمعته بعينه
لحد آخــــــر نفس طيفك يراودني
تمنيتك عـــــــدل عباس تحضرني
غريبة    غريبة
زينب عاشت وماتت غريبة
.......................................................
صدك عازتها عازة الخوة مريوده
وكت شيل الجنازة أحيود مشهوده
ويلــــــي وعالنهر عباس وأزنوده
عفتك خويه بيمن بعد تدفنـــــــــي
تمنيتك عـــــــدل عباس تحضرني
غريبة      غريبة
زينب عاشت وماتت غريبة
...................................................
خادم خدمة الحسين
الشاعر
محمد الموالي

تانيتكم يهل المحنة شكــــــــثر تانيتكم
تانيتكم لاخر نفس جنت أنتضر تانيتكم
زينب أنه اليحجون عني
ما واحد المنكم حضرني
تانيتــــــــــــــكم
.....................................................
يهلــــــــي يخوتي يامن تسمعوني
ذبحني الشوك جا يمته تحضروني
من كثــــر الدمع ما شوف بعيوني
صوفر شيب راسي وأختلف لونـي
ناديتكم بدمعي وصحت وكت الفجر ناديتكم
تانيتكم لاخــــــــر نفس جنت أنتضر تانيتكم
بجى الحجر يا ويلي وني
زينب أنه اليحجون عنــي
تانيتــــــــــــــــكم
............................................
زينب آنه زينب حيرتـي حيرة
أي لا أم لا أبـــو لامن عشيرة
أخوتي مذبحه بديره وانه بديرة
غريبة أبين وادم باعت الغيـرة
فركاكم بضهري بقى تارك أثر فركاكم
تانيتكم لاخـر نفس جنت أنتضر تانيتكم
ما أدري عدله ميته جني
زينب أنه اليحجون عني
تانيتـــــــــــــكم
...................................................
وي كـــــــل مغربية أشتعل شمعه
وتجي أم عباس يمي وننحب وننعه
أكلـــــها أعله النهر جفينه متكطعه
وتكلي حسين بيده العشرة شو تسعه
طاريكم رد بيه لسياط الشمر طاريكم
تانيتكم لاخر نفس جنت أنتضر تانيتكم
شما ألتفت يوجعني متني
زينب أنه اليحجون عني
تانيتـــــــــــكم
.................................................
عشت عمري جرح ما ينجبر كسرة
شما أخطـــي يرد بيه الوكت عشرة
آه أعله السحك خيــــل العده صدره
وآه أعله الوكــــــع لا يمنه لا يسرة
ياذيكم وضعي وتعب درب اليسر ياذيكم
تانيتكم لاخـــر نفس جنت أنتضر تانيتكم
شيريد دهري وحزني مني
زينب أنه اليحجون عنيي
تانيتــــــــــــكم
......................................................
بعدكم يا هلـــــي ما ينفع أعتابي
ملك الموت جـــم مره يدك بابي
شما عاين عليه وعاين أمصابي
يشم ريحة حرك خيمة على أثيابي
ياريتكم تحاجونه ماريد العمر ياريتكم
تانيتكم لاخر نفس جنت أنتضر تانيتكم
كلولي شيب راس حزني
زينب أنه اليحجون عني
تانيتـــــــــــــــــكم
....................................
خادم خدمة الحسين
الشاعر
محمد الموالي

بأهاتي كسر الخاطر
يذبحني ليل العاشر
...........وبروحي ظلت حيره
يا گلبي  ليش أتكابر

ما حسبت تالي العمر ....وجروحي تاكل بيه
شيبني دهري من وكت....وخلاني اون ليليه
الفاگد  اعزاز  الكلب.........اشتم هوه بلا ريه
خلصته عمري بالبچي.......وبين سماره عليه

يا  ليلي   تشهد   نوحي
وبهمي عشت اجروحي
.............فرگاهم اشظل بيه
انتظره يرجع باچر

متعويده اگبالي الگمر.....اصحه واشوفه اگبالي
تالي الوكت بيه اشعمل.....خلاني وحدي بحالي
والحسره ميته بلا شمل....والبيت اصبح خالي
ياوكتي  ماترجع بعد............بس  ألتقي بالغالي

اشكد حلوه لو حضروني
اشبعهه  شووف اعيوني
..............يابو علي مشتاگه
مشبوحه ظل الناظر

مكسورة الخاطر اظل...بالحسره يحچي احساسي
شمس الله انت ودنيتي....محبوبي تاج  ابراسي
ياموطن احزان السمه......مخنوگه ليش انفاسي
عندي النذر اربع ولد.......هامه ويه چف عباسي

مايسوه عمري ابدونك
كلهم صبح يفدونك
................اتلاگه ويه الزهره
ونسولف اعله الناصر

اخر محطه ابدنيتي......وين اليغمض اعيوني
لا كافل الحره وصل......يمي ويشوف شلوني
والوحشه صليت القهر.....بالدمعه تهوه اجفوني
بداري المنيه استوطنت.....منتظره بس يلفوني

منتظره جيت الغالي
اگعد واشوفه اگبالي
............والحلم بس نتلاگه
چنه الحلم بي حافر

ياحيره شمعاتي انطفن......راحت عذاب اسنيني
محنيه وتلفت  صرت......بلگت اشوفه ابعيني
گدامه  اذبحله  نهر........بس كون يروه احسيني
انتظره لو مات النبض......يمسح بيدينه اجبيني

يامحله طيب انفاسه
دنك عليه عباسه
.............ربيته محلى الغيره
باب ضمه اشگد صابر

تذبحني كلمة  ما اجو.......راح العزيز ابدنيتي
چان انتظاره شكد صعب...مخنوگه وانه ابغربتي
چم حافر بصدرك گعد......ياويلي يذبح مهجتي
يحسين چم مره طحت......بالونه تشهد حسرتي

ناري وعذاب افراگه
ايست ماكو  املاگه
..........لا طارش ولا رجعه
خلوني جفني امساهر

تمت بعون الله
خادمكم........ يوسف الفتلاوي

دگـينه باب ام الــكرم
ام البـنــين ام الخدم  == لرزق المدامع
من جـود شــيّال اللوه
تسقينا دمعة لنينوى == وحزن المواجع

ام البنين .. ام البنين
ام سقّــاينه تتـكـفل الـمـجلـس
تدعـي كـلوبنه وبـيه الام تغـرس
ولذلك بتعب نستشعر اليهمس

ام البنين.. ام البنين
عاصمت الحزن وبابها الماتم
بـسم ام البـنين السـنه نتحزم
فيوضات الدمع تـرزق للمتيم

ام الكمر
مرجعيتنه 
قلدناها دمعتنه
هيه باب مولانه == لتدخلنه عله سادتنه
=========================

ماخابه مـن بيـها نـتخه
شمس الحُسين البازخه == تكرُم بلجروح
توهبــنه جــرح القافله
مــن الــمـدينه للـفــله == من اول النوح

ام البنين .. ام البنين
سلطـانـة بنـي الـخدام والنخوه
بتـسيـارج جـرحـنه ياام الـمرّوه
مشرعه ابواب حزنج للذي يهوه

ام البنين .. ام البنين
كل ابوابـج اتأدي الى العطشان
واجـهنه كلبنه القبـلت الـحزان
مسينه بلهيب الوجر الـصـيوان

ام الكمر
وجري مهجتنه
للضامي ومصيبتنه
يامولاتي زيدينا == مفجع كونه يلجمنه
===========================

مولاتي لضعون الكمر
جريان عيني من النـهر == هضمة شهامه
الينتـحب كلـبه بـالام
نيته بدمع يطفي خيم == ديــنه بــخـيامه

ام البنين . ام البنين
ابـوادي العــزء مــجمع ثكالاهم
دوي أهل المصاب ابنوح تنعاهم
يام الاربعه قــربيـنه بـحــذاهــم

ام البنين .. ام البنين
لضعون ابو فاضل بيدج اخذينه
وكـون اعله الخيم ماي وتبدينه
الدمع وهل الدمع قربان لسكينه

ام الكمر
الينتحب كلبه
اخذي بيده للغربه
من الوعه للهضمه == حزنج كون اليخضبه
============================

مو موسم الحب والجرح
للـعده غــاليـي مـنذبح == لوعة مديده
طــيبه لـجرحنه ما نود
مؤنس جرح مولى العبد == واحنه عبيده

ام البنين .. ام البنين
لضـعون الدلال الراحــت ابتگـييد
نستجدي حبل يلهب يطوق لجيد
ونـدعي اجـروحنه مـاتبرد ولتهيد

ام البنين .. ام البنين
عيون الماخــشع يــاكون ينعابن
واجـب ثم واجـب مو استحباباً
مناسك حب دمعنه فرض ينقامن

ام الكمر
ليخشع الاسمه
الطف باجر ايحسمه
يوكف ويه انصاره == يتروى بعذب رسمه
===========================

عهد النواعي والدمع
ماتخمد اعله المنفجع == وهاذه عهدنه
وبينه الالم كل ما كبر
شرايه حد كسر الظهر  == غيره بحزنه

ام البنين .. ام البنين
عابـي اجروحنه لو تخمد الهضمه
افه ويهده دلييل الينبض الخدمه
وحـزن العـاقبه ختـمته الف نعمه

ام البنين .. ام البنين
بوجــدان ابــو الغيره الحـزن يزداد
ونواعي السرمديه  بكل مسه تنعاد
للضـل يـصطـنع من الـرمال اوساد

ام الكمر
ابضمايرنه 
صحنه بحزنه امنه
مو منعاطفه ننعه == لجن لعيونه محزنه
==========================
الخادم مصطفى الجبوري

قصيدة في أم البنين الطاهرة عليها السلام ،،،
ـــــــــــــــــــــــــــــــــــــــــــــــــــــــــــــــ

على أم البنين الأربعة الأطهار
تِهِلّ ٱعيوني دَم وما تِهِل أعبار

مظلومة أم البنين
مظلومة أم البنين

ـــــــــــــــــــــــــــــــــــــــــــــــــــــــــــــــ

أجري إلهه دَمعي وأجذب الحَسرة
وَفِيّة وبالكواكب وَافَت الزهرة
عافوهَه وبُقَت وَسطِ الگلب جَمرة
تِناطِر عالدّرُب ظَلّت مِسه وِنهار

مظلومة أم البنين
مظلومة أم البنين

ـــــــــــــــــــــــــــــــــــــــــــــــــــــــــــــــ

بشجاعة هالضياغم تُضرَب الأمثال
غَيورين ونِشامَى وبِالحَرُب أبطال
إذا دگّوا ثُوايَاهم تگول ٱجبال
مِثِلهُم ما يصير ولا گبلهُم صار

مظلومة أم البنين
مظلومة أم البنين

ـــــــــــــــــــــــــــــــــــــــــــــــــــــــــــــــ

وكِل واحِد يِعادِل بالثبات ألفِين
ويِقَدّم روحه فدوة دون أخوه حسين
ويِظَل أوضَح دَليل عللنّهَر چَفّين
لِبو فاضل هذاك الچَفّه فاض أنهار

مظلومة أم البنين
مظلومة أم البنين

ـــــــــــــــــــــــــــــــــــــــــــــــــــــــــــــــ

وَصَل يَمّ الشرِيعة وِغتَرَف غَرفة
تِرَاوالَه الأخو وذَبّاهه مِن چَفّه
كافِل إختَه يِشعُر بَعدَه ما وَفّه
لازم يُبقى ظامي وگلبه يِلهَب نار

مظلومة أم البنين
مظلومة أم البنين

ـــــــــــــــــــــــــــــــــــــــــــــــــــــــــــــــ

كفيل أم الصّبر مِن قَدّم ٱچفوفه
إبن حَيدَر علي وَوصافَه معروفة
وِگع فوگ الشريعة وزينب تشوفه
وَبو اليِمّة تِسِمعه ٱينادي يالمختار

مظلومة أم البنين
مظلومة أم البنين

ـــــــــــــــــــــــــــــــــــــــــــــــــــــــــــــــ

أبد ما قَصّروا أولادچ الأربَع
كِل واحد وِگع فوگ الثرى ٱمگطّع
عَليهم يالعفيفة دَم جَرى المَدمَع
رَادَوا بس يِظل سالم أبو الأحرار

مظلومة أم البنين
مظلومة أم البنين

ـــــــــــــــــــــــــــــــــــــــــــــــــــــــــــــــ

إلِچ يَمّ الگُمَر وَيّايَه چَم مَوقِف
أصِيرَن خادِمِچ ما لَحظة أستَنكِف
إذا أكتِب شِعِر عَنّچ أظَل أرجِف
يَمَن بِيچ الصّبُر مِتعَجّب ومِحتار

مظلومة أم البنين
مظلومة أم البنين

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

#ام_البنين عليها السلام

ماتت.. أم گلب الحنين
ماتت.. ناعية الحسين
بدمعاتك التهل.. شيعها يالفضل
ناعية الحسين

_ ١ _
التبچيك اعله ابو اليمه بنواعيها
اعله متنك شيلها وللگبر وديها
استعجل بالدفن لمّن تواريها
لأن مشتاگ ابو اليمه يلاگيها

عانت.. آلام الفراق
عانت.. جرح الاشتياق
الفرگه متنحمل .. شيعها يالفضل
ناعية الحسين

_ ٢ _
منّ اتشاهدت بالعين دمعتها
لاخر لحضه متفاركها لوعتها
واخر كلمه كبل الموت كالتها
صاحت ياحسين وطفت شمعتها

صاحت.. كلمة ام البنين
صاحت.. مذبوح الحسين
مدمعها ما يِقل .. شيعها يالفضل
ناعية الحسين

_ ٣ _
لا تلجمها نزلها بعطف واحساس
هواي الحره لطمت يالفضل عالراس
وعلامه على الكبر حتى تعرفه الناس
غطي ام البنين براية العباس

خلي.. عالمرقد دليل
خلي.. راية من الكفيل
براية أبا الفضل .. شيعها يالفضل
ناعية الحسين

_ ٤ _
بعد يالفضل بيدك من توسدها
أم الاربعة جان امنية عدها
من تراب الحسين يصير مرقدها
بيدك يالفضل خليه تحت خدها

وياها.. تربة كربلاء
وياها.. متخضبه دماء
مولاها منقتل .. شيعها يالفضل
ناعية الحسين

_ ٥ _
لترش اللحدها ماي من زمزم
رش اعليه من ارماد المخيم
التلقين الأخير اقرالها مأتم
وگلها حسين تحت الحافر تهشم

گلها.. مسبيه العيال
گلها.. بچف زينب حبال
من تذكر الحبل .. شيعها يالفضل
ناعية الحسين

مصطفى الشافعي

رغم السده  ورغم العده
هذا العزاء انجدده
سبع الدجيل المضلوم واجب علينه انذكره
»»»»»»«««»»
مجلس نسوي وهم نسوي اقرايه
رغم العده واهل الحقد و الغايه
نقسم قسم بجفوف راعي الرايه
حد الكبر طول العمر
رغم العده نحيي الامر
يابن علي ما ننساك حبنه الك عل فطره
»»»»»«««««
كلمن يحاول ما وصل للراده
نزيد المجالس احنه كد اعناده
الحيدر علينه هل عزاء وولاده
مهما وصل مهما حصل
هذا العزاء ثابت يضل
مجلس نسوي ابهل يوم  وتحضر اويانه الزهره
»»»»»«««««
بيت الامامه القتل عدهم عاده
هذا الورث متوارثه امن اجداده
لا مو جديده هاي عند الساده
شايل صفه اهل الوفه
جرح المحب مابي شفه
سيد الرسل ناح اعليه وحيدر حنه اعليه ضهره
»»»»»««««
محمد مصابه مو سهل لا والله
اشلون النذل بالسم كدر يوصله
نعشه منو الينتحب يمه وصله
للغالين تدمي العين
ينحب بقه ركن الدين
بس بالعباده و اصلاح خلص حياته و عمره
»»»»»«««««
اول ظهور المهدي ياخذ ثاره
بعون اللاه اوقوته الجباره
الشيعه لزومن تجتمع بدياره
ليل الوحش شيل نعش
بمصيبته اهتز العرش
عرش السمه اهتز اعليه و للباري سلم امره
»»»»»«««««
حسن صالح العيساوي

عدنه الروايه الرابعه بسم ام البنين
تقيم العزه فاطم عليها ام الحسين
&&&
عدنه الرواية الرابعه     نوضحها لازم للناس
تلاث بأسمچ فاطمه       والرابعه لام عباس
لحسين ضحت بالولد       گلولي بيمن تنقاس
الجابت الكافل تره     تنحط نعم فوگ الراس

هاي الابيه السجلت تاريخ السنين
تقيم العزه فاطم عليها ام الحسين
&&&
فاطم تقيم الفاتحه  لهل المره لما تتكرر
ماكو مره مثلچ ابد   برمز الوفاء تتصدر
يا ام تره عافت ولد      ام البنين التگدر
حيدر وفاطم بالعزه    قاموها وسط المحشر

صوت البچي يتعاله ظل وي صوت الونين
&&&
ام البنين اول مره         تخدم تره ضرتها
كل همها الحسين وفقط   مو همها بزريتها
ينادونها وترد نعم        خدامه بحچايتها
تبچي لحسين بكل وكت  معروفه بونتها

ام الگمر عدها ابد ما نشفت العين
&&&
هيج انه اريد اجنازتي    يحضر حسين بروحه
ما ريده يحملها ابد       تلچمه خاف جروحه
مثل الحسين من انذبح   روحي انه هم مذبوحه
انجرح من اسمع تره    يمي انه صوت بنوحه

شلون انسه انه شسوت بجسمه الميادين
&&&
اتمنه كون انه اندفن         يم الحسين بگبره
خليني ميته وبالگبر    بس كون اشتم عطره
المو يمه ابو الاكبر بعد    شيسوي گلي بعمره
وصلو سلامي لحضرته  لو زرتو يمه الحضره

صح  بالبقيع الجسد روحي يم الحنين
&&&
سجلها تاريخ العصر    ضحت بأربع شجعان
چان المهم مو بالولد   كل همها يم العطشان
ما رد عليها تحسرت   تسأل عليه ياهو الچان
خاف ابني ضل الوحده   قصرو يمه الخوان

انه اعرف الكافل تره وفاي بالدين
&&&
علي جبار الكعبي
الفاتحه لوالدي