Эпоха кетди. Давр кетди. Уммон соҳилга келиб урилди.

Адабиётнинг Орипови кетгани каби, Футболнинг Пелеси кетгани каби, Шарҳнинг Ахбор додаси кетгани каби санъатимиз учун-да доимо ЎЛЧОВ бўлиб келган Шахс кетди. Шерали Жўраев вафот этди.

Аллоҳ раҳматига олсин!

Энди қолганлар ўзаро ким кучлилигини аниқлашлари мумкин. Ўлчовлари энди йўқ.
@xayrulla_hamidov

https://t.me/baxtiyornasriddinov

АЛВИДО РАМАЗОН

Эй ойлар афзали – эй моҳи султон,
Эй руҳим табиби – дардларга дармон,
Эй жону жаҳоним – мўътабар меҳмон,
Алвидо, алвидо шаҳри Рамазон.

“Инна анзалнаҳу...”* Қуръон сенингдур,
Маҳкам тутсам, нажот – арқон сенингдур,
Тонг надур, шом надур, фурқон сенингдур,
Алвидо, алвидо шаҳри Рамазон.

Алайҳи лаънадан* озод дамларим,
Ибодат шавқидан обод дамларим,
Ҳеч сўнмас Раййондан мурод дамларим,
Алвидо, алвидо шаҳри Рамазон.

Куфрга раҳмидан етмас бир томчи,
Умримга жонимнинг йўқдир ишончи,
Маҳшарда боқмасанг, бўлмас қувончи,
Алвидо, алвидо шаҳри Рамазон.

Биламан, эҳсоним, савобим ҳам оз,
Шукрим ҳам, зикрим ҳам, тавофим ҳам оз,
Лек сенга кўнглим бор, тоабад ҳамроз,
Алвидо, алвидо шаҳри Рамазон.

Ўзни ислоҳ қилган, тузатган ойсан,
Покликдан насиба узатган ойсан,
Хайрул башар* маҳзун кузатган ойсан,
Алвидо, алвидо шаҳри Рамазон.

Эй ойлар афзали – эй моҳи султон,
Эй руҳим табиби – дардларга дармон,
Эй жону жаҳоним – мўътабар меҳмон,
Алвидо, алвидо шаҳри Рамазон.

Ғайрат МАЖИД

https://t.me/baxtiyornasriddinov