يزين الضيعت زينك
تذل ومن الثريا تطيح
واحنه رموشنا تشيلك
حلم واگره الجفن والعين
من عزك تلوليلك
ولو مو عادتي أشكيلك
انا الناي البچى على بچاك
والغنى بمواويلك

يا حِزن، يا ريت أعرفك
چنت أسويلك حَديقة
ومَمشى من كَاشي الفرح چدام بيتك
يا حِزن يا ريت أعرفك وين ساكن
چنت أگلك لا تجيني وتِمشي كل هاي المَسافة
أنة وَحدي چان أجيتك
يا حِزن وحياة حزنك ماعرفتك
جَنك مَغير مَشيتك
حاط ريحة رخيصة كلش
يارَخيص شگد بچيتك

إذا أنتَ غشيم وعِرفوا يغشِوك
شنو ذنِبي ثمَن لأخطائك اني أدَفع
ثنَى رجَلي الحَزن والرَاس طخ الگاع
وركعَني وتگلي تهَون لا تركع
غير الرُوح تقّنع من أگَلها تهَون
العطَش من السَراب شيّرتوي شَيقنع ؟

مامعذور ظهرك شوّفتنا
ومن ارواحنا شكد فشلتنا

وراها تعيش لكن گلبك يموت
وأحساسك الطيب يبدي يفهم
ما تحلم بعد بالعنك يروح
وما مسموحلك يوميا تندم
كل جروحنا وكل المعانات
من ما ورة الناس البيها نحلم

لو صابر أنتَ علي
صدگني أعوضك عُمر
بس أنتَ هيچي رحت
ما فكرت تنتظر
گتلك حياتي إلك
وشيصير مابدلك
والجرح بية بُقى
لو بيك ماعفتة
جائِز أكون السبب
وجائِز تكون أنتَ
بس هي رحلة عُمر
وكُلشي أنتهى بوقتة
قصة وطواها الزمن
رحلة وأنتهت بثمن
وبين چبير الفرق
وين أني وين أنتَ

تعال وشيلني بگلبك ترة ما ضل وگت ويشيلني التابوت

مِن تصحه وتشوف
جروحَك مخضرات
لازم تڪسر الدنيا بأنانيتك..

ذبلت أيامي
وبعد مابية ليل
خلك ماكو بجفني
يتلگة السهر
مر علي بمرورتك
وانگتني حيل
تطيح من راسي محطات وسهر

أعاتِب رُوحي مَدري شلون ردتَك؟
وأنه عاگولي آترَف مِن وردتك
چنِت ماي و أعرفك أنتَ مو طيّن
مااعرف شِجاني وبَلَه زدتك
صرِت للمالَه أي موضوع عنوان
الچان يحّبني؟ لا يمكِن ولا چان!
اليحضُن رُوحه يشبَه ورد ذبلان
يارُوحي عليّچ هواي زَعلان
رُماد بنار صرتيلَه وتَغنيّن
تَغطيت وبعَدني الليله بردان
بَعد گلبّي شما يلتَم شملنه
الكاني خسران ..
الحَطب يلَتم حرگ مو لَمة اخوان
وبعد گلبّي إشتعِل بلگت يشُوفوك
ينشاف الهوّه مِن يصير دَخان.