♥️♥️

في لحظة، سالم انهار، والظل اختفى، لكني شفت في عينيه نظرة رعب، وكأن روحه اتفصلت عن جسده. اتجمدت في مكاني، ولمحت جسمه بيحصل فيه تشنجات غريبة ، و روحه بتخرج، كأنه كان في معركة مع نفسه.

خرجت من السيارة بخوف، وكان كل شيء حواليا في حالة من الفوضى، شفت سالم بيموت قدامي، وكأن كل شيء انتهى.

وبدأت أحس بدموعي بتنزل، عرفت إن الحظ السيء انتصر، وإن السباقات مش دايمًا بتكون عن الفوز، أحيانًا بتكون عن النجاة، لكن الهزيمة بتحصل في النهاية.

بعد ما سالم مات قدامي، حسيت إن روحي نفسها تاهت، وإن الظل اللي كان مسيطر عليه لسه بيطاردني، ركبت العربية وحاولت أهرب، لكن كان واضح إن ما فيش طريق للنجاة.

بدأت أشوف الظل بيتحرك ببطء، بيلف حوالين العربية وكأنه بيحاصرني. فجأة، لقيت العربية بتشتغل لوحدها، ودواسة البنزين بتضغط من غير ما أعمل حاجة. العربية اندفعت بسرعة جنونية، والظل قاعد مكاني في الكرسي اللي جنبي، مبتسم ابتسامة مرعبة، وكأنه بيقودني للنهاية.

الطريق كان بيتغير قدامي، كل منعطف وكل زاوية كانت بتقربني من النهاية. حاولت أسيطر على العربية لكن كل حاجة كانت خارجة عن إرادتي، وكأن العربية بقيت سجن والظل بيحركها. كنت سامع صوت أنفاسه جمبي، وقرب من ودني وهمس بصوت مخيف:

ــ الوقت خلص، يا سيف. دورك جِه.

بسرعة جنونية، العربية خدت منعطف حاد، ما قدرتش أسيطر، واتقلبت بيا، شفت الحياة بتفلت من بين إيدي، وسمعت آخر صوت كان طالع من الظل وهو بيضحك ضحكة شيطانية.

بعد فترة، الناس بدأت تتكلم عن السباق ده، صاروا يسموه "سباق الحظ السيء"

كانوا بيقولوا إن أي حد يحاول يسابق في الطريق ده، بيفضل شايل لعنة سالم وسيف، وإن كل سنة في نفس اليوم، بيظهر نفس الظل في المكان، كأن الطريق بيستنى ضحية جديدة.

الناس بدأت تخاف وتقفل الطريق ليلاً، لكن فيه شباب كانوا يعتبروا القصة مجرد أسطورة. كانوا بيحكوا لبعض عن السباق، وكأنها أسطورة مرعبة تروى في الليل عشان تتفادى لعنته.

في النهاية، بقى المكان ملجأ للقصص المخيفة، وتحولت الحكاية إلى عبرة، إن السباقات ممكن ما تكونش للفوز، بل للنجاة، وإن الطريق مش بس بيشيل ذكرى اللي ماتوا فيه، لكن بيبقى شايل أرواحهم طول العمر.

ــ حنين محمد

الساعة كانت متأخرة بالليل، والطريق كان هادي بشكل غير طبيعي، والهوا كان خفيف لكنه تقيل كأنه شايل سر، وده كان مدِّي للمكان طابع غريب، و لأننا حسينا أن الطريق هادي قررنا نعمل سباق عربيات فيه.

سالم، صاحبي من سنين، كان دايمًا بينافسني في كل حاجة، ومفيش مرة فاتت إلا وكنّا بنحاول نسبق بعض سواء في الشغل، الدراسة، أو حتى في الرياضة. لكن السباق ده كان مختلف، كان فيه تحدي أكبر بينا، وكأن ده مش مجرد سباق عادي، كانه مواجهة، سالم دايمًا بيحب يسخر ويستفزني، وكعادته بصلي بابتسامة ساخرة وقال:

ــ شكلك محتاج تتدرب أكتر يا سيف، لأنك مش هتقدر تلحقني!

اكتفيت بابتسامة من غير رد، ركزت في الطريق اللي قدامي، وبدأنا السباق. كنت حاسس الأدرينالين بيجري في عروقي، وكل منعطف كنت باخده بجرأة أكتر من اللي قبله. سالم كان ورايا، بيحاول يلحقني بأي طريقة، لكن كنت متقدم عليه بفرق ملحوظ.

كل حاجة كانت ماشية زي ما كنت متوقع، لحد ما بدأ إحساس غريب يتملكنا. مع مرور الوقت، حسيت إن الطريق بقى أطول من العادي، كأننا في دايرة مفرغة، كل ما نلف ونخد منعطف نلاقي نفس المنظر قدامنا. بس استمريت، كنت عايز أسبق سالم مهما كان، وأفوز بالتحدي ده.

وأخيرًا، بعد جهد طويل، تجاوزته، ووصلت خط النهاية الأول. وقفت بالعربية مستني لما يجي ورايا، بس اتأخر جدًا. كانت العربية ساكتة والطريق فاضي، والجو بقى بارد أكتر من الأول. بعد شوية، وصل سالم، بس كان متغير. ملامحه كانت باهتة، وعينيه واسعة كأنه شاف شبح.

"محتاج تتعلم إنك متقللش من حد قبل ما تشوف مستواه".

سالم مردش حتى عليا ولا أدى أي رياكشن، كان واقف متنح وكأنه في عالم تاني، كنت مستني رده، لكن لقيت عيونه مفتوحة بشكل غريب ومش بيرمش، كأنه شايف حاجة مش طبيعية.

قررت أنزل من العربية وأقرب منه، وقلت:

ــ سالم،انت كويس؟

ببطء، رفع إيده وشاور من غير ما ينطق بكلمة. قلبي بدأ يدق بسرعة، ولما التفت ورايا، شفت ظل طويل وغريب بيتحرك ناحيتنا، مع إنه مفيش مخلوق في المكان. المكان كان مظلم، والهواء ثقيل.

رجعت خطوة لورا
وسالم بدأ يتكلم بصوت مهزوز:

ــ ده... ده نفس الظل اللي كان ورايا طول الطريق، مكنتش لوحدي وأنا جاي هنا.

في اللحظة دي، بدأ الخوف يتسرب لجسمي. الظل كان بيقرب أكتر، ولما بصيت له، حسيت بشيء غريب بيتحرك جوايا، وكأن المكان كله اتقفل علينا. وفجأة، اختفى النور تمامًا، وساد المكان صمت مرعب. وفي وسط الظلام، سمعنا صوت همسة عميقة ومخيفة:

ــ محدش بيخرج من هنا.

اتحرك الظل بسرعة ناحيتنا، وسالم جرى من غير تفكير، وأنا وراه. مهما حاولنا نجري، كنا حاسين إننا محبوسين في دائرة مغلقة. كل ما نلف يمين أو شمال، نرجع لنفس المكان.

حسيت بقلبي بيتقطع، لكن لازم أكون قوي، فجأة، اتفاجأت بموجة رياح قوية، مرة واحدة لقيته بيبصلنا بعينين سود أشد من سواد الليل وملامح مرعبة. في لحظة، انقض علينا، لكن سالم نط ناحيته ودفعني للجانب.

ــ اجري! اجري يا سيف!

جرينا بسرعة، لكن كان واضح إن الظل كان أسرع، كل ما بنجري كنت بحس حركتنا بتتقل في الأرض وكأن الجاذبية عمالة تسحبنا ورا. في اللحظة دي، كنت عارف إني لازم أواجهه.

خدت نفس عميق وطلعت من ورا الشجرة وواجهته.

ــ إنت مين؟ إنت مش عايز تسيبنا لي؟

لكنه ضحك ضحكة مرعبة، وصوته كان بيهتز مع الريح:

ــ أنا الحظ السيء، واللي يجرؤ يسبقني... يدفع الثمن.

كنت عايز أجاوبه، حسيت بشيء غريب، كأن الحاجات كلها بتتحرك من حولي. وفجأة، الظل هجم علينا، لكن سالم سحبني في اللحظة الأخيرة. وقعنا على الأرض، لكن بعد لحظات، اكتشفت إن الظل اختفى.

وقفنا بنتنفس بصعوبة، لاقينا كل شيء هادي، وكأن شيء ما حصلش.

ــ عملنا إيه؟ هل نجينا؟

سالم بصلي بخوف:

ــ مش عارف، بس لازم نرجع من هنا. المكان ده مش آمن.

رجعنا ببطء للسيارة، لكن كنا متأكدين إننا مش هنسابق بعض تاني. الوقت كان متوقف، وكأننا تركنا جزء من روحنا في المكان ده. لما ركبنا العربية، حسيت بالخوف بيفترس قلبي، لكن عرفت حاجة واحدة:
السباقات أحيانًا مش بس عن السرعة، لكن عن النجاة.

اتكلم سالم بهزار وقال:

ــ ٱدي أخرة الروايات والأفلام الرعب

كنت لسه هرد عليه، لكن في لحظة غفلة، حسيت بشيء غريب بيحصل ، بصينا لبعض باستغراب ، وسالم كان عمال يبص ورا، لكن الظل كان موجود وسطنا. كان بيتشكل معانا، ويبدو إنه كان بيستولي على سالم.

ــ سيف... مش قادر أتحكم في نفسي!

صوت سالم كان بيهتز، والظل بدأ يسيطر عليه، وكأنه بيسحب روحه.

ــ سالم، قاوم! إحنا مع بعض!

لكن الظل كان قوي، وبصوت خشن، قال:
ــ اللي يجرؤ يسبقني... هيدفع الثمن.

سالم كان بيصرخ، وانا حاولت أمسكه، لكني كنت محبوس في مقعدي. كان في صراع مرعب، والظل بيلف حوله كأنه عايز يضمه.

وفجأة، طلع صوت صرخته، وكأنه في ألم شديد.
ـ
ـ سيف! امشي أنت!

_جهزتي؟
_أيوا، أربع دقايق ونازلة لك.
_مستنّيكي.

"تمّمت على شكلي وظبطت الخِمار وشيلت البوكس وقولت لِماما إنه جه ونزلت له.
سلّمت عليه ولاحظت السؤال في عيونه عن البوكس الـ شايلاه دا، حطّيته في كرسي العربية الـ ورا وقولت له هيعرف كمان شوية، ركبنا وروحت مطعم هادي بحبّه أوي وقعدنا في كورنر بعيد عن الناس شوية."

_الفضول بايِن عليك أوي علفكرة.
_في العادي أنا شخص مش فضولي تمامًا لكن أول مرّة أبقا كدا معاكِ.
_طب إتفضّل، دي ليك.
_بِمُناسبة؟ هو أنا تقريبًا عيد ميلادي لسة عليه كتير.
_بس دي مش علشان عيد ميلادك، وأصلًا حرام لو هَهاديك بِشيء بِالمُناسبة دي لإنها بدعة.
بِبساطة دي هدية عادية، صحيت إمبارح حسّيت إني عايزة أعمل كدا.
أتمنّى يعجبوك.

"خلّصت كلامي وفتح البوكس وشاف الـ جبته له، ابتسم وبعدين بَص لي وقرّب عليا باس خدّي، إتكسفت من الـ عمله وبصّيت حوليا أشوف حد أخد باله أو لاء."

_أنتِ جميلة أوي علفكرة.
_عجبِتَك؟
_أكيد، وكفاية إنها منك وذوق عيونِك.
_تتهنّى بيهم.
_عقبال ما أتهنّى بِوجودِك في بيتي.

"ابتسمت ومسكت كوباية العصير أشرب منها علشان أهرب من نظراته.
مكتوب كتابنا، فترة خمس شهور كانت كفيلة تخلّيني أحبّه، مكُنتش مُتخيلة إني هوصل لِوقت يكون سعادتي مرهونة بِوجود شخص جنبي ومعايا."

_تاكلي آيس كريم؟
_موافقة.
_طب تعالي.
_طب خلّينا ناكله في العربية علشان مش نتأخر.
_تعالي بس، هرن على باباكِ أقول له مُمكن نتأخر.

"مسك إيدي وروحنا سوا المحل، دقايق لطيفة بنعيشها مع شخص قلبنا فرحان بِوجوده بتكون بِمثابة بنزين علشان نقدر نكمّل باقي الأيام."

_إتبسطتي؟
_جدًا، مُمتنة لِوجودَك.
_أنا موجود دايمًا علشانِك وعلشان أبسِطِك.

"قال كدا وباس كَف إيدي، ابتسمت وسحبت إيدي بِهدوء وطلعت البيت.
من وقت ما اعترفنا لِبعض بِحُبّنا -بعد كتاب الكتاب- وأنا كتير بقيت بدوق طعم الفراشات، بل إني بحسّني فَراشة وأخَف منها في وجوده."

_مساء الخير يا حبيبتي.
_مساء النور يا حبيبي.
_كنتِ سرحانة ومُبتسِمة في إيه؟
_فيك.
_دا يا بختي بقا!

"ضحك وأخدني في حُضنه بعد ما ردّيت عليه."

_فاكر فترة كتب كتابنا؟
_وأنا مُستحيل أنسى لحظة فاتت وأنتِ في حياتي!؟
كنت بعِد الأيام والليالي علشان تكوني معايا وفي حُضني كدا.
_وأهو ربنا كرَمنا وجمّعنا سوا بين أربع حيطان وتحت سقف واحد، وكلّها ٣شهور وفيه كتكوتة هتنوّر حياتنا.
_اللهم لكَ الحمد، خلّيكي مُتأكدة إني مُستعد أفدي وجودكم معايا بِروحي وعُمري.
_ربنا يبارك في عُمرك ويديمك يا حبيبي.

"ضمّني ليه أكتر وهو بيبوس راسي.
نِعمة، هو نِعمة من ربنا يستاهل إني أشكُره عليها مع كل نفَس خارج مني."

#آية_حمَام.

✨️✨️

يا فراس
: ايوا
: كنت فين
: بحاول اقلل كلامنا بما أنه مينفعش
: طب انت عارف اني عملت حادثه
: تقصدي التوكتوك
: يعني انت عارف
: ايوا كن..
: و مسألتش
: متصيغيهاش كده .. كنت مشغول
: طب مش المفروض ان صاحبتك اهم من الشغل
: هو احنا صحاب ؟!
: لا احنا مش صحاب انت مجرد وهم و لو كنت انسان فأنت اخر شخص ممكن افكر اصاحبه

و قفلت التليفون و روحت انام منا عامله حادث و مخبوطه و مكتئبه و كده يعني

: عامله ايه دلوقتي يا دنيتي
بابتسامه :بخير الحمد لله يا سمسمتي
: يدووم يارب
هتفضلي غايبه كتير من الجامعه
: لا هاجي بكره ان شاء الله
: شطووره كنت فاقده الامل و الله
من يوم مالتوكتوك خبطك من شهرين و انت غريبه
: ما قولتلكم الموضوع ملوش علاقه
بضحك : خفنا لتكون الوقعه أثرت ع دماغك
: ايوا هي ورمت بس
ضحك~~

ايوا زي ما سمعتوا مكلمنيش من شهرين و انا محاولتش انادي عليه

حتى يوم تخرجي مباركليش

واضح أن مكتوب عليا الكل يسيبني

عالعموم هنساه زي ما نساني أنا خلاص قررت هوافق عالعريس اللي ماما قالتلي عليه
و اتجوز يبقا ييجي يشوف احفادي بقا

: دنيا يلا أهل العريس و صلوا
: متقدمي العصير انت ياماما بالله عليك خايفه أوقعه
زي ما وقعته عالعريس الاولاني
: طب هاتي ياختي اخاف لتطفشي ده هو كمان
: ايوا .. شكرا

و الجمله المشهوره "نسيب العرسان مع بعضهم"

: يا حوستي أنا نسيت المفروض اقول ايه
طب بص يلا لو نصيبك تطفش هتطفش
بس امي هتقتلننني
يااارب

: هتفضلي متأمله ف العصير كتير
: اها لا و لا حاجه.. اخبارك ايه ( قلبي بيدق جامد !)
بامتعاض : بخير الحمد لله و انتي ؟
: الحمد لله
~صمت ل دقيقتين ~
: متوقعتش منك كده
: ايه؟
: انك متتعرفيش عليا .. و انك تعامليني بالبرود ده
: احم تقصد اي دي اول مره اشوف حضرتك
: بس مش اول مره تسمعيني يا دنيا
: فِراس
: ياه لسه فاكره
: صدقني و الله حسيت... بس مش سهل انك تكون متيقن
لدرجة تقول لحد جاي يتقدم بإسم راجل و المفروض انكم متعرفوش بعض !
تنهيده : ايوا فاهم
: أنا في الف سؤال ف بالي دلوقتي
: عارف بس مش مهم .. المهم دلوقتي يلا عرفيني بنفسك
: هاهاها ده انت ناقص تعرف انا لابسه اي تحت الدريس
: قميص اسود
بصدمه : ده نهارك مش لون القميص !
يا منحررررف
بضحك : اهدي بس هو باين من جنب الطرحه و الله
بضحك : اممم طيب
عرفني انت بنفسك يا سي فراس عشان أنا معرفش عنك حاجه غير صوتك و برادتك
: حد يقول لزوجه المستقبلي برادتك
: أنا لسه موافقتش ع فكره انا اصلا مخاصماك
: و انا لسه هستني يا عمي دخل المأذون يلا
: مأذون !

: لولولولولوي
: حتى انت يا سمااا !
: لولولولولولولولولولوي
: و انتي يا ماما !
: فِراس
: شش خمسايه و اقولك كل اللي انت عايزاه

«و بارك الله لكما وبارك عليكما و جمع بينكما في الخير »

: ينفع افهم بقاا
شدها : ششش بعد الحضن
بصوت واطي : أنا فرحانه انك مش خيال يا فراس
: احيانا بيكون المنطق تقل على القلب
بس أنا خفيف عالقلب ها
بضحك : سيبني بقا كفايه
: لا انا مصدقت

: بحبِك
: و انا كمان .. بحبك
... بس ده مش معناه اني اتصالحت
بهمس ف أذنها : هنشوف الموضوع ده بعدين

«كـان بيننـا دومـا اتصـال روحـي خفـي قبـل أن يختـرع أحـدهم حـتى أجـهـزة الـلاسـلـكي?»
.

يمـنى أيمـن ❤️

دكتور زين..... انتي لحقتي خلصتي
--- اه خلصت اتفضل حضرتك
زين... استنى كده وبص في الورقة وبعدها بصلي وضحك
لا فعلا باين عليكي شاطره عمري ما شفت هبد كده
--- اه شوفت بقى خاف مني عشان انا محدش يتوقعني وسبته ومشيت بس المره دي طلعت اروق على نفسي بقى ما خلاص دي كانت آخر مادة وخدت الاجازه
##بعدها بأسبوع
امي... والله يا بنتي مش عارفه اقولها ازاي ولا انا مصدقة الي هقوله
-- في ايه يا أمي ناوين تبوعوني ولا اكتشفتوا اني مش بنتكم انا كنت عارفة المعاملة دي معاملة مرات اب مش ام ابدا
امي.. جتك وكسة هو انتي اصلا تسوي حاجه عشان نبيعك اتنيلي لا يا اختي دا انتي جايلك عريس
--- عريس مين لا طبعا دا انا لسه عاوزه اتخرج و اكون مستقبلي وابقى استرونج اندبينت ومن
امي.. استرونج ايه يختي جتك نيلة دا انتي بتنجحي بالعافية هتشوفي العريس غصب عنك خليني اخلص منك بقى دا انا زهقت دا اصلا لو عريس هيطفش لما يشوفك
--- ليه دا انا قمر دا يبخته الي هبقي من نصيبه
أمي... بخته اسود ومهبب العريس جاي يوم الخميس حضري نفسك يختي
(انا اساسا عيلة وقت الامتحانات عاوزه اتجوز وبعدها عاوزه ابني كرير ليا انا قولتلكم انا اصلا مني لله)
# يوم الخميس
-- جه عتريس قصدي العريس وقاعد بره وطبعا امي متتوصاش ادتني الوصايا السبع
دخلت الصالة وانا بصه في الأرض وشايلة الصنية وقعدت جنب بابا لحد ما طبعا سمعنا الجملة المشهورة نسيبهم لوحدهم يتكلموا شوية
---- السجاده حلوه مش كده هبقي اجيب ليكي منها في بيتنا
"انا سمعت الصوت دا فين قبل كده مش غريب عليا الصوت ده
____ رفعت راسي ولقيت دكتور زين في وشي هو انت ايه الي جابك هنا وعاوز ايه
زين... بيقولوا اني العريس
--- ايوه برده الي هو انت عاوز ايه مش فاهمه
زين... انا مكدبتش لما قولت عليكي هبلة عاوزه اتجوزك
--لا احنا معندناش بنات للجواز وبالذات ليك انت روح دور على واحده تانيه
زين بغمزة... ادور علي واحده تانيه وانتي موجوده برده يا قمر
--- لا هو انت مفكر عشان لما تغمزلي بعيونك الحلوين دول هتثبت واضعف يعني لا طبعا مش انا
زين بضحك.. طبعا عارف بقولك ايه هذاكرلك كل المواد ها كده موافقة
---- الماذون يا بابا بسرعه

#حواديت_
?
تمت

"اسكريبت كده علي الماشي بمناسبة الامتحانات"

-- طلعت قعدت على النيل زي عادتي بعد كل امتحان واندب حظي
_ اه ياني انا كان مالي ومال التعليم اصلا ولا سؤال حليته صح انا اصلا مني لله اني كملت تعليم بعد تالتة ابتدائي اه يا خيبتك يا لوزا اه يا صغيره على الهم يا لوزا.. هو اصلا كله منه هو قرة عيني الي سايبني اتمرمط في الكلية دي مهو لو يجي وياخدني بقى اه يا قره عيني فينك اه اه..
--خلصتي مرشح الحزن ولا لسه؟
_ بصيت للصوت الي قاطعني وانا بندب حظي علي الجامعه دي
لقيت حاجه كده قمر مفيش زيه اتنين ايه العيون الجميلة دي يخريبتك مامتك كانت بترضعه اي ده
---في اي يا اخ مش شايفني مندمجة مع نفسي بتقاطعني ليه كده عاوز ايه
--هو بتريقة والله اسف لهبلك ده بس انتي صدعتني وانا بحب اقعد هنا دايما في هدوء ينفع تسكتي بقى
--انا بقى اسكت لا لازم جعفر الي جوايا يطلع
وانا مالي يا عم انت ما تروح تتهبب تقعد في اي حته تانيه ايه الناس الي معندهاش ذوق دي ومش مراعية شعور ان في ناس متخزوقة هنا في الامتحانات
--- انتي اكيد هبلة يا بت انتي بقى واقفة بتندبي في الشارع بصوت عالي شبه الهبل والله اصلا الي دخلك جامعه ظلمك
--- هو فيه اى بقى دخلناله سكت بحماره ولا انت مفكر هضعف قدام عيونك الحلوه دي لا يا اخويا دا انت متعرفنيش
---هو بصلي بزهول من هبلي ده والله شكلك هبلة دا فعلا الهبل كتروا جدا سلام يا هبلة هانم
-- قام مشي وسابني بعد ما قطع عليا لحظات حزني الجميلة انا اصلا مني لله ايه الي خلاني اتكلم معاه
فجأه ببص في الساعة لقيت اني اتاخرت وشكل الحاجه هتسلم عليا بالشبشب كمان شوية

&&روحت البيت وزي العادة انا بصريخ ماما يا ست الحبايب يا حاجه عاملين اكل ايه انا جعانه
-- ماما اه يا بنت الهبلة بتزعقي ليه يارب مخلفة مصيبة
___ شكرا يا ست الكل يلي رافعة من معنوياتي دايما المهم قوليلي عامله اكل ايه
--- اهو ده الي انتي نافعة فيه الاكل والنوم دا انا لو مخلفة فأر كان نفعني عنك
--- ايوه نفس مرشح كل يوم اه ياني امي جايه عليا والامتحانات كمان ليه يحصل فيا كده فين قره عيني اه محدش معبرني اه
فجأه لقيت الشبشب ابو ورده بيسلم على وشي
--امي امشي ادخلي غيري هدومك يا موكوسة هو انتي اصل نافعه في حاجه امه داعيه عليه اللي هيخدك ده هينقذ البشرية وهيظلم نفسه يا عيني
--- خليكي كده كاسره بنفسي انا عارفه انك مرات ابويا مش امي اصلا
وفجأه لقيت ابو وردة هيسلم على وشي تاني فلحقت نفسي وجريت على الأوضة
"اعرفكم بنفسي انا رفيف في تانية كلية حقوق وبكره الكلية والمواد وكل حاجه انا اصلا داخلة التعليم ده غلطة ومليش فيه اساسا"
دخلت غيرت وطلعت كلت وبعدها دخلت عشان اذاكر لامتحان بكره
# في اوضة رفيف
رفيف... يا انهار ابيض بقالي ساعتين في صفحة وياريتها دخلت في مخي اصلا انا بقول انام واصحى الصبح بعد الفجر اذاكر ايوه دا انسب حل عشان ابقي فايقة كده ومركزه يلا استعنا على الشقى بالله اما اقوم ادفي تحت بطنيتي وانام
$الساعة ٧
فجأه لقيت جردل مية فوقي
---ايه في ايه البيت بيولع ولا ايه
-- امي اصحي يا موكوسة الساعة ٨ ونص قومي عشان الامتحان يختي مع اني عارفه انه لو روحتي او مروحتيش الاثنين واحد كده كده الورقة هتفضل فاضية
- قولتلكم يا جماعة بتحبني اوي امي دي
___ يا نهار ابيض الامتحان مش هيدخلوني اللجنة وعمتا شكرا يا امومة دا بدل ما تدعيلي دعوة حلوه زي الأمهات
--امي اخلصي يختي البسي مش لما تكوني شبه البنات الاول
قومي اخلصي يا آخره صبري
--- قومت دخلت في اي هدوم وطلعت جري على الامتحان

&&دخلت اللجنة وانا بنهج وقعدت وفجأه عينك ما تشوف الي النور الواد ابو عيون حلوه بتاع امبارح هو هو نفسه المراقب علينا
--- انا بصوت واطي بت يا سما انتي يا زفته
--- سما عاوزه ايه يا زفته يا رفيف انتى
--- بت هو دا دكتور عندنا
سما اه يا ختي دكتور عندنا لسه متعين من شهر ما انتي لو بتحضري المحاضرات كنتي عرفتي
- خلاص يا ختي خليكي في امتحانك هتفتحيلى مرشح
اه عليكي يا رفيف شكله يوم باين من أوله طب دا استخبي منه فين دا بيبص عليا يارب ما يعرفني يا نهار ابيض دا جاي عليا خلاص انا روحت في داهية
---- هو انتي دايما بتكلمي نفسك وتندبي بصوت عالي كده
--- وانت مالك يا اخ
-- اخ! انا دكتور زين دكتور الماده واتفضلي امتحانك اهو ياريت تحلى مع اني اشك في ده
---- بصيتله بغيظ وخدت منه الورقة وبصيت في الامتحان لقيت مفيش في جدعنته أسئلته كلها واقفة معايا حاولت طبعا اهبد في اي حاجه انا اصلا معنديش في الهبد ياما ارحميني
خلصت هبد وببص قدامي لقيت دكتور زين ده بيبص ليا ومركز معايا بصتله بقرف وقومت بقى اسلم اول واحده تقولوش نيوتن حل الامتحان لا وبسلم بثقة كمان (اهم حاجه الثقة في النفس يا جماعة ?)

??

https://instagram.com/hasnaaatwan2001?igshid=ZGUzMzM3NWJiOQ==
اكونت الانستا فولو وهباك ?❤️