ليلة ٢٧ من رجب ليلة عادية كغيرها، ليست ليلة الإسراء والمعراج فليلة الإسراء والمعراج لم يتم تحديدها من العلماء..

قال ابن باز رحمه اللّٰـه:
ليلة الإسراء والمعراج لم تُحفظ ولَم يُسجلّها النبي ﷺ بموعدٍ، ولم تُسجل في الأسانيد بتاريخٍ وذلك من أسباب عدم الغُلو فيها.

فمن أحتفل بها فقد ابتدع.
ومن خصها بدعاءٍ أو ذكرٍ فقد ابتدع.
ومن خصها بصيامٍ أو قيامٍ فقد ابتدع.
_ نُقل

جمعة مباركة
هقول كلمتين ان شاءالله يوصلوا زي ما أنا كاتبهم، مش زي ما في خيال بعض القراء

الاستهوان بمسألة الاختلاط والعلاقات بين الرجل والمرأة من أسوأ الحاجات اللي بتد.بح دينك وقلبك وأخلاقك وبتقودك لذنوب كفيلة تدمر حياتك ونفسيتك وشغلك ودراستك "مش ببالغ"

أي ست جذابة، وأي راجل جذاب، ولو مش جذاب الشيطان هيخليه جذاب أو هيخلي ده ذريعة لمزيد من البحبحة وإزالة الحدود، وكثرة الألفة بتزيل التكلُّف وبتوقعك في فخاخ أنت عمرك ما ظنيت أنك تقع فيها أبدا

الإباحية والعادة السرية بل والزنا والخيانة والكذب وفساد الأخلاق وضياع المبادئ وضياع الدين وترك كل الصلوات وتأخيرها بل وأغلب الكبائر .. كل ده بيحصل عادي لو منتبهتش لقلبك ودينك

احذر من الذنوب الخفية "التافهة" من وجهة نظرك، عشان للأسف مش بنفوق إلا على الكارثة
ربنا قالنا: ولا تقربوا الزنا .. مجرد الاقتراب ربنا نهانا عنه، وطبيعي الاقتراب بيبدأ بنظرة وسلام واحترام وسطحية .. ثم واتس خفيف ثم فون ثم وقت معين كده لحد ما تستوي ثم إزالة حواجز ثم كوارث بالجملة!
احذر .. وخد بالك أرجوك

اللهم اهدنا واهدِ بنا واجعلنا يا رب سببا لمن اهتدى

#الساخر_الهادف

شمسُ الخميس إذَا تغيب، زد في الصَلاةِ علىٰ الحبيبِ.💙

اللَّهم صَل علىٰ سيِدنا مُحَمد، وعلىٰ آل سَيِدنا مُحَمد، عددَ خَلقكِ، و رِضا نَفسكِ، و زِنَة عَرشكِ، و مِدادِ كَلِماتَكِ.💙

عارف إيه الفرق بين إسم أحمد ، ومحمد ، ومحمود !؟
= لأ..

طب عارف لية النبي ﷺ ذُكر في الإنجيل أحمد مش محمد !؟
= لية !؟

لأن الإسلام لما نزل ، نزل باللغة العربية ... والأسماء العربية كلها اسماء ليها معاني ..

سيدنا عيسي " عليه السلام " لما أتي علي قومه بالرسالة قالهم :
"وَإِذْ قَالَ عِيسَى ٱبْنُ مَرْيَمَ يَٰبَنِىٓ إِسْرَٰٓءِيلَ إِنِّى رَسُولُ ٱللَّهِ إِلَيْكُم مُّصَدِّقًا لِّمَا بَيْنَ يَدَىَّ مِنَ ٱلتَّوْرَىٰةِ وَمُبَشِّرًۢا بِرَسُولٍۢ يَأْتِى مِنۢ بَعْدِى ٱسْمُهُۥٓ أَحْمَدُ ۖ "

لية قال اسمه أحمد !؟
= لأنه مش موجود ،، لسه مجاش ،، لكن هيجي بعد كدة

هو معني إسم أحمد ايه اصلاً !!؟

إسم " أحمد ،، ومحمد ،، ومحمود " ،، الثلاثة مشتركون في صفة " الحمد "

يعني سيدنا عيسى عليه السلام كان بيقول :
هيجي رسول من بعدي أحمد مني

طب لو كان قال محمد !؟
كان هيبقي كدة في خطأ في القرآن ..
لية !؟
لأن" محمد " تتقال لما يكون الشخص موجود فعلاً ..

طب امتي اتقال " محمد "!؟
،، لما سيدنا محمد كان موجود فعلا في الدنيا وحامل رسالته ..

وامتي اتقال محمود !؟
لما توفي رسول الله ﷺ فقيل عنه محموداً
يعني كثير الحمد ..

الفوارق اللغوية دي بين الأسماء الثلاثة :
بتدل علي عظمة الإعجاز القرآني ، أقلها ان ليس كمثله إعجاز.

_ نُقل

وكان الصّحابة رضيَ اللَّـهُ عنهُم يستحبّون إكثَار الصلاة علىٰ النبي ﷺ يوم الجمعة.

قال ابنُ مسعود : يا زيد بن وهب لا تدع -إذا كان يوم الجمعة- أن تصلّي علىٰ النبيّ ألف مرّة.

- ابن القيم | جلاء الأفهام.

لا يحل لمنتقبة ولا لمحجبة أن تقف في حفلات الزفاف تصفق للعروس المتبرجة وصاحباتها وهن يرقصن بحضرة الرجال، فعليها وزر الرضا بالمنكر.

ولا يحل للزوج أن يأذن لامرأته بالخروج لهذه الحفلات إذا علم أنها لا تتقي الله.

وبعض المحجبات يرقصن مع الراقصة أو مع العروس ويحسبن أن قطعة القماش التي يضعنها فوق رؤوسهن علامة الحشمة والوقار. يخدعن أنفسهن.

وبعضهن يذهبن إلى حفلات الزفاف بقطعة قماش تغطي الرأس وثياب تصف الجسد إلى حد التغليف. ورجالهن ينامون في بيوتهم ويغفلون عن الأمانة التي سيُسألون عنها يوم القيامة.

بل لا يحل لمسلم أن يحضر هذه الحفلات التي لا تخلو من الاختلاط والتبرج ورقص النساء بحضرة الرجال.

تنبيه: المنشور عن حفلات الزفاف في مصر. لأن بعض البلاد العربية الأخرى ليس فيها حفلات زفاف مختلطة.

——

البعض تساءل في التعليقات: هو يعني المحجبة والمنتقبة اللي حرام عليها والباقي عادي؟!

لا مش عادي

لما أقول ماينفعش تكون رياضي وبتدخن، ماينفعش حد يقول لي يعني هو غير الرياضي يدخن عادي؟!

والغرض إني أقول للمنتقبة والمحجبة ماتفتكريش إنك عشان محجبة أو منتقبة إنك ملتزمة بالضوابط كده فعادي لما تصقفي للمتبرجات.

_ نُقل

نعمة كبيرة إن لسانك عربي
….

أما كنت بقعد في الحرم أقرأ قرآن وجنبي واحدة تركية أو إيرانية أو ماليزية كانوا يستغربوا جدًا إني فاتحة المصحف وعارفه أقرأ ببساطة..

في مرة واحدة قالتلي انتِ محظوظة إنك فاهمة القرآن
وواحدة تانيه كانت عايزاني أقرأ وهي تتبع قراءتي بصباعها على الآيات

بياخدوا أعمااااار عشان يتعلموا عربي عشان يقروا قرآن مش مترجم 

دلوقتي جيل عربي كامل ماشي يبرطم بالـ english في الكافيهات والمولات وميعرفوش يقروا كلمتين عربي على بعض

ضياع العربي من حياة ولادك يعني ضياع القرآن
وضياع القرآن معناه ضياع حياتهم حرفيًا..

وَهَٰذَا كِتَٰبٞ مُّصَدِّقٞ لِّسَانًا عَرَبِيّٗا

- نورهان شريف

مع التوقيت الشتوي حابة أقول شوية تذكيرات ونصايح ربنا ينفعنا بيها كلنا.
أولاً: وقت المغرب بيكون ضيق وصعب أوي، محتاج تفكر نفسك بيه وتركز معاه أوي عشان ماتسقطهوش، ولو بتخرج من الشغل خمسة مثلا استنى تصليه قبل ما تخرج.

ثانياً: وقت الفجر اتزحزح لورا، فبعد ما كنت بتصحاله تلقائي مع وقت الدراسة أو الشغل إلخ هتحتاج تصحاله مخصوص، ومافيش أي عذر يخليك تسقط الفجر وتظبط المنبه على أي شىء آخر، حاول تنام بدري شوية علشان تقدر تواصل بعد الفجر. على قدر إحساسك بالمسئولية وخطورة التفريط في الفرض هتعرف تتصرف.

ثالثاً: الصيام في الشتاء أسهل بكتير، الوقت أقصر، والعطش أقل، حاول تغتنم أكبر قدر ممكن من الأيام في الصيام، خاصة لو حد عليه قضاء أيام من رمضان.

رابعاً: دي نقطة مهمة ناس كتير بتقع فيها، لا تتكلف المشقة، بمعنى إن طبيعي الوضوء في الشتاء أصعب من الصيف بطبيعة الحال حتى لو توضأت بمية سخنة، ففي ناس بتظن إنه لو توضأ بمية ساقعة في الشتاء هياخد ثواب أكبر لأن المشقة أكبر!، والحقيقة إن الدين يسرٌ وليس عسراً، والمشقة في الطاعة اللي الإنسان بيثاب عليها هي المشقة اللي من أصل الطاعة وليست متكلفة، فلو كنت بتبرد ارحم نفسك وتوضأ بمية سخنة

خامساً: الليل وقته أطول فعندك مساحة أكبر لقيام الليل سواء بالصلاة أو الذكر، والقيام وقته بيبدأ بمجرد دخول العشاء.

يا رب أعنا على اغتنام الشتاء.

غزة جائعة، وصوت قرقرتها يهز أرجاء الكون، لكن يغطي عليه صفير البوارج الحربية الماضية لقتلها من مياهنا العربية، وزامور شاحنات الجسور البرية لتغذية عدوها من أراضينا العربية؛ يا ليتهم أمسكوا الخريطة بالمقلوب فاعتبروها "حيفا"!

مفيش أسوأ من إنك متقدرش تعمل الطاعات اللي اتعودت عليها بسبب الذنوب

اللي هو انت صاحي بالليل بس مش قادر تقوم تقيم الليل، أو انت فاضي ومش قادر تقرأ صفحة قرآن أو مكسل حتى تقول الأذكار و ده ممكن يكون بسبب إنك تهاونت مع الذنوب وقلت ده ذنب صغير ميجراش حاجة

قال النبي ﷺ:
( إيَّاكُم ومحقَّراتِ الذُّنوبِ فإنَّهنَّ يجتمِعنَ على الرَّجلِ حتَّى يُهلِكنَهُ )