الشاعر محمد الشريفي
هاك اخذ اسمي خادم للحسين
محمد الشريفي 077710448907
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 1 year, 3 months ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 1 year, 4 months ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 1 year, 5 months ago
زينب اناديج ييمه اعيوني مذروفه
حضنج علي راح حنانج يمه ماشوفه
ويلي شسوه هالباب
يفقد اغله الاحباب
اعيوني مذروفه
//////////////
صحت يايمه وينج دمعي همال
علي لو رحتي تالي يصعب الحال
تعيشين ابخيالي حته بالبال
علي سوده دنيتي ابنعشج انشال
بدنيه شنعيش اذا يايمه مو يمي
بدنيه والكون حلاة امن انطق اسم امي
ويلي شظم الاتراب
يفقد اغله الاحباب
نزله للعباس ع
عباس عباس نازل للحرب
ويصول ويصول يكلبها كلب
//////////
اليوم خيبر يجي ويفنيها
يحجي عباس ولا يخليها
ارض الطفوف يجي ويطويها
بخزرة العين جيوش اطفيها
نوماس نوماس ويسد الدرب
ويصول ويصول يكلبها كلب
/////////////
من وصل للفرات اضفافه
اليجي يرجف وصل لطرافه
ايموت يمه تره الي شافه
هذا عباس اخوي الاوافه
مهيوب مهيوب ماعنده صعب
ويصول ويصول يكلبها كلب
//////////////
سمعي يم عون يخيتي زينب
صيحه لجيش عليهم وغضب
اخذ الماي ابد مااتعب
كلشي يسهل علي مايصعب
والجيش والجيش تنظرله برعب
ويصول ويصول يكلبها كلب
///////////////
انته ساقي العطاشه ومفخره
انته بيدك تجر القنطره
هذا كفالي ياهو اليعبره
والوصل يمه سيفه اليشطره
صنديد صنديد عالحومه يطب
ويصول ويصول يكلبها كلب
///////////////
خويه للحومه لمن تطلع
خويه بعداك تكص ماتشفع
يشوفك الجيش يخاف ويرجع
عاش كفالي مني تسمع
حياك حياك يانبض القلب
ويصول ويصول يكلبها كلب
/////////////
وعدي باقي وبقت لحجايه
رايه بيدي تظل هالرايه
جودي جبته وردت هالغايه
يافرات ولجيبن مايه
والماي والماي حاشه ماشرب
ويصول ويصول يكلبها كلب
/////////////
محمد الشريفي✏️
نزله للعباس عليه السلام
**
غضب ثار نازل الكافل
اجه ايريد يشطر العايل
................
يتبختر امن الخيمه من جاهم
بجه الزلم اي والله خلاهم
شبه النسه بالخزره سواهم
وبكيفه وين ايريد وداهم
اخو احسين هذا بوفاضل
اجه يريد يشطر العايل
..................
جاب النهر من فزعته اسكينه
يقطع ركبته اليوصل احسينه
يشرد اذا واحد نظر عينه
هذا البطل بجفوفه يسقينه
فلا صوت هوه بس قائل
اجه يريد يشطر العايل
..............
بالمشرعه ابمهره ويه بتاره
خله الزلم بالشرده محتاره
وبغيرته اعليهم شعل ناره
نهر الفرات ابجفه من داره
للخيام النهر واصل
اجه ايريد يشطر العايل
..................
نازل عليهم بالركب يقطع
بشري يزينب وهيه من تسمع
ماريده منج ينزل المدمع
سيفي عليهم والله مايشفع
عله الجيش والعلم شايل
اجه ايريد يشطر العايل
...............
وين الي يكرب ياكفو منه
خل العساكر بيها اثر ونه
وينه اليوصل ولكمر عدنه
لسكينه قطع يسره وليمنه
فلاريد دمعج الهامل
اجه يريد يشطر العايل
/////////////
خادم الحسين
محمد الشريفي
نزله (الانصار)
مهارات شجاعات نطبها الحومه
والصفوف بالسيوف نهد فد كومه
////////////
هذا عابس من طلع
جيشهم شافه ورجع غضب ثار
نازل ابحومه ويهد
محد ابعينه يصد غضب ثار
من اجل سبط النبي
اله يسبيهم سبي غضب ثار
فخر نال اجه وصال شجاعة يومه
والصفوف بالسيوف نهد فد كومه
///////////////
اليوم خيبر صايره
دنيه بيهم دايره فعل صار
شنهي هيه المشرعه
يم خدرها نوزعه فعل صار
نعبرلها القنطره
بشري يابت حيدره فعل صار
موالين للحسين جيوشه وكومه
والصفوف بالسيوف نهد فد كومه
///////////////
نذبح ابلا بسمله
شهدي لينه كربله بالنظار
تنظر اعلينه المله
نسوي بيهم زلزله بالنظار
يوم الطفوف ابفخر
ويه الحسين انتصر بالنظار
ترك جاه اجه اوياه تطيب اهمومه
والصفوف بالسيوف نهد فد كومه
//////////////
انته مولانه وسند
عارفينك بالمهد يمولاي
جينه نرفع رايه
جينه ننطي احجايه يمولاي
عله موتت هالجسد
الف مره هم نرد يمولاي
عشقناه هويناه علينه دومه
والصفوف بالسيوف نهد فد كومه
//////////////
هاي انصار البخت
ادافع لدينك اجت هالنصار
اليوم يوم انصارك
ننحشد ثوارك هالنصار
دمنه هذا من كتب
احنه انصار الذهب هالنصار
كمل دين بالحسين صلاته وصومه
والصفوف بالسيوف نهد فد كومه
////////////
محمد الشريفي ✏️
ليله ٨ محرم القاسم (عليه السلام)
القاسم انا وصيتي من عمي
من فدوه روحي لونزف دمي
...............
وينه الي يوصل للخيم وينه
اله يموت وتخلص اسنينه
وينه الي رايد تنطفي عينه
انا الي يفدي دينه وحسينه
بالزفه انا وخالتشوف امي
من فدوه روحي لونزف دمي
.................
بصيحه اصيحن بيكم وافزع
يومي وعلم حجيت المدمع
سيفي رفعته وكلها خالتسمع
والي اصيده اكبالي خاليركع
ماهمي بيكم والله ماهمي
من فدوه روحي لونزف دمي
..................
يمه المعارك من اطب بيها
جن جدي انا اليوم اصفيها
عاليها سافلها اله اخليها
خيبر ييمه اليوم اسويها
والقاده اله ابسيفي خالتدمي
من فدوه روحي لونزف دمي
.................
من عمي الحسين وردت النظره
ينظرلي وانا بسيفي من اقره
ريته عمر عمري عله عمره
ريته انكسر ضهري ولا ظهره
ريته العمر كاضيها بس يمي
من فدوه روحي لونزف دمي
.....................
ابن الكريم انا الغدرتوني
بقطع الشسع لمن طبرتوني
فدوه لحبيبي موتت اعيوني
يم الحسين وطابت اضنوني
طف الحسين الي رفع اسمي
من فدوه روحي لونزف دمي
___^^^
محمد الشريفي ✏️
محرم ابدمعه ولطم أجانه
يلا يشيعه للحزن هيئو عزانه
...............
ترفع قميصك هالمسه امك يمظلوم
وتنادي يااهل السمه من الماي محروم
ووليده من هذا الشهر ابسهم مفطوم
قلبي اعالزينب عالجره من امصايب اهموم
هذا الشهر منه بجت ارض وسمانه
يلا يشيعه للحزن هيئو عزانه
.................
لولاد ابو السجاد دمعي اليوم اسيله
امصايب ابهذا الشهر كلش ثكيله
ايساعد الله ياخلق قلب العقيله
كل طفله من هذا الشهر تبجي ونحيله
نرفع علم مثل الكمر رافع لوانه
يلا يشيعه وللحزن هيئو عزانه
.................
شهر البلا وبيك الجره زينب غريبه
من قطعو اجفوفه الكمر هاي المصيبه
وحسين من طاح الكمر جثته سليبه
نحره انقطع دمه جره وشيبه خضيبه
نبجي ونون لم الحزن لعظم بلانه
يلا يشيعه وللحزن هيئو عزانه
.................
من شفنه من هذا الشهر بمصاب الاكبر
ويه جاسم العريس جسمه من توذر
رمله اعله ليلى من تون الله وكبر
والعاشر ابيوم الذبح قلبي ايتفطر
هيهات ابد ننسى الجره ونفدي دمانه
يلا يشيعه وللحزن هيئو عزانه
////////////
خادم الحسين
محمد الشريفي ✏️
نزله محرم
**
عاشورك بدمع يروينه
عاشورك بدمع يروينه
//////////////
هذا جرح الحسين اعظم هالمصايب
تالي وسفه خدك يصبح عترايب
شهرك شفنه هم بيه انواع العجايب
زينب من بعدهم تدخل بالخرايب
والعاشق منشغل بونينه
عاشورك بدمع يروينه
/////////////
بشهرك والله تدري منفارك لطمنه
شهرك من يجينه بلمجلس تلمنه
هايه لليمانع ياحيدر هتفنه
من يومك يعباس منزل علمنه
بلهمه للعزم تنطينه
عاشورك بدمع يروينه
///////////
ياشهر المصايب بيك انفجعت الناس
جرحك ياشهر بي قطع جفوفه عباس
والأكثر يألم سهم وهشمت الراس
مايترك عضيده شايل غيره وحساس
بالغيره بولفضل يسقينه
عاشورك بدمع يروينه
///////////////
حسين وضهره مكسور ياشهر البليه
زينب تبجي وتنوح وهم تصبح سبيه
هاي امصايب اهواي وي دمعه رقيه
كل ليله التمرنه ونتنه خفيه
مابينه امن التعب مابينه
عاشورك بدمع يروينه
//////////////
عيني بشهر بيه تبقى تذرف العين
واويلي عالاكبر من يشوفه الحسين
امقطع بلبواتر راح اوليده هزين
اللطم انا عراس واللطم بيدي الاثنين
من يلطم بثنين ايدينه
عاشورك بدمع يروينه
...........................
خادم الحسين
محمد الشريفي ✏️
للعليه (عليها السلام)
مثل الدمع صرت انه بعدك يغالي
عيني بجت لمن رحت يااغله والي
...............
يبويه شلون كلي ابهالقضيه
يانوم اليمرني ابهالمسيه
اخذني اوياك مثل اختي رقيه
عليك ابداعت امك رد عليه
اتنفسك مثل الهوه ودوم اعله بالي
عيني بجت لمن رحت يااغله والي
...............
اناطر جيتك وعيوني تربي
اكولن بلكت ايرد ادعي ربي
على الغيبه يبويه شاب قلبي
عفت ايدك يغالي هذا ذنبي
ريته رجع شاف وسمع دمعي وسؤالي
عيني بجت عمت لمن رحت يوالي
.................
رحت وسفره بويه شكد طويله
ردتها اوياكم الروحه الثكيله
عله الاسباب من كلتو نحيله
عله الغيبه اصير انا العليله
رحتو بسفر انا بخطر محد بقالي
عيني بجت لمن رحت يااغله والي
...................
علي واحد يعود شكد تمنيت
لجن بدار وحدي والله مليت
ترجعون و عليه يفرح البيت
عله الاخبار هاي ابشكي ضليت
ساح الجفن من الحزن ميت دلالي
عيني بجت لمن رحت يااغله والي
...................
ردت ياعمه اني وي سبيكم
ردت بالحسره ودمعه اجيكم
ردت جفي مثل حرقت اديكم
عله الصار وعمت عيني عليكم
انا بقهر نومي سهر محد اجالي
عيني بجت لمن رحت يااغله والي
__
خادم الحسين
محمد الشريفي✏️
مقدمه ليله 1محرم
**
السلام عليك يااباعبدالله
....... .......... ..........
حزنك اشمايكبر ابعيني وشوفه
اي وحك دمعه رقيه مااعوفه
السلام عليك ياابا عبدالله
..............
مصايب بشهرك أليمه وهل اجانه
هلله هلله وللطم هيئو عزانه
السلام عليك يااباعبدالله
..................
للطم ياشيعه خنحيي الشعائر
حسين يشفع للبجه اي والله باجر
السلام عليك يااباعبدالله
..................
الزهره من شهرك طلع لمجلس تجيله
ويوم عاشر دمك الفاير تشيله
السلام عليك يااباعبدالله
................
هشهر بيه تنذبح وثيابك سليبه
ومن ترضرض جسمه وشيبه خضيبه
السلام عليك يااباعبدالله
...............
مانعوف امصاب زينب هالغريبه
يعين الله ياقلب شايل مصيبه
السلام عليك يااباعبدالله
................
ليش ياشهر القمر جفوفه قطيعه
وميت ويمه العقيله اعله الشريعه
السلام عليك يااباعبدلله
...............
نروح لحسين ونصليله اعله بابه
ومن نردد أيا يبوالاكبر مصابه
السلام عليك يااعبدالله
.................
عهد عاهدنه وتدور شكد سنين
والله ماننسى مصابك ياحسين
السلام عليك يااباعبدلله
...............
متت ضامي يل روه دينك عباده
وموتك بطف كربله اجمل شهاده
السلام عليك يااباعبدالله
............
خادم الحسين محمد الشريفي
سيتم نشر وتلحين قصائد محرم هنا اول باول
وهنا سيتم نشر قصائد الشعراء بدون الحان
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 1 year, 3 months ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 1 year, 4 months ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 1 year, 5 months ago