#xayrlioqshom
**Об-ҳавони койиманг, агар у ўзгармай турганида, ўнта одамдан тўққизтаси суҳбатни бошлай олмасди.

©Фрэнк Хаббард**@suyunbeka

#qayd **…Мен бу сатрларни ўтаётган баджаҳл йилнинг сўнгги соатларида ёзяпман.
Янгиси эшик олдида турибди. Майли, у бунисидан қаҳри қаттиқроқ бўлмасин!
Тентакларга озгина ақл тилайман, ақллиларга эса — озгина шеърият.
Аёлларга энг кўркам кўйлакларни тилайман, эркакларга — мўл-кўл  тоқатни.
Бойларга қалб, бечораларга бир бурда нон.
Энг кўп шуни тилайманки, янги йилда бир-биримизга иложи борича камроқ бўҳтон қилайлик.

©Хенрих Хейне, 1843 йил арафаси.**@suyunbeka

#xayrlioqshom#rangtasvir **Пабло Пикассо, "Қорбобо". 1959 йил.

"Ёш болага ўхшаб расм чизишни ўрганишим учун менга бутун бир умр керак бўлди".

Пабло Пикассо.

P.S. Янги 2025 йил муборак бўлсин!**@suyunbeka

#rangtasvir#xayrlikun Густав Климт, "Қайинзор". 1902 йил.@suyunbeka

#kuzatuv

**"Хўп"нинг отаси ўлгани йўқ. Бугун шу гапни эшитдим. Мақол ёки ибора, илгари дуч келмаган эканман. Маъноси: ўзингдан каттага хўп, деявер, кам бўлмайсан.
Халқ донолиги маҳсули. Ажойиб!

P/S. Суратда Тароз шаҳри яқинида жойлашган Ойшабиби мақбараси.**@suyunbeka

#satroralab

**Буюк рассом Пабло Пикассонинг тўлиқ исми-шарифи 23 та сўздан иборат:
Пабло Диего Хосе Франсиско де Паула Хуан Непомусено Мария де лос Ремедиос Сиприано де ла Сантисима Тринидад Мартир Патрисио Руис Пикассо.

Малагада одат шундай эди - болага кўп исм берилган. Яна бир жиҳат: Пикассо фамилиясини икки хил талаффуз қилиш мумкин. Испанча талаффузда урғу иккинчи бўғинга тушса, французчада учинчи бўғинга тушади.**@suyunbeka

#xulosa
**Дон янчилаётган мавсумда каламушнинг ҳам хотини бешта.

Тамил мақоли**@suyunbeka

#rangtasvir#xayrlikun
Эдгар Дега, "Мовий раққосалар". 1897 йил.@suyunbeka

#sheʼr

Яхши одат: кимдан бўлсин, ҳол сўраб қўйиш,
Яхши одат: тонг ҳавосин симириб тўйиш.
Яхши одат: элу халқнинг корига яраб,
Одамларга кераклигинг, борлигинг туйиш.

Дўст ҳолини билмаслик бу - ёмон одатдир,
Чақирганда келмаслик бу - ёмон одатдир.
Даврон амал берганида одам зотини
Кўриб, кўзга илмаслик бу - ёмон одатдир.

©Хуршида Абдуллаева
"Планшетга ёзилган шеърлар"**@suyunbeka

#xulosa

**Маслаҳат берсанг, ақлли миннатдор бўлади, аҳмоқ масхара қилади.

Бошқирд мақоли**@suyunbeka