‏الله يبعد عنا كل شخص مايبين بعينه الطيب .

ماني محمِّل شعوري فوق مالاّ يستطيع
‏شف لك من الناس ليلٍ يجوز لك و اِسهره

الناس عندي سوا ، والباب صدره وسيعّ
‏ من راح ماحرك برأسّ السنين شعره

من تلاقينا وأنا ادّري إن الوداع الزاميّ
‏من قبل وقت اللقاء و أقدارنا مَكتوبه

يتعبني الليل لاجاء يسحب الذكرى
‏ومن ما يجرّب قسى الأيام .. يمدحها

‏و العبره اللي ورى الأضلاع ما تبرى
‏ما تقدر تمد كفيّنك و تمسحها

‏"ماتتعبني الوجيه اللي يخيب بها الزمان
‏أنا تتعبني الوجيه اللي أحبّ أصحابها"

ازعل على كيفك كثر ماتبي وارض
‏وخذ بدال العام عشرين عامي

‏لا قامت الساعه و لا ضاقت الارض
‏ومانيب لا جايع ولانيب ضامي

‏واسمك ليامن طاح من شاشة العرض
‏تراه ماهو من كبار الاسامي

‏ومواصلك لاهوب سنة ولا فرض !
‏ومواجهك ، ماهو كلّ اهتمامي

" أحبك " ما تجي عجله ولا بشويش
‏تبلّ السمع و تغسل الخفوق الصلب

‏على كثر الليالي و المشاعر ليش !
‏ولا مرّه قدرت تقولها من قلب :)

‏« متعمّد أستبعد لقاك وعايف
‏ ولي كم ليلة بالقسى متسلّح

‏ أنت كسرت قلبي وأنا خايف
‏خايف يكون اللي انكسر يتصلح »

‏بخصتك ! وشفتك شي مايستحق الجهد
‏وصديت عنك صدت القانع الراضي

‏ابعتبرك من اغراضي اللي تركت بزهد !
‏وصارت لغيري بعد ماكانت اغراضي :)

« من يحبك يعرف البوصله والاتجاه »