Халқ тилидаги "больничный", яъни Вақтинча меҳнатга қобилиятсизлик нафақасини тўғри ҳисобланг. Ундан ижтимоий солиқ тўланмайди.

Вазирлар Маҳкамасининг, 31.05.2024 йилдаги 314-сон қарорига асосан, вақтинча меҳнатга қобилиятсизлик бўйича нафақа қуйидаги миқдорларда тўланади:

- умумий иш стажи 8 йил ва ундан ортиқ бўлган ходимларга ҳамда 21 ёшга етмаган чин (сағир) етимларга иш ҳақининг 80 фоизи миқдорида;
умумий иш стажи 8 йилгача бўлган ходимларга иш ҳақининг 60 фоизи миқдорида.

Шунингдек, корхона ўз жамоат шартномасида ёки ички норматив ҳужжатларида больничный учун оширилган миқдорларни белгилаши мумкин. Ёки барча ҳодимлар учун, иш стажи ёки имтиёзларидан қатъий назар 100% миқдорда тўлаши ҳам мумкин.

Белгиланган норма доирасида тўланган вақтинча меҳнатга қобилиятсизлик бўйича нафақа СКнинг 377-моддаси 15-бандига кўра бошқа даромадлар таркибига киритилади ва ундан фақат даромад солиғи тўланади, ижтимоий солиқ тўланмайди. Чунки, СКнинг 403-моддасига кўра ижтимоий солиқ  Меҳнатга ҳақ тўлаш тарзидаги даромадлардан ҳисобланади. Нормадан ортиқча тўланган больничный миқдоридан даромад солиғи ва ижтимоий солиқ ҳам тўланади, СКнинг 374-моддаси 9-банд.

https://t.me/JNF_consultant_tax

“Кунгабоқар уруғини етиштирувчиларнинг экспорт салоҳиятини ошириш чора-тадбирлари тўғрисида”ги Ҳукумат қарори (882-сон, 24.12.2024 й.) қабул қилинди

Қарорга кўра, барча хўжалик юритувчи субъектларга, уларнинг ташкилий-ҳуқуқий шаклидан қатъий назар, 2024 йил 20 декабрдан бошлаб кунгабоқар уруғларини (ТИФ ТН коди 1206 00 990 0 оқ кунгабоқар, ТИФ ТН коди 1206 00 910 0 оқ чизиқлар билан кулранг қобиқда кунгабоқар) Ўзбекистон божхона ҳудудидан ташқарига олиб чиқишга (экспорт қилишга) рухсат берилди.

🕊 @rastamojka_uz

❗️ Солиқ кодексининг 464-моддасига асосан, товарларни (хизматларни) экспортга реализация қилишдан олинган даромадлар айланмадан олинадиган солиқ базаси сифатида эътироф этилмас эди. Солиқ кодексига киритилган қўшимча ва ўзгартиришларга кўра, ушбу норма олиб…

Солиқ кодексининг 483-моддасига киритилган қўшимчаларга кўра:

- Ўз.Р. норезидентлари бўлган юридик шахслар экспорт хизматлари ҳажми календарь йил давомида 10 миллион АҚШ долларидан ошган Дастурий маҳсулотлар ва ахборот технологиялари технологик парки резидентларига ахборот технлогоиялари соҳасида хизматларни кўрсатишган ошган даромадлари қисмида фойда солиғи тўлашдан 2025 йил 1 февралдан 2030 йил 1 янаварга қадар бўлган даврда озод қилинади.

Жами даромади таркибида экспорт ҳажми 50 фоиздан ортиқ бўлган Дастурий маҳсулотлар ва ахборот технологиялари технологик парки резидентлар таъсисчиларининг (иштирокчиларининг) - Ўз.Р. норезидентлари бўлган жисмоний ва юридик шахсларнинг дивидентлар тарзидаги даромадларига нисбатан 2025 йил 1 февралдан 2040 йил 1 январга қадар бўлган даврида жисмоний шахслардан олинадиган даромад солиғи ҳамда фойда солиғи Ўз.Р.нинг резидентлари учун белгиланган ставкалар бўйича ҳисобланади.

Дастурий маҳсулотлар ва ахборот технологиялари технологик парки резидентлари барча турдаги солиқларни (ҚҚС мустасно) тўлашдан 2028 йил 1 январдан 2040 йил 1 январга қадар бўлган даврда озод қилинади.

Ушбу модданинг 62-қисмида белгиланган солиқ имтиёзлари қуйидагиларга тадбиқ қилинади:
- резидентлар томонидан амалга оширилган рухсат этилган фаолият турлари бўйича экспорти ҳажми 50 фоиздан ортиқ бўлган юридик шахсларга;
- 18 ёшдан ошган битирувчиларнинг 50 фоизи календарь йил давомида резидент бўлган экспортчи корхоналарга ишга жойлашган IT-таълим хизматларини кўрсатувчи юридик шахсларга.

🕊 @rastamojka_uz

❗️ Солиқ кодексининг 464-моддасига асосан, товарларни (хизматларни) экспортга реализация қилишдан олинган даромадлар айланмадан олинадиган солиқ базаси сифатида эътироф этилмас эди. Солиқ кодексига киритилган қўшимча ва ўзгартиришларга кўра, ушбу норма олиб ташланди.

Эндиликда, товарларни (хизматларни) экспортга реализация қилишдан олинган даромадлар айланмадан олинадиган солиқ базаси сифатида эътироф этилади.

PS. Фойда солиғи тўловчиларга тегишли қисмини топа олмадим. Қўшимча пост жойлайман.

🕊 @rastamojka_uz

Тўловчи гувоҳномасини олишдан олдин божхонада тўланган ҚҚСни ҳисобга олиш мумкинми.
«Корхона 2024 йил октябрда импорт шартномаси тузди ва биринчи партия товарни импорт қилди. ҚҚС божхонада тўлиқ тўланди. Лекин ҚҚС тўловчи гувоҳномасини фақат 2024 йил 21 ноябрда олди. Бу ҳолда октябрда импорт қилинган товарлар бўйича ҚҚСни ҳисобга олиш мумкинми?»

– Товарларни импорт қилувчи юридик шахслар ва якка тартибдаги тадбиркорлар:
1) айланмадан солиқ тўлашлари мумкин эмас;
2) импорт шартномаси тузилган ёки товарлар олиб кирилган (импорт қилинган) санадан – қайси сана олдинроқ келишига қараб, ўша санадан бошлаб ҚҚС ва фойда солиғини тўлашга ўтадилар.
Кўриб чиқилаётган ҳолда корхона импорт шартномаси тузилган санадан бошлаб ҚҚС тўловчисига айланади.
Солиқ органларида махсус рўйхатдан ўтказилмаган ва солиқ тўловчи гувоҳномасига эга бўлмаган ҚҚС тўловчилар олинган товарлар (хизматлар) бўйича солиқни ҳисобга олиш ҳуқуқисиз ҚҚС тўлайдилар.
Уларнинг харидорлари (буюртмачилари) ҳам етказиб берувчида ҚҚС тўловчи гувоҳномаси бўлмаган даврда амалда олинган товарлар (хизматлар) бўйича ҚҚСни ҳисобга қабул қилишга ҳақли эмас.

https://t.me/JNF_consultant_tax

Ўзбекистондан ташқарида товар харид қилиш ва ташиш қандай солиқ оқибатларига олиб келади.
«Ўзбекистон резиденти бўлган логистика компанияси Европадан Хитойга электромобилларни харид қилиш ва етказиб бериш бўйича халқаро тендерда иштирок этади. Буюртмачи – хорижий юридик шахс. Бундай фаолият қандай солиқ оқибатларига олиб келади?»

ҚҚС
ҚҚС солиқ солиш объекти ҳисобланади:
1) реализация қилиш жойи Ўзбекистон бўлган товарлар (хизматлар) реализацияси обороти;
2) товарларни Ўзбекистон ҳудудига олиб кириш. Товарлар реализация қилиш жойи СК 240-моддасига мувофиқ, хизматлар реализация қилиш жойи эса СК 241-моддасига мувофиқ аниқланади.
Кўриб чиқилаётган вазиятда товарлар Ўзбекистонга олиб кирилмайди, шунингдек Ўзбекистон уларни реализация қилиш жойи ҳисобланмайди.
Бундан ташқари, Ўзбекистон ҚҚС солиш мақсадида электромобилларни етказиб бериш бўйича хизматларни реализация қилиш жойи ҳам ҳисобланмайди. Бинобарин, ҚҚС бўйича солиқ оқибатлари юзага келмайди.
Фойда солиғи
Товарлар (хизматлар) реализациясидан олинган даромад жами даромад таркибига киритилади, товарлар (хизматлар) таннархи эса фойда солиғи бўйича солиқ базасини аниқлашда чегириб ташланади.
Хорижий юридик шахсга ташиш хизматларини кўрсатиш фойда солиғи солиш нуқтаи назаридан хизматлар экспорти ҳисобланади. Логистика компанияси бу хизматлар реализациясидан олинган фойдага нисбатан ноль даражали ставкани қўллашга ҳақли. Агар хизматлар экспортидан чет эл валютасидаги даромадлар улар кўрсатилган кундан эътиборан 180 календарь кун ичида келиб тушмаса, 0% миқдоридаги солиқ ставкаси қўлланилмайди. Компания электромобиллар реализациясидан олинган фойдага нисбатан ноль даражали ставкани қўллашга ҳақли эмас, чунки бу товарлар экспорти ҳисобланмайди.

https://t.me/JNF_consultant_tax

Ўзбекистондан ташқарида товар харид қилиш ва ташиш қандай солиқ оқибатларига олиб келади.
«Ўзбекистон резиденти бўлган логистика компанияси Европадан Хитойга электромобилларни харид қилиш ва етказиб бериш бўйича халқаро тендерда иштирок этади. Буюртмачи – хорижий юридик шахс. Бундай фаолият қандай солиқ оқибатларига олиб келади?»
ҚҚС
ҚҚС солиқ солиш объекти ҳисобланади:
1) реализация қилиш жойи Ўзбекистон бўлган товарлар (хизматлар) реализацияси обороти;
2) товарларни Ўзбекистон ҳудудига олиб кириш. Товарлар реализация қилиш жойи СК 240-моддасига мувофиқ, хизматлар реализация қилиш жойи эса СК 241-моддасига мувофиқ аниқланади.
Кўриб чиқилаётган вазиятда товарлар Ўзбекистонга олиб кирилмайди, шунингдек Ўзбекистон уларни реализация қилиш жойи ҳисобланмайди.
Бундан ташқари, Ўзбекистон ҚҚС солиш мақсадида электромобилларни етказиб бериш бўйича хизматларни реализация қилиш жойи ҳам ҳисобланмайди. Бинобарин, ҚҚС бўйича солиқ оқибатлари юзага келмайди.
Фойда солиғи
Товарлар (хизматлар) реализациясидан олинган даромад жами даромад таркибига киритилади, товарлар (хизматлар) таннархи эса фойда солиғи бўйича солиқ базасини аниқлашда чегириб ташланади.
Хорижий юридик шахсга ташиш хизматларини кўрсатиш фойда солиғи солиш нуқтаи назаридан хизматлар экспорти ҳисобланади. Логистика компанияси бу хизматлар реализациясидан олинган фойдага нисбатан ноль даражали ставкани қўллашга ҳақли. Агар хизматлар экспортидан чет эл валютасидаги даромадлар улар кўрсатилган кундан эътиборан 180 календарь кун ичида келиб тушмаса, 0% миқдоридаги солиқ ставкаси қўлланилмайди. Компания электромобиллар реализациясидан олинган фойдага нисбатан ноль даражали ставкани қўллашга ҳақли эмас, чунки бу товарлар экспорти ҳисобланмайди.

https://t.me/JNF_consultant_tax

Компания хорижий фуқаро киритган хусусий инвестицияни қандай расмийлаштириши керак
«Хорижий фуқаро ўзбек компаниясига хусусий инвестор сифатида маблағ киритмоқда (у таъсисчи ёки қарз берувчи эмас). У Ўзбекистонда келгусида ўз улушидан олинган фойдадан қандай солиқлар тўлаши керак?»

– Инвестициялар - бу моддий ва номоддий бойликлар, уларга бўлган ҳуқуқлар, шу жумладан - интеллектуал мулк объектларига бўлган ҳуқуқлар, шунингдек инвестор томонидан таваккалчиликни ўз зиммасига олиш шарти билан фойда олиш мақсадида ижтимоий соҳа, тадбиркорлик, илмий ва бошқа фаолият турлари объектларига киритиладиган реинвестициялар 25.12.2019 й. ЎРҚ-598-сонли Қонуннинг 3-м..

Инвестициялар қуйидагилар бўлиши мумкин:

маблағлар, шу жумладан пул маблағлари (чет эл валютасини ҳам қўшган ҳолда), мақсадли банк омонатлари, пайлар, улушлар, акциялар, облигациялар, векселлар ва бошқа қимматли қоғозлар;
кўчар ва кўчмас мулк (бинолар, иншоотлар, ускуналар, машиналар ва бошқа моддий бойликлар);
интеллектуал мулкнинг мулкий ҳуқуқлари, шу жумладан патентланган ёки патентланмаган (ноу-хау) техник, технологик, тижорат ва бошқа билимлар, техник ҳужжатлар, кўникмалар ва ишлаб чиқариш тажрибаси шаклида расмийлаштирилган, у ёки бу турдаги ишлаб чиқаришни ташкил этиш учун зарур бўлган, шунингдек Ўзбекистон Республикаси қонунчилиги билан тақиқланмаган бошқа бойликлар.
Бундай инвестицияларни инвестиция шартномаси билан расмийлаштириш керак.

Инвестиция шартномаси - инвестиция фаолияти субъектлари ўртасида тузилган, тарафларнинг ҳуқуқлари, мажбуриятлари ва жавобгарлигини белгиловчи ёзма келишув 25.12.2019 й. ЎРҚ-598-сонли Қонуннинг 3-м..

Кўриб чиқилаётган вазиятда хорижий фуқаро устав фондига улуш қўшмаётгани учун, унинг инвестициясидан олинган даромадни дивидендлар сифатида кўриб чиқишни нотўғри деб ҳисоблайман, чунки бу Солиқ кодексининг 41-моддасида берилган таърифга мос келмайди.

Шунингдек, инвестиция шартномаси бўйича расмийлаштирилган ва қарз мажбуриятлари бўйича тўловларни назарда тутмайдиган инвестициядан олинган даромад фоизлар сифатида кўриб чиқилиши мумкин эмас СК 41-м. 5-қ..

Шунинг учун инвестиция шартномасида келгусидаги инвестициялардан олинган фойдадан инвесторга тўловлар миқдори ва шакллари белгиланиши керак.

Хорижий жисмоний шахснинг даромади мулкий даромад СК 375-м. ёки бошқа даромад СК 377-м. сифатида кўриб чиқилиши мумкин. Бундай даромад тўлов манбаида 12% ставка бўйича солиққа тортилади СК 381-382-м. СК 387-м..

Бундан ташқари, инвестициялар қиймати фойда солиғини (айланмадан олинадиган солиқни) ҳисоблаш учун корхонанинг жами даромадига киритилади.

@JNF_consultant_tax