УСТОЗ
(Профессор Сулаймон Иноятовга)
Ярашгай чин улуғлик, муҳтарамлик Сизга жон устоз,
Шараф тожи эрурсиз,пок, нуроний, хушзабон устоз.

Сочингиз нур, қошингиз нур,ажаб нурли жамолингиз,
Бу не бахт, бош-оёғингиз гуёки нур макон устоз.

Само юлдузлари ичра, сочар ёғдуки танҳо ой,
Қиёсингиз дурахшонлар ичинда моҳитобон устоз.

Илм уммонида гавҳар, каломи мушк ила анбар,
Олимлар ичра чин сарвар, СУЛАЙМОНИ замон устоз!

...Умрнинг зийнатидир куз,қолур Сиздан мунаввар из,
Ҳамон ҳикмат эрур ҳар сўз,
ҳамон марду майдон устоз!

Дуо олмоққа келдим, мақсудим Умра ибодатдур,
Бошим хам, дийдалар нам, қолмасин дилда армон устоз!

БОБОҚУЛ УСМОН
2022 йил, 21 сентябр

Устоз Сулаймон Иноятовдан бу фоний дунёда нурли излар, гўзал хотиралар қолди.Бугун соат 12.00 Мохи-Хоссада, устознинг киндик қони томган Шейхон қишлоғида, ўз хонадонида жаноза намози ўқилади.

...Сўнгги видолашув онида меҳр ва соғинчдан қалблар ўртанади, кўз ёшлар дарё бўлиб оқади. "ОЛИМНИНГ ЎЛИМИ-ОЛАМНИНГ ЎЛИМИ"
ОХИРАТИНГИЗ ОБОД БЎЛСИН, ЖАННАТ БОҒЛАРИДА ДИЙДОРЛАШИШ НАСИБ ЭТСИН, УСТОЗ!
Инна лиллаҳи ва инна илайҳи рожиъун

Устоздан 20 дан ортиқ китоб, монография, 300 дан ортиқ илмий мақолалар қолди, бағрикенг олим сифатида юзлаб шогирдлар, издошлар тайёрлади. Бу зоти бобарокатнинг ортида қариндошлари, дуогўй фарзандлари,неваралари қолди.
...Устоз билан ота қадрдон эдик. Сулаймон ака тўй-маъракаларимизда,шодиёна кунларимизда ҳамиша бирга эдилар. Отажоним билан тенгдош, дўст эдилар.Ҳаётининг сўнгги кунларигача отажоним устознинг ёнларида бўлиб, бетоб кунларида хабар олиб турдилар.Бу биродарлик келажак авлодлар ўртасида албатта давом этади.

**БУХОРИЙМАН

(Устозлар хотираси ва қаламкаш дўстлар ҳурматига)**
Неча солномаларга ўз сўзин битган Бухорийман,
Неча эврилди даврон, Ҳақ йўлин тутган Бухорийман.

Гаҳи шону зафар ҳамроҳ бўлиб, кўкларга юксалдим,
Буюк тарих тўфонида гаҳи йитган Бухорийман.

Бало хайли келар бўлса заминим узра тиғ қайраб,
Ғаним йўлин тўсиб, довон бўлиб ётган Бухорийман.

Улус йўлдин тойиб, юзни жаҳолат сорига бурса,
Расулиллоҳ сўзин жамлаб, ҳадис айтган Бухорийман.

Мени тиб илмида султон санар бўлди жаҳон аҳли,
Бу дунёни неча дарддин халос этган Бухорийман.

Сўзим ҳазрат Навоийга бўлиб манзур, шараф айтмиш,
Хўжа Исмат бўлиб отим, қалам тутган Бухорийман.

Аср ўтди, замон кечди, ҳамон собитман Арк янглиғ,
Сўзим уйғоқ, Яратгандан назар етган Бухорийман.

Гаҳи Фитрат, гаҳи Айний бўлиб миллатга тил бердим,
Дарахт баргига шеър битдим, Шариф Нурхон Бухорийман.

Оловлардан омон чиққан Самандарман, тилим бийрон
Ва Садриддин Салимдай сўз сўраб ўтган Бухорийман.

Омон Мухтор, Тилак Жўра ва ёки Тошпўлат Аҳмад — Бари менман, Бухоро деб куйиб кетган Бухорийман.

Сулаймонман ва Шодмонман ва ё Исроил Субҳонман,
Саидбурҳон – Бухорийларни уйғотган Бухорийман.

Фалак узра бўлиб тош туғ, асрларки, турибман тик,
Минораи Калонман мен, абад қотган Бухорийман.

Бўл, эй Абдунаби Ҳамро, мудом фарзанд Бухорога,
Азиз юрт тонгларин интиқ бўлиб кутган Бухорийман.

**Абдунаби ҲАМРО

Уланиш учун:** https://t.me/Buxoro_adiblari

???
Бошингни кўтарма, қарама дунёга,
Қарасанг бешак, қоласан балога.
Дил берма, дил Зулжалолники,
Йўқса эрта не дейсан, Худога.

✍️ Шаҳобиддин ???

ЖАҲОЛАТГА КЕТДИ ОДАМЗОТ

Шукр сўзин унутди мутлоқ,
Разолатга етди одамзот.
Куфру исён йўлини тутди,
Жаҳолатга кетди одамзот.

Од қавмидек ҳаддидан ошди,
Маъсияту гуноҳлар тошди,
Фираъвнлар уйғонди, ҳайҳот,
Жаҳолатга кетди одамзот.

Украинда, русда оқар қон,
Ғазо ёнар, шаҳид--қирқ минг жон,
На онг қолди, на идрок, сабот,
Жаҳолатга кетди одамзот.

Олам тўлди макри шайтонга,
Олов тушди , қалбга,
иймонга.
Оға -ини бўлди етти ёт,
Жаҳолатга кетди одамзот.

Маҳдий имом туғилар қачон?
Яжжуж- Мажжуж бўлурми яксон...
Тушармикан Ийсо номли зот?'
Жаҳолатга кетди одамзот.

Кўнгил сезар, аломат яқин,
Аллоҳ шоҳид, қиёмат яқин.
Ёвуз- қўрқинч қийнайди бот-бот,
Жаҳолатга кетди одамзот.

"Ла илаҳа иллааллоҳ" денг,
"Муҳаммадур Расуллуллоҳ!" денг.
Бир имтиҳон яқиндир, ҳайҳот,
Жаҳолатга кетди одамзот !

БОБОҚУЛ УСМОН

ХАЙРЛИ ТУН,ЯХШИ ДАМ ОЛИНГ!

Фақат масжидларда бизлар мусулмон,
Сурат алдамчидир, риё намоён.
Аллоҳнинг Байтидан чиққан заҳоти,
Тағин елкамизга минади шайтон.

"На чин мусулмонмиз, на кофир тамом"