وَمَن يُطِعِ ٱللَّهَ وَٱلرَّسُولَ فَأُو۟لَٰٓئِكَ مَعَ ٱلَّذِينَ أَنْعَمَ ٱللَّهُ عَلَيْهِم مِّنَ ٱلنَّبِيِّۦنَ وَٱلصِّدِّيقِينَ وَٱلشُّهَدَآءِ وَٱلصَّٰلِحِينَۚ وَحَسُنَ أُو۟لَٰٓئِكَ رَفِيقًا
[سورة النساء ٦٩]

اللَّه އަށާއި، رسول އާއަށް ކިޔަމަންވާ މީހުން (ދަންނާށެވެ!) ފަހެ، އެއުރެންވަނީ، اللَّه އެބަޔެއްގެ މައްޗަށް ނިޢުމަތް ދެއްވި މީހުންކަމުގައިވާ ނަބިއްޔުންނާއި، صدّيق ންނާއި، شهيد ންނާއި، صالح ންނާ އެކުގައެވެ. އެބޭކަލުންނީ އެކުވެރިން ކަމުގައިވުމަށް ހާދަ ރަނގަޅު ބަޔެކެވެ.

އަބޫ ހުރައިރާ ރަޟިޔަﷲ ޢަންހުގެ ކިބައިން ރިވާވެގެންވެއެވެ. ހަމަކަށަވަރުން ރަސޫލާ ﷺ ޙަދީޘްކުރެއްވިއެވެ.

"ﷲގެ މަގުގައި ޖިޙާދަށް (މުދަލުން) ދޭއްޗެއް (ނުވަތަ ޖޯޑުކޮށްވާ ދޭތި) ހޭދަކޮށްފިނަމަ ސުވަރުގޭގެ ދޮރުކޮޅުތަކުން ނިދާ އިއްވެވޭނެއެވެ. އޭ ﷲގެ އަޅާއެވެ. ތިއީ ހެޔޮކަމެކެވެ. ފަހެ އެމީހަކީ ނަމާދުގެ އަހުލުވެރިންގެ ތެރެއިން ހިމެނޭ މީހެއްނަމަ އެމީހަކަށް ގޮވާލެވޭނީ ނަމާދުގެ ދޮރުކޮޅުންނެވެ. އަދި އެމީހަކީ ޖިހާދުގެ އަހުލުވެރިއެއްނަމަ އެމީހަކަށް ގޮވާލެވޭނީ ޖިހާދުގެ ދޮރުކޮޅުންނެވެ. އަދި އެމީހަކީ ރޯދައިގެ އަހުލުވެރިއެއްނަމަ އެމީހަކަށް ގޮވާލެއްވޭނީ ރައްޔާނުއޭ ކިޔުނު ދޮރުކޮޅުންނެވެ. އަދި އެމީހަކީ ޞަދަޤާތުގެ އަހުލުވެރިއެއްނަމަ އެމީހަކަށް ގޮވާލެވޭނީ ޞަދަޤާތުގެ ދޮރުކޮޅުންނެވެ."
ދެން އަބޫބަކުރު ރަޟިޔަﷲ އަންހު ވިދާޅުވިއެވެ.
"އޭ ރަސޫލުﷲ އެވެ. ތިމަންކަލޭގެފާނުގެ މަންމާފުޅާއި ބައްޕާފުޅު ކަލޭގެފާނަށް ފިދާއެވެ. މިދޮރުކޮޅުތަކުން ގޮވާލެވޭ މީހަކަށް އެއްވެސް (އެހެން) ޙާޖަތެއް (ނުވަތަ ދަތިއުނދަގުލެއް ކަންބޮޑުވުމެއް) އެމީހެއްގެ މައްޗަކަށް ނުވެއެވެ. އެހުރިހާ ދޮރުކޮޅުތަކަކުން އެއްވެސް މީހަކަށް ގޮވާލެވޭނެތޯއެވެ؟"
ދެން ރަސޫލާ ﷺ ޙަދީޘްކުރެއްވިއެވެ.
"އާނއެކެވެ. އެބައިމީހުންގެ ތެރޭގައި ކަލޭގެފާނު ވާނެކަމަށް ތިމަންކަލޭގެފާނު އުއްމީދުކުރައްވަމެވެ."

[رواه البخاري (1897) ومسلم (1027)]

~ހުރިހާ ދޮރުކޮޅުތަކަކުން އެއްވެސް މީހަކަށް ގޮވާލެވޭނެތޯއެވެ؟~

~ހެޔޮ ކަންތައްތަކަށް އެދޭ މީހާ އެވެ!~

ރަސޫލާ ﷺ ޙަދީޘް ބަސްފުޅެއްގައި ވެއެވެ.

(إِذَا كَانَ أَوَّلُ لَيْلَةٍ مِنْ شَهْرِ رَمَضَانَ صُفِّدَتِ الشَّيَاطِينُ وَمَرَدَةُ الْجِنِّ وَغُلِّقَتْ أَبْوَابُ النَّارِ فَلَمْ يُفْتَحْ مِنْهَا بَابٌ وَفُتِّحَتْ أَبْوَابُ الْجَنَّةِ فَلَمْ يُغْلَقْ مِنْهَا بَابٌ وَيُنَادِى مُنَادٍ يَا بَاغِىَ الْخَيْرِ أَقْبِلْ وَيَا بَاغِىَ الشَّرِّ أَقْصِرْ وَلِلَّهِ عُتَقَاءُ مِنَ النَّارِ وَذَلِكَ كُلَّ لَيْلَةٍ

މާނައީ، "ރަމަޟާންމަހުގެ ފުރަތަމަރޭ، ޝައިޠާނުންނާއި ނުބައި ނުލަފާ ޖިންނި ކަސްތޮޅުއެޅުވެ އެވެ. އަދި ނަރަކައިގެ ދޮރުތައް ބަންދުކުރެވެ އެވެ. (ރަމަޟާން މަސް ނިމެންދެން) އެއިން އެއްވެސް ދޮރެއް ނުހުޅުވޭނެ އެވެ. އަދި ސުވަރުގޭގެ ދޮރުކޮޅުތައް ހުޅުވާލެވެ އެވެ. (ރަމަޟާންމަސް ނިމެންދެން) އެއިން އެއްވެސް ދޮރެއް ބަންދުނުކުރެވެ އެވެ.

އަދި ނިދާއިއްވަވާ މަލާއިކަތްބޭކަލަކު (މާތް الله ގެ އަމުރުފުޅަށް) ނިދާ އިއްވަވަ އެވެ.

"ހެޔޮ ކަންތައްތަކަށް އެދޭ މީހާ އެވެ! ހެޔޮކަންތައްތައް ކުރުމަށް އަވަސްވާށެވެ! ނުބައި ކަންތައްތައް ކުރާ މީހާ އެވެ! ތިޔަކަންތައްތައް ކުރުމުން އެއްކިބާވާށެވެ! الله (ރަމަޟާންމަހުގެ) ކޮންމެ ރެޔަކު ނަރަކައިން ބަޔަކުމީހުން މުއްތިކުރައްވަ އެވެ." (ރިވާކުރެއްވީ: އައްތިރުމިޛީ)

📌 ކާނެ ބޯނެ އެއްޗެއް ނުލިބި އަހަރުމެންގެ އަޚުން މަރުވެދަނީއެވެ. އެހީވެވޭނެ މަގު އަހަރުމެންނަށް ފަހި ވެފައިވާ ހިނދު، ޙާޖަތްތެރިކަން އިންތިހާއަށް ގޮސްފައިވާ ފަލަސްޠީނުގެ އަޚުންނާއި އުޚުތުންނަށް ޞަދަޤާތްތައް އިސް ކުރަމާ ހިންގަވާށެވެ.

📌 އޭ ލޮބުވެތި މުސްލިމުންނޭވެ! ތިޔަހިތްތަކަށް މިމަންޒަރު ބަލަން ކެތްނުވެއެވެ. ވީއިރު ޣައްޒާގައި މިކަން ތަޙައްމަލު  ކުރަމުންދާ މުސްލިމުންނަށް ވާނެވަރު އިޙްސާސް ކޮށްލާށެވެ. މިކުޑަދަރިފުޅު (ޔަޒަން) ނިޔާވެގެން އެދިޔައީ ބޭނުންވާ ބޭސްފަރުވާ ނުލިބި ، އަދި ބޭނުންވާ ކާނާ ނުލިބިއެވެ. އަހަރެމެންގެ  ބަދިގެތަކުން އިސްރާފަށް އުކާލަނީ ކިހާ އެއްޗެއް ހެއްޔެވެ؟ ފަހެ އުއްމަތަށް ތިބާގެ މުދަލުން ހޭދަކޮށްލުމެއް ނުވޭހެއްޔެވެ؟

{ مَّثَلُ ٱلَّذِینَ یُنفِقُونَ أَمۡوَ ٰ⁠لَهُمۡ فِی سَبِیلِ ٱللَّهِ كَمَثَلِ حَبَّةٍ أَنۢبَتَتۡ سَبۡعَ سَنَابِلَ فِی كُلِّ سُنۢبُلَةࣲ مِّا۟ئَةُ حَبَّةࣲۗ وَٱللَّهُ یُضَـٰعِفُ لِمَن یَشَاۤءُۚ وَٱللَّهُ وَ ٰ⁠سِعٌ عَلِیمٌ }
اللَّه ގެ މަގުގައި، އެއުރެންގެ މުދާ ހޭދަކުރާ މީހުން ހޭދަކުރާ ތަކެތީގެ مثال އީ، ކޮންމެ ކުރާގަނޑެއްގައި ސަތޭކަ އޮށް ހުންނަ ހަތް ކުރާގަނޑު އުފައްދާ އޮށެއްގެ مثال އެވެ. اللَّه އިރާދަކުރައްވާ މީހަކަށް (ثواب) ގިނަގުނަ ކުރައްވައެވެ. އަދި، اللَّه އީ، ތަނަވަސްވަންތަަ، މޮޅަށް ދެނެވޮޑިގެންވާ ރަސްކަލާނގެއެވެ.

[ސޫރަތުލްބަޤަރާ 261]

https://t.me/AlManarMv

أَوَلَمۡ يَرَوۡاْ إِلَى ٱلطَّيۡرِ فَوۡقَهُمۡ صَٰٓفَّٰتٍ وَيَقۡبِضۡنَۚ مَا يُمۡسِكُهُنَّ إِلَّا ٱلرَّحۡمَٰنُۚ إِنَّهُۥ بِكُلِّ شَىۡءٍۢ بَصِيرٌ
(سورة الملك ١٩)

މާނައީ: "ފިޔަތައް ދަމާލައިގެންނާއި، އަދި ފިޔަތައް ލައްޕާލައިގެން، އެއުރެންގެ މަތީގައި (އުދުހި) އުޅޭ ދޫނިތަކަށް އެއުރެން ނުބަލަނީ ހެއްޔެވެ؟ رحمن ވަންތަ ރަސްކަލާނގެ މެނުވީ، އެތަކެތި (ވެއްޓުނަނުދީ) ނުހިފަހައްޓަވަތެވެ. ހަމަކަށަވަރުން، އެކަލާނގެއީ، ހުރިހާއެއްޗެއް މޮޅަށް ބައްލަވާވޮޑިގެންވާ ރަސްކަލާނގެއެވެ."