‏كنْ محبته القديمه في صميم فؤادي
‏ صوغةٍ اقفى زمنها وعادها مدّسوسه

‏لو نطبق منطق النسيان بـ عقولٍ رزينه
‏البنادم لو بغى النسيان ماواجه صعوبه

‏لا تقول الحلم وين ؟ ولا تقول الصبر وينه ؟
‏يقدر الانسان ينسى لو تناقض في اسلوبه

‏شفني اصدق من نسى الحب وتناسى سنينه
‏كل طلة صبح اقبّل صورتك .. واقول توبه

هذا مُكانك فـ ايسر الصدر محفوظ
‏أوّل ربيعك فيه وآخر مبيتك

‏وهذا الشعور الي على الوجه ملحوظ
‏أحّس لا منّي نسيته عصيتك !

‏وعذب الكلام الي من شْفاك ملفوظ
‏لا من طرى عفت المنام وسريتك

‏وعلى الأراضي السبع مافيه محظوظ
‏" إلاّ أهل بيتك . . وزوّار بيتك "

إن لمحت اسمي ترفّق به وبادله المبرّه
‏كثر ما أبادلك شوق وكثر ما أودّعك هايب
‏ㅤ
‏لك على يمّة عروق القلب يالمغرور جرّه
‏ماتواريها السنين ، ولا تغيرّها النوايب .

‏الجو جو أثنين من غير " مركاه "
‏متراكي الغالي على كتف خلّه .

خلوني اخذ راحتي وارتاح من ضيق الخناق
محتاج لي سجّه تعيد الراحه المستبعده

‏سقتها بحملوها لين ابركت بي في النصيفه
‏ماعلى الخلق اتكّال ولا على الخلاّق كايد .

أعبد الله وأطلبه باللي تبي توصل له
‏وان سجدت أنسى إنزعاجاتك وخلك هادي
‏
‏يرزق اللِي ما لهم مذهب ودين وملّه
‏كيف مايرزق عبادٍ .. لـ الصلاه تنادي