السوشيال ميديا:- علاقات مبهمة ؟؟ في الاوان الأخيرة يواجهه الناس سؤال الى نفسهم هل علاقات السوشيال ميديا أن تؤدي إلى الزواج ف الإجابة هي ممكن. العالم بعد السوشيال ميديا لم يعد كما كان قبلها، لقد فتحت لنا آفاقًا واسعةً، وغيَّرت كل جوانب حياتنا، وأوصلتنا…

السوشيال ميديا:-

علاقات مبهمة ؟؟

في الاوان الأخيرة يواجهه الناس سؤال الى
نفسهم هل علاقات السوشيال ميديا أن تؤدي إلى الزواج ف الإجابة هي ممكن. العالم بعد السوشيال ميديا لم يعد كما كان قبلها، لقد فتحت لنا آفاقًا واسعةً، وغيَّرت كل جوانب حياتنا، وأوصلتنا بأصدقاءٍ وعلاقاتٍ وعوالم تشبهنا، مهما كنا مختلفين عن المجتمع الفعلي الذي نعيش فيه، وفتحت المجال أمامنا لنتعلم ونصل إلى أي شيء، حتى الحب، لهذا.. نعم.. من الممكن أن تحب شخصًا من خلال السوشيال ميديا، من الممكن أن تجد الروح التي تراها تشبهك، وتتوافق معك، ومن الممكن أن تنتهي علاقتكما بالزواج.

السوشيال ميديا قد توصلك بشخص يشبهك فعلاً، لكنها لا تضمن لك علاقة عاطفية سعيدة ومرضية، حتى وإن كان كلاكما شخصًا طيبًا ولطيفًا وحده، فمن الممكن ألا تتوافقا معًا، أو يصعب عليكما إنشاء علاقة صحية معًا بسبب اختلاف شخصياتكما، أو تباين طموحاتكما وخططكما في الحياة. هذه الأمور لا يمكن معرفتها عن طريق الرسائل والتغريدات فقط وإن كانت بداية، التعارف الحقيقي على أرض الواقع هو من يحدد إن كان الشخص مناسباً أم لا. عندها يمكنكما عندها التفكير في أخذ هذه العلاقة في طريقٍ رسمي.

الأصدقاء:-

غذاء الروح:

يلا ديل حرفيا ضحكه  الروح ودواء للقلوب وقوه للزول بمعني الكلمة، الأصحاب ديل عندهم في قلوبهم كل خير وسعادة وحب، الشباب البقيفوا معاك صح والبجبروك تحبهم وتحترمهم رغم أنهم ناس عادية جدا  بس بنحبهم و يحبونا و ما بينا اي شيء وبدون مقابل ولا اي حاجه كده نحبهم في الله مميزين عندنا وخلاص.

الاصحاب يعني الذكريات اللامحدودة والضحكه البتطلع من الجوف، السعاده اللانهائية، الأصحاب يعني الإحترام المتبادل، وجمال الروح، يعني الراحه النفسيه والفضفضه بدون حاجب أو حاجز .

يلا بجد  الاصحاب  زي الوطن  لو مشوا منك بتحس بي غربة و وحدانية كبيره شديد.
والاصحاب اخوان عديل بس تختلف نهايات أسمائهم.
والله العظيم تلاقي صديق واحد صح بس ينير ليك حياة كامله .

يلا الصديق الصح هو منو؟
هو البمشي عليك والعالم كلو مديك ضهره .
ولمن تتحرم من الصاحب الصح زي كأنك اتحرمت من النور تكون في ضلام بس.
الصاحب الصح ملاك  بلا أجنحة،
الصاحب الصح بجيك  دائماً في أوقات الشدة.
الأصحاب الصح معرفتهم شرف والمشي معاهم امان.
دمتم سالمين يا رفاق الدرب.
تحياتي لكم يا من تحملون ثقل الحياة عنا.

Friendship... is not that long list of people's names, but those souls that make you laugh even in the most difficult times.

الوحده:-

مسمار النعش الاخير:

من الاسواء علي الاطلاق أن تعيش وكانك ميت،
أن تلطخ حياتك دائما بي الفراغ،وتتسم طباعك بي العزله ، ليس من الغريب أن تعيش في مجتمع يراك حسب احتياجهم لك او ما تقدم ، أن يحكم عليك بمجرد أنه يراك تستحق.

نرى دائما في مجتمعاتنا البسيطه أشخاص يموتون وهم أحياء قتل  فيهم شغف الحياة،
وتمزق داخلهم مبادئ الحياة ، ترى أرواحهم تمزقها بعض ذئاب البشر ويستبيح دماءهم ذاك المجتمع الذي نزع منهم القدره على العيش.

دائما مانشعر بي الوحده رغم ازدحام البشر من حولنا دائما ، الوحده والانكسار والهزيمه والتكدس وكل الكلمات الدلالية لهذا الشعور
تتمحور حول هذا الانسان البسيط الذي يموت من هذا الشعور ، اني اشعر بما يشعرون تلك النظرات القاتله التي أراها في أعين المجتمع ،
انا أشعر كاني وحيد ومهموم مثلي مثل المخطئ الفاصل الذي يفرقنا عن درجات المجتمع أن حالي يجب أن يدوم حالا باكياً.
بكيت وهل بكاء القلب يجدي فراق احبتي وحنين وجدي

انظر الي هذا المجتمع نظره يأس واشمئزاز وقرف واقول بملئ فمي اني لا احتاج الي أحدا قريب لا احتاج الي أحد في دربي ولا احتاج إلى المساعده انا فقط أحتاج أن أكون لا شي اريد أن اعود (نطفه) جنين لا اعرف شي
انا فقط بحاجه الى حضن امى.

حياة الوحدة مصير كل الأرواح العظيمة.

Loneliness, brokenness and defeat are worse than poverty.

ياخ ما بتفهمي أنا عندي فطوررررر عننننددددي فطوووور مالك معاي ياخ...داايرة مني شنووو ياخ خليني في حالي احسن ليك...هي اتخلعت من نبرة صوتي لمن ...عيونها اتملوا دموع....قالت لي بي نبرة قريبة للبكاء آسفة بس كنت حابة اساعدك....شالت قروشها من الشنطة ويدها بترجف مسحت دموعها النزلوا فجأة... وطلعت طوالي....
________
قالت: سامحتني يالله
"كتبت كثيرًا عن الامتنان، والصَبر، والتخطي، والرِّضا وحين مسّني الألم نسيت كل ما كتبته، وبكيت"?*?
•••••••••••••••••••••••••••••••••••••••••••••••••••••••••••
☆يتبــــــــــــــــــــــــــــــــــــــــــــع☆☆
♡بــــــــــــــيــــــــــــــــــــجــــــــــــــة♡*

_اليوم التاني لبست هدومي ودايرة اطلع أبوي قالي: دقيقة يا بتي استني...وقفت وعاينت لي....قالي: أنا لمن قلت ليك تقري بس عشان حالتك تتصلح وأنا ما شايفاكِ بقيتي كويسة زيادة بقيتي ما بتطلعي زمان كنتِ مرات بتقعدي معانا بس هسي ما بتجي تسلمي علينا ساي...قلت لي: أبوي أنا دايرة أقرا عارفك ح تقول لي مدام ما متحسنة خلي القراية....
أنت شايفني إني بقيت أكعب من زمان ونسيت إني زمان عتبة الباب ده ما بعتبو ولمن دايرني أطلع إلا أكون ماسكة واحد منكم واطلع بس هسي بمشي المدرسة براي... وريني هسي أنا ما أحسن من زمان؟!
=يابتي والله أنا داير ليك الخير
_يابة لو داير لي الخير ما تحرمني من القراية
=طيب يا بني زي ما عايزة وهاك دي قروشك لليوم

شلت القروش وطلعت طوالي....ما بقدر اقولي ما دايرة عشان انا اصلا ما قاعدة افطر وكان للمواصلات المدرسة قريبة ما بعيدة شديد وكل ما يديني قروش بخطها بقول بديها ليهو بعدين
وصلت المدرسة كـ العادة الطابور بكون إنتهى وانا بجي داخلة الحصة ...والليلة حصتنا مع أستاذة الرياضيات الشاكلتني ديك...كنت دايرة ادخل ساي اتذكرت كلامها...دقيت الباب أنا حسيت بيها سمعتني وحتى شافتني بي طرف عينها بس ما قالت لي اتفضلي...دقيت الباب تاني مرة ..قالت لي بي نهرة ...ادخلي ....دخلت وقعت في كرسي...عاينت لي مسافة وقالت لي: اظن دي مدرسة ما زريبة حيوانات عشان تجي على كيفك ...نحنا مقدرين إنك واحدة مجنونة بس جنك ده اعملي بعيد اوعك تعملي معاي أنا عشان ما بحصل خير تاني ..ولو تاني جيت وشفتك مافي ما دايرة أشوف خلقتك دي في وشي

كلامها كان زي السم دموعي نزلوا مستحتها...قالت هلا هلا شوفوا جابت ليها بكاء كمان يلا قبل ما اخليك تجني زي المرة الفاتت اطلعي من هنا...قمت طوالي وطلعت ...مشيت قعت تحت الشجرة وأنا ببكي
=مالك يا طالبة
_عاينت ليها كانت الأستاذة الإنجليزي...مسحت دموعي النزلوا فجأة وقلت ليها أستاذة الرياضيات طردتني من الحصة....قالت لي: قصدك أستاذة ياسمين...قلت ليها: ما بعرف اسمها...قالت لي: مش إنتِ من أولى زهرا؟!...قلت ليها: اي...قالت لي: معانا دي ياسمين تعالي معاي ...
مشيت معاها ودخلنا الفصل...قالت ليها: لي كدا يا ياسمين بتطردي البت دي... أستاذة ياسمين قالت عشان جات متأخرة....قالت ليها: بس نحنا قلنا شنو....
"مافهمتا قصدها شنو "
...
أستاذة يا سمين قالت بس يا ندى البت دي بتجي متأخرة دائما أنا يشوفها لو إنتوا ما دايرين تنبهوها وتورها الصاح أنا ما بسكت لغلط ...والغلط غلط او عملو نصيح ولا مجنون...قالت ليها بي نهرا كدا... ياسمين!!!
قالت لي استاذ ندى ادخلي كنت مترددة بس تاني دخلت....قالت لي أستاذة ياسمين تعالي... طلعوا كانوا بتناقشوا بس ما سامعاهم كنت بعاين ليهم بالشباك...ياسمين بتنفض في يدها وتتكلم ... يعني بتتكلم بي كل قوتها واما أستاذة ندى كانت هادية وتتكلم معاها...بعد الناقش بتاعهم ده أستاذة ياسمين دخلت حمرت لي مسافة وبدت الحصة ....بعد انتهت طلعت طوالي...حصتها كانت دبل ...ادتنا تمرين ...كنت بحل فيهو...البت الجنبي قالت لي: كيفك....قلت ليها بدون ما اعين الحمد لله
تاني سكتت مسافة...بعديها قالت : أنا إسمي ...مروة وإنتِ؟!....قلت ليها برضو بدون ما اعاين ليها: إسمي صابرين...قالت لي: أسمك حلو..
ماردت عليها واصلت في التمرين بعد ما انتهيت كنت مترددة امشي لي أستاذة ياسمين....البنات كانوا بمشوا وبصححوا عادي...اتوكلت ومشيت ليها في مكتبها....من شافتني لوت خشمها.... أنا ما عارفه عملت ليها شنو...اديتها الكراس...صححت لي ومدتو لي بي طرف يدها...شلتو منها ومشيت...
وأنا طالعة من المكتب سمعت
_صابرين!!!
قبلت وراي كانت منى!!!...جات سلمت على وقالت لي: كيفك.... سلمت عليها بي تردد وخوف لمن هي إستغرابت مني قالت لي: والله ما كنت قايلاك ح تدرسي...بجد فرحت ليك شديد ..قلت ليها: شكراً...قالت لي: مالك خايفة مني؟!! ...سكت مسافة وقلت ليها: لا ومشيت طوالي...ما عاينت ليها أصلاً صاح ح تكون استغربت مني وانا لي زمن بقين ما متواصلة معاها...ولمن تضرب لي ما برد...حسيتها ديرة تسأل مالي وتلفوني مغلق لي بس ما بقدر أقول ليها ...أنا دايرة أبعد عن أي زول بذكرني بالماضي وخصوصاً...هي عشان بتشبة سليمان شديد.... حضنت كراسي شديد....ودخلت الفصل....كنت كل مرة اعاين على الشباك عشان اعرف جاية علي...من كترة التوتر لمن كنت بفكر يدي....مروة لاحظت لي وقالت لي مالك ..قلت ليها بي توتر...هااا مافي شي أستاذة المادة ما جات ...جرس ...الفطور ضرب ما طلعت برا وأصلاً ما قاعدة اطلع....الاسمها مروة جاتني وقالت لي: مالك مادايرة تفطري؟! من ما جيتي المدرسة دي يوم ما شفتك تطلعي عشان تفطري لو ما عندك فطور وريني...في النهاية انحنا زملاء....قلت ليها: لا عندي...قالت لي: صابرين ما تحاولي تكذبي على وريني ... مافيها شي...كوركت فيها وقلت...