#Тундан унумли фойдаланиб қолиш вақти
Китоблару - севимли хонанг,
Баъзан бахтга етарли шулар :)?

Одамлар наздидаги мавқеъингизга эътибор берманг. Одамлар сизга паст ёки баланд баҳо бериши, ҳавои нафс туфайлидир. Яхшиси сиз Аллоҳга муносабатингизни тўғриланг. Мусо алайҳиссалом Фиръавннинг наздида гапини очиқ баён қила олмайдиган хор одам бўлсалар, Аллоҳнинг наздида муҳтарам пайғамбар эдилар.

Ҳиссиётларни бошқара билинг.  Ақл билан иш тутсангиз юрак бир чеккада жим бўйсуниб туради. Ҳаётингиз бир маромда кетиши ҳисларингиз ва ақлингизни бошқара билишингизда. Баъзан юрак амрига қулоқ солинг фақат унинг йўлбошловчиси ақл бўлсин. Ақл кейинга қараб иш қилишга ундайди, юрак учун эса фақатгина ҳозир муҳим холос.

Ҳаёлларингизни йиғинг, ақлингизни ишлатинг, юракни амрини эшитиб ақл билан иш тутинг. Аллоҳ амр қилгандек яшанг, Аллоҳ буюрган ишларга таяниб қарор қабул қилинг. Ақл елкадошингиз,  юрак  ҳамроҳингиз бўлсин доимо.

​Энди бари ўзгарган. Ҳаёт ўша-ўша, инсонлар улғайди ҳалос.
Битмайди деган яраларга кўниктирди вақт. "Бўлмайди" деганларимиз билан синалдик, аммо кўникдик барига.
Ўз ҳаётларимиз билан шу даражада овворамиз-ки, ҳатто ўтмишни эслашга вақт ҳам йўқ бизда. Тўғрисиям шудир балки.
Энди на сиз сўрайсиз нималар бўлаётганини, на мен нимадир дея оламан бари ҳақида.
Соддалигимиз ўрнини, совуққонликка алмаштирдик - ниқобладик юзимизни ёлғон чеҳралар билан.
Яшаш билан овворамиз ҳали ҳануз етмаганидек...

Aamiin Robbim barchamizdan rozi bo'lsin, sog' bo'ling

Тушуниб ўқинг!

Ҳомиладор бўлиш, туғиш - ўйлаб қараса оддийдек кўринади. Шунча аёл туғиб юрибдику, ҳеч ким ўлиб қолгани йўқ. Агар туғиш шунчалар қийин бўлса, одамлар 2-3 талаб туғмас эди. Аввалгиларчи, 10-11 талаб боласи бўлган. ..

Озгина чидаб берса бўлди. Нима қилибди, сочи тўкилса, юзига ажин тушса, танасида ёриқлар пайдо бўлса?

Боланинг оғирлигини билан аёлларнинг қовуғи ҳожатни сақлолмай қоладиган бир ҳолга келиши, иситма чиқиши, йўтал, бош оғриқ, шамоллаш.. Шундай пайтда ҳам бирор бир дори дармонни қабул қилиш мумкин эмас. Нега? Сабаби буларни болага зарари бўлиши мумкин. Лекин, бу кимга қизиқ?

Аёл севимли либосини киёлмайди, кези келса севимли овқатини ҳам еёлмайди, истаганидек ухлолмайди, ўтирса туролмайди, ҳожатга ҳам тўғри чиқолмайди. Гормонал ўзгаришлар сабабидан сал нарсага хафа бўлиш, дил оғришлар, депрессия. Аёл ҳаммасига жим кўнади, нега ? Чунки, атрофдагиларга оғирлик қилишни истамайди. Чунки, у она бўлишни истайди, боласи, турмуш ўртоғининг бахти учун жим бўлади.

9 ой.. туғруққача тўнғоқларчи? Уларнинг оғриғини тасаввур ҳам қилиб бўлмайди. Лекин аёл бу оғриқларни кулиб қарши олади.
Нега? Чунки ҳар бир аёл яхши билади, ҳозир чақалоғини бағрига эсон омон олиб олса, ҳамма оғриқлари ўтиб кетади. Аёл шу жажжи қалбни бағрига босиш учун шунча синовларни бошдан кечиради...

Шу вақт оралиғида болага ота керак эмас. Ҳатто бола туғилгач 1-2 ой ичида ҳам ота керак эмас болага. Ота унинг онасига керак. Унинг руҳий соғлиғи, кўнглига керак. Онага отанинг меҳри, муҳаббат, садоқати, сабри керак. 9 ой аёл дуч келадиган шунча синовга эркак ўзининг сабри, меҳру муҳаббатини бахшида қилолмайдими?

?Синов фақат жазо учун келмайди, гоҳида поклаш учун юборилади…

?23 ёшли, оёқлари туғма шол, 23 йил ногиронлар аравачасида юрган бир қиз бола қабулимга келди. Орқасига йирингли яра тошган экан.
Яраларига дори қўйишни , буюрдим , бир тарафдан эса ўзим кесиб, йирингини тозалаяпман.
Ўзимча бу ёш қизни даъват қилгим келди.
Жуда ҳам хушчақчақ қиз эди. Ҳеч сиқилиш, аламзадалик, ҳолидан шикоят йўқ.
– Сен туғма шолмисан? - дедим.
– Ҳа, - деди.
– Демак ҳеч юрмадинг, югурмадинг,
ўйнай олмадинг шундайми? - дедим.

Қиз саволимни эшитмаганга олди.

Мен ҳам бўш келмадим. Бу сафар мўлжални аниқ олдим.
– Ҳамма арзимаган нарсалар учун қаттиқ асабийлашади, масалан, телефоним эски, бузуқ дейди.
Эрим билан тортишдик, дейди. Хотиним аразлайверади, болам йиғлоқ, дейди. Нарҳлар қиммат, дейди. Пулим йўқ, ишларим юришмаяпти, дейди.
Бўлар-бўлмас нарсаларни ДAРД ҳисоблайди. Сен эса шунча дардинг билан ҳеч нарса демаяпсан,- деб гапимни тугатмасимдан, қиз :
“Мен кетишни хоҳлайман, дори қўйишни тўхтатинг”, дея хонамдан чиқиб кета бошлади.
Мен яна бўш келмадим.
Сабабини сўрадим.
Шунда қиз мени йиқитган жавобни берди:
— СЕН РОББИМ БИЛAН ОРAМНИ БУЗИШГА ҲAРAКAТ ҚИЛЯПСAН. Мени неъматларга кўмган Роббим фақатгина оёқлар бермади. Ва бу билан мени имтиҳон қиляпти. Мен ақлимни таниган куним Роббимга сўз берганман. Роббимдан ҳеч кимга шикоят қилмайман. Унинг тақдирини айбламайман деб. Сабрим эвазига жаннатини берадиган Зотдан сенга шикоят қилмайман , - деди

Беш мингтадан зиёд пиадермия амалёти ўтказдим. Бирор марта пичоқ ёки қайчим қўлимдан тушиб кетмади.
Aммо бу қизни гапидан сўнг қўлимдаги асбоблар ер билан бир бўлди. Биринчи марта касал эмас, ҳаяжондан мен титраётган эдим.
Бу сафар ёрдамга муҳтож касал мен эдим.

Шундан кейин қачон дунё ташвишлари маҳзун қилса, сиқилсам, асабларим ўзимга бўйсунмаса унга шундай дейман:
“Туғма шал, ўша ҳолида ҳам Роббидан шикоят қилгани ҳаё қиладиган қиз эсингдами, ана унда сен ҳам дардлар, синовлар эвазига жаннатни берадиган, Жаннат эгасидан шикоятчи бўлма!”
Мени кўзимга бечора кўринган, насиҳат қиламан, Aллоҳни эслатаман деб бел боғлаган касалимдан бир умрлик насиҳатни, унутилмас дарсни олганман. Aсл бечора ўзим эканман…

⏳Хулоса эса, ўзингиздан азизларим....

?Қочиб кетгим келяпти, Раҳматингдан бунёд бўлган кўнгилга ...