⚡️Давлат томонидан ғаллага харид нархини белгилаш бекор қилинган

Фермерлардан келаётган мурожаатларни инобатга олиб қуйидагилар эслатиб ўтилади:

✅ Ўзбекистон Республикаси Президентининг 2020 йил 6 мартдаги ПҚ-4634-сон "Ғалла етиштириш, харид қилиш ва сотишга бозор тамойилларини кенг жорий этиш чора-тадбирлари тўғрисида"ги Қарорига асосан, 2021 йил ҳосилидан бошлаб давлат томонидан ғаллага харид нархини белгилаш амалиётидан тўлиқ воз кечилган;

✅ Фермерлар ва бошқа корхоналар томонидан етиштирилган ғалла барча истеъмолчиларга, шу жумладан, донни қайта ишловчи корхоналар, ғаллачилик кластерлари ва трейдерларга биржа савдолари орқали ёки тўғридан-тўғри шартномалар асосида эркин бозор нархида сотилади.

❗️Фуқаролик кодексининг 354-моддасига мувофиқ, фуқаролар ва юридик шахслар шартнома тузишда эркиндирлар. Яъни ҳеч кимнинг кимнидир мажбурий равишда, шу жумладан, фермерларга ҳам шартнома туздиришга ҳаққи йўқ.

Ҳурматли фермерлар: кластер, ҳокимият вакили ёки бошқа шахс сизга мажбурий шартнома туздиришга ҳаракат қилган ҳолларда прокуратура ва бошқа ҳуқуқни мухофаза қилиш идораларига мурожаат қилиш ҳуқуқингиз борлигини унутманг. Улар ўзига юклатилган вазифаларидан келиб чиқиб,сизнинг ҳуқуқларингизни ҳимоя қилишга мажбурдирлар.

Ўзбекистон-ҳуқуқий давлат!

#билибқўйинг

? @deputat_kusherbayev

Assalomu alaykum qadirli obunachilar ushbu kanal nomalum sabablarga ko'ra bloklani uchun xabar yozolmagan edik va nixoyat kanalimiz blokdan chiqarildi.

​​Фермер нега кўкармайди?.. Чунки у рўзғорига қўшиб амалдорларниям боқиши керак

Ҳозир айни ўрим-йиғим мавсуми — ғаллага ўроқ тушган. Кўз қувнайдиган манзара.
Майли ҳозир гап ундамас. Дала бошида камида 20-30 та машина ва бир гуруҳ казо-казоларнинг соялаб ўтиргани эътиборимни тортди. Бу ҳолатни Тошкент, Сирдарё, Жиззах, Самарқанд ва Қашқадарё вилоятларида ҳам кузатдим (бошқа вилоятларда ҳам бўлиши мумкин, лекин мен кўрганларимни айтяпман). Битта комбайнга шунча одам нега керак?

Ички ишлардан, вилоят ва туман ҳокимликларидан, маҳалла раисию посбонларигача, ҳатто, банкирлар ҳам комбайнга қоровул қилиб қўйилган, деди қашқадарёлик фермерлардан биридан бунинг сабабини сўраганимда.

Ҳайрон қолдирадигани, бу билан қайсидир марказда ўтирган “ақлли” амалдор ўғирликнинг олдини олмоқчи! Аслида нимани, кимни кимдан қўриқлаяпти? Фермер ўз ҳосилига ўзи ўғирлик қиладими? Агар буни истаганида, яна элликта қўриқчи қўйганида ҳам ишини амаллаган бўларди...

Қўй сўйиб, камида 50 кишига дастурхон ёзади. Кейинги фермер даласига ўтиб кетгунча “юқори”дан келганларнинг тушлигию кечки зиёфатигача кўтариши керак.

Қаҳратонда қалтираб ғаллага сув тараган, бутун оиласи билан шу ҳосилга кўз тиккан фермернинг оддий ишчиси қолиб, ҳосил тайёр бўлганда хирмонда ҳозир “азамат”ларга иззат-ҳурмат кўрсатилади. Жуда ғалати...

Бозор иқтисодиётига асосланган советча бюрократия...

Бизни кузатишда давом этинг👇👇
https://t.me/joinchat/AAAAAE-8OBEIuKJJ6ouDAA

“2020 йил ҳосили учун экилган бошоқли дон ҳосилини ўз вақтида ва сифатли ўриб-йиғиб олишни ташкил этиш чора-тадбирлари тўғрисида” Ҳукумат қарори қабул қилинди.

Қарорга мувофиқ, 2020 йил ҳосилидан давлат ресурсларига 3 019 минг тонна, шу жумладан, 293,5 минг тонна уруғлик дон харид қилинади.

Қарор билан ички бозорда дон нархлари барқарорлигини таъминлаш тадбирларини амалга ошириш учун 2020 йил ҳосилидан давлат ресурсларига олинадиган бошоқли донни харид қилиш нархлари белгиланди. Хусусан, 1 синф қаттиқ буғдойнинг харид нархи (қўшилган қиймат солиғи билан) 1 тонна учун 2 543 180 сўмни ташкил этади.

Барча дон тайёрлов корхоналари ва ғаллачилик кластерлари қўшимча харид қилинадиган донни хўжаликлар билан келишилган нархларда шартнома асосида харид қилади.