Ҳадис 3/40
Ислом шартлари

Абдуллоҳ ибн Умар розийаллоҳу анҳумо ривоя қилади: "Расулуллоҳ ﷺ бундай деганларини эшитдим: "Ислом беш нарса устида бино қилинган. Аллоҳдан ўзга илоҳ йўқлигига ва Муҳаммад ﷺ Унинг пайғамбари эканига гувоҳлик бериш, намоз ўқиш, закот бериш, (имкони бўлса) Каъбани ҳаж қилиш ва рамазон рўзасини тутиш"
(Имом Бухорий ва Муслим ривоятлари)

@kitobdaniqtibos

Ҳадис 2/40
Ислом, Имон ва Эҳсон

Умар ибн Хаттоб РА ривоят қилади: "Бир куни Расулуллоҳ ﷺ билан ўтирган эдик. Шу пайт оппоқ кийинган, қора сочли, ҳеч қандай мусофирлик аломати бўлмаган, биронтамиз танимайдиган бир киши тўғри Расулуллоҳ ﷺ ҳузурларига келиб, тиззаларини у кишининг тиззаларига теккизиб ўтирди ва қўлларини тиззалари устига қўйиб сўради: "Эй Муҳаммад, менга Ислом нималигини тушунтиринг". Расулуллоҳ ﷺ шундай жавоб қилдилар: "Ислом Аллоҳдан бошқа илоҳ йўқлигига ва Муҳаммад Аллоҳнинг расули эканлигига гувоҳлик беришинг, рамазон рўзасини тутишинг, имконинг етганда ҳажга боришингдир". У одам: "Тўғри айтдингиз", деди. Биз унинг ҳам сўраб, ҳам таслиқлаганидан ажабландик. У киши давом этиб: "Айтинг-чи, имон нима?" деб сўради. Расулуллоҳ ﷺ: "Имон Аллоҳга ва Унинг фаришталарига, китобларига, пайғамбарларига, охират кунига, яхшилик ва ёмонлик қадаридан эканига ишонишингдир", дедилар. У: "Тўғри, айтдингиз", деди. Сўнг: "Айтинг-чи, эҳсон нима?" деб сўради. Расулуллоҳ ﷺ: "Эҳсон Аллоҳ таолога (худди) Уни кўриб турганингдек ибодат қилмоғингдир. Зеро, сен Уни кўрмасанг ҳам, У сени муҳаққиқ кўриб турибди", дедилар. Сўнгра: "Айтингчи, қиёмат қачон қачон (бўлади)?" деб сўради. Расулуллоҳ ﷺ: "Бу тўғрида сўралаётган киши сўраётган кишидан ортиқроқ (нарсани билмайди", дедилар. Шунда у одам: "Ундай бўлса, қиёматнинг аломатларидан хабар беринг", деди. Расулуллоҳ ﷺ: "Жориялар ўз эгасини туғиши (ўз ота-оналарига хўжайин бўладиган фарзандлар туғилиши) ҳамда оёқяланг чўпонлар баланд иморат солишда мусобақалашишларини кўришингдир", дедилар. Шундан сўнг у одам кетди. Мен бир муддат кутдим. Кейин Расулуллоҳ ﷺ: "Эй Умар! Биласанми савол берган киши ким эди?" дедилар. "Аллоҳ ва расули яхшироқ билади", дедим. Расулуллоҳ ﷺ: "У Жаброил бўлиб, сизларга динингизни ўргатиш учун келган эди", дедилар".
(Бухорий, Муслим, ва Ибн Можа ривоятлари)

@kitobdaniqtibos

Ҳадис 1/40
Ният ва амал.

Умар ибн Хаттоб РА ривоят қилади: "Расулуллоҳ ﷺ бундай деганларини эшитдим: "Албатта, амаллар ниятга боғлиқдир. Ким нимани ният қилса, ўшанга эришади. Ким Аллоҳ ва Унинг Расули учун ҳижрат қилса, унинг ҳижрати Аллоҳ ва Расулига бўлади. Ким мол-дунёга эришиш ёки бир аёлга уйланиш ниятида ҳижрат қилса, у кишининг ҳижрати ният қилган нарсаси учун бўлади." (Бухорий, Муслим, Абу Довуд, Насаий ва Ибн можа ривоятлари)

@kitobdaniqtibos

40 ҳадис
Закариё Имом Муҳиддин ибн Шараф Нававий

"Ким умматимга дини билан алоқадор қирқта ҳадис ёдлатса, Аллоҳ таоло уни қиёмат куни фақиҳлар ва олимлар гуруҳига киритади." Муҳаммад ﷺ

Яхши ният билан 40 кун 40 ҳадисни ўрганиб қўйиб борамиз.

@kitobdaniqtibos

Ҳалққа яхши хизмат қилмоқнинг шарти аввало Ҳаққа яхши қул бўлмоқдир. ©

Маҳмуд Аъсад Жўшон
"Муршиди комил ҳикматлари"
@kitobdaniqtibos

Кўп ўқибсан аҳли юнон ҳикматин,
Бас, ўқиб кўр аҳли иймон ҳикматин.

*© Мавлоно Жалолуддин Румий*

@kitobdaniqtibos

Онгости жараёнларини онглига ўтказмагунимизча улар ҳаётимизни идора қилади ва биз бу ҳолатни тақдир деб атаймиз. © Карл Юнг

Жеймс Клир "Атом одатлар"@kitobdaniqtibos

... бирор воқеани қайта ва қайта бошдан ўтказаверсангиз миянгиз муҳим деталларни аҳамиятсизлардан ажратиб оладиган бўлиб қолади. У мос келувчи сигналларни алоҳида белгилаб, уларни келажакда фойдаланиш учун каталоглайди. ©

Жеймс Клир "Атом одатлар"@kitobdaniqtibos

Инсон мияси - башоратловчи машина. У тўхтовсиз равишда атроф-муҳитни кузатиб, олган маълумотларини таҳлил қилиб боради. ©

Жеймс Клир "Атом одатлар"@kitobdaniqtibos