عشاق الحسين
حسين الزاد اليخلونه بل سفره
حسين ريحة الجنه وريحة الزهره /لخادمكم ✍️
للتواصل،،، @ba2004cr
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 day, 5 hours ago
#تقربا_اليك_سيدي#طامعين_بفضلك_ان_تجعلنا_من_خدامك موطن الهله = اسمه كربلهبيملكعشگناهاحرفاربعه = عشگهمنفعهبدمنحركتبناهفرحةالمهد = منيجيالولدهيجيفرحتيوياهبواهساليحب = انهوالگلبصحنهواحسيناهمثلالعلگفوكالشباكروحيارداشدههتظلوياكمنايدكهايلايدكهاييابورقيهوعدعيناكاليعشكيضمعشكهعنالعالمينوانااصرخياخلگعاشكحسين،،انااحبكصدكبسموحبوفاءخلاروحادرسوفهمنامالبنين •••••••••••••••••••••••اتطشرتالك = لمنيمجلسكوبالكلبحجيهوايمحبسبصبع = يبقهاثرطبعبلطمتيالمَثلجايوديياسمه = لبنُفاطمهجروحيبحزننايلاردتنفع = لاردتربعبس الك يمولاي
شنسوي ونجازيك ابيش
وبينه الذنوب اعدال الجيش
قصرنه كلش وانته حنين
ما عاتبتنه بكلمة ليش
العشك مو كلمة احبك لو لقاء
العشگ من تعيش حر طف كربلاء
هدوم ذب عابس واجه بصدره اعله موت
وانا ما ساطرلي عين بنص عزاء
••••••••••••••••••••••••
الرحمه والرزق = دينك اعتنق
حبك فرع دين
يفرح العبد = اسمه ينوجد
يم سجلك حسين
دمعي حظنه خد = جرحي ما برد
حلوه دمعة العين
لطمت الصدر = للمحب جمر
بيهه تشفه الايدين
اربع فصول الكون اتدير
وعاشورك خامس فصل يصير
ذره ولا منطيك حسين '
اسف حبيبي ع التقصير
الزلمه من حچايته اتكضه الرجال
وانه احبك مو سوالف لا افعال ، ،
وانتچيت اعله الهوه بزود الحسين
وهذا خادم افتخر عني ينگال
•••••••••••••••••••••••
احلى مرحله = من تجي اله
والعشگته ينطيك ، ،
تشعل الخَدم = شمعه للخيم
وتخلص بچي اعليك ،
بالسهر حلم = سولفه النجم
من عندك وليك ،
يبدي مولدي = أنته سيدي
وأكبر على ايديك ،
يا هدهد سليمان المار
وديلي من مولاي اخبار
نار الدليل اشتعلت شوگ
وبرد وسلام تصير النار
الحچي مابين الگلوب البي وداد
وضال مثل الما اندل رايح وراد
كلشي بي ذكره الك افدي بروح
ومن چفافي اهل العزاء اخذ مراد
•••••••••••••••••••••••
⁃ علي مهدي المالكي
فاطم يل قائم اتناطر چف اعله الديرة
شيخ وبعيونه يتجادح ثار ام الغيرة
بس أشر بيدك إتفز الدنية إبتأشيرة
فاطمة اتناطر ضهورك يل سبع
تكسر ايدة اليقبل ابكسر الضلع
خطوة امشي وشيعتك من تنجمع
ارواح لترابك الجدم يفدونها
العَجَل العَجَل ......
///////////////////////////////////////
ابجدّك معروفه لو نازل صولة فقّارة
يل تشبه حيدر اچفوفك شمرة بتّارة
ما تبرد نارة دلّالك ما تبرد نارة
إلجام هاي الدنيه بيديك إنلِجَم
(إن يكن) حاسب الگايلها و هِجَم
لا عرب تشفع لفعله او لا عجم
يوم دار الفاطمة ايحرگونها
العَجَل العَجَل .....
//////////////////////////////////////
اضهر يل قائم او رتّل آية ابقرأٓنك
للغيم الراية خل توصل واحكم ميدانك
بل زهرة اتسولف اعيونك گلبك ولسانك
آية التطهير بيدك قائمة
يالثارات الزچية فاطمة
الدافع البسمار چفك خاصمة
الفاعل و قوم الذي يرضونها
///////////////////////////////////////
الدنية ومابيهه تتوسل بمداسك اجدامك
رايه و مخطوطة بل ثار اعله اصفاح اعلامك
من هاشم هيبة و الشافك يوگع گدامك
الثار يامهدينه شد فقارهه
داوي جرح الضلع من بسمارهه
صيح وين الگبل حرگو دارهه
وامسح امن الزهرة دمع اعيونها
///////////////////////////////////////
تنشاف الغيرة بعيونك شيخ و تگضيهه
وادخيل اچفوفك ادخيلك ياهو ايلاويهه
الگاع اشتاگت اجدامك تتشمه اعليهه
ادخيل چفك بالمعارك لو نزل
اخذ ثار المحسن ابزغرة انچتل
الشيعه تنطر يمته مولاي العجل
اتراب جدمك كحله فوگ اجفونهه
العَجَل العَجَل...
شور ...
مصطفى البنداوي
//مهابة آل هاشم//
زينب بالشجاعه مالها مقياس
ياهيبة علي وحجايت العباس
وكفت حيد هاشم سكتت الاعداء
لمًـن بالقــصـر ومگابلتها الناس
كلها صفنت بيها .. الله لمجليها
مو مره ياودام .. شوصف انه عليها
المهيوبه ... اخت الكمر
★★★★★★
شحجيلك عليها وهيه بت حيدر
يمن فدوه لسمها العالي المقدر
يبت خير الله عله الدنيه
نجوم البل سمه اعليها ماتنظر
بالستر اعجوبه .. زينب المهيوبه
والاثر مالته .. ينمسح بدروبه
المهيوبه ... اخت الكمر
★★★★★
هــــيه للشجـاعـه والعبوديه
بت حيدر علي اصل الحيوديه
يسر استصعب وحيرنه ابحله
الكواكب والارض يم زينب شويه
هيه احله احجايه .. مو فقط للغايه
هذا واقع لازم .. ننطي حقها هوايه
المهيوبه ... اخت الكمر
★★★★★
مهابة ال هاشم واكفه بسدها
جليلة وصابره والمعظمه العدها
يحتار القلم يكتب عليها ابيات
يوكف معصمه ايده الرايد يحدها
عالمه ومحتامه .. بالعلم وافهامه
ماكو نص ايكفي .. يعجز ابقلامه
المهيوبه ... اخت الكمر
★★★★★★
خادم القصيده ..
#سيد_اسعد_الموسوي
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
جيت يمك روحي متـــروسه ذنوب
وتوبة الحــــــر على بابك ارد اتوب
حسين اذا تطردني من بابك اضيع
ياهو غيرك انـــــــــت ستار العيوب
انــــــــت ساترني بعباتك
يالمضـــــــــــحيلي بناتك بيش اجازيك
بابك ادعــــي بكلب نادم
حسين بس اقبلني خادم ارد اواسيك
انطيني بس نية حبيب
ارد اخــــدمك يالغريب
وانعه للشيب الخضيب
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
تلچمني اريد بسهم من اسهامك
احسبني ماي وطفي بيه خيامك
لا تخلي الدنيه تاخذني بعيد
خذني ارد اخدم ضعن ايتامك
بكيفك انه امشي يمولاي
انه من هاي ايدك الهاي ياجبيري
كلبي بمحــــبتك كسيته
وكله من جيسك خذيته هاذه خيري
ها انا عبداً مطــــيع
احسبني خادم للرضيع
انه لو مــــا انت اضيع
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
انطيني دمعه ارد ابجي وي الطاهره
الركضت مــــــــن الخيمه للتل حايره
مادلك ايـــــــــــدي وصيحلك دخيل
روحي بشـــــــــجم ذنب جتك عاثره
شارد مـــــن اذنوبي اجيتك
نادم اتعـــــــــــــــنيت بيتك لاتردني
من الذنب جيت استجيرك
ارحـــــــــم الماعنده غيرك لا تردني
هنا يالمترس اجروح
الغير بابك ما اروح
عليك بس رايد انوح
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
انه غلـــــــــــــــطان اعتذرلك نادم
الدنيه لهـــــــــــتني ولهتني الوادم
رحت عــــــن دربك يبو الاكبر بعيد
وانت كاتبني بســـــــــــجلك خادم
الدنيه موسم وانت عارف
وانه منها اهواي خايف باجر اخسر
الماحصد دمعه بعزائك
ماتشمله انت بدعائك يابو الاكبر
خذني مشيني برامك
وحيل ذوبني بغرامك
وكلبي جويه بخيامك
يابو عبدالله يابو عبدالله
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
الحن خاص 👈 @ba2004cr
يا فاطمه . يا فاطمه
ما ينجبر عمره ضلع
وراحن عيوني منلدمع
زهرة حياتي غربت
لا الها صوت وينسمع
نحنه ضهري ونيني عذب اناس
صبحت كوه اجرن حته النفاس
ؤذبلت فاطمه جن وركت لياس
بيتي صبح خرابه. ودمها فوك الترابه وكله دمه
راحت شمعت حياتي. وتمنه بس مماتي. وي فاطمه
♡♡♡♡♡♡♡♡♡♡♡♡♡♡♡♡♡♡
وجه الحسن وي دمعته
وبيده يدك عن هامته
كله دمه ويبجي دمه
وبعينه يّشرح قصته
ويصيح يمه حضنج وين الكاه
وانه أبجي وانوحن ويه مبجاه
مفرد وحده كاعيـــد محد وياه
مايدري سم يموته..... وتتباجه كل اخوته..... من فركته
والله محنته صعبه..... ويتقيأ حته كلبه....... من شدته
♡♡♡♡♡♡♡♡♡♡♡♡♡♡♡♡♡♡
يبجي وينوح ومنكسر
وجتال اخوه منه يمر
هاذه الحسين كلبه ترف
ومن دمعته عيونه حمر
ويكلي بويه هم ترجع تلمنه
تطشرنه يبويه راحت امنه
فوك الضيم والله زاد همنه
بعينه شفت مناظر.... وبهيمه وحده حاير .... هوه وهله
سيوف الظلم توذره.... ومن السحك تطشره... محد اله
♡♡♡♡♡♡♡♡♡♡♡♡♡♡♡♡♡♡♡
زينب تكول تيتمت
وي موتتُ امي هم متت
ومحضره كاّروكي لخوي
علكاع بّس دمها شفت
وشفت بعيونها دخان وخيام
وتركظ للخيم ودك عله الهام
تمشي مكيده ومسبيه للشام
عل ناكه كيدوها..... وتنضر على اخوها...... موذر وذر
تباوع على عظيده..... وبجربه بجلبه أيده..... يم النهر
✍️محمد باقر المالكي
بِـأبـي اَنْـتَ وَاُمّـي أبـاعـبـدالله
الدنيا ابيعنها وابيع امي وابوي
وما ابـيعك لـو يـوزنـوني ذهـب
اشكد امس كالولي اتحب الحسين
ميت الف مره كلتها ابكد وهب
فدوه اروحلك يـبـعد العافيه
غالي وداعت الركضت حافيه
مشتريك ابماي وجهي وما ابيع
صافيه العشره وحكك صافيه
ماداخل وياك ابدغش
ذابحني يالمالك نعش
عشكي مثل عشك البدو
راضع حزن يوم اهدعش
بِـأبـي اَنْـتَ وَاُمّـي أبـاعـبـدالله
ليش احب غيرك وكلبي بين اديك
وحك رصعت شاربك ميت عليك
عد اهلـنه الما يحبك مـو شـريف
وما يسمعونه تره الما يحجي بيك
ما اعبر الجلمه اذا مو مالحه
لو يموت الغاثك ما اصالحه
ليش اساوم وانت عزبت الرماح
مايساوم دوم راعي الفاتحه
يالجامع احروف الـغـزل
اتـغـزل ابـغـيـرك فـشـل
يـابـعـد روحـي سـيـدي
يـمـك يـغـركـنـي الخـجـل
بِـأبـي اَنْـتَ وَاُمّـي أبـاعـبـدالله
مـوبـديـه اشـتـاكلـك وهـواي اغـار
ودي بـين اعيـونـي اسـويلـك مـزار
ادري احـله مـن الصـور كالـو عليـك
اشهل جمال اشهل وسامه اشهل وقار
مال املك هـاي ابد ناسيـهه
وابو فاظل دوم ما اسويهه
انه عايش وكتي اعله الياحسين
وكل حياتي ابمجلسك كاضيهه
يالـمـخـلـف عـلـي الاكـبـر
اوصـفـك لـيـش بالـهـزبـر
جـمــالـك مـحـد يـحـده
جمـيل اجمـل امن العنـبر
بِـأبـي اَنْـتَ وَاُمّـي أبـاعـبـدالله
مـن عرفـتك يلـه حبـيـت الشـموخ
حـكي من اتـفاخـر وحكـي من ادوخ
انـه مـا شـايـف بـشـر هـاكـد حـنيـن
شيخ بـس محـد يـشـبها امن الشـيوخ
غيمـه ومفيـي اعلـه كـل الـوادم
مـا يجـازي حسـين دوم الـخـادم
شال راسه وعرجـت بيـه السيوف
لازم انـشــيـل الــتـنـاقــض لازم
عـفـت الـربـح لهـل الـربـح
مـا تـاجـرت صـاحـب جـرح
داعـيـك امـعـذبـه الـخــدر
مـن طلـعو حـافـي الـصـبـح
بِـأبـي اَنْـتَ وَاُمّـي أبـاعـبـدالله
بـصـاية الله وصـايـتك انـه الـزغـير
يـا جـبـيـري وحيل احـبـك يا جبـير
لا فـلان ولا فــلان يحـدنـي بـيـك
مـا اتـشـرف عبـد عـد غـيـرك اصـير
مـا اخـاف ولا اچـن وتـخـاذل
امفاشل الخدمه برفاهه امفاشل
وياك محلاته التعب مابي تعب
بالـمـواكب سـري ضـاع اتنازل
مـاي الـمـواكـب يـخـتلـف
ضكـته وصرت زلـمه كـلف
امشـبعـني يـالشـابـع عطـش
اخ اشكــثـر كـلــبـك تـرف
✍️? انـور الـسـهـلانـي
اني رايح .. ياخيتي ودعيني
اني رايح .. بيدج اشبكيني
زينب بالسلامه . عينج عاليتامه
*
لو شفتي الشمر . كاعد عالصدر
غمضيهن عيونج
ويأمره عمر .. ويحز النحر
الغايه يأذونج
لمن انذبح .. فوكاهه بحقد
زينب يشتمونج
راسج يشيب من وكت ودموعج تفور
ظهرج يزينب ينحني تشوفيني منحور
راح اعوفج .. وحدج بلا والي
راح اعوفج .. والموته تحلالي
عندج جن قيامه . عينج عاليتامه
خويه تحملي .. لمن انجتل
معناهه مسبيه
كبالج ينرفع . راسي اعلى الرمح
تشوفينه يوميه
وي راس الكمر . يتلاكه بسبي
ويشاهد ارقيه
بسوط الشمر من تنضرب يوجع ضلعهه
تندبني مااكدر اجي وامسح دمعهه
اني ادري .. كلبج يفجعونه
اني ادري .. متنج يضربونه
يالمثل الحمامه . عينج عاليتامه
زينب لو متت . يحركون الخيم
وانتي بلا والي
وارقيه تون . ترجيه النذل
يسلبهه جتالي
وتكله بألم . اتركهه شخذت
جاباهه الي الغالي
بس هيه ظلت ذكره الي وانته الخذتهه
جي بيهه ريحة والدي هل سلبتهه
خويه صبري .. يطفوهن شموعج
خويه صبري .. ضميهن دموعج
راحو هالنشامه . عينج عاليتامه
*
بالسوط الشمر . يضربج عالمتن
ودم المتن سايل
تكليله ابتعد .. لاتضرب مره
لاانده الكافل
وي الاجنبي . تمشين بسبي
تصيحين ابو فاضل
اعذرني ياراعي العلم غصبا عليه
مشوني بدروب اليسر وانه شبديه
كل اخوتج . فوك الثرى طاحو
كل اخوتج .. زينب ذبح راحو
يااخت الامامه . عينج عاليتامه
كبالج انذبح .وبخيل انسحك
كلبج علي جمره
جم ضلع انكسر .بخيول العده
ابالج تجي الزهره
وخدج ينسطر . وابالج يمر
ضلع امي والسطره
بحرك الخيام تذكري ذيج الفجيعه
لمن اجه الطاغي وشعل باب الوديعه
جم يتيمه .. كبالج تجي وتنحب
جم يتيمه .. بذمتج تظل زينب
فكدت لابتسامه . عينج عاليتامه
رايح ماأرد . بسهام انترس
جبدي يصوبونه
برماح انطعن . جم جرح بجرح
نحري يكطعونه
ماعدهم رحم . راسي اعلى الرمح
جسمي يوذرونه
مايستحون امن النبي ومن الزجيه
هجموا عليج بلا رحم صاحوا سبيه
متنج احمر . لمن يضربونج
متنج احمر . زينب يجرحونج
بمتنج جم علامه . عينج عاليتامه
الشاعر ابو ابراهيم البغدادي
اخت عباس يهالناس اجتكم بالضعن
___
هاي الاميره والكلها غيره
لارض المدينه ردت جبيره
اجبيره بفعلها ماكو مثلها
وبراس اميه فرگت رجلها
من راحت مسبيه هيبة حيدره
نظرتها ومشيتها سبع الگنطره
ردت بزود بلزنود علن لمن هون
___
تسولف عبيها ونسمع حچيها
مادنگت راس هاي ام اخيها
اسمعلي هايه احسبها روايه
زينب يهالناس ستر العبايه
مهيوبه ومحشومه وامستره العبي
زينب صح مرسوله للطف جن نبي
تبين انساب بالاحجاب رغم كل المحن
___
الضيم الاجاها صلبه لگاها
زينب يوادم چن جدها طه
يم.جدها هيه چنها الزچيه
تسولف على الصار بالغاضريه
صح اخواني انذبحو بس علنو نصر
وانه اوياهم هيبه طبينه القصر
نصر الاحسين الى الدين صفه باغله ثمن
___
لمن سبوني جنهم نسوني
واتذكرو حين حيدر لگوني
صوتي هزمهم وطفر عزمهم
واگبالي نسوان صارت زلمهم
من احجي بأي كلمه يسكتلي الخصم
لن يدري بالساني يلصمهم لصم
انه عباس للارجاس اظل طول الزمن
___
اخر كلامي صوتي حسامي
والساعداني ابني وامامي
صرنا حكايه انسكت ولايه
الفكر يذلنه مات اويه رايه
صرنا احنه للطاغي كابوس وخطر
يشهد النه قصره وكل الي حظر
صرنا چن نار للاشرار عزم بينه انفتن
الخادم كرار الفاطمي
حسين يابويه يابويه يابويه
بويه جيتك كوم ليه
بويه شوف صار بيه
مّحتاره بهيمه ظلمه
وبجمر محروكه اديه
جنت اميره. صرت اسيره. بعدك بويه نولينه
الخيل اجتنه. وطشرتنه وبحبل شداو ادينه
♡♡♡♡♡♡♡♡♡♡♡♡♡♡♡♡♡♡♡
بويه سولفلي شجرالك
فدوه طمئني ﻋلحالك
عل رمل نايم هظيمه
وحته متوذر خيالك
وذره وذره. وين ادوره. بويه مگطوع اصبعك
منين اشمك. خاف الجمك. بويه مطشر انظُرك
♡♡♡♡♡♡♡♡♡♡♡♡♡♡♡♡♡♡♡♡
وهل صفينه بلا عشيره
ويحدي بينه لماله غيره
وعمتي زينب بهذلوها
تمشي مجتوفه واسيره
والله حيره بلا عشيره. دنيه ضلمه ولونه
يطكنه بيده. يجر حميده وبحبل غصبن خذونه
♡♡♡♡♡♡♡♡♡♡♡♡♡♡♡♡♡♡
موحشه وضلمه الخرابه
ونمنه بويه عل ترابه
ولخرابه كله ضلمه
نبجي ونصيح يبابه
رمشي شيب. گلبي ينحب متني ازرگ يغالي
گوه اشهگ. وسفه انطگ. غيرت شكلي الليالي
✍️محمد باقر المالكي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 day, 5 hours ago