*КУЗ.
Куз, мезонларинг бўйнимга дордир..
Кузак шамолидан жунжикар этим.
Кетиб бораяпман хазонинг янчиб..
Кўзим ёшларида тўкиб дардларим.

Куз, ёмғирларинг таскин юракка,
Кечмишим ювгандай, ғубордан ҳоли.
Покланиб чиққандай, руҳим фалакка,
Ишқ билан қоришиб кетган маҳали..

Куз, булутлар қатидан нурни излайман..
Исингим келади озроқ тафтига..
Неларни ўйламай, нени истамай..
Барча яхшиликлар икки кафтимда...

Куз, уфқдан қизариб тўлишмоқда ой...
Оқшомга бошини қўймоқда очун..
Эртанги келажак умидларга бой...
Орзуларла яна, уйғонмоқ учун !

✍️Юлдуз Абдусамад қизи.
Бир чимдим меҳр.*

Қалб дафтаримдан..........✍

Эслайман...
Ёдимда ёзилар Исминг,
Тил боғлаб кетгансан,
сўзлолмам энди.
Эслатар телефонни,
ноль бешта қисминг,
410-80-17.

СЕН якто термулиб кўкнинг бўйига,
Ёдланим қолганим хотиринг қил чоғ.
Уч юз олтмиш томир ошиқ кўйида,
Наҳот куттирмоққа топмаса яроғ.

Борлигим
Висолга ичилган қасам,
Соғинчни сўрама,озорни элтди.
Севишимни айтиб наҳот алдасам,
410-80-17...

Қилолмам қўнғироқ,
ғурурим осмон,
Наҳот нолаларим сенгаки етди.
Мен севган бу рақам ёдимда
Ҳамон,
410-80-17.

Имкон бор
йўлингга муштоқ кўзимни,
Пойингда нигорон этган қисматим.
Урушдим сўзимга кирмас ,,Ўзим"ни,
Биласан,
кутасан,
Ёлғон қилмадим...

Сайёра Рахимий қизи

**Mehr qanotida dunyoni kezdim
O‘zni doim baxtiyor sezdim
Men sevildim bir bora emas
Umrim bo‘yi bir bora sevdim

ROSTNAVIS**