Savolda ikki joyda bir so‘zdan harflar tushirib qoldirilgan.

Qo‘shiqni ilk bor ijro qilgan Qobilqori Siddiqov eslashicha, qo‘shiq dastlab nomga ega bo‘lmagan. Shunda O‘zbekiston radiosi xorining rahbari atoqli san’atkor Abdulhaq Sultonov, - “Og‘ayni, qo‘shig‘ing nihoyatda SO‘M bo‘libdi. Unga “SO‘M” deb nom bera qol” degan taklifi bastakorga ham, kengash a’zolariga juda ma’qul bo‘lgan. Shundan so‘ng, qo‘shiq shu nom bilan butun O‘zbekistonga yashin tezligida tarqaldi, ulkan shuhrat topgan.

Savol: So‘zni to‘liq yozib bering.

Boshlovchiga eslatma! Javob audio tarzida qo‘yib beriladi.

Javob: So‘lim

Izoh: She'ri G‘iyosiddin Soatiy qalamiga mansub "So‘lim" qo‘shig‘i 1932-yilda yozilgan. 1933-yilda Soatiyning shogirdi Qobilqori Siddiqov qo‘shiq qilib kuylagan. San'atshunoslarning fikriga ko‘ra, qo‘shiq Meroj kechasi haqida bo‘lib, Rasululloh s.a.v.ning Buroqda Jannatning 7 qavatiga qilgan sayohatlari haqida deyiladi. Savoldagi yashindek tez tarqaldi so‘zlari Meroj voqeasining tez bo‘lib o‘tganiga ishora edi.

Manba: https://t.me/mm_telekanal/2848 (17:00)

Ushbu savol Intellektual olimpiada Zakovat o'yinini eng so'nggi savoli bo'ldi. Savoldan oldin O'zMU USAT va JIDUdan 1 ball orqada edi. Shu uchchala jamoadan faqat O'zMU to'g'ri javob topa oldi. Javob chiqqandagi emotsiyalar daxshat edi. Uyog'i nima bilan yakunlanganini bilasizlar)

👉 @Butrubkaemas 👈‌‌

Rassom Tristram Pol Hiller chizgan suratlarida kunduzgi qishloq, port, sohil bo‘yi, shahar markaziy ko‘chalarini tasvirlaydi. Ammo suratlarda odamlar umuman ko‘rinmaydi. Bloger Pyotr Mixaylov bunday holatni Unga o‘xshatadi.
Savol: U nima ekanligini ispancha so‘z bilan yozib bering.

Javob: Siesta

*Izoh: Siesta – ispancha urf-odat bo‘lib, tushdan keyingi mizg‘ib olishni anglatadi.

Manba:* https://dzen.ru/a/Ysr8C0vFFk3GwP1W?auth_provider=yandex

Ushbu savol Oliy ta'lim tashkilotlari talabalari o'rtasidagi Intellektual olimpiadaning Zakovat o'yini 1-turida o'ynaldi. Savol g'oyasiga ko'ra, tushlikdan keyin o'ynaladigan turning 1-savoli bo'lishi kerak edi. Lekin turnir dasturi bunga imkon bermaganligi uchun 1-turga qo'yildi. Ba'zi jamoalar muhokamada "nonushtadan keyingi qaylulani ispanchasi nima edi" deb siestani eslolmaganini guvohi ham bo'ldim)

👉 @Butrubkaemas 👈‌‌

Bugun soat 8:00 da jonli efir FM 106.5 to'lqinida "Intellekt kuchi - Zakovat do'stlik ko'priklarini qurmoqda" mavzusida suhbatlashamiz.

Anjir arilar qabristoni😱****

Bir dona anjir ichida bir dona ari tanasi bor desam ishonasizmi? Albatta aqlga sig'maydi.

Gap shundaki, urg'ochi blistofag ari anjir mevasi kichkina tugunligida uning uchidagi kichkina tirqish orqali kiradi va lichinkalarini anjir ichiga qo'yadi. Ari kichkina tirqishdan kirish jarayonida qanotlarini tashlab yuboradi. Shu sababli, qaytib anjir ichidan chiqib ketolmaydi va uning ichida vafot etib mevaga qorishib ketadi.

Qizig'i, bu ma'lumotni biladigan ba'zi bir veganlar anjir yemaydi.

👉 @Butrubkaemas 👈‌‌

Tripanofobiklar bormi🙋‍♂

Tripanofobiya - inyeksiya va ukol olishdan qo'rqish kasaliga uchragan insonlar. Bunday insonlarni aksariyati shpritsni badanga sanchilishidan qo'rqadi. Endi bunga yechim bor☝️.

Janubiy koreyalik olimlar tomonidan yangi avlod shpritslari ishlab chiqildi. Shprits badanga sanchilganda qattiq holatda bo'lib, teri ostiga kirganida elastik holatga o'tadi va deyarli og'riq sezdirmaydi.

Olimlar bu shpritsni yaratishda galliy elementidan foydalangan. Galliy inson tanasi haroratidan ham past haroratda erish xususiyatiga egaligi bunga sabab bo'lgan. Qizig'i, gigiena qoidalarida belgilanganidek bunday shpritslarni bir marta ishlatish mumkin. Chunki foydalanilgan shprits shaklini qayta tiklay olmaydi.

👉 @Butrubkaemas 👈‌‌

Alkogolli kokteyllar nega rangli?

Kontrafakt alkogolni maskirovka qilish uchun rangli alkogol kokteyllar o‘ylab topilgan.

AQSHdagi quruq qonun bunga sababchi bo‘ladi. Butlegerlar burbon hidiga o‘xshash hid kelib turishi uchun ataylab bemaza suvga o‘lgan kalamushni qo‘shgan.

Yuqorida aytilgan tajribalar doim ham yaxshi natija beravermagan, qo‘lansa hid va ta'mni ketkazish uchun barmenlar alkogolli ichimliklarga mazasi yoqimli boshqa turdagi ichimliklarni qo‘shib boshlagan. Shu tariqa ilk rangli kokteyllar paydo bo‘lgan.

Kanal ma'muriyati ogohlantiradi: Alkogol zlo!

👉 @Butrubkaemas 👈

Burj Halifa fundamentini elektrlashtirish nega kerak?

Bino fundamenti yuzlab svayalar ustiga qurilgan. Svayani karkasi armaturadan iborat. Bino Fors ko‘rfaziga yaqin joylashgan bo‘lib gruntga sho‘r suv tarkibidagi tuzlar singib ketgan. Svaya armaturasini tuz yemirishini oldini olish maqsadida elektroliz hodisasidan foydalanib tizim ishlab chiqilgan.

Fundamentni doimiy tok bilan ta'minlash uchun armaturalar katod vazifasini, qurbon qilinadigan anod vazifasini titan setka bajaradi. Tok anod orqali o‘tganda hosil bo‘ladigan elektronlar katodga o‘rnashadi. Shu orqali fundament karroziyadan himoya qilinadi.

Qurbon qilinadigan anod nima degan savol tug‘iladi. Elektr titan setka orqali o‘tkazilganda vaqt o‘tib uning yemirilishiga olib keladi va ma'lum bir muddatdan keyin yangi titan setkaga almashtiriladi.

Tizim to‘g‘ri ishlashi uchun tok ma'lum bir quvvatda uzluksiz berib borilishi kerak. Agar quvvat xato berilsa "vodorod mo‘rtligi" hodisasiga olib keladi va armaturalar yorilib ketadi.

👉 @Butrubkaemas 👈

Finlandiya va baxtsizlik🤔, paradoks!

Finlandiya har yili aholisi baxtli mamlakatlar ichida dunyo reytingida 1-o'rinni egallab kelgan. Bunga finlar tugul butun dunyo aholisi ko'nikib bo'lgandi. An'anaga ko'ra 2024-yilgi reytingda ham ular 1-o'rinda. Ammo... .

Ammo gap shundaki 2024-yilgi Parij olimpiadasida naqd 56 nafar finland atletlaridan birortasi ham medal ola olmagan. 1908-yildan buyon har olimpiadada hech bo'lmasa bronza medalini qo'lga kiritgan bu yurt uchun so'nggi olimpiada omadsiz yakunlangan. Ijtimoiy tarmoqlarda mahalliy aholi sportda qanchalar ortga ketishganidan siqilib yurgani haqida postlar tarqaldi. Endi Finlandiya peshqadamlikni 2025-yilgi reytingda berib qo'ysa ajabmas.

Ha azizlar, qachondir biz ham shunday muammolarni o'ylab dunyo baxtlilik reytingida 2-o'ringa tushib ketishimizni tilab qolaman:)

👉 @Butrubkaemas 👈

Sun Ukunning 342 soniga qanday aloqasi bor?

G'arbga sayohat afsonasiga ko'ra, Sun Ukun o'lim dunyosiga boradi. U yerdagi barcha jonzotlar umri yozilgan kitobdan o'zi va xizmatkorlarining ismlarini o'chirib tashlaydi. Shundan so'ng umrboqiy hayotga erishadi. Bu voqealar bo'lgan paytda Ukun 342 yoshda bo'ladi.

Ushbu holat yaqinda chiqqan va shovshuv ko'targan "Wukong: Black myth" o'yinida ko'zdan qochirilmagan. O'yin davomida Ukunni maksimal 342-darajagacha (level) oshirish mumkin.

O'yin boshlanishidagi janglarda Ukun boqiy hayot egasi bo'lganligi uchun uni joni qancha qolganligini ko'rsatib turadigan tablo bo'lmaydi.

👉 @Butrubkaemas 👈