Guvohlik bergaydir har hadis, oyat,
Saodat asridan qancha rivoyat!..
Bagʻoyat goʻzaldir, bagʻoyat goʻzal –
Fikrat koʻzi ila boqsalar, shoyad,
Musulmon goʻzaldir,
Islom goʻzaldir.

P/s: Yurakni bir qadar titratadigan, bir qadar suyukli, bir qadar go'zal she'r♡

Yaxshi insonlarni ko'rganimizda, ular haqida eshitganimizda beixtiyor ko'nglimiz yorishib ketadi. Yoshligimda ularni dunyoning ustunlari deb o‘ylardim) Nega ular bunchalik yaxshi ekan-a?! Allohga shu qadar yaqin va shu qadar suyukli bo‘lish mumkinmikan?!

Insonlar mehrdan, e'tibordan, qolaversa sevgidan ulg‘aysa kerak. Quyoshning iliq nurlari fiziologiyamizga qay darajada ijobiy ta'sir qilsa, insonlarning iliq munosabatlari psixologiyamizga ana shu qadar ta'sir qilmay qolmaydi.

Kichik yaxshiliklar ham katta quvonchlarga sabab bo‘ladi. Deylik qo‘lingizdagi og'ir yukni ko‘tarishib yuborgan insonni qanday qilib yaxshi deya olmaysiz? Yuragingizdagi og'irliklarni ko‘tarishib yuboradigan yaxshi insonlar haqida gapirmasa ham bo‘ladi!

Safarda chorak soat samimiy suhbat qurgan insoningiz haqida yillab yaxshi taassurotlar qoladi. "Zumrad va Qimmat" degan ertak bo‘lardi (taxminan 8-10) yoshligimizda. Ana o‘sha ertakda Zumrad bilan gaplashgan odam yana qayta gaplashgisi keladigan qiz sifatida ta'riflangandi.

Mehrdan toshyuraklar erimaydi deysizmi? Sevgi toshni gullatishiga kim ishonmaydi? E'tibor inson tugul flora va faunaga-da suv va havodek zarur ekanligini nahot bilmaysiz?!

Xarper Li "Mazaxchi qushni oʻldirish" asarida shunday deydi: "Aslida hamma odamlar yaxshi, qachonki ularni tushuna boshlaganimizda.." Ularni tushunishimiz haqida esa "Amerika hindularida shunaqa qarash bor: biror inson haqida hukm chiqarishdan oldin, osmonda oy 3 marta yangilangunicha uning poyabzalida yurib koʻr, shundan keyingi hukming adolatli boʻladi".

Yaxshi insonlar ko'plab, judalar ko'plab qiyinchiliklarga duch kelishadi, ammo ular.. ammo ular baribir yaxshi bo‘lib qolaverishadi♡

To'g'risi, yaxshi insonlar haqida gapirsam.. yozsam.. havasim kelaveradi, yozgan sari yozgim, gapirganim sari gapirgim keladi.

Dunyoning ustunlari omon bo‘lishsin!

Ota-onaning vazifasi - tarbiya berish.
Farzandlarning vazifasi - tarbiyani asrash)

Nima uchun bizning qo‘limizdan kelmaydigan holatlarda aybdor sanaymiz/sanalamiz?

–Falonchixon farzandli bo‘lmayapti ekan, biror xastaligi bormikan-a, Pistonchixon..?

–Eshitdingizmi, Falonchixo‘janing farzandi bu yil ham o'qishga kira olmabdi, qachon qarasangiz qo‘lida kitob. Nima balo jin tekkanmi bunga..?

–Sertifikat topshiraman deb 3 oy burun aytgandi, yana qayta topshiryapti ekan. Mundooo yaxshilab tayyorlansa oladi-ku shuni, hamma olib yotibdi-ku, o‘qiyaptimikan o‘zi?

Hurmatli insonjonlar, yuqoridagi hech bir holatning sodir bo‘lishida, avvalgi holiga qaytishiga, to‘xtashiga, boshlanishiga bizning dahlimiz yo‘q, ya'ni bizning qo‘limizda bo'lmagan, ixtiyorimizda bo'lmagan holatlar sirasiga kiradi. Shunday ekan, bularga aralashishga haqqimiz yo‘q! O'zingning uyingdagi muammolardan qo'shininiki qiziq degandek gap-da.. O'zimizni isloh qilish bilan ovora bo'lsak edi, g‘iybat degan "suhbat"lardan omonda bo‘lardik.

Oilaning asosi - mehr-muhabbat, u esa boshqa kichik elementlarni o'z ichiga oladi. Masalan ishonch, hurmat, do'stlik kabi.
Yer sharida zilzila oqibatida faqatgina poydevori mustahkam imoratlar qaddini saqlay oladi. Oilada ham shunday, poydevor o'laroq xizmat qiladigan mehr-muhabbat qanchalik mustahkam bo'lsa, tashqi va ba'zida ichki "zilzilalar"ga bardoshli bo‘ladi..
Eng yomoni nikohning zilzilaga bardosh bera olmasdan Arshni larzaga keltirishi..

Yozadigan odamni tushuning.
Yozmaganida, yozolmaganida.

Majbur qilmang, undan ortiqcha kutmang. U ham sizdek. U sizni his qiladi. O'quvchisini his qiladi, yozgan, yozadigan odam.

Yozmay qolish og'ir. She'r, baytlar, qandaydir uzun nimadirlar. Yozolmay qolish daxshatli... Yozmaganida kerakli odam bo'ling! Yozayotganida uni tinch qo'ying!

Bitta she'rga yillar ketishi mumkin. Bitta maqolaga ham. Lekin uni o'zlashtiradigan o'g'rilar ko'p. Bu vijdonsizlik. Yozuvchi qachon o'ladi? O'zi yozganni tagida boshqasini ismi tursa!

Yozuvchini yozmaganida tushuning. Biz hammamiz yozuvchi, biz hammamiz o'quvchimiz. O'qiyotganda yozuvchini, yozayotganda o'quvchini his qiling.

Aynan ma'lum miqdordagi odamlar uchun yozuvchi bo'linmaydi. Faqat bir kishi uchun yozuvchi, faqat bir kishi uchun ham o'quvchi bo'lish mumkin. Rost. O'ylang: kimdir faqat siz uchun yozsa, yozaversa... Kimdir, faqat sizni o'qisa. Joni bilan, bori bilan...

Yozuvchiga aylaning! O'quvchiga aylaning!

#BI14
Baxodirov Izzatillo

Men sevgan jumlalar♡