مشيت اخطب واحده بحبها اتقدمت ليها اكتر من أربع مرات وابوها برفضني عشان عارف بنحب بعض
اخر مره مشيت فيها قال لي انت بتشرب سجاير قلت ليو ايوا قال لي م بنفع اعرس بتي لي واحد بيشرب سجاير قولته ليهو انت ياحج طفيتها قدامي قال لي دا العندي واتفضل اطلع برا
اخدت فتره لحد ما وقفته اشرب السجاير ومشيت تاني قالي بتشرب ولا وقفته قولته ليهو وقفته الحمد لله قال لي انا موافق عشان شكلك بتحبها وهتحافظ عليها بعد شويه جا قال لي شيل ولع قولته ليهو لا ياحج انا وقفته قال لي شيل ولع انا كنت بهظر معاك شلتها منو قال لي شايف عمرك ماحاتتغير وقام قال لي م عندي بنات للزواج

يقول المذيع الأمريكي المخضرم لاري كينغ :
- " ذات يوم في عيد الحب أعطتني فتاة تحبني خاتما ؛ فأعطيت ذلك الخاتم لفتاة أحبها وفي المساء وجدت الخاتم في يد صديقي المقرب فسألته عنه فقال لي : أنه هدية من فتاة تحبه وهو يريد أن يعطيه لفتاة يحبها ؛ فكانت محبوبته تلك الفتاة التى تحبني "
تبا ؛ لم أعرف من منا الخائن !!

واحدة اتشاكلت مع زوجها قالت ليهو انا حلفت أمشي الارتكاز اكلم ليك الدعامة
قال ليها أمشي لو مرا

قامت فاتت قالت ليهم راجلي معذبني في البيت وبدقني وما بجيب لي حاجة
قاموا دوروا التاتشر وجو معاها البيت لقوا الراجل قاعد فاتح التلفزيون

سألوهو يا زول مالك مع المرا دي ؟
قال ليهم
والله ما سألتها انا كنت بحضر في فيلم وهي قالت لي إلا تجيب لي قناة ألسودان ولا طيبة نشوف ألجيش دا حصل وين

طوالي خلو الراجل ودقوها هي
😂😆😭

ليست كل فتاة حزينة بسبب الحب
غسيل العدة ليو دور كبير يخوانا
ومع البرد ده .. تاني الا تغسليهم
بي جوينتات الدكاترة ديك ?????

حصل شفتو أميرة قصيرة
لالا
حصل شفتو عارضة أزياء قصيرة
لالا
حصل شفتو ملكة جمال قصيرة
لالا

طيب بتكذبو عليهم ليه وبتقولو ليهم القصر حلاوة
إرحلو يا أقزام ؛ ليعيش الطوال بسلام

والزعلت مني ؛ تطلع في كرسي وتكلمني ???

?
⛔الامراض النفسية بتظهر خلال ٦ شهور لسنة، ف اوعوا تقللوا مدة التعارف عن كدة ولازم وضروري تختبروا مروءة وشهامة واصالة اللي معاكم فى اى علاقة
وبطلوا ترضوا بالاقل منكم، لازم يبقى في توازن ما زول فوق شديد فى كل حاجة، ولا زول تحت شديد فى كل حاجة ..
⛔أي شيء حتطلبو.. حيمثلو، وحتى لو هما صدقوا تمثيلهم، اصبروا، لان الطبع بيغلب التطبع ومع الوقت كله حيظهر. اختلفوا معاهم بقصد. عصبوهم مرة ولا اتنين. اقعوا ف مشكلة بتعمد وشوفوا رد فعلهم.
?المزيف مع الوقت كل الجديد فى حياته من ساعة وجودكم مع بعض حيختفى، المشكلة انه لما بيختفى بتكونوا اصلا حبيتوا بعض، وهنا المشكلة، الفرق بين ال like وال love , نأجل بس ال love لبعد ال٦ شهور عشان بيعمى.
⛔ما تسمح لي زول يسرح بيك ويبيع ليك الوهم، ما تسمح لي زول يسمعك كلام ووعود ليها مفعول السحر و يعمي عيونك عن شوفة حقيقة عجزهم عن تحقيق ابسط الحقوق ما تحقيق احلام وطموحات.
⛔فرقو بين اللي بيتقال وهما نفسهم يعملوه ودي طموحات وأماني و أحلام، و بين اللي يقدروا فعلا يعملوه.
⛔اخيراً :
- اللي ما نافع نفسه ما حينفعك
- اللي ما بيصون اهله ما حيصونك
- اللي ما بيطيع ربنا ما حيرحمك انت
- اللي ما ليهو صاحب ما حيصاحبك.
- اللي ما ليهو كبير ما عندو عشره
- اللي بيكذب وينمق ويلف ويدور ما بجي من وراه خير ..

جات زهجانة من الجامعه ?

لقت تلفون امها مجدوع ?

شالتوا رسلت رساله لي ابوها ?

حبيب عمري كم اشتقت لك ?

وكم يقتلني بعدك عني ?

لقد مضى زمن وانا اكبح مشاعري ناحيتك?

كم تمنيت ان تعود تلك الايام الخوالي ونعود نعشق بعضنا ?
اممممممممممموح? مشتاقه ليك حبيبو?

ورمت التلفون ف محلو ?

بعد شوية ابوها?? بقي لافي في الحوش

ويعاين لي امها يبتسم?

وامها في المطبخ شعرها طاير وعرقها سائل?

جات سالتها مالو ابوكي الليله?
مايكون رجع للبنقو تاني????

عنترة بن شداد كان أكتر زول فاهم طبع البنات كويس
عارف حنك أنا مشغول دا ما بقسّم معاهم..
لدرجة انه وهو في نص الكوماج والدم يتقاطر والاعضاء تتطاير بقول لي عبلة انا بتذكرك واشتاق ليك في عز المعمعة الحمراء دي!
ولقد ذكرتك والرماح نواهل مني
وبِيض الهند تقطر من دمي

فوددت تقبيل السيوف لأنها
لمعت كبارق ثغرك المتبسّم
حتى المعركة ما شغلتو عن ذكر محبوبتو عذرك شنو انت يا القاعد في المكتب المكيف وتتضاحك مع زميلاتك؟!

من كتاب حرشهم ونكدد عليهم?
???

قالت:?

- يوم عرسيِ ?

موضوع اني أفتح حاجاتي الناس تتفرج على هدومي والحاجات الجابا لي ده ما ح يحصل ابدا ابدا، لازم تفهموا انكم جايين تباركوا لينا ما داخلين معرض ملابس او عرض ازياء سيريسلي والله..

مافي زول يقول لي فلان جاب شبكة كذا وانتِ شبكتك كدا، وفلان دفع مهر كده وإنتِ مالك مهرك كده.. أنا ما ح اتزوج شبكة كفاية علي دبلة? من الشخص الفضلني على كل الناس واختارني. لإنيِ لما أكون مخنوقه ما ح أقعد أتكلم مع الشبكة وما ح أفضفض لغويشة الدهب، أو قروش المهر..

وبالمناسبة...
انا ما سلعة بشتروها بقروش يعني عشان ازايد في مهري??

وكمان ما ح أجيب 100 بجامة قطيفة و 50 مشجرة و100 عباية وفستان ده بيتي ودا شتوي ودا صيفي.. الموضوع ما حملة كساء ح جيب الحاجه المحتاجاها بس والبحبها ما لازم ابقى زي أي زول خطين ما لازم ابقى زي اي زول دي..?✋

ما عايزه غرفة نوم من خشب السافانا الموجودة في الغابات الإستوائيه المطلية بماء الدهب.. ولا العفش الفلاني الفرتكاني من المرصع بالياقوت..?

إختاروا صح وما تفكروا في الشكليات عادي دا سرير ودا سرير على فكرة والله جد..

ما عايزه بيت ب 10 مليار جنية ب 13 غرفه و 3 ريسيبشن و 17 حمام و 17 بلكونة..

وما عايزة عرس بموسيقى والفنانة الفلانية والعشاء الفلانيِ والصالة الفلانية بالشي العلاني.. في النهاية ليلة وح تنتهي.. صيوان دقوهو اولاد الحلة جنب البيت عادي يعني بتكوني عرستي ولا نقص من قيمتك او روحك شي..

ولا عاوزة.. ✋
أمشي للميك اب ارتيست الفلانية عشان انافس بنات علان وسماحة صحبتي فلانة الفي عرسها بقت كيم كاردشيان.. ولا الفستان بالسعر الفلانيِ عشان اثبت انيِ لبسته فستان..
مش قماشة بيضاء وعليها طرحة ولا شي تاني..

ولا عايزة Out Door ولا In Door ..
اوزعوا في مواقع التواصل عشان ابهر بهيرة وشهيرة وباذن الله اطلع بعين من روح شريرة..?

هما رضا الله عز وجل

بكرر انا معرساهو هو بس ما معرساكم معاهو والله..?✋✋✋

والشي المفروض تعرفوهو...
انكم بعد العرس ح تمشوا ونحن الحا نكمل مع بعض ف ياريت نختار البيريحنا نحن علشان دي حياتنا نحن ولما نتشاكل لا الدهب ولا البيت ولا الهدوم ولا الصالة والفستان الحا يرجعونا لبعض حبنا هو الحا يرجعنا لبعض مهما بعدنا

فالناس..اخر همي..
رضا ربنا أولا و
رضاهو ورضاي النفسي والمادي..
دا اساس الزواج السعيد..❤️?

حركات الشفع كلها خليتها خلاص... الا حركة

قوم من هنا ده مكاني ?❤️
.
???