Асосий қисми чўл ва даштликлардан иборат, 5 ойлик қиши совуқ ҳамда 80-85 фоиз майдонида аранг бир мартагина ҳосил олиш мумкин бўлган ён қўшнимиз Қозоғистондан ўтган йилнинг сўнгги 6 ойида биз 748,2 миллион долларлик қишлоқ хўжалиги маҳсулотларини харид қилибмиз. Уларга эса, 161,7 миллион доллар маҳсулот сотибмиз.

Қозоғистонда фермер хўжаликлари сони 240 мингтани, бизда айни дамда 91 мингтани ташкил қилади.

Уларда ер фермерларга мерос қолдириш хуқуқи билан хусусий қилиб берилган, бизнинг фермерлар эса, ижарада.

Ўйлайманки, бу кетишда учдан икки қисми тоғликлардан иборат бўлган ва аксарият маҳсулотни импорт қилувчи Тожикистон билан ўзимизни таққослай бошлаймиз.

Афсуски, энг кучли потенциал соҳамизни бой бердик!

@Agro_Expert

Уят!

2024 йил якунлари бўйича “Human Rights Due Diligence: Assessing Risk for German Companies in Uzbekistan’s Textile Sector” деб номланган ҳисобот эълон қилинибди.

Унда Ўзбекистондаги пахта етиштириш ва ишлаб чиқариш билан боғлиқ қуйидаги муаммолар кўрсатиб ўтилган:

1). Ерни ноқонуний тортиб олиш.
2). Давлатнинг пахта ишлаб чиқариш шартномаларига ноқонуний аралашуви.
3). Мажбурий ишлаб чиқариш квоталари.

Яна унда таъкидланишича, Ўзбекистонда пахта ишлаб чиқариш хусусийлаштирилган ва “кластер” моделлари жорий қилинган бўлса-да, қуйидаги муаммолар сақланиб қолмоқда:

1). Фермерлар учун мажбурий шартномалар.
2). Ерга вақтинчалик эгалик қилиш чекловлари.
3). Меҳнат шароитининг ёмонлиги.
4). Давлатнинг қишлоқ хўжалигига аралашуви ва фермерларнинг эксплуатация қилиниши.

@Agro_Expert

Тарихий факт!

1966 йилнинг 1 июлидан бошлаб, колхозларда биринчи марта ойлик маошлар колхозчиларга нақд пулда тўланиши бошланган.

Унгача эса меҳнаткашлар ишлаган кунлари учун колхоз омборидан ун, ёғ ва сабзавотлар олишган, яъни қуллар каби фақатгина "емоқ" учун ишлаган.

Паспорт ёки бошқа ҳудудларга кўчиб ўтиш ҳақидаги рухсатномани эса, қишлоқ аҳолиси 1974 йилга келибгина қўлга киритишган.

Собиқ Советларда қўлланган "қуллик қонунияти"нинг кўплаб кўринишлари ҳозиргача сақланиб қолган. Фақат ҳозирги қишлоқ хўжалигида уларнинг номланиши ва қўлланиши бошқачароқ...

@Agro_Expert

Фермерларнинг шахсан Президентга мурожаат ва таклифлари эълон қилинган кунда вазирликда "фавқулодда муҳим" ишлар кетаётган экан.?‍♂

@Agro_Expert

Декабрь ойида эълон қилиниши кутилаётган ва қишлоқ хўжалигини тубдан ислоҳ қилишга асосланган Президент фармонига тайёргарлик кўрилаётгани ҳақида ишончли манбадан бугун инсайд хабар эшитдим.

Ўтган йилнинг август ойи бошида шундай хабарни эшитганимда ҳам ёзгандим, кейинроқ 60%ли пахта кредити ва пахта хом ашёсини биржада сотиш ҳақида Президент ўтказган селекторда аён бўлганди.

Яшасак, кўраверамиз.

@Agro_Expert

Фермер солиқ қўмитасига келиб дебди:
— Менга қачон меҳнат таътили берасизлар?
Қўмитадагилар ҳайрон бўлиб:
— Ахир сиз бизни ходимимиз эмассиз-ку?! – дейишса, фермер:
— Ҳа, лекин мен фақат сизлар учун ишлаб юрибман-да! – дермиш.

@Agro_Expert

Қонунлар ўргимчак уяга ўхшайди. Кичик пашшани тўсиб қола олади. Аммо қовоқарини ўтказиб юборади.

Жонатан Свифт.

@Agro_Expert

Пахта ва ғалла етиштирувчи фермерларнинг экинларни жойлаштириш тизими қайта кўриб чиқилиши - ушбу куннинг фавқулодда зарур бўлган чора-тадбири. Тизимда сабзавотчиликнинг эркин иштироки камида 50 фоиз бўлмаса, жарга қулаган қишлоқ хўжалигини қутқариб бўлмайди. Нафақат амалдорлар, ҳатто "хоким" ва "кластер" атамалари фермернинг луғатидан буткул ўчирилиши лозим ва лобуд. Акс ҳолда конец (пипец).

@Agro_Expert