‏"ويُساءُ فهمي لو شرحتُ موضّحًا
‏ وحبيبُ قلبي بالإشارةِ يَفهمُ"

ما ادري شذكرني بيك بنص حرب
وانته دربك وين وانه بيا درب
ريحة البارود شتذكرني بيك
شجاب ريح المسچ وي ريح العطب
عفتك بصف گلبي مو حاقد عليك
حتى اذا يرموني ما تنضرب
كون ميلوحنك الچيلات غير
عادي سهلات اليطبن بالكلب
ما يهز رمشي الرمي ولا احطله بال
سهلة حيل المعركة وانته الصعب
انه اموتن من تلاگيني ببرود
وحنظل الموت انه اشربنه شرب
جارع الما ينجرع وانه ابن ابوي
ليش من تعوفني اتمرض واذل
جيب سيف ودجني واگف ما اميل
تالي عمري وشيبي بفراگ انكتل
عوفني بساحة حرب وبلا عتاد
بس احلفك لاتحطني بلايه خل
صح المخبل ولاينساله شي
وانه واحد بالعشك كلش خبل
العاشك اليسمع دوي وصوت انفجار
چنه سامع من ولف رنة حجل
اليوكع بنص معركة يشيلونه جيش
اليوگع بحب نعمة اذا يسمعلة حل

ليث ماجد

واهلي گالولي
شعجب كاشخ شجاك
من صباح الله وعلينا الليل جاي

وانه گلتلهم بعد منا وهيچ
اكشخ والبس وأحير بمشتهاي

وهمه ما يدرون چي سامع تجين
والله لو ما انتي اعوف الكشخة هاي

ليث ماجد

صار ملكاكم عزيز وما يصير اله بنذر
ومن نلاگيكم نكول الحمد لله والشكر
نكعد بعز الظهاري وننتظركم عالجمر
جنه بيضان وخربنه والله ما جنه سمر
واحنه وادم عدنا عزه وما نتاني الما يمر
بس عليكم مو بدينا انتم تأمرون امر

_ليث ماجد

"بيتٌ ملؤه الحبُّ
‏ غرفةٌ ملأى بالكتبِ
‏ مطبخٌ ملآنُ بالأطايبِ والضّحكاتِ
‏ قلبٌ ملؤه السّلامُ
‏ روحٌ ملؤها الشّعرُ
‏ حياةٌ ملأى بالتّجاربِ
‏ وإرثٌ مملوءٌ بالحكاياتِ
‏ هذا ما أريدُ لحياتي أنْ تكونَ عليه."

شيفالي دانغ

لا تضحكين
وي غيري
وعوفي گلبي بلايه نار
الناس ما ودي تشوفچ
مو انوب وياج تضحك
يعني فوك الغيرة اغار
وانه والله ما مصدك وحدة مثلج ضاحكتلي
ليش مطيتني وجه
هسا إذا نمشي سوية مبينه ابد ما لايگتلي
حتى عد المو نبه
يجوز راح يكول ابوها يجوز جدها
وعادي اعذره اليشتبه

ليث ماجد

وأنه جاهل جنت أشوفك كلبي من صدري يطير
جا لعد شيصير بيه وانه كدامك جبير

عَدلُ ساعة خيرٌ من عبادة ستين سنة قيام ليلها وصيام نهارها وجور ساعة في حكم أشد وأعظم عند الله من معاصي ستين سنة

النبي محمد (ص)

ما تقدرني من اباوع من بعيد
يعني إلا تبوسه من توادعه

إِلهِي قَرَعْتُ بابَ رَحْمَتِكَ بِيَدِ رَجائِي،
وَهَرَبْتُ إِلَيْكَ لاجِئاً مِنْ فَرْطِ أَهْوائِي،
وَعَلَّقْتُ بِأَطْرافِ حِبالِكَ أَنامِلَ وَلائِي،