قناة رابطة خادمات سيد الشهداء (ع)
حديث العشق الحسيني...
قناة توثق قصائد العشق في طريق قبلة العاشقين وبوصلة الوصال بين خادمات سيد الشهداء وترجمة العشق وبريده القلب وتخطه الأنامل..
منتدى القلم الفاطمي
القناة الرسمية على التلكرام 🔝✔
استمتــع بـــــالمـشاهدة
•┊اشعار
•┊اقتباسات
•┊فيديوهات
•┊قصائد
✹ لــنشر الاعلانات $ : @YYMMKL
Last updated 3 days, 4 hours ago
- انا مُتناقِضه اُحاوِل نسيَانك واكتبُ عنكَ .
طلب التمويل @XX3X2
Last updated 4 months, 1 week ago
- شلك بروحك تعال بروحي عيش .
- لطلب تمويل تواصل ← : @ooooow
- قناة التمويلات : @xxxxzz
Last updated 6 days, 8 hours ago
على بركة الله 💚*#حملة_على_حب_فاطمة *انطلقت على بركة الله تعالى حملة دعم الإخوة في لبنان و سوريا (حملة على حب فاطمة الزهراء) التابعة لمكتب المرجع اليعقوبي دامت بركاته ...
قصيده لسيدتي ومولاتي الزهراء عليها السلام
طور انشالله نزور العقيله
انشالله
انشالله گبرج نطوفه انشالله
نزوره وي مهدينه ابن الطاهره
الشيعه تتمنى تشاهدلج ضريح
وتنظر انوار المناره الزاهره
گبرج/مخفي عنه يم حسن
گبرج/ينتظر محيي السنن
گبرج/اذكره وزاد الشجن
ضايع گبرج ومخفي علينه
مايعرف مكانه بس ولينه
اخفاه الولي حيدر ابو تراب
بطلب منج يريحانة نبينه
انشالله——انشالله
الخـ✍️ــادمه ام زيد الشمري
❃❥❀━((🧿))━❀❥❃
كلنه نتمنه نشم عطر الگبر
او لو نقدملچ فدى كل العمر
فدوه لترابچ يمولاتي نروح
هالگلب مابيه بعد يحمل صبر
گلبي/بسمچ الطاهر يدگ
گلبي/بكل ثواني يحترگ
گلبي/والله من شوگه يطگ
نظل نحلم نزورچ يم الحسين
وماندري الگبر يالطاهره وين
متى المهدي يجي ويداوي الجروح
زحف كلنه نجيچ ونهمل العين
انشالله——-انشالله
✍️ام محمد تقي الموسوي
❃❥❀━((🧿))━❀❥❃
ضايعه الشيعه يزهره ضايعه
تذكرج والعين لجلج دامعه
يمتى يظهر يشفي دلاله الحزين
بصوته يقراها الزياره الجامعه
وينه/يظهر المهدي بعـجل
وينه/هــو ينطــينه الامــل
وينه/نخاف ويحين الاجل
ريحانة نبينه نزورج اشلون
احبابج ترى الگبرج يدورون
مو طار العمر تدرينه خلصان
يايوم وتشوفه الگبر العيون
انشالله——-انشالله
أم صــــ✍️ـــادق المنصوري
❃❥❀━((🧿))━❀❥❃
كلنه منتظرين غايبنه الحبيب
لمهدي وندعي اله في كل مغيب
يفزع ويمحي بعد هاي الفتن
وسيف من حيدر علي ويا يجيب
يشيله/ورايتــه بيده ترف
يشيله/بطلعته يمر النجف
يشيله/بياعلي لسانه هتف
حمله لشيعته يسوي ونزورج
وكلنه بالصحن نوفي نذورج
ياروح النبي وزهره حياته
مشتاگين كلنه لذاك نورج
انشالله——انشالله
✍🏻خـادمـة الزهـراءام احمد العبوديه زبير
❃❥❀━((🧿))━❀❥❃
يمته نوصل للضريح نزوره
نلثم اترابه ونشم اعطوره
يم حسن والله محتاجه اجيج
انتي ياكوثر نبينه ونوره
نشكي/الروح ظلت حايره
نشكي/المن الصار وجره
نشكي/الك يبن الطاهره
يبو صالح متى يومك نشوفه
وگبر امك نحضنه ومانعوفه
بقت حسره بگلبنه تدري مولاي
العمر خلص اخافن مانطوفه
انشالله——-انشالله
📚🖌️ام زهراء
❃❥❀━((🧿))━❀❥❃
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
مولود لعقيلة الطالبين زينب الكبرى عليها السلام
الليله مولوده العقيله الهاشميه
حيدره فرحان وي سيد البريه
نورت ارض وفضا
فرح بيها المرتضى
لبوة الكرار حماي الحميه
❃❥❀━((🧿))━❀❥❃
طه سماهه وفرح حيدر الكرار
من اجت ضوت الدنيا وشعت انوار
زينب وتحلى باسمها كل الاشعار
والقلم لو كتب عنها يبقى محتار
درة من بيت النبي
المايحبها ناصبي
ورثت علوم وفهم امها الزجيه
الخـ✍️ــادمه ام زيد الشمري
❃❥❀━((🧿))━❀❥❃
لبوه زينب من اصل جوهر نبينه
عجت الدنيه بفرح نور المدينه
مبارك بال النبي الدره الثمينه
بزغ نور ام عون هالليله علينه
نور باعنان السمه
نورت بت فاطمه
الله راسلها لعلي اعظم هديه
✍ام اسعد الشمري
❃❥❀━((🧿))━❀❥❃
الليله هل اعله الارض نور العقيله
نبارك الزهره وعلي حامي دخيله
ليلة افراح وتهاني شلون ليله
والورد والياس لعيونج نشيله
ياهله ومية هله
باخت راعي المرجله
نبارك لحيدر علينه بهالمسيه
✍️ ام حسين العامري
❃❥❀━((🧿))━❀❥❃
نهني حيدر والزجيه بهالولاده
ضوت الاكوان غمرتنه السعاده
بمولد الحوراء خل تفرح الساده
نقيم محفل واليحبها گلبه ناده
توه محفلنه حله
بالابيه الفاضله
نورت بيت النبي شمس المضيه
📚🖌️ام زهراء
❃❥❀━((🧿))━❀❥❃
شمس زينب رسمت اعله الكون فرحه
بزغ وبافق السما هل بان صبحه
ونشرت الازهار من العطر نفحه
هاي من الله هديه واحله منحه
الليله زينب نورت
والتحبها هلهلت
نادوا كلكم وافرحوا يالجعفريه
📚🖌️ام زهراء
❃❥❀━((🧿))━❀❥❃
نادو كلكم وافرحو اوعلو الاناشيد
زينه وازهار وفرح وهلاهل انعيد
فرحه تغمر كل محب يامحله هالعيد
امبارك الزهره السلامه ودره بالأيد
فرحه عمت والسعد
زاهي بالوانه الورد
خلنه نفرح ويه فرحتها سويه
✍ام اسعد الشمري
❃❥❀━((🧿))━❀❥❃
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
قصيدة الى سيدتي ومولاتي فاطمة الزهراء عليها السلام
وين اليوجعچ ياضلع گليلي
من ونچ ييمه أنهدم كل حيلي
❥❥ـــــــــــ❁❂❁ـــــــــــ❥❥
بحرگه لطمتچ يمه أسويها
وأنتي الوالده چابيش أجازيها
يادر البحر يالسولفو بيها
الج مشتاگه يمه وزايد عويلي
✍️أم حيدر العبادي ناصريه
❥❥ـــــــــــ❁❂❁ـــــــــــ❥❥
بعدني يالحنينه مشبعت منج
من عمري يريته ينگل لعمرج
لو بيدي اشيل الموت من عندج
بعدج شب جمر ياهو اليطفيلي
✍ام اسعد الشمري
❥❥ـــــــــــ❁❂❁ـــــــــــ❥❥
بعدج شب جمر ويلاه بفادي
ماكلتي ييمه زغار ويلادي
استعجل مايتاني وغرب الحادي
وانه اصرخ واون فضه تعاليلي
*✍🏻أم عبــــــــــد اللـــــــــه العـــــــــابدي*
❥❥ـــــــــــ❁❂❁ـــــــــــ❥❥
بعدني بعازتج يالبيج حنيه
يم حسين مو وكت الوداعيه
ردي ولا تكطعين الوصل بيه
على افراكج حزينه ومانمت ليلي
✍️العلويه ام اياد
❥❥ـــــــــــ❁❂❁ـــــــــــ❥❥
حزنانه عليج ودمعتي بعيني
يبعد العافيه وياشمعة سنيتي
رحتي ليش يايمه وتركتيني
خذاج الموت وسفه وماترديلي
الخـ✍️ــادمه ام زيد الشمري
❥❥ـــــــــــ❁❂❁ـــــــــــ❥❥
خذاچ الموت يمه او فارگیتینی
عگب عیناچ ما یبطل ترا اونینی
الدنيا اعليه ظلمه یلجفیتینی
يا شمعة حياتي هم ترجعيلي
✍️العلويه ام سيد مهدي الموسوي
❥❥ـــــــــــ❁❂❁ـــــــــــ❥❥
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
☘ مولود لولادة عقيلة الطالبين زينب الكبرى عليها السلام☘
الوزن وسيله
الشيعه فرحانه الليله
بمولد الحره العقيله
صلوات...صلوات.. صلوات
🧿🍃 ❨❨❨﷽❩❩❩ 🧿🍃
الليله فاطم انجبت دره ثمينه
كل ركن نور ويشع منها المدينه
نعمه زينب عالارض هلت علينه
والفرح ماله مثيله
بمولد الحره العقيله
صلوات...صلوات.. صلوات
✍🏻ام سجاد الشهيد
🧿🍃 ❨❨❨﷽❩❩❩ 🧿🍃
الليله خجلان الگمر هيه ابمكانه
بت نبي وخير العمل عطر هوانه
نصلي ونبارك حفلنه ياهنانه
نجمه الله اهده لخليله
بمولد الحره العقيله
صلوات ...صلوات...صلوات
✍ام اسعد الشمري
🧿🍃 ❨❨❨﷽❩❩❩ 🧿🍃
بمولد الحوراء بت فارس الفرسان
حتى طير البالسمه بمولدها فرحان
يصدح بصوته ويغني اعذب الحان
والفرح غامر دليله
بمولد الحره العقيله
صلوات ….صلوات …صلوات
الخـ✍️ــادمه ام زيد الشمري
🧿🍃 ❨❨❨﷽❩❩❩ 🧿🍃
بلحجاب مكرمه وعفه وعفيفه
دره موصوفه بطبعهاوهم لطيفه
قائده صارت ولخوتها خليفه
نهني الزهره الجليله
بمولد الحره العقيله
صلوات ….صلوات…صلوات
✍️☘️ام فراس الساعدي ☘️
🧿🍃 ❨❨❨﷽❩❩❩ 🧿🍃
الليله مولود وفخر أصبح هويه
للعفاف وقدوة زينبنه الأبيه
وجهت نحييه كلنه المرجعيه
نفتخر باشرف سليلة
بمولد الحرة العقيلة
صلوات ….صلوات…صلوات
✍وعد الڪفيل
🧿🍃 ❨❨❨﷽❩❩❩ 🧿🍃
بنور زينب ازهرت كل الليالي
فرح طه وفرح وياه الموالي
هاي بنت النبي طه وعلي العالي
بت علي حامي دخيله
بمولد الحره العقيله
صلوات ….صلوات…صلوات
✍️أم حسين الاسدي
🧿🍃 ❨❨❨﷽❩❩❩ 🧿🍃
من المهد يانورها چنه الكواكب
فاطمه امها وجدها ابو طالب
ماخذه اجمل صفات وعلم زاهب
مهره مزيونه واصيله
بمولد الحره العقيله
صلوات ….صلوات…صلوات
✍️ام احمد العبوديه زبير
🧿🍃 ❨❨❨﷽❩❩❩ 🧿🍃
ورثت من امها الزجيه كل علمها
ومن ابوها المرتضى اخذت
حلمها
يلي الله من السمه نزل
اسمها
انتي مولاتي الوسيله
بمولد الحره العقيله
صلوات ….صلوات…صلوات
📚🖌️ ام زهراء
🧿🍃 ❨❨❨﷽❩❩❩ 🧿🍃
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
قصيدة الى سيدتي ومولاتي فاطمة الزهراء عليها السلام
جرحتي گلوبنه من شلتي بليل
خليــتي العـيون دموعها تسيل
✿──↻✿...✿↺──✿
عفتيني ييمه وروحي ممروده
مثل شجره بصحاري وهل ذبل عوده
ليش الوالده من الدار مفگوده
معدومه يروحي وحيلي نحيل
✍️أم حيدر العبادي ناصريه
✿──↻✿...✿↺──✿
حيلي نحيل روحي الحزن غاطيها
اعاين عالصور والدمعه اجريها
نار بقلبي شبت من يطفيها
حملي يالحنينه عگبج ثجيل
الخـ✍️ــادمه ام زيد الشمري
✿──↻✿...✿↺──✿
حملي ثجيل يالرحتي ونسيتينه
لارديتي يمه ولاذكرتينه
ظلمه وموحشه بعدج ليالينه
بعدنه زغار يالعفتي المداليل
ام ✍️ علي الموسوي
✿──↻✿...✿↺──✿
بعدنه ازغار تجري اعليج دمعتنه
منهو يسد عكب عيناج وحشتنه
شيخلص الليل بعدج ياهضيمتنه
على اغيابح ييمه قلبي اعليل
📚🖌️ام زهراء
✿──↻✿...✿↺──✿
الف وسفه مشيتي وماترديلي
سهرانه وون اعليج كل ليلي
هايم المحنه صحت ريضيلي
حملي بفرگتج يازهرتي يميل
✍️ام حسين العامري
✿──↻✿...✿↺──✿
ييمه اوياچ اريدن فدوه دخذيني
علی فرگاچ مگدر يا بعد عيني
اون اسنین ما یبطل ترى ونيني
شخصج يالحنينه وسفه يشيل
✍️العلويه ام سيد مهدي الموسوي
✿──↻✿...✿↺──✿
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
قصيده نادم ويرجو العفو من صاحب العصر والزمان عج
طور مسلم الوائلي
ابچو عليها ولاتقصرون 👇👇
واگف على بابك يرجواي
يانور عيني وامل دنياي
كلي ذنوب وجيتك اليوم
منك اريد العفو مولاي/2/
جيتك ودمعاتي عالخد سايله
وهضم روحي شايله
اي وحگ حيدر علي
ذنوبي كثرت ياحبيبي الغالي
وبالحزن دلالي
يابعد ناسي وهلي
عيوني كل لحظه تناطرعالدرُب
زادت هموم الگلُب
يمتى اشوفك يالولي
اتاني/طلعتك ياصاحب العصر بعجل
اتاني/روحي بفراگك يمولاي بوجل
آه يبن الحسن//آه يبن الحسن
الخـ✍️ــادمه ام زيد الشمري
❥❥ـــــــــــ❁❂❁ـــــــــــ❥❥
جيــتك اجـر بجدمي نحلان
عندي ذنوب وحيــل ندمــان
اطلب سماح وگلبي مجروح
بس لا اظن من عندي زعلان(2)
جيت ندمان وثگيله ذنوبي
وانته الي محبوبي
والك رافع رايه
روحي ملهوفه اشوف عيونك
هايم ومجنونك
بس اريد احچايه
كون تقبلني اصيرن خادم
جيت محني ونادم
والذنوب هوايه
اعاني/بغيبتك مولاي مل مني الصبر
اعاني/خاف ماشوفك وخلصان العمر
آه يبن الحسن//آه يبن الحسن
أم صـــ✍️ــــادق المنصوري
❥❥ـــــــــــ❁❂❁ـــــــــــ❥❥
اهوايه الذنوب وبالگلب نار
اظلم يدربي وحيل محتار
يالمهدي جيتك وانه ندمان
سامحني واقبل مني الأعذار(2)
والله لو تزعل علي ياسيدي
عمري بالهم يبتدي
ظلمه تصبح دنيتي
انه من دونك عيون إبلا نظر
گلبي تعبان احتظر
مااوصف حالتي
نظره منك ياابن خير العمل
وانته للضايع امل
ياملاذي ابحيرتي
عماني / الشوگ اخذ من عيني مولاي الضوه
عماني /گمت احس بريتي مخنوگ الهوه
آه يبن الحسن //آه يبن الحسن
✍️ام محمد تقي الموسوي
❥❥ـــــــــــ❁❂❁ـــــــــــ❥❥
جيتك وگلبي ليك مشتاگ
طال البعد ماذيني الفراگ
ادري بذنوبي سيدي اهواي
مبعدتني عنك والصدر ضاگ(2)
كون تقبل خدمتي بجاه الشهيد
وگلبي من نوحه يهيد
وتعلم انته بحالي
نادم لتقصيري وارد احجيلك
ومن همومي اشكيلك
منفطر دلالي
ضيم هالدنيه صفت بغيابك
شوكت بين احبابك
انظرك يالغالي
عساني/اول الناس التتاني رايتك
عساني/ عيوني تتكحل يمهدي بطلعتك
آه يبن الحسن//آه يبن الحسن
📚🖌️ ام زهراء
❥❥ـــــــــــ❁❂❁ـــــــــــ❥❥
خجلان منك سيدي وجيت
محفره خدودي دموم هليت
التوبه اعله ايدك طيب الروح
لغيرك ابد مايوم انه اشكيت(2)
باب للباري واجيت احجيلك
من الزمان اشكيلك
ونفسي الأماره
ياملاذ الخايف انته المنتظر
لشوفتك راح النظر
المحب تلهب ناره
فراگ يعقوب وعميت عيوني
عاشگك يدروني
وانتظر البشاره
دهاني /هالزمان ومنه حيل انه اتعبت
دهاني /دخيل يامهدي بعباتك جلبت
آه يبن الحسن//آه يبن الحسن
✍️ام احمد العبوديه زبير
❥❥ـــــــــــ❁❂❁ـــــــــــ❥❥
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
لطميه للزهراء عليها السلام على طور (ناذر اسنيني... الخدمة احسيني... يدنيا)
بالكلب جمره... والدمع يجره... يزهراء
نذكر العصره... اضلوع متكسره... يزهراء
❥❥ـــــــــــ❁❂❁ـــــــــــ❥❥
نذكر العصره يزهره ودفعت الباب
والضلع مكسور ويلي ومتنج انعاب
حك دمعنه من يضل لليوم سجاب
بحزن وبلوعه... الروح مفجوعه... يزهراء
نذكر العصره... اضلوع متكسره... يزهراء
✍️ ام حسين العامري
❥❥ـــــــــــ❁❂❁ـــــــــــ❥❥
بحزن وبلوعه ذكرنه ذيـج الجروح
ابد ماننسه الجرالج نبچي ونــوح
كل سنه نعشج نشيعه يم علي نروح
نعلگ الشمعه ،،،،وتنزل الدمعه،،،يزهراء
نذكر العصره،،،اضلوع متكسره،،،يزهراء
أم صـــ✍️ـــــادق المنصوري
❥❥ـــــــــــ❁❂❁ـــــــــــ❥❥
نروح لرض النجف كلنه نهل دمه العين
نشيعج بالحسره يم الحسن وحسين
حاضر المهدي ويساعدنه بالونين
حاضر ويانه ،،، يصيح مولانه يزهراء
نذكر العصره،،،ضلوع متكسره،، يزهراء
الخـ✍️ــادمه ام زيد الشمري
❥❥ـــــــــــ❁❂❁ـــــــــــ❥❥
دفعوا الباب ابغضهم ونبت بسمار
كسروا اظلوع الزچيه وشعلوا النار
الحسن وحسين يويلي الدمع مدرار
وزينب زغيره،،،ظلت ابحيره ،،،يزهراء
نذكر العصره،،،،،اضلوع متكسره،،،،،يزهراء
ام علي المالكي
❥❥ـــــــــــ❁❂❁ـــــــــــ❥❥
زينب زغيره ويتيمه وتصرخ الويل
حملو نعشج يزهره عنها باليل
ضلت بحيره وتنادي ياعلي دخيل
تصيح خلوها .. لاتبعدوها .. يزهراء
نذكر العصره... ضلوع متكسره ... يزهراء
ام ✍️ علي الموسوي
❥❥ـــــــــــ❁❂❁ـــــــــــ❥❥
مانسينه الظلم ذاك اوذيج الهموم
دمعة حسين واخيته تجري بدموم
والحسن يومه وفجعته ويلي بسموم
نرفع الرايه،،،جينه وفايه
يزهراء
نذكر العصره،،،اضلوع متكسره
يزهراء
✍ام اسعد الشمري
❥❥ـــــــــــ❁❂❁ـــــــــــ❥❥
مانسينه الظلع يازهره اوكسرته
ولا نسينه النذل بالباب اوعصرته
اوابد ماننسه هجومه ولا ضربته
من حرگ بابچ،،، اوابد ماهابچ،،،،يزهراء
نذكر العصره،،، اضلوع متكسره،،،،،يزهراء
الحاجه ام احـــ✍ـــمد الحچامي
❥❥ـــــــــــ❁❂❁ـــــــــــ❥❥تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
( لطمیه في شهادة مولاتي السيدة فاطمة الزهراء عليها السلام ولسان حال مولاتنا زينب عليها السلام )
((الوزن نصاري)) __________________
افراگ الوالده نحلي حـیلي
علیها معلمه او ما نام لیلي
❥ــــــ☆ـــــــ●ـــــــ☆ــــــ❥
آیـــلوالــده يــم المحــنه
افراگچ يلعزیزه مو كتلنه
شیعودچ بعد يا يمه النه
بگیت انحب واگل للعین سيلي
❥ــــــ☆ـــــــ●ـــــــ☆ــــــ❥
يمه اویاچ اریدن يا لحنینه
بعد هیهات یحـبیبه تجینه
اشلون اصبر انه وروحي حزينه
وعلی فراگچ ترى ذايب دلیلي
✍️ العلويه ام مهدي الموسوي
❥ــــــ☆ـــــــ●ـــــــ☆ــــــ❥
اون الفركتج والدمع سجاب
اشوفج وين يالنمتي بالتراب
مااسمع بعد يادكت الباب
هايالوالده كعدي احجيلي
✍️ام حسين العامري
❥ــــــ☆ـــــــ●ـــــــ☆ــــــ❥
آيمصابها نحل اعظامي
بعد ماشوفها حتى ابمنامي
چانت دنيتي وزهرت احلامي
اگلها الروح ويه الشفجه شيلي
✍️ام علي المالكي
❥ــــــ☆ـــــــ●ـــــــ☆ــــــ❥
بفراكج اجر ونه اعله ونه
تعودين لونكطع الضنه
بعدنه ازغار والوكت يتمنه
ونارج بالكلب يمه يويلي
✍️ام مصطفى الاسدي
❥ــــــ☆ـــــــ●ـــــــ☆ــــــ❥
دليلي اتگطع وحيلي تهدم
اون اعليج والدمعات من دم
ياريحه الجنه وربي يعلم
برحيلج مافتر لحظه عويلي
الخـ✍️ــادمه ام زيد الشمري
❥ــــــ☆ـــــــ●ـــــــ☆ــــــ❥
اون بالليل عالشالت حــياتي
اريد اصرخ ييمه الحد مماتي
يسموني ام حزن صارت صفاتي
بس كون بحلم شخصج يجيلي
✍ام اسعد الشمري
❥ــــــ☆ـــــــ●ـــــــ☆ــــــ❥
تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه
( لطميه فزاعيه السيده فاطمة المعصومة عليها السلام )
امشنه للرضا انعازيه
وانواسيه بمعصومه
انگله بالدرب ماتت
من جتک المظلومه
┈┉┅━━❀❀━━┉┉┈
امشنه انروح وانگله
علی اخته المدمع انهله
صارت بالگلب خله
وروح الشیعه مالومه
✍️ العلويه ام سيد مهدي الموسوي
┈┉┅━━❀❀━━┉┉┈
روح الشيعه منكسره
تجر حسره باثر حسره
تعازي فاطمه الزهره
تواسي الچبده مسمومه
*✍🏻أم عبــــــــــد اللـــــــــه العـــــــــابدي*
┈┉┅━━❀❀━━┉┉┈
تعنت ساكن خريسان
تشوفه والگلب ولهان
تخاف اعليه من العدوان
بدربها اوصلت اعلومه
📚🖌️ام زهراء
┈┉┅━━❀❀━━┉┉┈
سمعت بالخبر ونت
صاحت يلأخوا حزنت
ودمعها عالوجن صبت
غريبه گضت مهمومه
✍️ام علي المالكي
┈┉┅━━❀❀━━┉┉┈
ننوح ونبچي اعليها
البعيده عن اهاليها
نعازي الرضا واليها
على اخته المشت مهضومه
✍️ ام مهدي الفرطوسي
┈┉┅━━❀❀━━┉┉┈
غريبه گضت وجعانه
واعله الرضا حزنانه
الدنيا شلون خوانه
خذت التعجب رسومه
الخـ✍️ــادمه ام زيد الشمري
┈┉┅━━❀❀━━┉┉┈
تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
القناة الرسمية على التلكرام 🔝✔
استمتــع بـــــالمـشاهدة
•┊اشعار
•┊اقتباسات
•┊فيديوهات
•┊قصائد
✹ لــنشر الاعلانات $ : @YYMMKL
Last updated 3 days, 4 hours ago
- انا مُتناقِضه اُحاوِل نسيَانك واكتبُ عنكَ .
طلب التمويل @XX3X2
Last updated 4 months, 1 week ago
- شلك بروحك تعال بروحي عيش .
- لطلب تمويل تواصل ← : @ooooow
- قناة التمويلات : @xxxxzz
Last updated 6 days, 8 hours ago