نوې غزل!

مړاوی لونګ یمه، د یار د وربل بوی غواړم
ماشوم هوس یم، لېونی - لېونی خوی غواړم

خمار مې هره ورځ ماتیږي د یارانو په نوم
زه د انګورو اوبه نه غواړم هغوی غواړم

زما د صبر ماتو څانګو، که غوټۍ وکړلې
د زندګۍ تاوان به خامخا له دوی غواړم

ته پرې راځه ستا تر قدمه لاندې ماتې ښې دي
د زړه اوبه ـ اوبه پولۍ د تا په روی غواړم

ما عمري د غزل توري په شبنم واړول
اوس مې غزل د هر موسم په ګل کې توی غواړم

محمد حسن عمري

نوی ترنم!
**زړه مې درد کوي او ریږدمه ویده شم
اشنا یاد کړم که یې پریږدمه ویده شم

ترنم: طالب حذیفه عابد
شاعر: محمد حسن عمري**
https://t.me/Jihadi_Omari

الحمدلله، د غزې لپاره د اوربند اعلان د خوښۍ لوی زېرى دی. دا د غزې د مظلومو مسلمانانو د صبر، مېړانې او قربانیو ثمره ده. الله تعالی دې دا اوربند دایمي کړي، مسلمانان دې یو کړي، او فلسطین ته دې ازادي وبښي.
الله تعالی دې د غزې قربانۍ د ټول امت د بیدارۍ او کامیابۍ وسیله وګرځوي، امین.

داسې نوم مې په تاریخ کې درته پرېښود!
چې پرې هسکه به د ټول اسلام غړۍ وي

په لمدو غوښو مې سره اورونه بل شول
محمد رسول الله ته دې ډالۍ وي

??

د شام اتلانو ته نذر!

د تروږمیو مسافر سبا ته ورسېدل
وږمه، وږمه لکه د ګل هوا ته ورسېدل

دوی په ډېوو پسې روان د ازادۍ پتنګان
د مرګ په غاړه د ژوندون رڼا ته ورسېدل

د ازادۍ پولۍ یې غلې، غلې ماتې شولې
او په ژړا، ژړا، ژړا خندا ته ورسېدل

پۀ ابریهه یې لکه غرونه کاڼي وغورځول
د ابابیل لښکر ، د وخت بلا ته ورسېدل

له بدرنګیو نه یې ښکلی بغاوت کړی وو.
ښکلا پلوي، اخر هم ښکلا ته ورسېدل

د جبر سرې غرمې یې طی کړې، یبلې پښې حسنه!
دا لارویان څه په تکلیف معنا ته ورسېدل

محمد حسن عمري

د شام اتلانو ته د جهادي عمري نوې کرښې.

نوې غزل

پاتې څۀ دي پۀ باور او اعتبار کې
آئینه څۀ وي د کاڼو پۀ بازار کې

مومن لاره طی کوي د خدای د مینې
څه که پښې یبلې روان وي په انګار کې

د اقصـ..ـی له منارو نه حیا راشي
د لونګو بوټي نه ږدمه دستار کې

اذیت د بیلتانه کډه لېښلې
مینه ورکه شوه، د ښکلو په دیار کې

پسرلي د فکر دښته کې ودان کړه
ځان به وګورې د ګلو په قطار کې

شیطاني فکر به اور واخلي حسنه!
که زاهد زُهد ثابت کړي په کردار کې

محمد حسن عمري

ګرانو مینوالو!

له دې وروسته به په د ګلبڼ زمزمې کانال کې یوازې لیکلي شعرونه نه، بلکې وخت نا وخت غږیز آنلاین لنډکي ترنمونه هم درته نشروو. ستاسو له پاملرنې او ملاتړ سره به دا نوښت لا بریالی شي. مهرباني وکړئ، زموږ صفحه تعقیب او نشر کړئ ترڅو نور هم له دې ښکلي هنر څخه برخمن شي.

په درنښت،
د ګلبڼ زمزمې ټیم

زمونږ لینک!????
https://whatsapp.com/channel/0029VaRuZuH47XeBTAbS4o1v

غزل: محمد علیم بسمل

زه د خدای په رنګ کې رنګ يم؛ د یوې ډلې هم نه یم
که نا اشنا يم مؤمنانو! یو دې داسې هم په کې وي

د رقیب کړنې به زغمو، په مرګي مو پېرزو نه دی
دا خو ژوند دی ای يارانو! یو دې داسې هم په کې وي

ما به خدای بخښي شېخانو! خالي لاس به ځم جنت ته
خدای به وايي جنتيانو! یو دې داسې هم په کې وي

دا به هم د خدای تقدیر وي؛ چې دا کوږ لرګی سيخ نه شو
بسمل پرېږدئ ملايانو! یو دې داسې هم په کې وي

د ګلبڼ زمزمې. (288)