【?再三收集生日祝福?】

下星期9月6號又到阿K生日，想喺度再次收集大家嘅生日祝福 ！小編希望今次係最後一次啦?

大家有咩想同阿K講就係下面留言，我會截圖印出嚟郵寄比阿K睇 ?? K話自己係恨嫁嘅男人，瘋狂嘅朋友仔可以試吓同佢求個婚，展示你對佢熱烈嘅愛！(講笑?‍↔️

歡迎大家CLSS，叫埋身邊嘅朋友送上生日祝福比阿K啦?‍↕️????

———————————>>>
想同K展開激情對話，可以寄信至
沙田中央郵政局郵政信箱755號
(為免寄失，千其唔好寫收信人！）

如行有餘力，支持伍健偉patreon：
https://www.patreon.com/luciferK

伍健偉

‼️‼️
各位請留意，早前我們發現「稜·支援」的Telegram Account被強制登出，其後更發現帳號現時已被更換名稱及頭像，懷疑遭受不明人士網絡入侵。

因此，我們的TG Account會停止運作。如果發現帳號現時有向各位傳送信息，請不要回覆，並呼籲曾透過Telegram與我們有信息來往的人士清空與其的聊天紀錄，以保障各位。

為各位造成不便，我們深感抱歉。

P.S. Telegram Channel及其他社交媒體仍然正常運作。

稜·支援

「牙痛記」

常言道「坐監牙痛慘過大病」，怎想到自己也有體驗這句話的一天。五月頭一個普通的禮拜一，如常按時回倉，也按時刷了牙，發了呆，然後準備睡覺。睡意還未襲來時，左上排的一粒恆齒卻傳來了痛意。說是痛意也未到那麼嚴重，剛開始的感覺是抽筋，其後是陣陣麻痹。深感不妙的我立刻衝下床，刷多了一次牙，但無補於事。那牙痛的感覺漸漸由牙肉傳上大腦、再去到左半身，痛到我捲起自己，踎在一旁。

要說有甚麼不如常的事導致牙痛，大概是禮拜一的朝早去了醫院排牙醫。這個舉動得罪了藏在那蛀牙中的牙仙子，她憤怒地回擊我，「去死吧！！」於是施了法術令我牙痛；也可能是排牙醫前兩天，見到晚餐難得一見的大塊炸魚，我太忘形地用了左邊牙齒咀嚼，結果用了蛀牙重重地咬在條白菜的上，那是的輕微痛感激發了現時的痛楚。無論如何，牙痛已是事實，唯有解決它。

只是回倉才牙痛是這過程中最痛苦的，可能也是為何大家常說坐監牙痛是最辛苦的原因，因為沒有止痛藥派！也可以說，普通的止痛藥是沒用的。痛到跪在地下的我，彼時已經吃了兩粒俗稱「大P」的止痛藥，但痛楚絲毫沒有想離開。我只能在床上輾轉反側，不斷在床和廁所之間來回，以為多刷幾次牙有用，最後只能抱著疼痛，趴在床上勉強睡到。

渡過最辛苦的一晚，也迎來最辛苦的一天。牙痛沒有胃口，偏偏新到手的俗稱「波士頓」的止痛藥傷胃，這天只能在胃痛與牙痛交加的無助狀態下過。如果在外面，我大概可以買幾樽寶x力水x維持體力，而牙痛...對於自6歲後未試過蛀牙的我來說，是個未知領域尚未知如何解決。

這時有幾個「牙痛師兄」教路，只要我食多一個禮拜止痛藥、抗生素就不會牙痛了，之後牙齒就會崩了，可能連剝牙都慳了；也有師兄教路，用抗敏牙膏填平蛀牙、將止痛藥抹在蛀牙上等。可幸堅持一個禮拜抗生素後，牙痛暫時消失了，只是間中會像中世紀的十字軍般，久不久就會走來敲我腦門。

牙痛風波後，我突然想到我這牙痛也很「緊貼時事」。前排審計署才說起政府牙醫派籌不足，這蛀牙也同步痛了起來。痛楚暫退的那天和一個倉友談起，也感慨雖然在監房牙痛好辛苦，但至少不用通宵排隊，班老人家慘好多。越來越大愛的我也想，是啊，這可能也是我的小幸運之一吧！

K致上
2024月5月19日

ksleaving

法官閣下：

一個真誠的認罪求情，應該以交代自己做過的事開始。我的確進入過立法會會議廳、在牆上噴上「反送中、釋放義士、真普選、取消功能組別、太陽花HK」的字眼，並且撕毁三本《基本法》。我亦有幫忙舉起「沒有暴徒只有暴政」的橫額，以及貼上一幅港英旗。這些都是我自己決定做的事。除此之外，我並沒有破壞會議廳任何事物。

於我而言，佔領立法會很明顯是反修例運動的一個里程碑。當年六月，政府一再在百萬人遊行示威後拒絕撒回逃犯修訂條例是事件的近因。示威者闖入立法會後，我們大多數人感受到的是恐懼：陌生的中國刑法可能隨時加諸自己身上，而所有合法和平的抗爭手段都似乎不能夠阻止政府逆民意而行。當人身自由這些基本人權被嚴重威脅的時候，這種危急存亡的感覺驅使我更激進地抗議。所以我走進立法會，在牆上噴上「反送中、釋放義士」，要求全面撒回草案，釋放被捕人士。看到立法會內「是你教我們和平遊行是沒用的」的字句時，我知道這種恐懼不只是我一個感受到。一直提倡和平理性示威的人權運動領袖馬丁路德金曾說：「暴動是不被聆聽者的語言，Riot is the language of the unheard，當管治者譴責暴動，卻不用等同的力量去修正不公義時，一個地方只會在一次次的暴力與騷亂中輪迴。」有時市民大眾突然變得激進，並不是一時衝動的反射，而是走投無路的疾呼。

走進會議廳撕毀《基本法》的時候，我意識到這個行為帶有重要的象徵意義。立法會會議廳是主宰整個香港命脈的地方，但誰主會議廳，從來都缺乏充分民意基礎：一直以來泛民主派都在選舉中持續獲得過半數選票，但因為功能組別的存在，在議會裡永遠只是少數。再加上自主權移交後議員動議草案需要分組點票的規則、非民選的政府壟斷政策，所以香港市民從來都沒有實權決定家園是如何發展。由97年起，政府一直未能說服包括我在內的大多數香港人，選舉制度是能夠保障港人的利益，立法機關是有足夠權力將民意轉化成政策，而政治現實亦證明《基本法》中提及的港人治港、高度自治，以及雙普選的承諾全部落空。

憲法的核心功能在於約束當權者的權力，保障公民權利和自由。但由04年政改三步曲變成五步曲之後，特區政府就完全失去自行啟動政改的權利；16年，選舉主任肆意取消候選人資格，當選議員亦竟然因為立法會主席不肯安排重新宣誓被褫奪資格；20年，《基本法》所賦予港人的公民權利在《國安法》落實後被完全剝奪；23年，我連自由揀選代表律師的基本權利都無法行使。以上種種都反映《基本法》無力守護民主制度、人權自由。對我而言，進入立法會就意味著全香港市民重新直接行使政治權利——這並不是單純反對一個個別法案，更加是反抗一個持續打壓民意的制度，是要求民主化運動的一環。

一旦了解香港人從來未曾當家作主的歷史，佔領立法會就不應該被理解為單純侵犯公共財產，或踐踏民主制度的暴力衝擊事件。首先，於我而言，香港人質疑的從來都並非選舉舞弊，而是整個選舉，以至立法制度，根本無法反映港人的意願和利益，也無法落實《基本法》莊嚴的民主化和自治承諾。其次，驅使香港示威者進入立法會的並不是任何個人利益，而是為了宣傳理念和守護價值：有人圍起保護立法會圖書館、在取用飲品之後放低價值相等的錢幣、所有的噴漆口號與所謂破壞都無一不是在表達堅定的政治訴求。當時的環境雖然無人指揮，但示威者卻是堅守原則、井然有序。我想到最好的解釋就是示威者是抱持共同理念進入立法會，這個理念最終凝成包含五大訴求的《金鐘宣言》，在會議廳被讀出。

由個別政策而起，最終演變成民主化運動的事件在歷史上比比皆是。太陽花學運是由台灣人反對立法機關不經審核下，通過與中國的服務貿易協議而起；烏克蘭橙色革命的起因是反對危害國家運作的嚴重貪污；土耳其人佔領蓋齊公園是為了反對政府不顧民生需要的城市規劃。在這些運動裡，佔領者最終的訴求都涉及政制改革，期望透過修正不公義來達致人民生而為人應有的人權、民主、公義。佔領與所謂破壞的最終目的不外乎是要建立一個令所有人民，而不只是在上位者能安居樂業的制度。我在立法會裡的行為，也是本住一樣的精神和信念。

一個政權如何看待異見和能否修正自己的錯誤，決定一個社會能否行穩致遠。無論法庭對我的處罰為何，我都會繼續前行，將恐懼化為力量，正如我當日走進立法會一樣。

以上是我的陳辭。

鄒家成
2024年3月11日

鄒家成

「塘福·新身份」

仲記得當日一聲六年量刑起點，再加上一句「泯滅人性也不為過」嘅形容，就好似一盆冷水咁淋熄咗旁聽席上親友嘅熱切關心，好心情瞬間消失。坐係犯人欄入面嘅我反而心情平靜，可能做好晒心理準備，知道無論判幾多都係要坐，只不過真係聽到六年量刑嗰刻，心都難免顫了一下。

好彩有成班好朋友一齊，一班人又返到幾年前嘅相識之地荔枝角，同幾年前帶住愁容入到藍色閘相比，呢次係指模房互相說笑，取笑對方著棕色衫好睇啲，又取笑對方終身號碼好難聽，就好似入咗營地咁；又一齊過咗幾晚無憂嘅日子，因為所有嘢都塵埃落定，最壞嘅結果都唔會再差過宜家了。

就帶住咁嘅好心情，又黎到既熟悉又陌生嘅塘福。望住個熟悉嘅綠色閘，回想起自己有幾多次係閘後面嘅探訪室等；又望到個熟悉嘅嶼南道，又回想起自己有份係山下嘅巴士站接朋友出冊；又望到下長沙沙灘，又回想起一班朋友係沙灘玩耍，講笑話到時泊正去塘福定石壁。不過宜家身份已經唔係嗰個自由出入嘅訪客，係一個要還自己幾年前債嘅人。

到今日差唔多到塘福一段時間了，心情說起其實唔錯，但仲適應緊成為定罪人士嘅唔同。入面時間好似過得好快，但覺得自己同世界脫離咗嘅程度又大咗，一黎資訊只有新聞，二黎友人同家人嘅消息有時差了，漸漸對外界嘅變化有無力感，但正如朋友同我講，專心坐監，係我宜家唯一可以做嘅！

說起塘福節奏好慢，但又好簡單。想學習、想運動、抑或想沉淪，都係靠自己嘅定力，呢度好少人會鼓勵你，又好少人會打沉你，因為大家都做自己嘢。但坐監咪就係咁，所以希望自己可以好似上封信咁講。最後可以帶走好多有用嘅嘢離開監房啦。

K 致上
2024年2月

ksleaving

3月11日，我將就一宗暴動案件受審。

一直無同大家講過，雖然其實只要喺Google search我中文全名，撇除同浸大有關嘅新聞，就會見到相關法庭新聞。

據非正式統計，每個因為社運案件上庭嘅人，總有擔心過被人search全名，特別係搵工或搵書讀時。

「無罪推定」原則，被告在經過公平審訊而被定罪前，應被視為無罪。但事實上，好多時候哪怕未經定罪，某些人早已審先判，為「我哋」貼上「暴徒」標籤。

呢一年間，我接受過唔少訪問，感謝各位記者朋友願意為我保守呢個「秘密」。百般無奈，要來嘅始終要來。下星期一就開審，諗過繼續避而不談，但比起大家到時從報導中得知，我想自己親口講出嚟。

而家呢宗暴動案，發生於2019年7月。我被拘捕、以及後來「踢保」前每月到警署報到時，罪名一直都係「非法集結」。直至2022年1月，當時距離我另一宗刑事毁壞案裁決尚餘一星期，我被上門再拘捕，罪名先突然改為「暴動」。

此外，我有過另一單刑事毁壞案。本來我諗過以後唔再提起，始終事過境遷、案件已完，當日法庭嘅判決為：罪名不成立。然而，琴日突然傳出另一則噩耗。

律政司將就判決入稟法庭上訴。

距離開審尚餘一星期，此時此刻提上訴，一切同兩年前比顯得多麼相似，又多麼諷刺。刑毁案就嚟完結，突然間殺出暴動案。到暴動案就咁開審，刑毁案又捲土重來。四年來，兩宗案件，從來無間斷過。唔知要到幾時，我先可以徹底擺脫官非。

自從2020年5月開始，我一直處於保釋候審狀態。呢四年保釋候審歲月裏，我要嚴格遵守各項保釋條件。除咗繳交保釋金，我守過宵禁令，曾經試過晚上7點後唔可以出街。一日有24個鐘，有11個鐘必須留喺屋企。雖然保釋條件經過幾次爭取下，亦有改善。但有部分係改變唔到，例如每星期到警署報到，風雨不改，甚至連十號風球都無面畀，一樣要乖乖報到。

而最令人煎熬嘅，莫過於不得離開香港、交出旅遊證件。所以對「我哋」嚟講，莫講話移民、去外國讀書，連想去轉旅行，呼吸一口自由嘅空氣，也只是希冀。幾年來對我嚟講最大嘅誘惑，一定係今年初台灣大選。作為一個政治系學生，我真係好撚想去睇選舉！！（在此特別鳴謝各位去咗台灣嘅朋友影相同帶手信畀我）

最近又睇到一則令人沮喪嘅新聞，懲教署正研究修例：禁止須遵守監管令人士離開香港。可憐嘅香港人，未來可能服刑完畢後都唔可以立即到外地開始新生活。

候審會令人失去對未來嘅盼望。唔認罪打官司一定贏？咪講經啦。候審期間，排期後突然改期，改期後再排期，唔會知/預計到幾時完晒司法程序。如果罪成，坐監要坐幾耐？出嚟後個世界變成點？一旦罪成仲會留案底，仲有咩工作可以揀？無力感太重，可以估量、控制嘅嘢實在太少。今日唔知聽日事，好難做有效嘅未來規劃。

甚至唔需要諗得咁複雜，睇返最貼地嘅生活例子。假如你遇到一個好啱feel嘅女仔，兩個人好投契，佢唔介意你嘅一切，而你亦真係好鍾意佢。

但你身負一宗暴動案件，半年後開審，案情唔樂觀。

你仲敢唔敢放膽去追求呢段感情？「去馬啦，愛本是無罪！」

就算俾你哋有緣一齊到，對方亦唔介意等，但你入咗去，仲點樣陪伴佢？佢每個人生重要嘅時刻、喜怒哀樂，你都無辦法與佢同喜同悲。每一封由佢手中寄出嘅信，須要等上一星期，經過懲教人員審核，先至落到你手。甚至佢要洗錢入物資俾你，每個星期，山長水遠，用上一日時間，入嚟大嶼山探你，你會成為對方嘅負擔。上面講嘅嘢唔係誇大、唔係亂噏，而係每對被高牆分隔嘅愛侶都要面對嘅磨難。呢幾年，社運案件已經打散過亂世中無數對鴛鴦。

自從被捕後，整個人生軌跡被打亂，多咗份沒明日的恐懼。曾經我好怕要到牆內考DSE，幸好罪名不成立，可以順利應考。入到大學想上學生會，試吓囉！上唔到學生會，唯有繼續嘗試做自己想做、認為應做嘅事。至於將來畢業後返咩工？會唔會讀Master？坦白講因為案件，我想像唔到，亦唔敢想像。可以做嘅，或許只有盡己所能喺呢個閪到盡嘅時代做個好人，好好生存，並且努力令自己變得更好。

曾經，我好怕被人知道自己嘅案件。特別喺一年前準備/啱啱上仼學生會嗰時，好怕因為有案在身而無得上莊，接受訪問都要確保字裏行間無提過單案。而家望返轉頭，一切已成過眼雲煙，滄溟之路終成未竟之志。

一年後，再一次面對案件曝光問題，我唔想再逃避了。

我行緊嘅路，面對嘅各種壓力、憂慮、掙扎，已經有無數人堅強地咬緊牙關走過。

今日，到我了。

我堅信眼前嘅審訊係我人生必須經歷嘅難關。一如既往，縱使前路崎嶇不平，我亦會一直向前行，絕不輕言放棄。面對眼前嘅「長命審訊」，我將勇敢、自信地坦然面對接下來嘅磨鍊。

最後一段，想留啲說話俾最愛嘅人。

由第一日起，呢單案對我嚟講，就有如一根拔唔走嘅刺，令我經常對未來失去希望，甚至對感情失去信心。我唔想成為你嘅負擔，害怕俾唔到你最基本嘅陪伴。所以想過離開，以為咁樣先係對大家最好。但係你一直無放棄過，以行動、說話去安撫我嘅不安，一步一步重建我因為案件而喪失嘅信心。呢兩年嚟，我每次上庭無論係提堂、答辯還是審前覆核，你都從不缺席。當我坐喺被告欄嘅時候，係你陪伴著我屋企人，嘗試減輕佢哋嘅焦慮，每一幕我都看得清楚、無忘記過。一路走來，感謝你一直不離不棄，陪伴我走過一個又一個難關，讓我不再孤單，有勇氣面對一切。

我愛你！

edwindaikp

大家好，今日的塘福好熱鬧，好多人趕在二月的尾巴去探家人哩❤️今日探完離開時出面好大霧，搭車出東涌的山路就同香港一樣前路茫茫，好似入緊silent hill咁?

以下為大家帶嚟Comson的信??

————————————-

各位龍年大吉！原諒我遲了向大家拜年，新一年希望好人繼續平安、健康、快樂。這是我在監房渡過的首個農曆新年，仍須在這裡渡過另一次新年。以六隻雞脾來計算，我已吃了兩隻。以日子計算，我已服畢十分之一的刑期。這六十多天，說慢，並不慢，一開始我花了2周調整心理，正面迎接不自由的日子，然後有周是等「過界」，「過界」後花了2周習慣工作、又有2周是看看電視便過了，再有這2周是農曆新年前後，像一浪接一浪。說快，並不快。事實上，我仍有90%刑期，距離重獲自由有一段頗長的時間。

儘管如此，我時常想像2025年「出冊」的情景和之後的計劃。首先，「出冊」當天當然是要到東涌市區享受美好的早餐，並與前來接我的親友們閑聊。直至約中午時回家用「碌柚葉」洗澡，去除身上的霉運，在家與父母用膳，休息一會，視乎時間安排，外出吃個下午茶。接著數天，便要陸續與朋友們相聚，及一一向曾向我施以援手的同道致謝和請客。長遠來說，獲釋後我要找一份工作、準備再考入學試並計劃好升學事宜。那時的Iphone型號應已是17了；Goole Pixel估計那時已是第10代了，想著自己見證著Pixel系列從一數到十，慨嘆時間眨眼便過去，老了 ?

近來，我看了Grammy’s Award，當中有Miley Cyrus的演出，實在太耐冇聽，故此感到十分高興。另外，於年二及初三期間viu6播出了Mama即Kpop的頒獎典禮。惟在演出《Fast Forward》時碰巧「殺到」，於是我只係聽到10秒（有好過冇啦）。

於年初二時，我期數搞「團年飯」。當晚的餸菜十分豐富，有咖喱雞，肉醬（用牛肉球製作），仲有多2碟菜。飯後有「pizza」食（真係幾似的……）。新年期間幾乎每日也有「夾食」，如千層麵、不同口味的蛋糕、木糠布丁（勁似），飽到連夜晚個提子包都食唔落。

4日連假一結束，我就要離開原本的期數了。情人節的早上當我正在洗碗時，獲告知我已「收工」，「執包伏轉期數」。現在我被安排到廠期，體驗了一整天過後，感覺較為悠閑、「慢活」，有更長的睡眠時間。可惜的是，剛好我的囚號排在最後，因此暫時未「埋機」（埋到機有E位糧！），但點都高過之前啦。老實點，轉期數後反而想念原本的期數，主要是與那些手足混熟了，有點不捨?還有要與另一位好友分開呢。

此外，現時我的倉友大多是「ON (oversea nationals)」或「II (illegal immigrant)」，別以為是「聯合國」，實際上是「中非聯盟」，當然也有其他國籍的「ON」。昨晚 (2月14日晚)，我與一位蘇利南人聊天，他們大都很好相處。另外，這邊的Day Room接收音機訊號頗佳，回到倉後卻只聽到沙沙聲，以前則是相反，Day room收唔到，回到倉反而收到（我個床位靚掛）。始終無一個期數是完美的吧，哈哈！唯有將就一下。

今次講住咁多先！歡迎大家瘋狂寄信俾我！如果諗唔到寄咩，可以寄遊記（好想睇lihkg旅遊台）俾我睇，或者與我分享一些投考美國大學的心得。謝謝

Comson
2024年2月15日

小知識#1
（Comson話特登加呢欄比大家認識下D術語，咁就唔會唔明佢D信有時寫咩啦)
「大圍」 / 「大棚」：即係指公用 / 公家咁解，亦都有成人圍聚的意思。例子是「大圍Day」指紅日 / 公眾假期，大家唔洗返工就喺Day room或飯堂度9 hea / 睇電視 / 玩下咁。也有「大圍牙膏」、「大圍牙刷」，即指呢度有得派的牙膏同牙刷，當然同拜山入到的唔係同款！「大棚」意思相近，我地瞓的倉係叫「大棚」，即20幾人一個倉好L多人咁，有時講「食大棚飯」即係大家都係食嗰D野，「洗大棚」指同其他人全部人D衫一齊洗。

-—————

如果大家寫信比Comson，請郵寄至以下信箱，或pm我轉達?：

尖沙咀郵政信箱 98847 號
PO Box 98847, Tsim Sha Tsui Post office, Kowloon, Hong Kong

誠徵連登旅遊台、軟件/硬件台（手機/電腦資訊）！

如果大家想支持Comson，可以訂閱佢的ko-fi (link in bio?)，亦都有d物品喺上面出售，幫補一下Comson在囚期間家人的開支，同佢放學後的生活?

在此感謝各位?

comsonor

兩年半後全部同案終於都重獲自由。

今天早上7時按原定計劃到羅湖懲教所迎接她回來，但在途中卻收到親友通知她已經獲釋，被懲教署安排乘坐警察私家車。懲教署一般都會在早上9點安排釋放，不過這次沒有任何通知下，安排她獨自獲釋，在沒有任何選擇下她乘坐警方私家車離開。

若非她借到電話通知親友，根本就無人得知她已經獲釋。幸好幾經波折後能夠尋回她，並且與她相擁。見面後的她除了外貌上變得瘦削外，一切也如當初一樣，臉上帶著稚氣，話中帶著憧憬。

願你繼續以這份真誠渲染世界

#welcomeback朱同志?

陳枳森

各位阿匡嘅朋友：

阿匡前幾日被送到赤柱監獄，離開咗呢三年嘅「家」荔枝角收押所。如果有朋友要繼續寫信比佢，請記得要改一改地址了！

另外，上星期立法會7.暴動1案嘅求情再度押後，最新日期係3月6日上午10點，西九龍法院。如無意外，阿匡將於當日親自求情，然後3月16日就會判刑。

如果想知道更多關於匡嘅消息，可以小額訂閱Patreon： www.patreon.com/ventuslauwh

劉頴匡

外星人s～

Yo～好耐冇寫信～之前一路都因為某條自己set比自己嘅線，好多嘢我都唔會表達，唔想連累其他人LoL sosad～

講起「線」，有睇開新聞嘅應該都知某個活動因為上年提到「紅線」而俾人話「意有所指」就cut晒資助？我成個腦都係「？」?

一路話自己言論自由係???但就因為人哋話你有「紅線」所以採取行動？...wow ~~~叻?不過轉個角度⋯起碼冇話佢哋犯法吖?開心～

我而家周不時都好嬲，嬲自己做唔到隻豬? 如果我淨係追求吃喝玩樂咪好～起碼我唔使嬲或sad咁多次⋯

再講～

keep住冇肥之鬼

PS：非意指世上任何地方，純屬虛構?擺明搵嘢寫???

話說⋯今年叱咤⋯好多筆友話Ian 拎咗兩個銅獎係好勁⋯但唔知係咪我太? Ian？我真心覺得佢係值得更好！LoL by the way sosad Sica 咩都冇~~~

編註： Sica係有新力軍女歌手銅獎啊
?Ian 新抱仔唔止女仔，仲有男仔?

saamlapsing