Oʻzbekiston fuqarolariga AQSH hukumati tomonidan taklif etiladigan toʻliq moliyalashtirilgan dasturlarAQSHda oʻqish, malaka oshirish yoki amaliyot oʻtash imkonini beruvchi qatnashish bilan bogʻliq barcha xarajatlar (borish-kelish, turar joy, oziq-ovqat va hk) toʻliq qoplanadi.

Bu dasturlar turli yosh va soha egalari uchun (maktab oʻquvchilaridan tortib, 10 yildan ortiq ish tajribasiga ega mutaxassislargacha) moʻljallangan.

Quyida ulardan ayrimlarini keltirib oʻtamiz.

1. Fulbright Foreign Student Program: AQSHda magistraturani toʻliq grant asosida oʻqish imkonini beradi. Hozirda arizalar qabul qilinmoqda. Dedlayn: 2024-yil 25-may.

2. FLEX dasturi: maktabning yuqori sinf oʻquvchilari, kollej va litsey oʻquvchilariga AQSHda 1 yil toʻliq grant asosida oʻqish imkonini beradi. Navbatdagi qabul 2024-yil avgust yoki sentabr oyida boshlanadi.

3. Global UGRAD: bakalavriat bosqichi talabalariga AQSH universitetlarida 1 semestr davomida oʻqish imkonini beradi. Navbatdagi qabul taxminan 2024-yil noyabr oyida boshlanadi.

4. Fulbright FLTA: ish tajribasi 7 yildan oshmagan ingliz tili, amerikashunoslik, jurnalistika va media, Amerika yoki ingliz adabiyoti oʻqituvchilariga 9 oy davomida AQSHda oʻzbek tilidan dars berish imkonini taqdim etadi. Navbatdagi qabul taxminan 2024-yil iyulda ochiladi.

5. Humphrey Fellowship Program: kamida bakalavrlik darajasi va 5 yillik ish tajribasiga ega, ingliz tilini biladigan nomzodlarga AQSHda 10 oy davomida malaka oshirish imkonini beradi. Hozir qabul ochiq. Dedlayn: 2024-yil, 7-iyun.

6. SUSIs for Young Women Leaders: ayol-qiz talabalar uchun AQSHda 4-5 hafta malaka oshirish imkonini beradi. Navbatdagi qabul 2024-yil noyabr oyida boshlanadi.

7. TechGirls dasturi: 15-17 yoshli qizlarga AQSHda boʻlib oʻtadigan 4 haftalik taʼlim oromgohida qatnashish imkonini beradi. Navbatdagi qabul 2024-yil noyabrda boshlanadi.

8. Fulbright TEA: oʻrta maktab, kollej va litseylarda dars beruvchi va kamida 5 yillik ish tajribasiga ega oʻqituvchilar uchun AQSHda 6 hafta malaka oshirish imkonini beradi. Navbatdagi qabul taxminan 2025-yil yanvarda boshlanadi.

9. TechWomen dasturi: bakalavrlik darajasi va STEM sohasida 2 yillik tajribaga ega ayol-qizlarga AQSHda 5 hafta malaka oshirish imkonini beradi. Navbatdagi qabul 2024-yil noyabrda boshlanadi.

10. SUSI for Secondary School Educators: oʻrta maktab, litsey va kollej oʻqituvchilari, shuningdek, oʻrta taʼlim sohasida ishlaydigan boshqa xodimlarga AQSHda 5 haftalik taʼlim dasturida qatnashish imkonini beradi. Navbatdagi qabul 2024-yil noyabrda boshlanadi.

11. SUSI for Scholars: oliy taʼlim va tadqiqot muassasalarida kamida 7 yillik ish tajribasiga ega boʻlganlarga AQSHda 6 hafta malaka oshirish imkonini beradi. Navbatdagi qabul 2024-yil noyabrda boshlanadi.@grantlar_namuna

NSP dasturiga transkript yoki diplom yuklash majburiymi?Hozirda NSP dasturiga tariza topshirish davom etmoqda. Nomzodlar orasida ko'pchilikni qiziqtirgan savollardan biri transkript yuklash haqida bo'ldi.

Dasturga kerakli hujjjatlar ichida "Certificate of Highest Achieved degree" so'ralgan, ya'ni nomzod qaysi darajani oxirgi marta yakunlagan bo'lsa, o'shani yuklashi kerak.

Bunda kategoriya bo'yicha nomzodlar ushbu hujjatni quyidagicha yuklashlari mumkin:

— Bakalavr talabalari: aynan shu joyga hech narsa yuklashi majburiy emas, chunki hali ular biror darajani yakunlashgani yo'q. Lekin transkript yuklashlari mumkin bo'lib, bu ixtiyoriy va dasturni yutish-yutmaslikda hech qanday ahamiyat kasb etmaydi.

— Magistr talabalari: oxirgi tugallagan bakalavrlik diplomini yuklaydi. Bunda 2-kurs magistr talabalari ham bakalavr diplomi va ilovasini yuklashi kifoya, hozirgi olayatgan baholari transkripti shart emas.

— PhD talabalari: eng so'nggi yakunlagan magistrlik diplomi hamda ilovasini yuklaydi.

— Professorlar, tadqiqotchilar: eng yuqori erishgan darajasini tasdiqlovchi hujjatni yuklaydi.

Dasturga ariza topshirish so'nggi sanasi: 2024-yil 30-aprel

ESLATMA: NSP dasturi bo'yicha hujjat tekshirish xizmati tashkil qilingan bo'lib, hujjatlar ushbu dasturni 3 marta yutgan Ozodaxon O'ktamova tomonidan tekshirib beriladi.

👉 Xizmatdan foydalanish uchun @GN_Work hisobiga murojaat qiling.

@grantlar_namuna

Avstraliya talaba vizasidagi o'zgarishlar
Avstraliya xalqaro talabalarni o'qitish bo'yicha yetakchi davlatlardan biri hisoblanadi. Yuqori sifatli ta'lim , yaratilgan sharoitlar yaxshiligi sabab so'nggi yillarda o'zbek talabalarining ham Avstraliyada o'qish istagi ko'payayotgan edi.

Lekin 2024-yildan boshlab talaba vizasini olishda bir qancha o'zgarishlar kiritilmoqda, jumladan:

1. Ingliz tilini bilish darajasi bo'yicha o'zgarish.Talaba vizasini olish uchun bakalavr talabalaridan endi IELTS 5.5 daraja emas, kamida 6.0 daraja talab etiladi. Magistratura talabalari esa IELTS 6.0 emas, kamida 6.5 darajaga ega bo'lishlari kerak

2. Yosh chegarasi bo'yicha o'zgarishlar.Magistratura uchun borayotganlarga yosh chegarasi 50 yoshdan 35 yoshga keskin qisqartirildi.

3. Viza vaqti davomiyligidagi o'zgarishlar.Bunda magistratura kurs ishi uchun beriladigan viza vaqti 2 yil, tadqiqot qilmoqchi bo'lgan magistr va PhD talabalari viza muddati 3 yil etib belgilandi.

Bundan tashqari, Avstraliyaga kelayotgan talabalarning faqat o'qish istagida ekanligini tekshiruvchi "Genuine Student Test" joriy qilinadi. Bunda o'qishdan ko'ra ishlash istagi yuqori bo'lgan talabalar sonini to'xtatish maqsad qilingan.

👉 Avstraliyada ishlash uchun ketmoqchi bo'lganlarga yaxshi imkoniyatlar joriy qilinmoqda. Batafsil BU YERDA o'qishingiz mumkin.

@grantlar_namuna

NSP dasturi haqida barchasi birda!
Xabaringiz bor, Slovakiyada 1-10 oygacha almashinuv dasturida qatnashish imkoniyatini beruvchi NSP dasturiga qabul boshlandi. Ushbu postda dasturga oid barcha ma'lumot va qo'shimcha manbalarni e'tiboringizga havola etmoqchimiz.

👉 Shu grant gʻolibining dasturga topshirgan hujjatlari (bakalavriat almashinuv dasturi uchun)

👉 Yana bir talabaning ushbu dasturga topshirgan hujjatlari (bakalavriat almashinuv dasturi uchun)

👉 Shu grant gʻolibining dasturga topshirgan hujjatlari (doktorantura almashinuv dasturi uchun)

👉 Dastur bo'yicha ko'p berilgan savollarga javoblar

👉 Dastur uchun transkript va diplom yuklash ahamiyati haqida ma'lumot

👉 Dastur g'olibi bilan o'tkazilgan ovozli suhbat

👉 Dastur imkoniyatlari haqida batafsil ma'lumot

ESLATMA: dastur uchun qabul 2024-yilning 30-apreliga qadar davom etadi. Nomzodlar dasturda ishtirok etish uchun Slovak universitetlaridan biriga qabul xati olgan bo'lishlari kerak.

👉 Qabul xati olish haqida ma'lumot

Dastur uchun maxsus mentorlik kursi ham tashkil etilgan. Kurs haqida batafsil BU YERDA.

Ushbu postni NSP dasturida qatnashmoqchi bo'lganlarga yuborib qo'ying😉**

@grantlar_namuna

The OSCE Young Women 4 Peace Initiative: Markaziy Osiyo ayollarini qo'llab-quvvatlash dasturi
OSCE tashkiloti tomonidan Markaziy Osiyo ayol-qizlari uchun Young Women 4 Peace Initiative dasturi uchun qabulga start berildi.

Kimlar uchun: 2024-yil 1-aprel holatiga ko'ra 18-30 yoshda bo'lgan Markaziy Osiyoning yetakchi ayol-qizlari

Dastur davomida ishtirokchilarni kutmoqda:— Har tomonlama salohiyatni oshirish va karyera bo'yicha murabbiylik mashg'ulotlari.
— Gender tengligi, yoshlarni jalb qilish, tinchlik va xavfsizlik mavzularida tengdoshlar bilan munozaralar.
— Moliyalashtirishni boshqarish, muzokaralar, siyosatni ishlab chiqish, grantlarni boshqarish/donor munosabatlari, loyihalarni boshqarish, psixologik va ruhiy salomatlik va ishonchni mustahkamlash kabi mavzularda treninglar.
— Tengdoshlar va murabbiylar bilan networking qilish imkoniyati.
— Ayollar imkoniyatlarini kengaytirish bo'yicha transchegaraviy loyihalar/kichik ko'lamli tashabbuslarni ishlab chiqish va amalga oshirishni qo'llab-quvvatlash.

Dastur to'liq ingliz tilida olib boriladi. Shu sababdan ishtirokchilar ingliz tilini yetarlicha bilishlari zarur.

Ariza topshirish 2024-yil 1-mart tonngi 3:59 ga qadar davom etadi.

👉 ARIZA TOPSHIRISH HAVOLASI 👈

Qo'shimcha murojaatlar uchun: WIN@osce.org

@grantlar_namuna

GKS dasturi g'olibasi bilan o'tkazilgan ovozli suhbatning yozib olingan varianti
Yaqinda Koreyada to'liq grant asosida o'qish imkoniyatini beruvchi GKS dasturi haqida suhbat o'tkazgan edik. Suhbat davomida dasturga hujjat tayyorlash, grant yutishda muhim omillar, IELTS va baholarning ahamiyati haqida batafsil ma'lumotlar berildi.

Samimiy va mazmunli suhbat uchun GKS dasturi g'olibasi Kamola Hamidovaga alohida rahmat aytamiz va kelgusi ishlarida zafar tilab qolamiz.

ESLATMA: hozirda Kamola Hamidova GKS dasturiga topshirmoqchi bo'lganlar uchun mentorlik kursi tashkil etganlar.

👉 Kurs haqida batafsil ma'lumot BU YERDA

@grantlar_namuna

*‼️ *QABUL YOPILMOQDA!

🇰🇷Koreyada 100% GRANT va BEPUL YOTOQXONA!😱 2024-yil bahorgi qabulga hujjat topshirish uchun so'nggi imkoniyat!

🎓 Bakalavr va Magistratura
📍 Shahar: Incheon va Hongseong

🏛 Universitet: 1-semestrga 100% GRANT + 1 yillik BEPUL yotoqxona taklif qilmoqda!

*✅ *Talab: IELTS 5.5 yoki TOPIK 3

*☎️ *Telefon raqam:📞 +998 99 638 7444 | Toshkent📞 +998 99 539 0734 | Farg'ona💬 Telegram 📹 YouTube 📹 Instagram

AQSHda oʻqish uchun qanday turdagi grantlar mavjud?AQSH universitetlarida oʻqish uchun ajratiladigan grantlarning asosiy 6 turi mavjud. Bular vaziyatdan kelib chiqib, toʻliq yoki qisman grant shaklida taqdim etilishi mumkin.

Quyida ular haqida qisqacha maʼlumot beramiz.

1. Koʻrsatkichlarga asoslangan grantlar (Merit scholarships). Bunday grantlar talabaning koʻrsatkichlari, erishgan yutuqlari asosida beriladi.

Masalan, bunday grantlar:
– aʼlo baholarga egalik va/yoki SAT/ACT imtihonidan yuqori ball olganlik uchun (Academic Scholarships);
– aʼlo baholar va imtihonlardan olingan yuqori ballardan tashqari, talabaning jamiyatga qoʻshgan hissasi va darsdan tashqari mashgʻulotlarda ishtiroki uchun (Average Academic Performance Scholarships);
– Sportda erishgan yutuqlari uchun (Sports Scholarships) berilishi mumkin.

2. Moliyaviy ehtiyojga asoslangan grantlar (Need-based scholarships). Bu grantlar oʻqish toʻlovlari va oʻqish bilan bogʻliq boshqa xarajatlarni toʻlashga moliyaviy imkoniyati yetmaydigan talabalarga beriladi.

3. Mamlakatga asoslangan grantlar (Country-based scholarships). Bunday grantlar rivojlanayotgan davlatlarning fuqarosi boʻlgan xalqaro talabalarga beriladi.

4. Universitet grantlari. Koʻplab AQSH universitetlari muayyan mezonlarga mos xalqaro talabalarga oʻz grantlarini taklif qiladi.

Bu mezonlarni universitetning oʻz belgilaydi, masalan, biror universitet muayyan soha boʻyicha oʻqish uchun topshiruvchi eng yuqori koʻrsatkichlarga ega nomzodlarga grant ajratishi mumkin.

5. Xususiy sektor moliyalashtiradigan grantlar. Bunday grantlar xususiy kompaniyalar, tashkilotlar va boshqalar tomonidan xalqaro talabalarga taklif etiladi.

Lekin odatda ularning talablari nisbatan qattiqroq boʻladi va ular koʻpincha muayyan guruhga mansub talabalar (masalan, ayollar, rivojlanayotgan davlatlar fuqarolari va h.k.) uchun beriladi.

6. AQSH hukumati moliyalashtiradigan grantlar. Bunday grantlar taʼlim tizimini globallashtirish maqsadida xalqaro talabalarga AQSH hukumati tomonidan ajratiladi. Ushbu grantlar odatda AQSHda oʻqish uchun eng nufuzli grantlar hisoblanadi (masalan, magistraturada oʻqish uchun Fulbright granti).

Qaysi universitetda qanday grant taklif qilinishini qanday bilsam boʻladi?

Bu uchun kerakli universitetning rasmiy veb-saytiga kirasiz va u yerdan “Financial Aid and Scholarships” yoki “Admission and Aid” yoki shu kabi moliyaviy yordam hamda grantlarga bagʻishlangan boʻlimga kirasiz.

Bu boʻlimda xalqaro talabalar uchun qanday grantlar mavjudligi bilan tanishib chiqishingiz mumkin.

@grantlar_namuna

Grant Proposal Development and Writing Workshops: grantlarga loyiha tayyorlash bo'yicha trening
Toshkentdagi AQSH elchixonasi hamda Appalachian State University tomonidan Toshkent, Farg'ona va Buxoro viloyatlarida grantlar uchun qanday loyiha yaratish, uni qanday taqdim etish bo'yicha trening tashkil etilmoqda.

Treningda qatnashish uchun talablar:— Jamiyat uchun ijobiy o'zgarishlar qilishga ishtiyoqmand bo'lish.
— Hozir O‘zbekistonda istiqomat qilishi.
— Seminarlardan so'ng kamida yana besh kishiga bilimlarini ulashishga tayyor bo'lish va boshqalar.

Trening 2024-yilning may oyida o'tkazilishi reja qilingan.

Treningda qatnashish uchun ro'yxatdan o'ting:👉 RO'YXATDAN O'TISH (o'zbek tilida) 👈
👉 RO'YXATDAN O'TISH (ingliz tilida) 👈

Ariza topshirish muddati: 2023-yil 30-dekabr

@grantlar_namuna

NSP dasturi g'oliblari uchun tashkillashtirilgan suhbatimizning yozib olingan variantini e'tiboringizga havola etmoqdamiz.

Suhbat davomida NSP dasturi g'olibi bo'lgandan so'ng qilinadigan ishlar, viza jarayonlari, ketadigan sarf-xarajatlar haqida ma'lumotlar berildi.

👉 Vizaga topshirish haqida ma'lumot 👈
👉 Vizaga onlayn ariza topshirish havolasi 👈

ESLATMA: NSP dasturi talabalar, universitet oʻqituvchilari, tadqiqotchilar va sanʼatkorlar uchun 2 semestrgacha almashinuv hamda tadqiqot olib borish imkoniyatini beradi.

👉 NSP dasturi haqida batafsil ma'lumot 👈

Dastur bo'yicha mentorlik kursida qatnashish haqida ma'lumot uchun @GN_Work hisobiga murojaat qilishingiz mumkin.

@grantlar_namuna