Фарғонада коррупцияга қарши курашувчи мансабдор пора билан ушланди

“Фарғона вилояти ҳудудий электр тармоқлари корхонаси” акциядорлик жамиятининг Коррупцияга қарши курашиш ва комплаенс назорат бўлими бошлиғи вилоятдаги туманлардан бирининг электр тармоқлари корхонаси бош муҳандиси 2024 йил 9 ойлик фаолияти давомида йўл қўйган камчиликлари учун келгусида ишдан бўшатилмаслиги эвазига, ундан 1000 АҚШ доллари олган вақтида ашёвий далиллар билан ушланди.

Терговга қадар текширув давомида, ушбу ноқонуний ишга АЖнинг ходимлар билан ишлаш бўлими бошлиғи ҳам алоқадор эканлиги аниқланди.

Ҳозирда мазкур икки шахсга нисбатан жиноят иши қўзғатилиб, қамоқ эҳтиёт чораси қўлланилган.

👉 @Energetika

Тожикистонда қурилаётган Роғун ГЭСи ишлаб чиқарган электр энергиясини 70 % ини (10 млрд кВт•соат) қўшни мамлакатларга экспорт қилади.

Электромобилларни қувватлантириш станциялари ўрнатиш жадаллаштирилади

2025 йил 1 февралдан янги лойиҳалашириладиган давлат органлари, савдо ва бизнес марказлари, кўнгилочар ва дам олиш масканлари, АЁҚШлар, меҳмонхоналар ва йўллар бўйидаги инфратузилма объектларида автотураргоҳнинг камида беш фоизи электромобилларни қувватлантириш станцияларини жойлаштириш учун ажратилади, - Вазирлар Маҳкамаси қарори.

👉 @Energetika

Тадбиркорларга табиий газ бўйича ҳисобланган асоссиз 3,7 млрд сўмга яқин маблағлар қайта ҳисоб-китоб қилинди

Рақобат қўмитаси томонидан тадбиркорлик субъектларининг қонуний ҳуқуқлари ва манфаатларини ҳимоя қилиш юзасидан тизимли ишлар олиб борилмоқда.

Жумладан, Жиззах вилоятида тоғ-кон ҳамда автомобилларга ёқилғи қуйиш фаолиятини кўрсатувчи тадбиркорлик субъектлари “HUDUDGAZTA’MINOT” АЖ ва унинг “HUDUDGAZ JIZZAX” газ таъминоти филиали томонидан асоссиз қарздорлик ҳисобланганлигидан норози бўлиб, Қўмитанинг ҳудудий бошқармасига мурожаатлар қолдирган.
Мазкур мурожаатлар юзасидан Қўмита томонидан амалга оширилган ишлар натижасида, асоссиз ҳисобланган 3,7 млрд сўмга яқин қарздорлик “HUDUDGAZTA’MINOT” АЖнинг махсус электрон дастурида ҳисобдан чиқарилиши таъминланиб, тадбиркорларнинг ҳуқуқий манфаатлари ҳимоя қилинди.

👉 @Energetika

❗️ 7 ноябрдан бошлаб Тошкентда иссиқлик энергияси билан босқичма-босқич таъминлаш ишлари бошланади.

👉 @Energetika

Бугун Шавкат Мирзиёев Навоий вилоятига ташриф буюради. Сафар давомида йирик саноат объектлари ва ишлаб чиқариш корхоналари, ижтимоий соҳа ташкилотлари билан танишиш, янги лойиҳаларга старт бериш режалаштирилган.

Ташриф доирасида президент ҳудудни ижтимоий-иқтисодий ривожлантириш бўйича келгуси устувор вазифаларни белгилаб беради.

👉 @Energetika