اكتر شي بتأثر عليك وعلى طاقتك وشعورك وحالتك النفسية هو الناس الي حواليك ، الناس الطيبه بتضيف لحياتك لون حلو بتخليك دايما عايش حتى في اصعب ايامك بتلاقي الدنيا حلوة ، يارب الايام الحلوه والصحبة الي ما بتتغير ، وتسخير عبادك الصالحين في جميع الطرق التي نسلكها . .

هالحياة دين علينا..
كتير هالجملة مرعبة
دين..!
على أد ما منطلب منها رح تعطينا
بس بتكون ناطرة نرد يلي اخدناه بالإيد التانية
اذا جعنا رح تطعمينا بس رح تخلينا نشقى لتعطينا اللقمة
اذا احتجنا المال رح تقدمو إلنا بس رح تكون ناطرة تاخد منا المقابل
اذا قدمنالها الإحسان رح تردلنا ياه بإحسان أكبر
واذا قدمنا الحقد ما رح نلقى غيرو منها..
العداوة بتردها بأكبر
و الكره و البغضاء بأكتر و أكتر
و المحبة بتعطيها أضعاف
و أنت بتقدملا يلي بتتمناه يرجعلك
لانو ببساطة " كما تٌدين تُدان "

مو كل شي راح بيستاهل نزعل عليه أو حتى نوقف حياتنا مشانو ، مرات بكون هالشي بداية حياة لروحك و لكل شي فيك ، بكفيك انو تعيش مرتاح و بالك هادي بكفيك انو ما تسمع تخبيط قلبك و صوت تفكيرك ! الحياة عطتك فرصة جديدة لتعيشها صح و مبسوط ، لا تضيعها بتفكيرك ع شي راح ولا تندم و تقول لو ما عملت هيك كان هالشي ما تخلى عني.. اللي بكون خير إلك بضل معك و اللي الله بيبعدو عنك صدقني بعدو ح يكون أكبر خير يرافقك كل عمرك ?!

لم تكُن كل الطُرق تؤدي أليك ، أنا من كان يعكفُ الطّريق ليَعود إليك . .

لما توثق بشخصٍ ما، صديق
حبيب ، زوج، خطيبة، رفقة، إلى آخره، شو ما كانت نوع العلاقة بينكم، وتتركو هو وضميرو، لما رح يكون ضميرو صاحي صدقني ما رح يقدر يطعن فيك بـ خيانة ما من وراك أو يأذيك بشي يمس مشاعرك كالخداع والكذب كمان ، لأنو عارف إذا إنت مو شايف شو عم يعمل أو يتصرف من ورا ظهرك، ربنا شايفه وعارف شو عم يعمل بحقك، لذلك
إترك كل شخص هو وضميره وما أحلى الأشخاص يلي ضميرهم صاحي وبيمنعهم إنو يغدرو بالناس يلي بحياتهم. . ??.
#فاطمة_عمر

الحنيّة عمرها ما كانت بس لمسة
الحنية ...
أنك تعرف أن الشخص الّلي معك ممكن يزعل من كلمة
وتبدلها بكلمة أحن
الحنية
أنك ما تتركه ينام وهو زعلان
وتضمن أن قلبه صار أحسن
وروحه صارت متطمنة
الحنية
أنك تكون مع الشخص بكامل انتباهك
و ما تجـرحو حتى بنظرة..
الحنية
إنك تعانق قلبو بحكي لطيف يخليه يبتسم وينسى همومه ووجعه لمجرد إنك محسسه بالسند.
إنك ما تسمحلو ينزل دمعة وهو معك وتطبطب عقلبو بحنية، بحنية كبيرة كتير.