Update❗️

"ኢትዮጵያ ህልውናዋ እና ሉዓላዊነቷ አደጋ በተጋረጠበት ጊዜ ሁሉ ችግሮቿን ለመጋፈጥ ፖሊስ ግንባር ቀደም ተሰላፊ ነበር❗️"
– ጠ/ሚ ዐቢይ አሕመድ

⚡️በመስቀል አደባባይ በተካሄደው የፖሊስ አመራርና አባላት የምስጋናና የእውቅና አሰጣጥ መርሃ ግብር ላይ የተገኙት ጠቅላይ ሚኒስትሩ በሰላም ጊዜ በየሰፈሩ በጦርነት ጊዜ በየግንባሩ ሰላም ለማስጠበቅ ደፋ ቀና የሚለው የፌደራል ፖሊስ ከብዙ ድል በኋል ክብረ በአሉን ለማክበር እና ተቋማዊ ስራውን ለህዝብ ለማሳየት በቅቷል ብለዋል፡፡

⚡️ለዚህም እንኳን ደስ አላችሁ ልንላቸው ይገባል ያሉት ጠቅላይ ሚኒስትሩ ኢትዮጵያ ህልውናዋ እና ሉዓላዊነቷ ለአደጋ በተጋረጠበት ጊዜ ሁሉ ፖሊስ ግንባር ቀደም ተሰላፊ ነበር ብለዋል።

⚡️በመርሀ ግብሩ ላይ ጠቅላይ ሚኒስትር ዐቢይ ጨምሮ ፊልድ ማርሻል ብርሀኑ ጁላ፣ የኢትዮጵያ ፌደራል ፖሊስ ሠራዊት ዋና ጠቅላይ አዛዥ ኮሚሽነር ጀነራል ደመላሽ ገ/ሚካኤል ፣ የወንጀል መከላከል ጠቅላይ መምሪያ አዛዥ ም/ኮሚሽነር ጀነራል መላኩ ፋንታ ተገኝተዋል።

?• @ThinkAbyssinia •?

#ቲንክአቢሲኒያ_የቡናቁርስ_መረጃዎች

1፤ሦስተኛው ዙር የህዳሴው ግድብ ሙሌት በሐምሌ ወር እንደሚጀመር ታወቀ።

ከክረምቱ መግባት ጋር ተያይዞ ወደ ግድቡ የሚፈሰው የውኃ መጠን ከሰኔ አጋማሽ ጀምሮ ከፍ እያለ ከሄደ በኋላ ወደ ግድቡ የሚገባውን ውኃ በመያዝ በሐምሌ ወር ሙሌቱ እንደሚጀመር ሪፖርተር ዘግቧል፡፡ በዚህ ዓመት ወደ ግድቡ እንዲገባ የሚጠበቀውን የውኃ መጠን ለመያዝ የግድቡን ቁመት የመጨመር ሥራ እየተከናወነ መሆኑ የተገለፀ ሲሆን የውኃ ሙሌቱ ሲጀመር የግድቡ ቁመት በሚፈለገው መጠን እንደሚደርስ ተጠቁሟል፡፡ አሁን ላይ የሁለተኛው ተርባይን ፍተሻም ተጀምሯል።

2፤ለጎርፍ አደጋ ተጋላጭ የማህበረሰብ ክፍሎች ወደ ሌላ ቦታ ሊዛወሩ ነው ተባለ።

ለጎርፍ አደጋ ተጋላጭ በሆኑ አካባቢዎች የሚኖሩ ሰዎችን ወደ ሌላ ቦታ የማዘዋወር ሥራው በኢትዮጵያ አደጋ ስጋት ሥራ አመራር ኮሚሽን የሚመራ ሲሆን በቀጣይ የክረምት ወቅት በጎርፍ ሊጠቁ ይችላሉ በተባሉ ዝቅተኛ አካባቢዎች ላይ አደጋው ጉዳት እንዳያስከትል የጎርፍ ግብረ ኃይል ተቋቁሞ የቅድመ ዝግጅት ሥራ መጀመሩን አዲስ ማለዳ ዘግቧል።በሰሜን፣ በሰሜን ምሥራቅ፣ በሰሜን ምዕራብ ነሚገኙ የኢትዮጵያ አካባቢዎች ለጎርፍ አደጋ ተጋላጭ ናቸው የተባለ ሲሆን በድሬድዋ ከተማ፣ በአዋሽ ወንዝ ተፋሰስ እና በሌሎች ዝቅተኛ አካባቢዎች በኩል ራሱን የቻለ የጎርፍ አደጋ ግብረ ኃይል ተቋቁሞ የቅድመ ዝግጅት ሥራ ተጀምሯል ተብሏል።

3፤ናይጄሪያ በአንድ ግለሰብ ግድያ ምክንያት 2 ሺህ ሞተር ሳይክሎችን አወደመች።

በናይጄሪያ ትልቁ ከተማ ሌጎስ ‘አካዳስ’ በመባል በሚታወቁት ተሽከርካሪዎች ላይ እገዳ መጣሉን ተከትሎ ከ2 ሺህ በላይ የተወረሱ ሞተር ሳይክሎች እንዲወድሙ ተደርገዋል። እርምጃው የተወሰደው ባለፈው ወር አንድ ግለሰብ በተጠረጠሩ የሞተር ሳይክል አሽከርካሪዎች በታሪፍ ምክንያት በተፈጠረ አለመግባባት መገደሉን ተከትሎ ሲሆን ይህም በሀገሪቱ ቁጣን የቀሰቀሰ ስለነበር ባለሥልጣናቱ ይህንን እርምጃ ለመውሰድ ተገደዋል። ውሳኔው የወጣቶችን የሥራ ዕድል የዘጋ ነው ሲሉ ብዙዎች ተቃውመውታል።

4፤ሰሜን ኮሪያ በአንድ ቀን 8 የባላስቲክ ሚሳዔሎችን አስወነጨፈች።

የባላስቲክ ሚሳዔሎችን ወደ ምስራቅ የባህር ክልሏ ማስንጨፏ የተገለፀ ሲሆን ሰሜን ኮሪያ የባላቲክ ሚሳዔል ሙከራውን ያደረገችው አሜሪካ እና ደቡብ ኮሪያ በፊሊፒንስ ባር ላይ ስያካሂዱ የነበሩትን የጋራ ወታደራዊ ልምምድ ማጠናቀቃቸውን ተከትሎ እንደሆነ ተነግሯል። ሰሜን ኮሪያ ሚሳዔሎቹን ያስወነጨፈችው ከፒዮንግያንግ በስተሰሜን ከሚገኝ ሱናን ከተባለ ስፍራ መሆኑ ታውቋል። ሀገሪቱ የዛሬውን ጨምሮ የፈረንጆቹ 2022 ከገባ ወዲህ ባለፉት ስድስት ወራት ውስጥ ለ18ኛ ጊዜ ሲሆን፤ አጠቃላይ ያስወነጨፈችው ሚሳዔል መጠንም 25 መድረሱ ተገልጿል።

5፤ዋልያዎቹ ዛሬ የመጀመሪያ ጨዋታቸውን ያደርጋሉ።

የኢትዮጵያ ብሄራዊ ቡድን ለኮትዲቯሩ የአፍሪካ ዋንጫ ለማለፍ የምድብ የመጀመሪያ ማጣርያቸውን በዛሬው ዕለት በሀገረ ማላዊ የሚያደርጉ ይሆናል ። ብሄራዊ ቡድኑ ዛሬ ከ ቀኑ 10:00 ጀምሮ ከማላዊ ብሄራዊ ቡድን ጋር የምድቡን የመክፈቻ መርሐ ግብር ያከናውናል ። ጨዋታው በዲኤስቲቪ በቀጥታ ስርጭት ሽፋን ስለሚሰጠው በልዩ ስፖርት ቻናል ቁጥር 240 መከታተል ይቻላል ተብሏል። የማላዊ መንግሥት የፕሬስ ሴክሬተሪ እንዳረጋገጡት ከሆነ ደግሞ የሀገሪቱ ፕሬዝዳንት ላዛሩስ ቻክዌራ እና ምክትል ፕሬዝዳንቱ ሳሎስ ቺሊማ ጨዋታውን ስታዲየም ተገኝተው ይከታተላሉ ተብሏል።

?• @ThinkAbyssinia •?