إزدهر الوجود بفاطمة
{إِنَّا أَعْطَيْنَاكَ الْكَوْثَرَ}🦋

السَلام عليكُم ورَحمة اللهِ وبَركاته غَالياتِي
طَبعًا نَستميحكُم عُذرًا عَلى الإنقطاع لَكن بِسببِ ظروف خَاصة ،، بِما إنُ رِجعتْ المَدرسة فَ اليِوم حَ يِكون بَحثنا (البوسِتْ)بِهذا المَوضوع المُهِم ،، اولًا عَزيزاتي لَازِم تِحمِدّن الله حَمدًا وشُكرًا وإمتنانًا لِأن إنتوا مِسجلين بِالمَدارس ودا تِدرسون عَلمود احلامِكُم واهدافِكُم الي بإذن الله عَز وَجل حَ تِتحق لأن هِواي نَاس بِاعماركُم تِتمنى تِسجّل مَدرسة عَلمود تِكون الها شهادة ووظيفة تجاهد بِيهم لأجل نُصرتْ إمام الزَمان رُوحي فِداه ،، ثانيًا حَبيباتِي تَرى مَحد حَ يِفيدكُم غَير دِراستِكُم مِن بَعد صَلاتكُم وَدينكُم فَ لِذلك جَاهدوا وأثبتوا إنه شِيعة أمير المُؤمنين عَليه السَلام دا تِطلب عِلم وثَقافة لأجل نُصرتْ دولة الإمام،، بيوم مِن الايام مَرَّ عَليَّ إقتباس إنهُ سِلاح المرأة هِي عَباءتها وشَهادتها صاحِب الأمر رُوحي فِداه يريد بناته طالبات علم في الدِين وفِي الثَقافة الاجتماعية والى آخره … ،، اضافة لِلي ناذرين دِراستهُم لِلحُجة عَجل الله تَعالى فرجهُ لَازِم مَتقصرون او تِغلسون على مادة او مَوضوع لِأن نُذر الدِراسة لِإمامِ الزَمان شِي مُو هَين او مُجرد كلام او اقتباس كتبته على الدفتر او الكُتب اضافة لَا تشغلكم دِراستكُم عَن الله عَز وَجل وآل البَيت عَليهُم السَلام لَمن يصير الآذان وانتوا جاي تِقرون او تِكتبون رأسةً اعوف الكِتابة او القراءة واروح اتوضئ واصلي ومو بِسرعة تصلون ! لَا تِبتعدون عن امام الزمان روحي فِداه لان هو بكل يوم يمكُم ويحفظكُم ويرعاكُم صحيًا ونفسيًا ودراسيًا ،، شِدوا حيلكُم وفَرحوا إمام الزمان واهلكُم وانفسكُم ،، والي يدورون اعفاء عام اقروا زين وتوكلوا على رب العباد وان شاء الله تطلعون اعفاء عام والي تريدون تنجحون ادرسوا بكل طاقتكُم واصراركُم واكيد رب العالمين مَا حَ يضيع الكُم التعب الي حَ تتعبوه والسَهر الي تسهروه او كعدة الصُبح عَلمود تقرون هاي كُلها مَحسوبات اما بالنسبة للوزاري ف كذلك انتوا هم اقروا بكُل طاقتكم ولا تخافون لان الله عَز وجل وآل البَيت عَليهُم السَلام مَوجودين وياكُم ومَ حَ يعوفوكُم وبإذن الله كُلكُم بِ أعلى المَراتب ان شاء الله كُل التَوفيق والنَجاح لكُم جَمعاء ،، اضافةً حَ ننقطع عَليكُم لفترة من الزمن بِسببِ الظروف نَستميحكُم عُذرًا ونَسألكُم الدُعاء جِدًا ،، دُمتُم بِحفظِ الله تَعالى 📚📚💚
- أثر زَيّنَب .

وأبيض يُسْتَسقىٰ الغَمامُ بوجههِ
‏ربيعُ اليتامىٰ عِصمَةٌ للأرامِلِ

‏يَلوذُ به الهُلَّاكُ من آل هاشِمٍ
‏فهُم عِندَهُ في نِعمَةٍ وفواضِلِ.

‏-أبو طالب (عليه السّلام).