Руҳим – тиниқ ҳасрат –
Тўлқинли.
Куз яна йиғлатди
Кўнглимни.

Куз нола ҳолига
Етишган.
Йўл очиқ – юракка
Кетишга!

Сўз юзига томдим
Ёш монанд –
Ўзинг артиб олгин,
Худованд...

Усмон Азим
“Коллаж” китобидан

https://telegram.me/usmon_azim

Telegram

📓Usmon Azim

Boshqa dunyo odamlari... @beishqzoda

Юлдузларга боққан бўлсам,
Уларни тирик деб ўйлагандирман.

Осмонни соғинган бўлсам,
Парвозлар бисёр, деб ўйлагандирман.

Агар яшаган бўлсам,
Қанотим бордир, деб ўйлагандирман.

Агар ўлган бўлсам,
Учиш бахтидан
Юрагим ёрилиб
Ўлгандирман-да!..

Усмон Азим

https://telegram.me/usmon_azim

Telegram

📓Usmon Azim

Boshqa dunyo odamlari... @beishqzoda

Бу қафас қушга кўниккан эди.
Мустар яшар эди қуш хам сайрамай.
Кўникиб минг йиллик тутқунлигига.

Эшигини очиб қўйди бир куни қафас.
Қуш эса...учиб бориб қўнмади гулга.

Шунда сайраб юборди қафас:
-Парвардигор! Озод эт бу қушдан мени!...

Усмон Азим

https://telegram.me/usmon_azim

Telegram

📓Usmon Azim

Boshqa dunyo odamlari... @beishqzoda

Бардам бўлмоқликка ўргатди ҳаёт,
Бошни баланд тутсанг-ўзингга яхши.
Ойна қаршисида бирдан солдинг дод-
Нега ўхшамади ўзингга аксинг?!

О, неча оламга бўлиндинг? Бири
Қасосга қўл чўзар, бири бурар юз.
Умрингни боғида ёз ўтиб борар,
Кўнглингнинг боғида айланади куз.

Тортиниб очилган эшикми?.. Эвоҳ.
Адашиб яшашдан ўпкалар тўлди.
Хиёнат бағрига йиқилди гуноҳ:
-Нималар бўлди...
О! Нималар бўлди?!

Усмон Азим

https://telegram.me/usmon_azim

Telegram

📓Usmon Azim

Boshqa dunyo odamlari... @beishqzoda

Сен шундай гўзалсан, шу қадар нафис,
Сен шундай ғуссали, шу қадар ўйчан,
Сен шундай дарддирсан ― йўқотмоқ хавфи ―
Қалбимни ўртару тарк этмас бир дам.

Сўзлайсан ― ўзингга сўзлаган мисол,
Қаршимда турасан ғамларга банди.
Ишқингда бир кун-ку тириклик маҳол,
Аммо ҳар лаҳзада ўлмоқлик камми?

Сен шундай гўзалсан, шу қадар ғамгин ―
Кўзимда ёшдирсан, юрагимда ― зор...
Сен шундай дарддирсан ― йўқотиш мумкин,
Сен шундай дарддирсан ― топмоқлик душвор.

Усмон Азим

https://telegram.me/usmon_azim

Telegram

📓Usmon Azim

Boshqa dunyo odamlari... @beishqzoda

Мен чарчаб сенга суяндим, ҳақиқат.
Соат бонг урмоқда,
Гаплашайлик, кел.
Қўрқма,
Ўтиб кетди бир кунлик даҳшат.
Бугун, иккинчи апрель,
Ҳақиқат.
Иккинчи апрель..

Усмон Азим

https://telegram.me/usmon_azim

Telegram

📓Usmon Azim

Boshqa dunyo odamlari... @beishqzoda

ТУНГИ БАЛЛАДА
”Воҳ, сенинг ишқингда ўртаниб кетдим!” –
Кечами, соғинчми бошлади ялла…
Мен сенинг йўғингга ўрганиб кетдим,
Аммо ашуладан тўлғониб кетдим,
Ой кўкда кўз ёшдай осилган палла.

”Воҳ, сенинг ишқингда ўртаниб кетдим!” –
Бировнинг ”оҳ”ига чўлғониб кетдим:
Ўзим айтай десам, баётим йўқдир,
Сенсиз яшай десам, ҳаётим йўқдир –
Ҳаётсиз умрга ўрганиб кетдим…

Усмон Азим

https://telegram.me/usmon_azim

Telegram

📓Usmon Azim

Boshqa dunyo odamlari... @beishqzoda

Йўлбарс магар ташланса қўрқма,
Илон чақса олма хавотир.
Бўри қувса тизингни-букма
Ғайри бир ҳол бўлмади содир.

Мунча юксак айлаган парвоз
Мусичами? Даҳшатку турқи!
Сен ундан қўрқ... Ва яна нохос
Ириллаган қуёндан қўрққин.

Усмон Азим

https://telegram.me/usmon_azim

Telegram

📓Usmon Azim

Boshqa dunyo odamlari... @beishqzoda

• Эзилиб-эзилиб ёмғирлар ёғди,
  Эзилиб-эзилиб адо бўлди жон.
  Кечани гоҳида чақмоқлар ёқди,
  Гоҳида “оҳ” урдинг – ўртанди жаҳон.

Умрнинг қоронғу кўчаларида
Муҳаббату нафрат ҳорғин кезинди.
Баҳорнинг ёмғирли кечаларида
Эзилди... эзилди... юрак эзилди.

Тақдирнинг беомон шиддат ёмғири
Айтар видомизни айтди тонггача.
Энди бу ёмғирнинг йўқдир охири –
Эзилиб йиғлайди сўнгги онгача.

Сўз кимга керакдир? Лаб очмагин. Жим.
Тақдир сўзга лойиқ қолдирмади сир –
Мен ҳам ёмғир каби бир ёғиб ўтдим,
Сен ҳам ёмғир каби йиғлаб ўтдинг бир...

Усмон Азим

https://telegram.me/usmon_azim

Telegram

📓Usmon Azim

Boshqa dunyo odamlari... @beishqzoda

Ёлғизлик элтдими ботин сеҳрга,
Ёҳуд дилга етди баҳорги олам –
Яшил навдаларга боқиб меҳр-ла,
Баҳорни авайлаб – йиғлади одам.

Дунёни бузмасдан йиғлади беун,
Бетитроқ – кўнгилга бериб ихтиёр.
“Худойим, ижодинг бунчалар бутун,
Бирга нафас олган юрак бахтиёр!

Гоҳо ўзим билан, ўзга билан гоҳ,
Дунёнгни билмасдан – баҳслашдим ўжар.
Кўзим очиқ чоғда, Парвардигоро,
Заррамни қолдирмай олсангчи ўлжа.

Кўрсата олмайман (Ўзинг чексиз кўз!)
Адашган умримнинг сарсон изини.
Келётган кунларга айтиб ширин хўш,
Сенга қўшиламан ҳозир узулиб...”

...Дераза ортида баҳор - мукаммал.
ИНСОН - ЯРАЛМИШНИНГ ЭНГ ЧАЛА ЖОЙИ
Ҳудди бутун каби турар бу маҳал –
Баҳорга боқару, йиғлар, “Худойим!..”

УСМОН АЗИМ

https://t.me/usmon_azim