Жуда яхши сухбат

https://youtu.be/gKNwGXDzoEA?si=rpnS9siV0io29uPM

YouTube

"Amaldorlarda pullar meniki degan qarash bor"

Radioefir boshlovchisi o‘zbekistonliklarni “soliqlardan qochib yuradigan xalq” deb ta’riflagan bo‘lsa, shu dastur mehmoni bo‘lgan shoir uning fikrlarini qo‘llab, vazirdan davlat mablag‘larining qanday ishlatilgani bo‘yicha hisob so‘ragan odamni “mot qilgani”…

Хуршид ДАВРОН
РАВШАН УКАМНИ ЭСЛАБ
Равшан билан узоқ йиллар ёнма-ён юрдик, бир эшикдан кириб-чиқдик, бир бинода ишладик. Мен «Камалак» нашриёт-матбаа бирлашмасида, Равшан «Ёшлик» журналида. У билан ака-укадай эдик.

Равшан мендан ёш бўлса-да, руҳимиз анча яқин эди. Ҳозир эсласам, ҳеч қачон бир-биримизга шеър ўқимаган эканмиз. Мен мансуб авлод давраларида ҳам камдан-кам шеърхонликлар бўларди. Деярли бўлмасди,десам тўғри бўлади. Кўпроқ шеърият, ижод масъулияти ва шоир шахсияти ҳақида суҳбатлашардик, баҳсу мунозара қилардик. Бир-биримизнинг шеъримизни ҳам ёлғизликда ўқиганмиз. Равшаннинг шеърларини ҳам ана шундай танҳолик пайтларида ўқиганман, кўнглимда, унга айтаман деган кўп фикру мулоҳазалар,яхши гаплар бор эди.

Аммо, бир умр бирга бўладигандай, ҳаёт тугамайдигандай, эртага ишониб, Равшанга шеърлари ҳақида бир оғиз сўз айтишга улгурмадим. Ўша фожиали август кунидаям тобути бошида турарканман, пушаймону афсусдан юрак-бағрим эзилган эди. Биродарларим,ота-онангга, ака-ю укангга, опа-синглингга, жўраларингга, фарзандларингга, хусусан, Равшан каби сени ака деб билган ука шоир(лар)га айтадиган сўзинг бўлса, зинҳор кейинга қолдирмаслик керак экан, айтишга улгуриш керак экан.

Равшан эса ватанига, халқига, дўстларига, фарзандлрига меҳру муҳаббатини айтишга улгурди. У менга бўлган меҳрини ҳам айтишга улгурди. Менга бағишлаб “Бу тун” деб номланган бир шеър ёзди. Бу шеърни ҳар ўқиганимда, юрагимнинг қат-қатида зулматдаги митти юлдуздек кечиккан афсус жимирлаб ёнади.

БУ ТУН
Хуршид ДАВРОНга

Тун. Манзарага чиқдим тонг кутиб,
Шовқин-сурон тегди жонимга.
Бу одамлар юрагин ютиб,
Тоза ташна қилди қонимга.

Тайёралар бўлганда канда,
Қаторларда ўтар пишқириб.
Оддий бир сўз билан айтганда,
Ҳамма тонгга шошар ишқилиб.

Билиб-билмай ҳатто ўзлари
Саҳарлардан кутиб шон-шараф,
Келажакка шошир ёш-қари,
Шошар тинмай олдинга қараб.

Тун-кун демай бечидам, бетин,
Билмай ором, билмай ҳаловат
Югуради, ейди ич-этин,
Гоҳ бахт кўрар ва гоҳ талофат.

Мен-чи, куздай ғариб, бенаво,
Деразадан турардим боқиб.
Келажакка қараб бир дунё,
Битта дарё борарди оқиб.

Озод ўйлар сочларин ўрдим,
(О, бунча дўнг хаёллар арши)
Шунда ногоҳ бир шуъла кўрдим,
У борарди оқимга қарши.

Шовқин-сурон тўла дунёда
Кўлларида фонуси… ё раб,
Фақат бир зот пою пиёда
Кетар эди ўтмишга қараб.

36 ёшида абадиятга қараб йўлга тушган Равшандан ажойиб мисралар, шеърлар қолди. Бу шеърлар биз билан ҳамнафас ва ҳамзамон. Ишонаманки, бу шеърларни ҳали кўп авлодлар ҳаяжон билан ўқияжаклар. Жонажон укамдек яқин, масъум табиатли шоирга айтолмай қолган сўзларимни Равшан кетганда ортида қолган фарзандларига, бугун таниқли тележурналист бўлиб етишган қизи Юлдуз Файзийга, Равшан кетгандан кейин туғилган ва бугун йигит ёшига етган ёш замондошларимга, қолаверса,ўша олис набираларимга айтиб қолишни истадим.

https://www.youtube.com/watch?v=yZx8fyYr8_s

YouTube

Shavkat Rahmon degan bir o'jar shoir bir kuni qaytadan yaraladimi...

Шавкат Раҳмон деган бир ўжар шоир бир куни қайтадан яраладими... / Shavkat Rahmon degan bir o‘jar shoir bir kuni qaytadan yaraladimi... XX asr oʻzbek sheʼriyatining oʻziga xos vakili, millatparvar shoir Shavkat Rahmon 1950-yil 12-sentyabrda Oʻsh (shahar)…

https://youtu.be/Ztbh_29ley8

YouTube

Xulio Kortasar - “Ishgʻol qilingan uy” | Audiokitob

Xulio Kortasarning “Ishgʻol qilingan uy” hikoyasi koʻplab tadqiqotchilarning e’tiboriga tushgan. Bir toifa tadqiqotchilar hikoyadagi sirli kuchni inson yolgʻizligi, yolgʻizlik avval uyni, keyin aka-singilning qalbini zabt etgan deb tahlil qilsa, boshqa a…

https://www.youtube.com/watch?v=keoPzM2id10

YouTube

Biz Glendani shunday yaxshi ko‘rardik. Xuloo Kortasar hikoyasi asosida radiokitob.

Xulio Kortasar. Biz Glendani shunday yaxshi ko’rardik. Radiohikoya Yozuvchi va asarlari, xususan, sizga taqdim etilayotgan hikoya haqida mana bu sahifada o'qishingiz mumkin:https://kh-davron.uz/kutubxona/jahon/xulio-kortasar-shishaga-solingan-maktub-masuma…

https://www.youtube.com/watch?v=eKVyrQIXIw4

YouTube

Muslim Magomayev kuylagan ikki betakror qo'shiq: Sensiz & Ona

17 август — Бетакрор хонанда Муслим Магомаев таваллуд топган кун / 17 avgust — Betakror xonanda Muslim Magomayev tavallud topgan kun. Muslim Magomayev kuylagan ikki betakror qo‘shiq: 1. Sensiz. Uzeir Hojibekovning Nizomiy Ganjaviy g‘azaliga bastalagan …

17 АВГУСТ — БЕТАКРОР ХОНАНДА МУСЛИМ МАГОМАЕВ ТАВАЛЛУД ТОПГАН КУН
БОТИНДАН КЎЧГАН БЎРОН
Иқбол Қўшшаева

Айтишларича, инсон ҳаётида муҳаббат битта бўлармиш. Биринчи ва иккинчи деган гаплар беҳуда, унгача ва ундан кейингилари ўша ягона тилсимни англаш йўлидаги ҳиссий изланишлардир. Яна ким билсин? Эҳтимол, бу ҳам бир юпанч илинжида айтилгандир?!… Муҳаббат нима? Билганим — мубталолик. Ўзингни ёлғиз сезсанг — соғинасан, жонинг оғриса, малҳамни ундан излайсан, бўшлиқни туйган заҳотинг маънога интиласан ва ҳайратингни бўлишгинг келади. Хуллас, муҳаббат қўшиқ бўлиб титратади, оҳанг бўлиб ўртайди, куй бўлиб овутади…

Давоми: https://kh-davron.uz/kutubxona/multimedia/muslim-magomayev-botindan-kochgan-boron.html

Bu she’r 1985-yilda yozilgan. O’shanda ham hammasi shunday edi… Shuncha yillar… Shuncha bolalar…

Bugun Falastin tuprog‘i yonmoqda, uning erksevar farzandlari qattol dushman o‘q va bombalaridan qurbon bo‘lmoqda. Qarayib salkam yetmish yildan buyon davom etayotgan ozodlik urushida falastinliklar bir qadam ham orqaga chekinmadilar. Har kuni yuragim eziladi. Kenja nabiramni ko‘zda yosh bag‘rimga bosaveraman. Bundan salkam 40 yil avval, Falastin bolalariga bag‘ishlab yozilgan she’rimni eslayman:

Sen qizingning sochini silab
Turgan paytda, baxtdan bo‘lib ko‘r,
Olislarda, beovoz yig‘lab
Kimdir qazir bolasiga go‘r.

Artarkansan o‘g‘lingning araz –
Qilib to‘kkan ko‘zin yoshini,
Olislarda yig‘laydi ona
O‘g‘li uzra egib boshini.

Buncha loqayd bo‘lmasdi ko‘ngling,
Ko‘zlaringda porlamasdi nur,
O‘sha go‘dak o‘rnida bolang
Yotganini qilsang tasavvur.

Turmas eding shodumon kulib,
Boqmas eding bunchalar sen sho‘x,
Bir kun sening bolangga kelib
Tegishini, bilsang, o‘sha o‘q…

Xurshid Davron
1985-yil

Men bu olijanob inson bilan ilk marotiba 1992 yilning may oyida Burdada birinchi bor o‘tkazilgan Uluslararo Turkcha she'r anjumanida uchrashgan edim. Bu bayramga ustozlarim Erkin Vohidov, Rauf Parfi va akajo‘ram Azim Suyun bilan borgan edik. Ikkinchi bor 2024 yilning kuzida o‘sha Turkcha She'r anjumaninig Birinchisining 30 yilligi nishonlangan kunda yana Bursada yuzlashgan edik.
Mehmet og‘aning bir armoni bor edi: Deyarli hamma turk va turkka hamdo‘st davlatlarida o‘tkazilgan Uluslararo Turkcha she'r anjumanini O‘zbekistondayam o‘tkazish orzusi bor edi. Ming afsuski, biz tarafning aybi bilan 30 yil davomida bu she'r bayrami o‘tkazilishiga yo‘l berilmadi. Ammo, bu orzu bizning yuragimizda tirik va albatta turk davlatlari birligi deb yashayotgan insonlar orzusi bari bir amalga oshadi. Mehmet og‘amning orzusi albatta amalga oshishiga ishonaman.