بلاية خيام
بلون الليل صار الشام
وكلشي بعين زينب ليل
اليشوف حسين فوك الكاع
ماضن يستقر بي حيل
موشل كلشي من عدها
الدمع والحيل والناس شكثر هوسة
حتى الكاع صبخة
وكلشي يابس جان
وبس اتراب متروسة
كلشي ابزينب ابيض جان
صارت مثل جف موسى
ومنو كال الجبل ماتهزة الارياح
اشو عالرمح راس حسين يفتر
الشام الشام متكبر على ام عون
هواي اعليك حتى نعال قنبر

منتظر البنداوي

علي اول عليل بعلتة قائد

منتظر البنداوي

الكمر من دونة وسفة :: #يمشي_ليلي
كمت امشي انــة للي :: #يمشي_ليلي

اليجيني كمت انة اتعناه
وبكل خطوة اجــــرن اه
البخت والهيبة والديوان
وسفــــــة اطشــر القرآن
الّــمن بيـــه ؟ بدموعي
اوصلتلة وتـاه موضوعي
انــــــة زينب واطر بيدة
اخــــت كفــــــالها تريدة
اريــــد اشكيــلــك شبية
الصبح خوية اني مسبية

تنهض ها ابو فاضل :: لو نعينة
رقــيــة تكلـــي عمة :: لو نعينة
واكلها السهم غيــر :: لون عينة
صفت حمر السمة وعينة سوية

لسان الحال جان يكول
هيج يصير مــو معقول

غيابك ضايـــكة اكليبي :: مرابي
كـــوم وعالضعن لحضة :: مرابي
اكو صيوان ضل يسعر :: مرة بي
ركضنة نطفي واحتركـــــت ادية

الدرب عنك خذانة بعيد
نريـــــدك والعدو ميريد

الشمر شامــــت يصيح :: ونسبيتي
ويكل للجيش اسمعو :: ون سبيتي
اذكرك وانسة كلشي :: وانسة بيتي
لان جــــــي بيك اعيش تعيش بية

عشت عمري جراح وهم
هموم ومــــو هوة اشتم

الدهر مايوم شفنة :: راحة منة
لمن طــــــاح أملنا :: راح أملنـا
شبقة بعباس منـة :: راح منـــة
جفوف وعين وانة امشي سبية

تطيح الدمعة محتارة
تــــوج بكل كلب نارة

احضنتها وجسمك انت :: #يم_شليلي
واغمض عينهـــــا وعينـــــــك عليــــة

منتظر البنداوي

#دفن_الاجساد

وجهي يبوية المن اديرة
بجفوفي راح ادفن عشيرة
خشبات ماكو بس حصيرة
بلا روس هاي شلون حيرة

الدفان يدفن واحد ثنين
باليوم واني ادفنت سبعين
والدمعة تاهت وسط هالعين
وبجفي المن جسم الحسين

اول جنازة بلا صايح
وحسين يا هالناس رايح
مجروح ابوية وكلبي جارح
الدمعة والخد ريتة طايح

عطشان مات وعاري جسمة
والماي هم شح يوم دفنة
حسين متغسل بدمة
وبيدي ادفنت سبعين زلمة

كل غالي اشمة بنحرة وازيد
وحسين اشوفنة تمدد
فوك الترب نوسد الخد
وحسين بس نحرة توسد

منتظر البنداوي

قصيدة:: ام العباية
الرادود:: عباس الطليباوي
الشاعر::منتظر البنداوي

سوالف يتيمة
الرادود:: سيد مصطفى الموسوي
الشاعر::منتظر البنداوي
الذاكر :: جعفر حامد

ورد والشوك حاوطنة
خيمنة الليل بس النار صبح الجيش
ويطر الفجر دخان
ودريت أعلى الرمح ينشال راس حسين
لازم يعلة كل قرآن
جسمة اندفن كد ماعبر فوكة الخيل
وطحت بالخيمة جي طايح
شذرة حسين صح مدفون بس واضح
ومشهد للرضيع امعاشر عيوني
يريت النظر عكبة اعمة
اندري الغيم مية ايطيح فوك الكاع
بس عبدالله للغيمة صعد دمة
الكاع اتقدست من طاح الحسين
وزينب لو حجت تنعد رواية
اشوف الكاع صفحة بوسط قرآن
وعليها امددة اثمنطعش اية
الفاكد اهلة عينة هواي تحتار
اليشوف الطف لحالة ينوح يعكوب
فوك الرمح شوفي ودمعي بالكاع
وبزينب يمر مرتين الغروب
بالطف سدرة چنة وجيشهم ريح
طاحو هلي ورگة بكل كتر صوب
اذا عالخشب عيسى انصلب مامات
حسين يعيش فوك الرمح مصلوب
ترة السبعين الف عميان بالله
حتى يرد بصرهم باكو الثوب

منتظر البنداوي