نعمل مسابقة للفصل11؟ لاحلى مخطط هاد اصعب فصل حتى دكاترة الجامعة بقولو عنو صعب

نعمل مسابقة للفصل11؟ لاحلى مخطط

هاد اصعب فصل حتى دكاترة الجامعة بقولو عنو صعب

#منطقي
طيب مثلا الطالب يلي عم يداوم بالجامعة وفي فصول طفوها او مشوها عالسريع
وضلت الطلاب شهر وقت التحرير ماتدرس حرف
غير انو طلاب كتير ماقدرت تنزل
غير نفسية الطلاب التعبانة للدراسة
مابدي قول تنلغى التحضيرية لانو مستحيل
يلغوها السنة الجاية مثلا
بس هي السنة لازم يتم مراعاة الطلاب كافة
في طلاب معتمدة عالجامعة ومابدا تشترك بكورسات
لازم يعني يتم التخفيف من ضخامة المنهاج بحذف فصول ما اخدوها من كل مادة
وهالشي دكاترة الجامعة بيعرفو ولازم يساعدوكن فيه

يسعدلي هالصباح ♥️♥️♥️
رح نزللكم برنامج مراجعة المادة للي مخلصها كلها للمادة

وبرنامج دراسة ومراجعة اول مرة
للي مو دارس لهلق المادة

?ملحق البيولوجيا الامتحاني ?
حيكون متوافر قريبا

بيحتوي الملحق لكل فصل على :
كلشي مصطلحات
كلشي اختصارات
كلشي ارقام
اسئلة شائعة
أهم الأفكار
جداول مقارنة
ترتيب أفكار

يعني الملحق فيو كلشي تجميعات ?

بس مانو شامل ابداااااا …اذا بدك تعتمدو مصدر دراسة ع مسؤليتك
الكتاب او النوطة هي الشاملة وفيها شرح لكل شي
و نكشات الرسمات بالنوطة بس مع الشرح

يعني هاد الملحق تجميعات لكل شي بالكتاب بس
بيريحك كتير بالمراجعة بس مالو مصدر دراسة او مراجعة
عم نشتغل عليه هلق وغالبا الاسبوع جاي بينزل اول 6 فصول سوا
وبس ينزل بخبركم

صباح الفل بري10♥️
فيديوهات الفصل 12 صارو عالتطبيق مع اختبار الفصل 12
مدتهن اقل من3 ساعات
فصل طويل وضخم بالمعلومات بس سهلين وفيهن متعة وتشويق

لسى ماخلصنا
لسى في:
فيديوهات ترميم للشغلات يلي تركناها
الفيديوهات الامتحانية لكل الفصول مع نكشات الدكاترة
مايند ماب للفصول 9 و10 و11 و12

الملحق الامتحاني يلي مجمع فيو كل النكشات والارقام والاسماء والمصطلحات ووووالخ ….لسى ماخلص

وفيديو ختامي

المسا بنزللكن فويس عن المرحلة الجاية والمراجعة وتقسيم الوقت وبفهمكم الترتيب ♥️
لازم تخلص البيو اول مادة

طلاب مفاضة الاجانب يلي تأخر
او يلي مابلش دراسة بالمادة

مادة البيو مع الكورس الالكتروني
بتخلص خلال اسبوعين وانت مرتاح
وفيك تضغط حالك وتخلصا ب12 يوم
هو الكورس كلو مابيتعدا ال45 ساعة

ايا فصل تبلش وكيف ترتيب الفصول ??♥️
ترتيب الفصول بالدراسة متل ترتيب الفصول بالخطة C

https://t.me/Dryousefalbardan/7100

ولاتنسى تحل اختبار كل فصل
هاد الاختبار عالتطبيق لكل فصل هو دورات الفصل مو انا كاتبو

نوطة دورات البيولوجيا الجزء التاني صارت عللتطبيق وبالمكتبات
مع انو هي نفسها الاختبارات يلي عالتطبيق بس على شكل pdf

يلي عم يصير من سرقة او تشليح او سطو او تخريب سواء كان من ناس ولاد حرام وهاد الموسم تبعهن او أجندات خارجية تابعة لدول أو ناس غرقانة بالدم لتمها وبدها العالم تصير متلها لأنو ماعندها حل تاني
هاد الشي معم يصير بمحافظة معينة بس
بكل محافظة في هيك وعم يتلاحق

وهاد الشي عم يسبب قلق وانعدام الأمان عند الناس وانا منهن
بس الهيئة عم تلاحقهن ومصارلها اسبوع مستلمة الحكومة الجديدة
بدا تعمل اعادة هيكلة للدولة متخيل شو يعني ؟!
المخلوع هرب وسقط لكن نظامه فاسد
المؤسسات كلها بدا نفض من الفساد يلي تجذر بالبلد

هاد الشي بياخد وقت وبدو تعاون وصبر

انت بتقول ليش ماخلو جهات الأمن وينضفوها بعدين ع رواق
بس هاد الشي اخطر بكتير من يلي عم يصير
اول شي العالم حتعترض انو فلان حرامي مثلا ليش بعدو وحتى لو عنصر صغير

تاني شي هاد نفسو يلي كان متعود يرتشي او يشبح او او ماعاد يعجبو هلق لو عطيتو راتب اعلى لانو يلي كان يسرقو اضعاف هلق

بدها وقت وصبر ♥️

كلشي اخبار على النت بتسببلك مشاكل وقلق وبتعطل حياتك وبس مارح تغير شي ابدا

انا وانت والولد تبع الصف الاول بيعرف انو ماعنا طائفية بينا وربيانين سوا
وكل حدا متورط بهالقصص رح يتلاحق

الشرع هادئ ومتزن وبيعرف شو عم يعمل سواء مع العشائر بالبلد او الدبلوماسيين برا البلد
وهو قال بلسانو بدنا نشيل النظام الفاسد ورح نعمل حكومة متنوعة بعد الانتقالية

ماتضل خايف ومتابع اخبار وكلمة تاخدك وكلمة تجيبك
كلو هاد مارح يغير شي صدقني
اطمن وارتاح وكمل شغلك وتوكل على الله
والله مابضيع تعب او حق حدا لو بعد 100 سنة
بدا صبر …توترك مارح يجيب نتيجة غير تدايق حالك بس ويلي حواليك
مؤسسات متل الكهربا والمي عم تنشغل من الصفر لتصير عندك كهربا 24 ساعة هاد الشي مابيزبط خلال يوم بدو شهر واكتر شوي
تحملنا 14 سنة ماوقفت ع هلق
انا كان فيني سافر من10 سنين لوين مابدي
بس انا مابقدر عيش برا البلد
ومن خوفي ع بلدي واحبابي بقول هالحكي

هي حكومة مؤقتة لتسيير اعمال البلد ورح ترفع البلد لسابع سما باذن الله

انا عندي ثقة كتير كبيرة ومتفائل بالقائمين ع أمن وامان البلد ورح يضبطوها نشالله

خليك هادئ وواعي وكمل شغلك لآخر لحظة
الظروف على الكل والنتيجة هي يلي بتهم
تفائلو بالخير تجدوه ♥️