صباح الفل بري10♥️
فيديوهات الفصل 12 صارو عالتطبيق مع اختبار الفصل 12
مدتهن اقل من3 ساعات
فصل طويل وضخم بالمعلومات بس سهلين وفيهن متعة وتشويق

لسى ماخلصنا
لسى في:
فيديوهات ترميم للشغلات يلي تركناها
الفيديوهات الامتحانية لكل الفصول مع نكشات الدكاترة
مايند ماب للفصول 9 و10 و11 و12

الملحق الامتحاني يلي مجمع فيو كل النكشات والارقام والاسماء والمصطلحات ووووالخ ….لسى ماخلص

وفيديو ختامي

المسا بنزللكن فويس عن المرحلة الجاية والمراجعة وتقسيم الوقت وبفهمكم الترتيب ♥️
لازم تخلص البيو اول مادة

طلاب مفاضة الاجانب يلي تأخر
او يلي مابلش دراسة بالمادة

مادة البيو مع الكورس الالكتروني
بتخلص خلال اسبوعين وانت مرتاح
وفيك تضغط حالك وتخلصا ب12 يوم
هو الكورس كلو مابيتعدا ال45 ساعة

ايا فصل تبلش وكيف ترتيب الفصول 👇🏻♥️
ترتيب الفصول بالدراسة متل ترتيب الفصول بالخطة C

https://t.me/Dryousefalbardan/7100

ولاتنسى تحل اختبار كل فصل
هاد الاختبار عالتطبيق لكل فصل هو دورات الفصل مو انا كاتبو

نوطة دورات البيولوجيا الجزء التاني صارت عللتطبيق وبالمكتبات
مع انو هي نفسها الاختبارات يلي عالتطبيق بس على شكل pdf

يلي عم يصير من سرقة او تشليح او سطو او تخريب سواء كان من ناس ولاد حرام وهاد الموسم تبعهن او أجندات خارجية تابعة لدول أو ناس غرقانة بالدم لتمها وبدها العالم تصير متلها لأنو ماعندها حل تاني
هاد الشي معم يصير بمحافظة معينة بس
بكل محافظة في هيك وعم يتلاحق

وهاد الشي عم يسبب قلق وانعدام الأمان عند الناس وانا منهن
بس الهيئة عم تلاحقهن ومصارلها اسبوع مستلمة الحكومة الجديدة
بدا تعمل اعادة هيكلة للدولة متخيل شو يعني ؟!
المخلوع هرب وسقط لكن نظامه فاسد
المؤسسات كلها بدا نفض من الفساد يلي تجذر بالبلد

هاد الشي بياخد وقت وبدو تعاون وصبر

انت بتقول ليش ماخلو جهات الأمن وينضفوها بعدين ع رواق
بس هاد الشي اخطر بكتير من يلي عم يصير
اول شي العالم حتعترض انو فلان حرامي مثلا ليش بعدو وحتى لو عنصر صغير

تاني شي هاد نفسو يلي كان متعود يرتشي او يشبح او او ماعاد يعجبو هلق لو عطيتو راتب اعلى لانو يلي كان يسرقو اضعاف هلق

بدها وقت وصبر ♥️

كلشي اخبار على النت بتسببلك مشاكل وقلق وبتعطل حياتك وبس مارح تغير شي ابدا

انا وانت والولد تبع الصف الاول بيعرف انو ماعنا طائفية بينا وربيانين سوا
وكل حدا متورط بهالقصص رح يتلاحق

الشرع هادئ ومتزن وبيعرف شو عم يعمل سواء مع العشائر بالبلد او الدبلوماسيين برا البلد
وهو قال بلسانو بدنا نشيل النظام الفاسد ورح نعمل حكومة متنوعة بعد الانتقالية

ماتضل خايف ومتابع اخبار وكلمة تاخدك وكلمة تجيبك
كلو هاد مارح يغير شي صدقني
اطمن وارتاح وكمل شغلك وتوكل على الله
والله مابضيع تعب او حق حدا لو بعد 100 سنة
بدا صبر …توترك مارح يجيب نتيجة غير تدايق حالك بس ويلي حواليك
مؤسسات متل الكهربا والمي عم تنشغل من الصفر لتصير عندك كهربا 24 ساعة هاد الشي مابيزبط خلال يوم بدو شهر واكتر شوي
تحملنا 14 سنة ماوقفت ع هلق
انا كان فيني سافر من10 سنين لوين مابدي
بس انا مابقدر عيش برا البلد
ومن خوفي ع بلدي واحبابي بقول هالحكي

هي حكومة مؤقتة لتسيير اعمال البلد ورح ترفع البلد لسابع سما باذن الله

انا عندي ثقة كتير كبيرة ومتفائل بالقائمين ع أمن وامان البلد ورح يضبطوها نشالله

خليك هادئ وواعي وكمل شغلك لآخر لحظة
الظروف على الكل والنتيجة هي يلي بتهم
تفائلو بالخير تجدوه ♥️

صباح الفل بري 10♥️

🔴فيديوهات الفصل 11 صارو عالتطبيق مع الاختبار
مدتهن 3 ساعات الا شوي
انا حاطلك يومين عالخطة الهن بس فيك تخلصو بيوم وتحل الاختبار كمان

((مو يجي واحد يقلي يعني لوين ادرس اليوم🤪))

🔴تقييم الصعوبة :

الفصل مافي فصل بيتقارن بصعوبته
بدو كتير فهم وحفظ وتركيز واعادة

مفتاح الفصل : ❗️❗️❗️❗️❗️
اول الفصل سهل كتير بس توصل للمستقبلات

بتفهم المخطط يلي بشرحو ع اللوح

وبتكتب ع دفترك نفس المخطط يلي بشرحو

وبتحفظ بصم متل اسمك هالشغلات
((كل سبيل اشاري شو الاشارة -شو نوع المستقبل -بأي نسيج عم نحكي ))

هدول متل اسمك بصم هيك ختمت الدرس
و المخطط تبع السبيل بتتذكرو فورا

بالتوفيق يارب 🙏 ♥️♥️

يسعدلي هالمسا بري 10 ♥️
ماقدرت نزل الاتمتات اليوم لل9 و10 لبكرا
حاليا رجع الدوام ولازم ترجع همتك متل قبل واكتر ويكون عندك شغف لهاد الشي
لانو هلق باذن الله رح يكون الك مستقبل مو متل قبل ابدا
فلهيك خلي عندك امل
تفائلو بالخير تجدوه
خلي النية صافية

وهاد الشي يلي بحددو بصراحة هو طبيعة الشعب وأخلاقه يلي بتنعكس على الحكام
((كما تكونو يولى عليكم))

لهيك الفترة الجاية بدها كتير تعاون مع بعض ومع الجهات الأمنية
مثلا
انا مافتحت الغروب لهلق ليهدا الوضع حتى مايصير في حكي طائفي متل ماصار بكل الغروبات وتتخانقو مع بعض وانتو ارقى شي عأساس …بصراحة هاد الحكي بيرجعنا لأسوء من قبل
ولهيك اي حدا بيزعك صور الحكي وابعتو للجهات المختصة

جارك معو اسلحة خبر عنو انت مالك سئ خبرت عنو …انت حميت ارواح ناس ابرياء وانت بطل
شفت فلان سرق او خرب خبر عنو فورا
ومنتمنى القيادة الجديدة تتعامل بحزم مع الموضوع يلي بخص أمن وامان البلد ونشالله رح يكون هيك ♥️♥️

شدولي الهمة الاربعاء هاد رح يكون الفصل11 اروع واجمل فصل💚✌🏼

بري10♥️
الاسبوع القادم نشالله بيرجع الدوام
ضل فصلين مانزلتن انا بالمادة
يلي مقصر عن يلي نزلتن يرمم نقصه
ونشالله بنزل هالفصلين الاسبوع القادم وبنخلص المادة
بيضل فيديوهات امتحانية ونكشات المدرجات وتجميعات باسبوعين المادة
وقتا بتكون عم تراجع وهدول صغار كتير عالماشي يعني لتنتبه المهم تكون مخلص الكورس

ونشالله رح يكون في تسهيلات ومراعاة لجميع الطلاب مشان الفحص والمواد
بس انت اعمل يلي عليك لاتتكل ع حدا♥️

يسعدلي مساكم جميعا بري 10♥️♥️

🔴حاليا عطلة ومافي شي غير ترتاح
وكونو ماعاد في غش بالبكالوريا نشالله وتحويل نص الطلاب للجامعة الخاصة لازم يلغوها للتحضيري
بس هي السنة صعب جدا لكتير اسباب
فلهيك غالبا يتأجل الفحص او يصير حذف ويصير كتير تسهيلات نشالله
فنحنا منستنى شو بصير
والامور حتكون منيحة نشالله ولصالحكم اكيد

🔴وكمان بدي قول شغلة انو اجباري بهالفترة بصير فوضى وعدم استقرار بس باذن الله حنكون احسن ايد بايد

وهاد كلو بسبب الحشرة يلي كان غاسل الادمغة لاخر ثانية
كان فيه للساقط انو يتنحى ويضل النظام وكلو ع حالو
واذا خايف ع حالو ينقلع عالقليلة يصور فيديو تنحي
بس هو بدو هيك
بدو ينتقم منا
وعرفان رح يصير فوضى من زمان
وبدو يفرجي العالم انو نحنا شعب حرامية همجيين وطائفيين وحرامية ومندبح بعض
بدو يفرجي طائفتو انو نحنا حننتقم منهن وننبذن يعني يكمل المسلسل تبعو عليهن

وهو معو ورقة بتأمن خروجه بأمان من خلال تعاونه مع اسرائيل وعاطيهن كلشي احداثيات ومرتب كلشي معهن
كان في مايصير كل هاد بس مشان يفرجيهن انو هو حامي الحما
وانو هي الناس بدا قبضة من حديد ومعو حق
هو هيك مخطط

بس نحنا رح نكون واعييين ونفشل خططه
رح نكون جنب بعض ونوقف كلنا سوا لنعمر هالبلد
بلاها الطائفية
او انك تلوم الفصائل يلي ماقصرت ابدا
او انو يعني تفكر انو فيك تعمل كلشي ويلي بدك ياه لانو فوضى هلق
الك بحالك بس
بلد طالعة من حرب ومسروقة ومنهوبة بدا كتير شغل
ورح تزبط نشالله ونصير احسن بلد بالمنطقة باذن الله

الله يحميكم جميعا💚💚
بحبكم♥️

النوطة جزء 3 متوافرة بالمكتبات
ونزلت الفصلين 9 و10 تلغرام
واليوم المسا بنزلا كلا عالتطبيق
الفترة الجاية بتركز عالفيزيا والكيميا والبيو
مواد الدعم النفسي لتخلص من هالجبال التلاته